بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ چەرنوگوريانىڭ زۇڭتۇڭى جيۋكانوۆيچپەن تەلەفوندا سويلەستى

2021.05.27 14:08     كەلۋ قاينارى : حالىق تورابى

  شينحۋا اگەنتتىگى، 5 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 26 - كۇنى چەرنوگوريانىڭ زۇڭتۇڭى جيۋكانوۆيچپەن تەلەفوندا سويلەستى.

  شي جينپيڭ مىنالاردى اتاپ كورسەتتى: جۇڭگو چەرنوگوريامەن ديپلوماتيالىق قاتىناس ورناتقاننان بەرى ەكى جاق باستان - اياق جوعارى دەڭگەيدەگى ساياسي سەنىمدىلىكتى جالعاستىرىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا قولداۋ كورسەتتى، «ءبىر بەلدەۋ، ءبىر جولدى» بىرگە قۇرۋ جانە جۇڭگو - ورتا، شىعىس ەۆروپا ەلدەرى سەلبەستىگى سياقتى مەحانيزمدەردىڭ جەتەكشىلىگىندە، ەكى ەلدىڭ قاتىناس نەگىزدىك قۇرىلعى قۇرىلىسى، ەنەرگيا سياقتى ءتۇيىندى سالالارداعى سەلبەستىك جەتىستىكتەرى كورنەكتى بولدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ەكى جاق ءوزارا قولداۋ كورسەتىپ، ىندەتتەن ساقتانۋ - تىزگىندەۋ، جۇمىستى، ءوندىرىستى قالپىنا كەلتىرۋ جاقتارىندا تاماشا سەلبەستىك ورىستەتتى. جۇڭگو چەرنوگوريانىڭ ىندەتكە قارسى اتتانۋىنا شاماسىنىڭ جەتىسىنشە ۇزدىكسىز قولداۋ كورسەتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە پەيىل.


  شي جينپيڭ مىنالاردى دارىپتەدى: 100 جىلدىق وزگەرىس جاعدايى مەن عاسىرلىق ىندەت الدىندا جۇڭگو چەرنوگوريامەن دوستىق سۇيىسپەنشىلىكتى جالعاستىرىپ، ساياسي سەنىمدىلىكتى بەكەمدەپ، نەگىزدىك قۇرىلعى قۇرىلىسى سياقتى سالالارداعى ناقتى سەلبەستىكتى ۇزدىكسىز تەرەڭدەتىپ، ەكى ەل قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى. ەكى جاق كوپ جاقتى ىستەردە تىعىز سايكەسىپ، حالىقارالىق ادىلدىك پەن ادىلەتتىلىكتى بىرگە قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش سالۋى كەرەك.

  شي جينپيڭ مىنالاردى دارىپتەدى: تاياۋدا وتكىزىلگەن جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋى كەزىندە مەن زۇڭتۇڭ مىرزامەن، سونداي - اق ماجىلىسكە قاتىناسقان باسشىلارمەن كەڭ كولەمدى ورتاق تانىمعا كەلىپ، سەلبەستىك مەحانيزمىنىڭ دامۋى ءۇشىن ماڭىزدى جوبا جاسادىق. بيىل − «جۇڭگو - ورتا، شىعىس ەۆروپا ەلدەرى سەلبەستىگىنىڭ جاسىل دامۋ جانە قورشاعان ورتانى قورعاۋ جىلى»، جۇڭگو چەرنوگوريانىڭ جۇڭگو - ورتا، شىعىس ەۆروپا ەلدەرى قورشاعان ورتانى قورعاۋ سەلبەستىك مەحانيزمىندەگى باستاماشى ەل رەتىندە بەلسەندى رول اتقارۋىن قولدايدى، چەرنوگوريامەن بىرگە باسشىلار باس قوسۋىنىڭ ورتاق تانىمى مەن جەتىستىكتەرىن ويداعىداي تياناقتاندىرىپ، جۇڭگو - ورتا، شىعىس ەۆروپا ەلدەرى سەلبەستىگىنىڭ ۇزدىكسىز بەكەمدەلۋىن جانە دامۋىن ىلگەرىلەتۋدى قالايدى.

  جيۋكانوۆيچ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتاپ، مىنانى ءبىلدىردى: ءتوراعا شي جينپيڭنىڭ پارمەندى باسشىلىعىندا جۇڭگو دامۋدا ۇلى تابىستارعا قول جەتكىزدى، جۇڭگو كوممۋنيستىك پارتياسىنىڭ باسشىلىعىندا جۇڭگونىڭ، ءسوز جوق، تىڭ دا اناعۇرلىم زور تابىستارعا قول جەتكىزەتىنىنە سەنەمىن. چەرنوگوريا، جۇڭگو ەكى ەلدىڭ دوستىعى تەرەڭ، ناعىز جانە شىنايى جاقسى دوستار. چەرنوگوريا جۇڭگونىڭ ۇلكەن - كىشى ەلدەردىڭ تەرەزەسى تەڭ بولۋ پرينسيبىن باستان - اياق ۇستانىپ كەلگەنىن القايدى، جۇڭگونىڭ ءار ەلدىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىنا قۇرمەت ەتكەنىن القايدى، جۇڭگونىڭ چەرنوگوريانىڭ ەكونوميكالىق، قوعامدىق دامۋىنا، سونداي - اق جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى قولداۋ كورسەتكەنىنە العىس ايتادى. «ءبىر بەلدەۋ، ءبىر جولدى» بىرگە قۇرۋ جانە ورتا، شىعىس ەۆروپا ەلدەرى - جۇڭگو سەلبەستىك مەحانيزمى چەرنوگوريا سياقتى وڭىردەگى ەلدەردىڭ دامۋىنا ماڭىزدى وراي جانە ناقتى پايدا جەتكىزدى. چەرنوگوريا جۇڭگومەن نەگىزدىك قۇرىلعى، ەكونوميكا - ساۋدا، وقۋ - اعارتۋ، مادەنيەت، ساياحات سياقتى سالالارداعى سەلبەستىكتى ۇزدىكسىز ىلگەرىلەتۋدى قالايدى، ءتىپتى دە كوپ جۇڭگو كاسىپورىندارىنىڭ چەرنوگورياعا كەلىپ قارجى قوسۋ سەلبەستىگىن ورىستەتۋىن قارسى الامىز. چەرنوگوريا ورتا، شىعىس ەۆروپا ەلدەرى - جۇڭگو سەلبەستىگىنىڭ ىشكەرىلەي دامۋىنا ۇزدىكسىز بەلسەنە ات سالىسۋدى جانە ونى باتىل ىلگەرىلەتۋدى، كوپ جاقتىلىقتى باتىل قورعاۋدى قالايدى. مەن چەرنوگوريا مەن جۇڭگونىڭ جانە ورتا، شىعىس ەۆروپا ەلدەرى مەن جۇڭگونىڭ بولاشاق سەلبەستىگىنىڭ اناعۇرلىم قارىشتاپ داميتىنىنا كامىل سەنەمىن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار