بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ نەپالدىڭ زۇڭتۇڭى بانداريمەن تەلەفوندا سويلەستى

2021.05.27 13:50     كەلۋ قاينارى : حالىق تورابى

  شينحۋا اگەنتتىگى، 5 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 26 - كۇنى نەپالدىڭ زۇڭتۇڭى بانداريمەن تەلەفوندا سويلەستى.

  شي جينپيڭ مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن نەپال ءبىر - ءبىرىنىڭ ىندەتكە قارسى اتتانۋ قۇلشىنىسىن باتىل قولداپ، ىندەتكە قارسى اتتانۋ سەلبەستىگىن ىشكەرىلەي ورىستەتىپ، ءوزارا كومەكتەسۋ، تار جول، تايعاق كەشۋلەردەن بىرگە ءوتۋ رۋحىن ايگىلەدى. تاياۋدا وڭتۇستىك ازيادا ىندەت قايتادان ءورشىدى، نەپال دا قاتاڭ سايىسقا ءدوپ كەلدى. جۇڭگونىڭ ورتالىق ۇكىمەتى مەن جەرگىلىكتى ۇكىمەتى، سونداي - اق حالىقتىق قۇرىلىمدارى دەرەۋ جۇمىلىپ، نەپالدى شۇعىل قاجەتتى ەمدەۋ بۇيىمدارىمەن، زاتتىق بۇيىمدارمەن جانە ۆاكسينامەن قامداپ، ىندەتتەن ساقتانۋ - تىزگىندەۋ جانە ەمدەۋ تاجىريبەلەرىن نەپالمەن ءبولىستى. جۇڭگو نەپالدىڭ ىندەتكە قارسى اتتانۋىنا شاماسىنىڭ جەتىسىنشە قولداۋ كورسەتەدى، نەپال حالقىنىڭ، ءسوز جوق، ىندەتتىڭ ەڭ سوڭعى جەڭىسىنە قول جەتكىزەتىنىنە سەنەدى.

  شي جينپيڭ مىنالاردى دارىپتەدى: بىلتىر 12 - ايدا زۇڭتۇڭ حانىم ەكەۋىمىز چومالاڭما شىڭىنىڭ ەڭ جاڭا بيىكتىگىن جاريالادىق. جۇڭگو جۇڭگو - نەپال قاتىناسىنىڭ دامۋىنا ايرىقشا ءمان بەرەدى، نەپالمەن جۇڭگونىڭ دامۋ ورايىنان بىرگە يگىلىكتەنىپ، «ءبىر بەلدەۋ، ءبىر جولدى» بىرگە قۇرۋدى جەدەلدەتىپ، گيمالاي اتتاعان سترەولدى ءوزارا بايلانىس تورى قۇرىلىسىن ورنىقتى ىلگەرىلەتىپ، ەكى ەلدىڭ دامۋ مەن گۇلدەنۋگە بەت العان، ۇرپاقتان - ۇرپاققا جالعاسقان ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.

  شي جينپيڭ مىنالاردى دارىپتەدى: بيىل − جۇڭگونىڭ ب م ۇ - داعى زاڭدى ورنىن قالپىنا كەلتىرگەنىنىڭ 50 جىلدىعى، جۇڭگو نەپالدىڭ جۇڭگوعا بەرگەن قاستەرلى قولداۋىن ۇمىتپايدى، نەپالدىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن بۇرىنعىداي قولدايدى، نەپال حالقىنىڭ دامۋ جولىن دەربەس تاڭداۋىنا قۇرمەت ەتەدى، نەپالدىڭ ەكونوميكالىق، قوعامدىق دامۋىن قولدايدى. جۇڭگو نەپالمەن كوپ جاقتى سەلبەستىكتى جانە سايكەسۋدى نىعايتىپ، كوپ جاقتىلىقتا تاباندى بولىپ، قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.

  بانداري نەپال ۇكىمەتى مەن حالقى اتىنان جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتاپ، مىنانى ءبىلدىردى: جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو ەكونوميكالىق، قوعامدىق دامۋ، اسىرەسە، كەدەيلىكتەن ارىلتۋ، سىرتقى كەڭىستىكتى بارلاۋ سياقتى جاقتاردا دۇنيەنى جالت قاراتقان ۇلى تابىستارعا قول جەتكىزدى، جۇڭگو كوممۋنيستىك پارتياسىنىڭ باسشىلىعىندا جۇڭگونىڭ بەيبىت دامۋ جولىندا ۇزدىكسىز اناعۇرلىم زور تابىستارعا قول جەتكىزەتىنىنە سەنەمىن. نەپال مەن جۇڭگو − ۇرپاقتان - ۇرپاققا جالعاسقان دوس ستراتەگيالىق سەرىكتەر، نەپال جۇڭگومەن قاتىناسىنا ايرىقشا ءمان بەرەدى، ءبىر جۇڭگو ساياساتىن باتىل اتقارادى، جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن باتىل قولدايدى، ءارقانداي كۇشتىڭ نەپال تەريتورياسىنان پايدالانىپ جۇڭگوعا قارسى ءارقانداي قيمىل جۇرگىزۋىنە استە جول بەرمەيدى. نەپال جۇڭگونىڭ نەپالدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كورسەتكەن قاستەرلى قولداۋى مەن كومەگىنە العىس ايتادى، جۇڭگو العا قويعان ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ ۇستانىمىن ايرىقشا القايدى، جۇڭگومەن بىرگە ءتوراعا شي جينپيڭنىڭ نەپالداعى مەملەكەتتىك ساپارىندا قول جەتكىزگەن ماڭىزدى جەتىستىكتەرىن مۇقيات تياناقتاندىرىپ، نەپال - جۇڭگو قاتىناسىنىڭ ۇزدىكسىز العا دامۋىن ىلگەرىلەتىپ، ەكى ەلدىڭ بىرگە دامۋى مەن باياندى گۇلدەنۋىن جۇزەگە اسىرۋىنا دەم بەرۋدى قالايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار