لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ قيىنشىلىق قىسپاعىنان قۇتىلۋىنا جانە دامۋىنا اناعۇرلىم قولداۋ كورسەتۋدى ورنالاستىرىپ، اۋىل – قىستاق مىندەتتى وقۋ – اعارتۋىنىڭ ءالسىز بۋىندارىن كۇشەيتۋ شارالارىن بەلگىلەدى
2021.05.27 14:14 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 26 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 5 - ايدىڭ 26 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ قيىنشىلىق قىسپاعىنان قۇتىلۋىنا جانە دامۋىنا اناعۇرلىم قولداۋ كورسەتۋدى ورنالاستىرىپ، اۋىل – قىستاق مىندەتتى وقۋ – اعارتۋىنىڭ ءالسىز بۋىندارىن كۇشەيتۋ شارالارىن بەلگىلەدى.
ءماجىلىس مىنالاردى اتاپ كورسەتتى: مولشەرى كوپ، كولەمى كەڭ شاعىن، ۇساق كاسىپورىندار جانە جەكەشە ونەركاسىپشىلەر مەن ساۋداگەرلەر − ەلىمىز ەكونوميكاسىنىڭ سەرپىمدىلىگىنىڭ، جۇمىستاندىرۋداعى سەرپىمدىلىكتىڭ ماڭىزدى تىرەگى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، تاياۋ جىلداردان بەرى ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن ءۇرتىس ىلگەرىلەتۋ ارقىلى، اسىرەسە، وتكەن جىلى ءبىرقىدىرۋ جالپىعا ءتيىمدى كومەك بەرۋ ساياساتىن اتقارۋ ارقىلى شاعىن، ۇساق كاسىپورىنداردىڭ جانە جەكەشە ونەركاسىپشىلەر مەن ساۋداگەرلەردىڭ دامۋى پارمەندى جەبەلدى. 4 - ايدىڭ سوڭىنا دەيىن بۇكىل ەلدەگى شاعىن، ۇساق كاسىپورىنداردىڭ جالپى سانى 44 ميلليوننان، جەكەشە ونەركاسىپشىلەر مەن ساۋداگەرلەر 95 ميلليوننان اسىپ، ەلىمىزدەگى جۇمىستاندىرۋدىڭ نەگىزگى كۇشىنە اينالدى. قازىر ەل ءىشى - سىرتىنداعى ورتا كۇردەلى دە اۋىر، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ ءوندىرىس - تيجاراتى ءالى دە قيىنشىلىققا ءدوپ كەلىپ وتىر، سوندىقتان باعىتتامالى قولداۋدى ۇزدىكسىز كۇشەيتۋ كەرەك. ءبىرىنشى، «التىنى ورنىقتىرۋ»، «التىنى قامتاماسىز ەتۋ» ساياساتىن اناعۇرلىم تياناقتاندىرىپ، قاجەتتى قولداۋ سەرپىنىن جالعاستىرۋ كەرەك. سالىقتى ازايتۋ، اقىنى تومەندەتۋ شارالارىن تياناقتاندىرۋ كەرەك. شاعىن، ۇساق كاسىپورىندار، جەكەشە ونەركاسىپشىلەر مەن ساۋداگەرلەر سياقتىلارعا قاراتىلعان جالپىعا ءتيىمدى فينانس تەبىنىن ارتتىرىپ، سەنىمدىلىك قارىز اقشاسى، العاشقى قارىز اقشا، ورتا، ۇزاق مەرزىمدى قارىز اقشا، باسىن قايتارماي ءۇرتىس الاتىن قارىز اقشا كاسىبىنىڭ كولەمىن كەڭەيتۋگە جەتەكشىلىك ەتىپ، قارىز اقشانى قالاعان ۋاقىتتا الىپ، قالاعان ۋاقىتتا قايتارۋ شاراسىن جالپىلاستىرۋ كەرەك. زەرتتەۋ ارقىلى ساۋدا پەرەۆود چەگىن ناقتىلاندىرۋدىڭ مەرزىم شەگىن ءبىر جىلدان 6 ايعا قىسقارىپ، كاسىپورىنداردىڭ اقشا يەلەپ تۇرۋ قىسىمىن جەڭىلدەتۋ كەرەك. ەكىنشى، كوپ ءتۇرلى شارانى قاتار قولدانىپ، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ جوعارعى جەلىدەگى شيكىزات باعاسىنىڭ جوعارىلاۋ ىقپالىنا توتەپ بەرۋىنە كومەكتەسۋ كەرەك. ءىرى كاسىپورىنداردىڭ ءتۇيىندى كاسىپ تىزبەگىندەگى قامداۋ مەن قاجەتسىنۋدى ۇشتاستىرۋ تەكشەسىن قۇرۋىنا قولداۋ كورسەتىپ، بازارلاندىرۋ ءادىسى ارقىلى قامداۋ تىزبەگىنىڭ جوعارعى، تومەنگى جەلىلەرىندەگى شيكىزاتپەن قامداۋدى ورنىقتىرۋعا جانە ءوندىرۋ مەن ساتۋدى سايكەستىرۋگە جەتەكشىلىك ەتىپ، قامداۋعا كەپىلدىك ەتۋدى، باعانى ورنىقتىرۋدى ويداعىداي ىستەۋ كەرەك. تاۋاردى باسىپ قويۋ، باعانى دۇرمەكپەن جوعارىلاتۋ سياقتى ارەكەتتەرگە سوققى بەرۋ كەرەك. جەر - جەردىڭ بەلگىلەمە بويىنشا شاعىن، ۇساق كاسىپورىندارعا، جەكەشە ونەركاسىپشىلەر مەن ساۋداگەرلەرگە جۇمىس ورنىن ورنىقتىرۋ، جۇمىستاندىرۋ قوسىمشا قاراجاتىن بەرۋىنە قولداۋ كورسەتۋ كەرەك. تەكشەلەردىڭ اقى الۋ، پايدا ۇلەسىن الۋ جانە جاڭا الارمانداردان دەلدالدىق اقشاسى مەن تانىستىرۋ قاراجاتىن الۋ سالىستىرماسىن تىم جوعارىلاتىپ جىبەرمەۋىنە، تومەندەتۋىنە قۋزاۋشىلىق ەتۋ جانە جەتەكشىلىك ەتۋ كەرەك. ءۇشىنشى، ءادىل باقىلاۋ - باسقارۋدى كۇشەيتۋ كەرەك. ءادىل باسەكەنى تەكسەرۋ ءتۇزىمىن قاتاڭ تياناقتاندىرىپ، ءتۇرلى بازار تۇلعالارىنا بىردەي قاراپ، ءتۇرلى بازار تۇلعالارىنىڭ بازار شارۋاشىلىعى قيمىلىنا قاتىناسۋىنداعى كەمسىتۋ، كەدەرگىلىك جاساۋ ساياساتتارى مەن زاڭ - ەرەجەلەرىن اداقتاۋ، كۇشىنەن قالدىرۋ كەرەك. مونوپوليالاۋعا قارسى تۇرۋ، ورىنسىز باسەكەگە قارسى تۇرۋ زاڭىن اتقارۋدى ىشكەرىلەي ىلگەرىلەتىپ، ابزال ورىنعا يە كاسىپورىنداردىڭ بازار ۇلەسىن يەلەۋ ءۇشىن جات نيەتپەن قوسىمشا قاراجات بەرۋ، تومەن باعادا توپەلەپ ساتۋ سياقتى ارەكەتتەرىن زاڭ بويىنشا تەكسەرىپ ءبىر جاقتى ەتۋ كەرەك. ءار تۇردەگى الباتى اقى الۋ، بەتالدى ايىپ سالۋ ارەكەتتەرىن جونگە سالۋ كەرەك. سونىمەن بىرگە، نەگىزدىك قامتاماسىزداندىرۋدىڭ ەڭ تومەنگى شەگىن ويداعىداي ىستەپ، جەكەشە ونەركاسىپشىلەر مەن ساۋداگەرلەردىڭ جانە يكەمدى جۇمىستانۋشىلاردىڭ قوعامدىق قامسىزداندىرۋعا قاتىناسۋىن ىلگەرىلەتىپ، جۇمىستانعان جەردە قامسىزداندىرۋعا قاتىناسۋداعى نوپوس شەكتەمەسىن ەركىنە قويا بەرىپ، يكەمدى جۇمىستانعانداردى جۇمىس ۇستىندە جارالانۋ قامسىزداندىرۋى كولەمىنە ەنگىزۋ جونىندە ىزدەنىس جاساۋ كەرەك.
ءماجىلىس مىنالاردى اتاپ كورسەتتى: مىندەتتى وقۋ - اعارتۋ − ءاربىر وتباسىعا قاتىستى ەڭ ۇلكەن الەۋمەتتىك ءونىم، ۇكىمەتتىڭ نەگىزگى مىندەتى. «ەكىنى ازايتۋ» شاراسىن تياناقتاندىرىپ، مىندەتتى وقۋ - اعارتۋدىڭ وقىتۋ دەڭگەيى مەن ساپاسىن جوعارىلاتىپ، مىندەتتى وقۋ - اعارتۋدىڭ بىركەلكى دامۋىن ىلگەرىلەتۋ كەرەك. اۋىل - قىستاق مىندەتتى وقۋ - اعارتۋىنىڭ ءالسىز بۋىندارىن كۇشەيتۋ سىندى جالپى جاعدايعا ساياتىن ءتۇيىندى كورنەكتىلەندىرىپ، ۇتىمدى شارالار قولدانىپ، قالا مەن اۋىلدىڭ، وڭىرلەردىڭ پارقىن ازايتىپ، وقۋ - اعارتۋدىڭ ادىلدىگىن جەبەۋ كەرەك. ءبىرىنشى، اۋىل - قىستاق مىندەتتى وقۋ - اعارتۋ وقىتۋشىلار قوسىنى قۇرىلىسىن كۇشەيتۋ كەرەك. مىندەتتى وقۋ - اعارتۋ ساتىسىنداعى وقىتۋشىلاردىڭ كىرىسىن قامتاماسىز ەتۋدى زاڭ بويىنشا كۇشەيتىپ، وقىتۋشىلاردىڭ نەگىزگى تۇرعىن ءۇيىن ءتۇرلى جولدارمەن ويداعىداي شەشىپ، شەكارا، شالعاي، جاپالى وڭىرلەردەگى اۋىل - قىستاق مەكتەپتەرىندەگى وقىتۋشىلارعا ۋاقىتتىق جاتاق سالۋ كەرەك. ىستەي ءجۇرىپ تاربيەلەۋگە قاتىناسۋ، وقۋ تاريحى تاربيەسى سەرپىنىن ارتتىرىپ، مىندەتتى وقۋ - اعارتۋ ساتىسىنداعى وقىتۋشىلاردىڭ ساپاسىن جوعارىلاتۋ كەرەك. كاسىپتىك اتاق باعالاۋ سياقتىلاردا ورتا، باتىس بولەكتەگى اۋىل - قىستاق وقىتۋشىلارىنا بەيىمدەلۋ كەرەك. ەكىنشى، اۋىل - قىستاقتىڭ نەگىزگى وقىتۋ شارت - جاعدايىن ۇزدىكسىز جاقسارتىپ، اۋىل - قىستاق مەكتەپتەرىنىڭ ساباقحانا، جاتاق، اسحانا سياقتى قۇرىلعىلار قۇرىلىسىن جەرگىلىكتى جاعدايعا قاراي كۇشەيتۋ كەرەك. توراپ قۇرىلعىلارىن جاقسارتىپ، ساپالى وقۋ - اعارتۋ بايلىعىن اشىق ۇستاۋدى، ورتاق يگىلىكتەنۋدى جەبەۋ كەرەك. ءۇشىنشى، قاراجاتپەن قامتاماسىز ەتۋدى كۇشەيتۋ كەرەك. ورتالىق قازىنا بيىل 30 ميلليارد يۋان كومەك قارجى ورنالاستىرىپ، ورتا، باتىس بولەك پەن شىعىس بولەكتەگى ءىشىنارا قيىنشىلىعى بار رايونداردىڭ مىندەتتى وقۋ - اعارتۋىنىڭ دامۋىن ءتۇيىندى تۇردە قولدايدى. ولكە دارەجەلى ورىندار ءبىر تۇتاس جوسپارلاۋ تەبىنىن ارتتىرىپ، دامىماعان رايونداردىڭ، ۇلتتىق رايونداردىڭ، شەكارا رايونداردىڭ، بايىرعى توڭكەرىستىك رايونداردىڭ مىندەتتى وقۋ - اعارتۋىن قولداۋدى كۇشەيتۋى كەرەك.
ءماجىلىس تاعى باسقا ىستەردى اقىلداستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
