1 - توقساندا اۋىل شارۋاشىلىق ونىمدەرىن ۇلگى الىپ تەكسەرۋدىڭ جالپى تولىمدىلىق شاماسى %97.2 بولدى
2021.05.28 16:20 كەلۋ قاينارى : حالىق تورابى
«حالىق گازەتى»، 5 - ايدىڭ 27 - كۇنى، بەيجيڭ (ءتىلشى يۇي جيڭشيان). بىرنەشە كۇننىڭ الدىندا اۋىل شارۋاشىلىعى، اۋىل – قىستاق مينيسترلىگى 2021 – جىلدىڭ 1 – توقسانىنداعى مەملەكەتتىڭ اۋىل شارۋاشىلىق ونىمدەرىنىڭ ساپا حاۋىپسىزدىگىن داعدىلى باقىلاپ – ولشەۋ (حاۋىپ – قاتەردى باقىلاپ – ولشەۋ) ناتيجەسىن جاريالادى، باقىلاپ – ولشەۋ ساندى مالىمەتىندە كورسەتىلۋىنشە، بيىل 1 – توقساندا كوكونىس، مال، قۇس ونىمدەرى جانە سۋ ونىمدەرى سياقتى 3 ۇلكەن تۇردەگى ونىمنەن 81 ءتۇر، 127 پارامەتر بويىنشا 6 مىڭ 970 ۇلگى تەكسەرىلىپ، جالپى تولىمدىلىق شاماسى %97.2 بولعان.
تانىستىرۋعا قاراعاندا، اۋىل شارۋاشىلىعى، اۋىل – قىستاق مينيسترلىگى 1 - توقسانداعى مەملەكەتتىڭ اۋىل شارۋاشىلىق ونىمدەرىنىڭ ساپا حاۋىپسىزدىگىن داعدىلى باقىلاپ – ولشەۋ قىزمەتىن ۇيىمداستىرىپ، 31 ولكە، اۆتونوميالى رايون، توتە قاراستى قالا مەن جوسپارى بولەك جاسالاتىن 5 قالادان جالپى 109 ءىرى، ورتا قالاداعى 635 كوكونىس ءوندىرىس بازاسىن، 414 كوكونىس تاسىمال اۆتوموبيلىن، 255 سويىسحانانى، 153 باعىمشىلىق الاڭىن، 501 سۋ ونىمدەرىن تاسىمالداۋ اۆتوموبيلىن نەمەسە ۋاقىتشا باعۋ كولشىگىن، 633 اۋىل شارۋاشىلىق ونىمدەرىن تولايىم ساتۋ بازارىن باقىلاپ – ولشەگەن. باقىلاۋ - تەكسەرۋ ناتيجەسىندە كورسەتىلۋىنشە، كوكونىس، مال، قۇس ونىمدەرى مەن سۋ ونىمدەرىنىڭ تولىمدىلىق شاماسى جەكە - جەكە %96.7، %98.2 جانە %96.7 بولىپ، تيىم سالىنعان دارىلەردى تىزگىندەۋ جاعدايى ۇزدىكسىز جاقسارعان.
ولشەنگەن سورتتاردان قاراعاندا، ۇلگى الىپ تەكسەرگەن كوكونىستەردىڭ ىشىندە كاپۋستا، ازىقتىق باكتەريا جانە سۋدا وسەتىن كوكونىس سياقتى سورتتار تۇگەلدەي تولىمدى بولعان، تامىر كوكونىس، پاميدور، بايساي، قاۋىن تەكتەس كوكونىستەردىڭ تولىمدىلىق شاماسى جەكە - جەكە %98.8، %98.6، %98.5، %98.3 بولعان. ۇلگى الىپ تەكسەرىلگەن مال، قۇس ونىمدەرىنىڭ ىشىندە سيىر ەتى، قوي ەتى، قۇس ەتى جانە جۇمىرتقانى ۇلگى الىپ تەكسەرۋدىڭ تولىمدىلىق شاماسى جەكە - جەكە %98.3، %99.4، %98.7 جانە %95.6 بولعان. ۇلگى الىپ تەكسەرىلگەن كوپ قولدى باعىمشىلىق سۋ ونىمدەرىنىڭ ىشىندە روبەي بالىعى مەن ءدوڭماڭداي بالىق تۇگەلدەي تولىمدى بولعان، قازانباس بالىق، سۋ شايانى جانە سازان بالىقتى ۇلگى الىپ تەكسەرۋدىڭ تولىمدىلىق شاماسى جەكە - جەكە %99.3، %98.6 جانە %98.5 بولعان. تاسپا بۇرشاق، جيۋساي، بالىق سياقتى سورتتاردىڭ داعدىلى ءدارى - دارمەك قالدىعى ولشەمنەن اسىپ كەتۋ ماسەلەسى ءبىرشاما كورنەكتى بولعان، جۇمىرتقا جونىنەن جۇمىرتقالاۋ مەزگىلىندە ءدارى - دارمەك ىستەتۋگە بولمايتىنىن ەسكەرمەۋ ماسەلەسى ءالى دە ورىن تەۋىپ وتىر.
قازىر اۋىل شارۋاشىلىعى، اۋىل - قىستاق مينيسترلىگى باقىلاۋ - تەكسەرۋ بارىسىندا بايقالعان ماسەلەلەردى دەر كەزىندە جەر - جەرگە حابارلاندىرىپ، باقىلاۋ، ۇلگى الىپ تەكسەرۋدى باعىتتامالى تۇردە ورىستەتىپ، ۇتىمدى شارالار قولدانىپ، رەتتەۋ - تۇزەتۋدى كۇشەيتۋدى تالاپ ەتتى. سونىمەن بىرگە، بازار باقىلاۋ - باسقارۋ باس مەكەمەسى، قوعام حاۋىپسىزدىگى مينيسترلىگى سياقتى تاراۋلارمەن بىرگە «تيىمعا قايشىلىق جاساۋدى جونگە سالۋ، ءدارى – دارمەك قالدىعىن مەڭگەرۋ، دەڭگەيدى جوعارىلاتۋدى جەبەۋ» قيمىلىن ورىستەتىپ، ءتۇيىندى ءونىم تۇرلەرىندەگى كورنەكتى ماسەلەلەردى جونگە سالماق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
