«ورەندەردى قورعايتىن» ەكى زاڭ «1 – ماۋسىمنان» باستاپ اتقارىلادى
2021.05.28 14:22 كەلۋ قاينارى : حالىق تورابى
حالىق تورابىنىڭ ءتىلشىسى لي ناننان 5 – ايدىڭ 27 – كۇنى بەيجيڭنەن حابارلايدى. بيىل «1 – ماۋسىم» مەرەكەسىندە جاڭادان وزگەرىس ەنگىزىلگەن ازامات جاسىنا تولماعانداردى قورعاۋ زاڭى مەن ازامات جاسىنا تولماعانداردىڭ قىلمىس وتكىزۋىنەن ساقتانۋ زاڭى رەسمي اتقارىلادى. 5 – ايدىڭ 26 – كۇنى مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى قوعامدىق زاڭ كەڭسەسىنىڭ مەڭگەرۋشىسى گو لينماۋ اقپارات قۇرالدارىنىڭ شوعىرلى سۇحباتىن قابىلداعان كەزدە، بۇل شارانىڭ بۇكىل ەلىمىزدەگى ازامات جاسىنا تولماعاندارعا بەرىلگەن ۇلكەن سي ەكەنىن ايتتى.
«بالالاردىڭ پىكىرىن تولىق تىڭداۋ كەرەك» تەك ايتا سالعان ءسوز بولىپ قالماۋ كەرەك
بۇل رەت وزگەرىس ەنگىزىلگەن ازامات جاسىنا تولماعانداردى قورعاۋ زاڭىنىڭ جالپى ەرەجەسىندە ازامات جاسىنا تولماعاندارعا قاتىستى ىستەردى ءبىرجاقتى ەتۋ بەلگىلى تالاپتارعا سايكەس جۇرگىزىلۋى كەرەك دەپ ايقىن بەلگىلەنگەن، مۇندا «ازامات قاسىنا تولماعانداردىڭ پىكىرىن تىڭداۋ» قامتىلعان. بۇل پرينسيپتىك تالاپ باسقا ءارقايسى تارماقتاردا تۇگەلدەي ناقتى بەينەلەنگەن، باستىسى وتباسىندا قورعاۋ، اتا – اناسى مەن باسقا قامقورشىلارىنىڭ قامقورلىق ەتۋ جاۋاپكەرشىلىگىن اتقارۋى جاقتارىندا ايگىلەنگەن. گو لينماۋدىڭ تانىستىرۋىنشا، ازامات جاسىنا تولماعاندارعا قاتىستى كوپتەگەن ىستەردە، قامقورشىلارى ازامات جاسىنا تولماعانداردىڭ ۇقىق – مۇددەسىنە قاتىستى بەكىم جاساۋدان بۇرىن، ازامات جاسىنا تولمانداردىڭ پىكىرىن تىڭداۋى، ولاردىڭ شىنايى قالاۋىن تولىق تىڭداۋى كەرەك.
مەكتەپ سىرتىنداعى كۋرستارعا قاتىستى بىلىققان جاعدايدى جونگە سالۋعا كوپ تاراۋ جان – جاقتىلى شارالاردى قولدانادى
جۋىرداعى جىلداردان بەرى، مەكتەپ سىرتىنداعى كۋرستەرگە قاتىستى بىلىققان جاعداي قوعامنىڭ ءار سالاسىنداعىلار نازار اۋداراتىن ءتۇيىندى دە قيىن ماسەلەگە اينالدى، بۇل ماسەلەنى قالاي شەشىم ەتۋ كەرەك؟ وسى جونىندە زاڭ قىزمەتى كوميتەتى بىلاي دەپ قارادى: ازامات جاسىنا تولماعانداردى قورعاۋ زاڭىنداعى كەيبىر بەلگىلەمەلەر، مىسالى، «مەكتەپتىڭ زاڭدا بەلگىلەنگەن مەرەكەلىك دەمالىستاردى، دەمالىس كۇندەرىن جانە قىسقى - جازعى كانيكۋلدى يەلەپ الىپ، مىندەتتى وقۋ – اعارتۋ كەزەڭىندەگى ازامات جاسىنا تولماعاندارعا شوعىرلى تۇردە ساباق تولىقتاۋدى ۇيىمداستىرۋىنا، ولاردىڭ ۇيرەنۋ اۋىرتپالىعىن ارتتىرۋىنا بولمايدى»، «بالالار باقشالارى مەن مەكتەپ سىرتىنداعى كۋرس قۇرىلىمدارىنىڭ وقۋعا ءتۇسۋ الدىنداعى ازامات جاسىنا تولماعاندارعا باستاۋىش مەكتەپتىڭ ساباعىن وتۋىنە بولمايدى»، «مەكتەپتەر مەن بالالار باقشالارىنىڭ مەكتەپ سىرتىنداعى كۋرس قۇرىلىمدارىمەن سەلبەسىپ، ازامات جاسىنا تولماعاندارعا اقىلى تۇردە ساباققا جەتەكشىلىك ەتۋدى ورىستەتۋىنە بولمايدى». بۇل زاڭ بەلگىلەمەلەرى مەكتەپ سىرتىنداعى كۋرستەردى جۇيەگە تۇسىرۋگە جانە جونگە سالۋعا بەلگىلى زاڭدىق تىرەك ازىرلەدى.
قازىر مەكتەپ سىرتىنداعى كۋرس قۇرىلىمدارىنا قاتىستى بىلىققان جاعدايدى جونگە سالۋ شىنىمەن قاجەتتى، مەكتەپ سىرتىنداعى كۋرس قۇرىلىمدارى بەينە وقۋ – اعارتۋدىڭ ەكىنشى جۇيەسى سياقتى، بۇل «مەكتەپ ىشىندە ۇيرەنبەگەندى مەكتەپ سىرتىندا ۇيرەنۋ، مەكتەپ ىشىندە ۇيرەتپەگەندى مەكتەپ سىرتىندا ۇيرەتۋ» جاعدايىن تۋدىرىپ، اسىلىندە مەكتەپتە ورىنداۋعا ءتيىستى مىندەتتى وقۋ – اعارتۋ مىندەتىن ءتۇرى وزگەرگەن فورمادا وتباسى مەن قوعامعا اۋدارىپ، مەملەكەت مەن حالىقتىق وقۋ – اعارتۋ جۇيەسىنە ءبىرشاما زور سوققى بولدى، سونىمەن بىرگە، ازامات جاسىنا تولماعانداردىڭ اۋىرتپالىعىن ارتتىرىپ، ازامات جاسىنا تولماعانداردىڭ فيزولوگيالىق – پسيحيكالىق اقاۋسىزدىعىنا ىقپال جاسادى ءتىپتى وعان زيان جەتكىزدى. «ارينە، مەكتەپ سىرتىنداعى كۋرس قۇرىلىمدارىن جونگە سالۋدا ءتۇرلى جاقتار جان – جاقتىلى شارا قولدانۋى كەرەك، مۇندا مەكتەپ سىرتىنداعى كۋرس قۇرىلىمدارىن جۇيەگە سالۋ، وقۋ – اعارتۋعا قاتىستى زاڭداردى كەمەلدەندىرۋ، مەكتەپتەگى وقۋ – اعارتۋدىڭ ساپاسىن جوعارىلاتۋ جانە مازمۇنىن ارتتىرۋ قاتارلى جاقتاردى قامتيدى»، — دەدى گو لينماۋ.
ارناۋلى مەكتەپتەردى اناعۇرلىم دامىتۋ كەرەك
ازامات جاسىنا تولماعانداردىڭ قىلمىس وتكىزۋىنەن ساقتانۋ زاڭىندا بىلاي دەپ بەلگىلەنگەن: ولكە دارەجەلى حالىق ۇكىمەتتەرى ارناۋلى وقۋ – اعارتۋدى دامىتۋ مەن ارناۋلى مەكتەپتەر قۇرىلىسىن ەكونوميكا مەن قوعام دامۋىنىڭ جوباسىنا ەنگىزۋى كەرەك. اۋدان دارەجەلىدەن جوعارى جەرگىلىكتى حالىق ۇكىمەتتەرى قاجەتكە قاراي ارناۋلى مەكتەپتەردى ورنالاستىرۋى كەرەك، ارناۋلى مەكتەپتەر مەن ارناۋلى مەكتەپتەرگە قاتىستى ناقتى ادىستەردى مەملەكەتتىك كەڭەس بەلگىلەيدى. ارناۋلى مەكتەپ دەگەن نە؟ ارناۋلى مەكتەپتىڭ كەلۋ قاينارى جۇمىس ىستەي ءجۇرىپ وقيتىن مەكتەپتەر، قازىر بۇكىل ەلىمىز بويىنشا جۇزگە جۋىق وسىنداي مەكتەپ بار. «بولاشاقتا قاجەتكە قاراي ارناۋلى مەكتەپتەر قۇرۋ كەرەك، ارناۋلى مەكتەپتەردى اناعۇرلىم دامىتۋ كەرەك»، — دەدى گو لينماۋ تىلشىگە، ارناۋلى مەكتەپتەر ارناۋلى تاربيەنى قابىلدايتىن ازامات جاسىنا تولماعانداردى دارەجەگە، تۇرگە ءبولىپ تاربيەلەيدى ءارى ولاردى جونگە سالادى، تاربيەلەۋ قيمىلدارىن باعىتتامالى تۇردە ورىستەتەدى ءارى جاعدايعا قاراي كاسىپتىك جاقتان باۋليدى. مىندەتتى وقۋ – اعارتۋدى تولىق ورىنداماعانداردىڭ مىندەتتى وقۋ – اعارتۋدى ورىنداۋىنا كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
