بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەكى اكادەميانىڭ اكادەميكتەر جينالىسى، جۇڭگو عىلىم - تەحنيكا قوعامىنىڭ مەملەكەتتىك 10 - قۇرىلتايى بەيجيڭدە اشىلدى

2021.05.31 15:18     كەلۋ قاينارى : حالىق تورابى


  شي جينپيڭ ماڭىزدى ءسوز سويلەپ بىلاي دەپ دارىپتەدى: عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى مەملەكەتتىڭ دامۋىنداعى ستراتەگيالىق تىرەك ەتۋدە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ساپالى دامۋدى ىلگەرىلەتىپ، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الىپ، ەكونوميكانىڭ نەگىزگى شايقاس مايدانىن بەتكە الىپ، مەملەكەتتىڭ ماڭىزدى قاجەتىن بەتكە الىپ، حالىقتىڭ ءومىر سالاماتتىعىن بەتكە الىپ، عىلىم - تەحنيكا جانە وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن، دارىندى ارقىلى مەملەكەتتى قۇدىرەتتەندىرۋ ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، اۋقىمدى يگەرىپ، ۇتىمدى ورايدى الدىمەن يەلەپ، ماسەلەگە بەتپە - بەت كەلىپ، قيىندىقتى جەڭە ورگە ۇمتىلىپ، مەملەكەتتىڭ جاڭالىق اشۋ جۇيەسىن كەمەلدەندىرىپ، عىلىم - تەحنيكادا قۋاتتى ەل قۇرۋدى جەدەلدەتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ كەرەك

  لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى

  «حالىق گازەتى»، 5 - ايدىڭ 28 – كۇنى، بەيجيڭ. جۇڭگو عىلىم اكادەمياسىنىڭ 20 - رەتكى اكادەميكتەر جينالىسى، جۇڭگو ينجەنەريالىق عىلىمدار اكادەمياسىنىڭ 15 - رەتكى اكادەميكتەر جينالىسى جانە جۇڭگو عىلىم - تەحنيكا قوعامىنىڭ مەملەكەتتىك 10 - قۇرىلتايى 5 - ايدىڭ 28 - كۇنى تۇستەن بۇرىن حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەپ بىلاي دەپ دارىپتەدى: عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى مەملەكەتتىڭ دامۋىنداعى ستراتەگيالىق تىرەك ەتۋدە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ساپالى دامۋدى ىلگەرىلەتىپ، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الىپ، ەكونوميكانىڭ نەگىزگى شايقاس مايدانىن بەتكە الىپ، مەملەكەتتىڭ ماڭىزدى قاجەتىن بەتكە الىپ، حالىقتىڭ ءومىر سالاماتتىعىن بەتكە الىپ، عىلىم - تەحنيكا جانە وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن، دارىندى ارقىلى مەملەكەتتى قۇدىرەتتەندىرۋ ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، اۋقىمدى يگەرىپ، ۇتىمدى ورايدى الدىمەن يەلەپ، ماسەلەگە بەتپە - بەت كەلىپ، قيىندىقتى جەڭە ورگە ۇمتىلىپ، مەملەكەتتىڭ جاڭالىق اشۋ جۇيەسىن كەمەلدەندىرىپ، عىلىم - تەحنيكادا قۇدىرەتتى ەل قۇرۋدى جەدەلدەتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جينالىستى باسقاردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى.

  تۇستەن بۇرىن ساعات 10 دا جينالىس باستالدى. تۇتاس زالداعىلار ورىندارىنان تۇرىپ مەملەكەت ءانىن اسقاقتاتا شىرقادى.

  دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: جۇڭگو عىلىم اكادەمياسىنىڭ 20 - رەتكى اكادەميكتەر جينالىسى، جۇڭگو ينجەنەريالىق عىلىمدار اكادەمياسىنىڭ 15 - رەتكى اكادەميكتەر جينالىسى جانە جۇڭگو عىلىم - تەحنيكا قوعامىنىڭ مەملەكەتتىك 10 - قۇرىلتايى ءبىزدىڭ «ەكى 100 جىلدىق» كۇرەس نىساناسىنىڭ تاريحي توعىسۋ تۇيىنىندە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاعان ماڭىزدى ساتتە ەلىمىزدىڭ عىلىم - تەحنيكادا جاڭالىق اشا دامۋ ۇلى جوسپارىن ىلگەرىلەتۋدى بىرگە اقىلداساتىن ءبىر رەتكى سالتاناتتى جينالىسىمىز. شي جينپيڭ پارتيا ورتالىق كوميتەتى اتىنان جينالىستىڭ اشىلعانىن قىزۋ قۇتتىقتادى، ءارقايسى قىزمەت ورىندارىندا قاجىرلىلىقپەن ۇلەس قوسىپ جاتقان عىلىم - تەحنيكا قىزمەتكەرلەرىنەن شىن ىقىلاسپەن حال سۇرادى. 5 - ايدىڭ 30 - كۇنى − 5 - رەتكى مەملەكەتتىك عىلىم - تەحنيكا قىزمەتكەرلەرى كۇنى، شي جينپيڭ بۇكىل ەلدەگى قالىڭ عىلىم - تەحنيكا قىزمەتكەرلەرىنە مەرەكەلىك سالەم جولدادى.

  شي جينپيڭ بىلاي دەپ دارىپتەدى: توڭكەرىستىڭ، قۇرىلىستىڭ، رەفورمانىڭ ءارقايسى تاريحي مەزگىلىندە پارتيامىز عىلىم - تەحنيكا ىستەرىنە ايرىقشا ءمان بەردى، عىلىم - تەحنيكا ىستەرى پارتيا مەن حالىق ىستەرىندە باستان - اياق توتەنشە ماڭىزدى ستراتەگيالىق ورىنعا يە بولىپ، توتەنشە ماڭىزدى ستراتەگيالىق رول اتقاردى. پارتيا 19 - قۇرىلتايىنان بەرى پارتيا ورتالىق كوميتەتى حالىقاراداعى عىلىم - تەحنيكادا جاڭالىق اشۋ باسەكەسىنىڭ اۋقىمىنا جالپى بەتتىك تالداۋ جاساپ، ەل ءىشى - سىرتىنداعى دامۋ جاعدايىنا ىشكەرىلەي تۇجىرىم جاساپ، عىلىم - تەحنيكادا جاڭالىق اشۋدى مەملەكەتتىڭ دامۋ جالپى جاعدايىندا وزەكتى ورىنعا قويۋدا تاباندى بولىپ، عىلىم - تەحنيكادا جاڭالىق اشۋ قىزمەتىن جالپى بەتتىك جوسپارلادى. ءبىز پارتيانىڭ عىلىم - تەحنيكا ىستەرىنە جالپى بەتتىك باسشىلىعىندا تاباندى بولىپ، اۋقىمدى باعامداپ، جالپى جاعدايدى جوسپارلاپ، ءتۇبىرلى نەگىزدى يگەرىپ، جوعارى ءونىمدى ۇيىمداستىرۋ، جۇمىلدىرۋ جۇيەسىن جانە ءبىر تۇتاس جوسپارلاپ سايكەستىرىلەتىن عىلىم - تەحنيكا بايلىعىن جايعاستىرۋ ۇلگىسىن قالىپتاستىردىق. ءبىز دۇنيە جۇزىلىك عىلىم - تەحنيكادا قۇدىرەتتى ەل قۇرۋداي ستراتەگيالىق نىسانانى مىقتاپ يگەرىپ، ۋاقىتپەن جارىساتىن بورىشتىلىق سەزىممەن، جاۋاپكەرلىك سەزىممەن، كوكەي تەستىلىك سەزىممەن دۇنيە ءجۇزى عىلىم - تەحنيكاسى دامۋىنىڭ ۇتىمدى ورايىن مىقتاپ ۇستاپ، نەگىزدىك، الدىڭعى لەكتىك سالالاردا باتىلدىقپەن العا ۇمتىلدىق. ءبىز عىلىم - تەحنيكادا جاڭالىق اشۋدىڭ جەتەكتەۋ، جەبەۋ رولىن تولىق ساۋلەلەندىرىپ، ءتول جاسامپازدىق جاعىندا تىڭ ناتيجەگە قول جەتكىزۋگە قۇلشىنىپ، ماڭىزدى عىلىم - تەحنيكا سالالارىندا قارىشتاپ دامۋدى جۇزەگە اسىردىق. ءبىز عىلىم - تەحنيكادا جاڭالىق اشۋ ءتۇزىلىسى رەفورماسىن جالپى بەتتىك ورنالاستىرىپ، ءبىرقىدىرۋ كەلەلى رەفورما شارالارىن العا قويىپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتتىق. ءبىز دارىندى ارقىلى مەملەكەتتى قۇدىرەتتەندىرۋ ستراتەگياسىن كۇش سالا اتقارىپ، دۇنيە جۇزىندەگى دارىندىلاردى جيناپ پايدالانىپ، قالىڭ عىلىم - تەحنيكا قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتتىق. ءبىز عىلىم - تەحنيكا سالاسىنداعى ەسىك اشۋدى، سەلبەستىكتى كەڭەيتىپ، ادامزات ءدوپ كەلگەن ەلەۋلى سىن - سايىستاردى شەشۋگە بەلسەندىلىكپەن ات سالىسىپ، عىلىم - تەحنيكادا جاڭالىق اشۋ جەتىستىكتەرى ارقىلى ءتىپتى دە كوپ ەلدەر مەن حالىقتارعا تيىمدىلىك جەتكىزۋدى قۇلشىنا ىلگەرىلەتتىك.

  شي جينپيڭ بىلاي دەپ اتاپ كورسەتتى: بىرنەشە جىلدان بەرى پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدىڭ عىلىم - تەحنيكا سالاسى مەن قوعامنىڭ ءار سالاسىنىڭ تىزە قوسا قۇلشىنۋىندا، ەلىمىزدىڭ عىلىم - تەحنيكا ناقتى قۋاتى ساننىڭ قوردالانۋىنان ساپانىڭ قاۋىرت وسۋىنە، تۇيىندە قامال الۋدان جۇيە قابىلەتىنىڭ جوعارىلاۋىنا قاراي قادام تاستاپ، عىلىم - تەحنيكادا جاڭالىق اشۋدا جاڭا تاريحي تابىستارعا قول جەتكىزدى. نەگىزدىك زەرتتەۋ مەن ءتول جاسامپازدىق ماڭىزدى ىلگەرىلەۋشىلىككە قول جەتكىزدى، ستراتەگيالىق جوعارى تەحنيكا سالاسى تىڭ شارىقتاۋعا قول جەتكىزدى، جوعارى دەڭگەيلى كاسىپ سالاسى تىڭ ناتيجەگە قول جەتكىزدى، عىلىم - تەحنيكا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بارىسىندا ماڭىزدى رول اتقاردى، حالىق تۇرمىسى عىلىم - تەحنيكا سالاسى كورنەكتى ونىمدىلىككە قول جەتكىزدى، مەملەكەت قورعانىسى عىلىم - تەحنيكاسىندا جاڭالىق اشۋ ەلەۋلى تابىسقا قول جەتكىزدى. اماليات ەلىمىزدىڭ ءوز كۇشىنە سۇيەنىپ جاڭالىق اشۋ ىستەرىنىڭ زور ىستەر تىندىرا الاتىنىن، ەلىمىزدىڭ قالىڭ عىلىم - تەحنيكا قىزمەتكەرلەرىنىڭ زور ىستەر تىندىرا الاتىنىن دالەلدەدى. ەلىمىزدىڭ قالىڭ عىلىم - تەحنيكا قىزمەتكەرلەرى داۋىرمەن بىرگە ىلگەرىلەۋ رۋحىمەن، ەسكىلىكتى جويىپ، جاڭالىققا كوشۋ باتىلدىعىمەن، قايىسپاس قايسار تاباندىلىقپەن ءداۋىر جۇكتەگەن كەلەلى مىندەتتى ارقالاپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋعا قۇلشىنۋ كەرەك.

  شي جينپيڭ بىلاي دەپ دارىپتەدى: ءتول جاسامپازدىق، جەتەكشىلىك سيپات الاتىن عىلىم - تەحنيكادا قامال الۋدى كۇشەيتىپ، شەشۋشى، وزەكتى تەحنيكادا قامال الۋ شايقاسىنىڭ جەڭىسىنە باتىلدىقپەن قول جەتكىزۋ كەرەك. نەگىزدىك زەرتتەۋدە باتىلدىقپەن ىزدەنىس جاساپ، ءتول جاسامپازدىقتى كورنەكتىلەندىرىپ، تابيعاتتى تانۋ اياسىن كەڭەيتىپ، جاڭا تانىم ورىستەرىن اشۋ كەرەك. عىلىم - تەحنيكادا قامال الۋدا ماسەلەنى باعدار ەتۋدە تاباندى بولىپ، ەڭ شۇعىل، ەڭ كوكەي تەستى ماسەلەلەردى بەتكە الىپ، مەملەكەتتىڭ شۇعىل قاجەتى مەن ۇزاق بولاشاقتىق قاجەتىن شىعار ءتۇيىن ەتۋ كەرەك. كاسىپورىنداردىڭ جاڭالىق اشۋ قوزعاشى كۇشىن كۇشەيتىپ، كاسىپورىنداردىڭ ماسەلەنى ورتاعا قويۋشى رولىن ساۋلەلەندىرىپ، باستاماشى كاسىپورىندار باستاماشىلدىق ەتەتىن، جوعارى مەكتەپتەر، عىلمي زەرتتەۋ ورىندارى تىرەك بولاتىن، ءارقايسى جاڭالىق اشۋ تۇلعاسى ءوزارا سايكەسەتىن جاڭالىق اشۋ بىرىككەن تۇلعاسىن جەدەل ورناتىپ، عىلىم - تەحنيكا جەتىستىكتەرىن وندىرگىش كۇشكە اينالدىرۋ، كادەگە جاراتۋ ونىمدىلىگىن جوعارىلاتۋ كەرەك. كوپ ءپان توعىسقان وسى زامانعى ينجەنەريالىق جانە تەحنيكالىق عىلىمدار زەرتتەۋىن بارىنشا كۇشەيتىپ، نەگىزدىك عىلىم مەن ينجەنەريالىق تەحنيكانىڭ دامۋىن جەبەپ، كەمەلدى وسى زامانعى عىلىم - تەحنيكا جۇيەسىن قالىپتاستىرۋ كەرەك.

  شي جينپيڭ بىلاي دەپ اتاپ كورسەتتى: مەملەكەتتىڭ ستراتەگيالىق عىلىم - تەحنيكا قۋاتىن كۇشەيتىپ، مەملەكەتتىڭ جاڭالىق اشۋ جۇيەسىنىڭ تۇتاس تۇلعالىق ونىمدىلىگىن جوعارىلاتۋ كەرەك. مەملەكەتتىك تاجىريبەحانالار، مەملەكەتتىك عىلمي زەرتتەۋ قۇرىلىمدارى، جوعارى دەڭگەيلى زەرتتەۋ داشۋەلەرى، عىلىم - تەحنيكاداعى سەركە كاسىپورىندار تۇگەلدەي مەملەكەتتىڭ ستراتەگيالىق عىلىم - تەحنيكا كۇشتەرىنىڭ ماڭىزدى قۇرامداس بولىگى، جوعارى دەڭگەيلى عىلىم - تەحنيكادا ءوز كۇشىنە سۇيەنۋدىڭ، ءوزىن الۋەتتەندىرۋدىڭ بورىش ارقالاۋىن سانالى اتقارىپ، ستراتەگيالىق، شەشۋشى كەلەلى عىلىم - تەحنيكا جەتىستىكتەرىن كوبىرەك شىعارىپ، مەملەكەتتىڭ دامۋ جالپى جاعدايى مەن ۇزاق بولاشاقتىق مۇددەسىنە ىقپال جاسايتىن جانە ونى تەجەيتىن كەلەلى عىلىم - تەحنيكا ماسەلەلەرىن كۇش سالا شەشىپ، اۋەلگى ءتول جاسامپازدىق وشاقتارىن جەدەل قۇرىپ، شەشۋشى، وزەكتى تەحنيكادان جەدەل قامال الۋ كەرەك. جوعارى دەڭگەيلى زەرتتەۋ داشۋەلەرى نەگىزدىك زەرتتەۋى قوردالى، پاندەر ايقاسقان، توعىسقان ارتىقشىلىعىن ساۋلەلەندىرىپ، نەگىزدىك زەرتتەۋدەگى نەگىزگى كۇشكە جانە كەلەلى عىلىم - تەحنيكادان قامال الۋدىڭ جالىندى قوسىنىنا اينالۋ كەرەك. عىلىم - تەحنيكاداعى سەركە كاسىپورىندار بازار سۇرانىسى، جاڭالىق اشۋدى شوعىرلاندىرۋ، ۇيىمداستىرۋ تۇعىرى سىندى ارتىقشىلىعىن ساۋلەلەندىرىپ، ەلىمىزدىڭ كاسىپ سالاسىنىڭ نەگىزدىك قابىلەتىن جانە كاسىپ تىزبەگىنىڭ وسىزاماندانۋ دەڭگەيىن جوعارىلاتۋ كەرەك. وڭىرلەر ءوز ارتىقشىلىقتارىن تياناق ەتىپ، كاسىپ سالاسى دامۋىنىڭ قاجەتىمەن ۇشتاستىرىپ، عىلىم - تەحنيكادا جاڭالىق اشۋدى عىلمي، ۇيلەسىمدى ورنالاستىرۋ كەرەك.

  شي جينپيڭ بىلاي دەپ دارىپتەدى: عىلىم - تەحنيكا ءتۇزىلىسى رەفورماسىن ىلگەرىلەتىپ، جالپى بەتتىك جاڭالىق اشۋعا قولداۋ كورسەتەتىن نەگىزدىك ءتۇزىم قالىپتاستىرۋ كەرەك. سوتسياليستىك بازار شارۋاشىلىعى شارت - جاعدايىنداعى جاڭاشا، بۇكىل مەملەكەتتىك ءتۇزىلىستى اقاۋسىزداندىرىپ، مەملەكەتتىڭ كەلەلى عىلىم - تەحنيكادا جاڭالىق اشۋدىڭ ۇيىمداستىرۋشىسى رولىن تولىق ساۋلەلەندىرۋ كەرەك. باعالاۋ ءتۇزىمىن كەمەلدەندىرۋ قاتارلى نەگىزدىك رەفورمالاردى ءتۇيىندى تۇردە مىقتاپ يگەرىپ، ساپانى، ناتيجەنى، ۇلەستى وزەك ەتكەن باعالاۋ باعدارىندا تاباندى بولىپ، جەتىستىكتىڭ جاسامپازدىق دەڭگەيىن، كادەگە جاراپ قولدانىلۋ ونىمدىلىگىن جانە ەكونوميكالىق، قوعامدىق دامۋعا قوسقان ناقتى ۇلەسىن جالپى بەتتىك، ءدال بەينەلەۋ كەرەك. اناعۇرلىم زور باتىلدىقپەن عىلىم - تەحنيكا باسقارۋ فۋنكتسياسىندا بۇرىلىس جاساۋدى ىلگەرىلەتىپ، ستراتەگيانى يگەرۋ، رەفورمانى يگەرۋ، جوبانى يگەرۋ، قىزمەت وتەۋدى يگەرۋ سىندى سيپاتتىق تۇراقتاندىرۋ بويىنشا ستيلدە بۇرىلىس جاساپ، قابىلەتتى جوعارىلاتىپ، جوبانىڭ، ساياساتتىڭ جەتەكشىلىگىن كۇشەيتىپ، عىلمي زەرتتەۋ ورىندارىنا ءتىپتى دە كوپ وزىندىك ۇقىق بەرىپ، عالىمدارعا ءتىپتى دە زور تەحنيكا لۋشيانى جونىندە شەشىم جاساۋ ۇقىعىن جانە قاراجاتتان پايدالانۋ ۇقىعىن بەرىپ، عىلمي زەرتتەۋ ورىندارى مەن عىلمي زەرتتەۋ قىزمەتكەرلەرىنىڭ شىم - شىتىرىق، قاجەتسىز ءتۇزىلىس - مەحانيزمدەردىڭ بۇعاۋلاۋىنان ازات بولۋىنا مۇمكىندىك جاساۋ كەرەك. كەلەلى عىلىم - تەحنيكا نىسانىن جوسپارعا الۋ جانە ۇيىمداستىرۋ، باسقارۋ تاسىلىنە رەفورما جاساپ، «ءتىزىم جاريالاپ قولباسشى تاعايىنداۋ»، «بايگەگە سالۋ» سياقتى تۇزىمدەردى اتقارىپ، ستاجعا قاراماۋدى، شەكتەۋ قويماۋدى ورىنداپ، شىنايى دارىنى، ناعىز ءبىلىمى بار عىلىم - تەحنيكا قىزمەتكەرلەرىنىڭ ونەرىن ساۋلەلەندىرۋىنە مۇمكىندىك جاساۋ كەرەك.

  شي جينپيڭ بىلاي دەپ اتاپ كورسەتتى: اشىق جاڭالىق جاساۋ ەكولوگياسىن ورناتىپ، دۇنيە جۇزىلىك عىلىم - تەحنيكانى جونگە سالۋعا ات سالىسۋ كەرەك. عىلىم - تەحنيكا دۇنيە جۇزىلىك، داۋىرلىك سيپاتقا يە، ادامزاتتىڭ ورتاق بايلىعى. دامۋ مەن حاۋىپسىزدىكتى ءبىر تۇتاس جوسپارلاپ، جاڭالىق اشۋدى دۇنيە جۇزىلىك كوز ايامەن جوسپارلاپ جانە ىلگەرىلەتىپ، دۇنيە جۇزىلىك جاڭالىق اشۋ تورىنا بەلسەندىلىكپەن كىرىپ، نازاردى كليمات وزگەرىسى، ادامزاتتىڭ سالاماتتىعى سياقتى ماسەلەلەرگە شوعىرلاندىرىپ، ءار ەلدىڭ عىلىم - تەحنيكا قىزمەتكەرلەرىمەن بىرلەسىپ زەرتتەپ اشۋدى كۇشەيتۋ كەرەك. دۇنيە جۇزىلىك عىلىم - تەحنيكانى جونگە سالۋعا تەرەڭدەي ات سالىسىپ، جۇڭگو اقىل - پاراساتىن قوسىپ، عىلىم - تەحنيكا ارقىلى ادامزاتىڭ قۇت - ىرىسىن اناعۇرلىم ويداعىداي ارتتىرىپ، جۇڭگو عىلىم - تەحنيكاسى ارقىلى ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋ كەرەك.

  شي جينپيڭ بىلاي دەپ دارىپتەدى: ءتۇرلى دارىندىلاردىڭ جاسامپاز ومىرشەڭدىك كۇشىن قاۋلاتىپ، دۇنيە جۇزىلىك دارىندىلاردىڭ بيىك ءورىسىن قۇرۋ كەرەك. قازىرگى دۇنيە جۇزىندەگى باسەكە، تۇپتەپ كەلگەندە، دارىندى باسەكەسى، وقۋ - اعارتۋ باسەكەسى. دارىندىلاردى ءوز كۇشىمىزگە سۇيەنىپ جەتىلدىرۋگە اناعۇرلىم ءمان بەرىپ، ءبىر توپ دۇنيە جۇزىلىك ىقپال كۇشكە يە شوقتىقتى عىلىم - تەحنيكا دارىندىلارىن قۇلشىنا جەتىلدىرىپ، ءبىر توپ جاسامپاز ۇجىمعا ورنىقتى قولداۋ كورسەتىپ، ءتىپتى دە كوپ ساپالى تەحنيكا، شەبەرلىك دارىندىلارىن، ونەرى ۇستەم شەبەرلەردى، ءىرى ەل ۇستالارىن جەتىلدىرۋ كەرەك. ەلىمىزدىڭ وقۋ - اعارتۋى شەبەر ۇستازداردى تاربيەلەپ شىعا الادى، بىزدە وسىنداي سەنىم بولۋى كەرەك! دۇنيە جۇزىندەگى تاڭداۋلى دارىندىلار شوعىرلانعان عىلمي زەرتتەۋ، جاڭالىق اشۋ بيىك ءورىسىن تۇلعالاپ، جوعارى ورەلى دارىندىلاردىڭ، كاسىبي دارىندىلاردىڭ جۇڭگوعا كەلىپ قىزمەت ىستەۋ، عىلمي زەرتتەۋ جۇرگىزۋ، اۋىس - كۇيىس جاساۋ ساياساتىن كەمەلدەندىرۋ كەرەك. عىلىم - تەحنيكا قىزمەتكەرلەرىنىڭ نەگىزگى قاجىر - قايراتىن عىلىم - تەحنيكادا جاڭالىق اشۋعا جانە زەرتتەپ اشۋ قيمىلىنا جۇمساۋىنا مۇمكىندىك جاساۋ كەرەك، عىلىم - تەحنيكا قىزمەتكەرلەرىنىڭ قىرۋار ۋاقىتىن ءمانسىز بارىس - كەلىس قيمىلىنا ىسىراپ ەتۋگە، قاجەتسىز سارالاۋ، باعالاۋ قيمىلىنا ىسىراپ ەتۋگە، فورماشىلدىق، تورەشىلدىك قيمىلدارىنا ىسىراپ ەتۋگە استە بولمايدى.

  شي جينپيڭ بىلاي دەپ اتاپ كورسەتتى: جۇڭگو عىلىم اكادەمياسى، جۇڭگو ينجەنەريالىق عىلىمدار اكادەمياسى − مەملەكەتتىڭ عىلىم - تەحنيكا سالاسىنداعى جانە ينجەنەريالىق عىلىم - تەحنيكا سالاسىنداعى ەڭ جوعارى ءىلىمي قۇرىلىمدار، مەملەكەتتىڭ ستراتەگيالىق عىلىم - تەحنيكا كۇشتەرى. ەكى اكادەميانىڭ مەملەكەت قۇراماسىندىق ءىلمي جەتەكشىلىك رولىن، شەشۋشى، وزەكتى تەحنيكادان قامال الۋ رولىن، جاسامپاز دارىندىلاردى باۋلۋ رولىن ساۋلەلەندىرىپ، كەلەلى ءتول جاسامپازدىقتاعى عىلمي ماسەلەلەردى شەشىپ، جاڭالىق اشۋدىڭ «ەل باسپاعان اۋماقتارىنا» ەرلىكپەن اتوي سالىپ، دامۋعا تۇساۋ بولىپ وتىرعان شەشۋشى، وزەكتى تەحنيكالاردان قامال الىپ، ءبىر توپ ساپالى دارىندىلاردى جانە جوعارى دەڭگەيلى جاسامپاز ۇجىمداردى بايقاۋ، جەتىلدىرۋ، شوعىرلاندىرۋ كەرەك. ەكى اكادەميانىڭ مەملەكەتتىڭ جوعارى دەڭگەيلى اقىل - پاراسات قويماسىندىق يقۋاتىن كۇشەيتىپ، ستراتەگيالىق عالىمداردىڭ رولىن ساۋلەلەندىرىپ، اقىل - كەڭەس الۋدى، باعالاۋدى بەلسەندىلىكپەن ورىستەتىپ، مەملەكەتتىڭ شەشىم جاساۋىنا قىزمەت وتەۋ كەرەك.

  شي جينپيڭ بىلاي دەپ دارىپتەدى: جۇڭگو عىلىم - تەحنيكا قوعامى پارتيا مەن ۇكىمەتتىڭ عىلىم - تەحنيكا قىزمەتكەرلەرىمەن بايلانىس جاساۋ كوپىرى جانە دانەكەرى سىندى مىندەت جاۋاپكەرلىگىن ارقالاپ، عىلىم - تەحنيكا قىزمەتكەرلەرىنە قىزمەت وتەۋگە، دامۋعا جاڭالىق اشۋ ارقىلى دەم بەرۋگە قىزمەت وتەۋگە، جالپى حالىقتىڭ عىلىم ساپاسىن جوعارىلاتۋعا قىزمەت وتەۋگە، پارتيا مەن ۇكىمەتتىڭ عىلمي شەشىم جاساۋىنا قىزمەت وتەۋدە تاباندى بولىپ، قالىڭ عىلىم - تەحنيكا قىزمەتكەرلەرىن پارتيانىڭ توڭىرەگىنە اناعۇرلىم كەڭ كولەمدە ىنتىماقتاستىرىپ، عالىم رۋحىن اسقاقتاتۋ، تاماشا ۇيرەنۋ سالتىن جەتىلدىرۋ كەرەك. دۇنيە ءجۇزىن بەتكە الۋعا، كەلەشەكتى بەتكە الۋدا تاباندى بولىپ، حالىقارالىق عىلىم - تەحنيكا سالاسىنا بولعان اشىقتىقتى، سەنىمدى، سەلبەستىكتى ارتتىرىپ، جاپپاي سوتسياليستىك وسىزاماندانعان مەملەكەت قۇرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەستەر قوسۋ كەرەك.

  شي جينپيڭ بىلاي دەپ اتاپ كورسەتتى: ەكى اكادەميانىڭ اكادەميكتەرى − مەملەكەتتىڭ بايلىعى، حالىقتىڭ ماقتانىشى، ۇلتتىڭ داڭقى. اكادەميك ءتۇزىمى رەفورماسىن تەرەڭدەتىپ، اكادەميك اتاعىنىڭ داڭق سيپاتىن، ءىلىم سيپاتىن ونان ارى وزىنە تاۋەلدەپ، اكادەميك اتاعىنىڭ كىرشىكسىزدىگىن قورعاۋ كەرەك. قالىڭ اكادەميكتەردىڭ وتاندى كوڭىل تورىنە قويۋدىڭ، حالىققا قىزمەت ەتۋدىڭ ۇلگىسى، اقيقاتقا تالپىنۋدىڭ، ەرلىكپەن شىڭعا شىعۋدىڭ ۇلگىسى، ءىلمي ءمورالدان اينىماۋدىڭ، عىلىممەن ىجداعاتتىلىقپەن شۇعىلدانۋدىڭ ۇلگىسى، باسپالداق بولۋعا پەيىل بولۋدىڭ، كەيىنگىلەردى جىگەرلەندىرۋدىڭ ۇلگىسى بولۋىن ءۇمىت ەتەمىن. قالىڭ اكادەميكتەر اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ ۇندەۋىنە ءۇن قوسىپ، وتاننىڭ ۇندەۋىنە قۇلاق اسىپ، باتىلدىقپەن وزىپ شىعىپ، ۇزدىكتىككە تالپىنىپ، ءىلمي ءمورال مەن عىلمي زەرتتەۋدىڭ ەتيكاسىنان اينىماي، كەيىنگىلەردى جەتىلدىرۋدىڭ تاعانى جانە جول باستاۋشىسى بولۋعا پەيىل بولىپ، پارتيا ءۇشىن، وتان ءۇشىن، حالىق ءۇشىن اقتىق دەمىنە دەيىن قىزمەت ەتۋ، قاجىماي - تالماي كۇرەس جاساۋ كەرەك.

  شي جينپيڭ بىلاي دەپ دارىپتەدى: ءار دارەجەلى پارتكومدار مەن ۇكىمەتتەر دارىندىلارعا تولىق قۇرمەت ەتىپ، اكادەميكتەرگە ساياسي جاقتا قامقورلىق جاساپ، قىزمەت جاعىندا قولداۋ كورسەتىپ، تۇرمىس جاعىندا كوڭىل ءبولىپ، اكادەميكتەردى قامتىعان قالىڭ عىلمي زەرتتەۋ قىزمەتكەرلەرىنىڭ پىكىرىنە مۇقيات قۇلاق اسۋ، عىلمي زەرتتەۋ قيمىلىن عىلمي باسقارۋدى جانە قىزمەت وتەۋ قامتاماسىزدىعىن كۇشەيتىپ، عىلمي زەرتتەۋ قىزمەتكەرلەرىنە تاماشا جاڭالىق اشۋ ورتاسىن جاراتۋ كەرەك (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

  لي كىچياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە پارتيامىزدىڭ ءارقايسى تاريحي مەزگىلدەردە عىلىم - تەحنيكا ىستەرىنە ايرىقشا ءمان بەرگەندىگىن ەسكە الىپ، ەلىمىزدىڭ عىلىم - تەحنيكا ىستەرىندە قول جەتكىزگەن جاڭا تاريحي تابىستارىن قورىتىندىلاپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى بۇرىلىسىنىڭ وزگەرۋ بەتالىسىنا تالداۋ جاساپ، عىلىم - تەحنيكادا قۇدىرەتتى ەل قۇرۋدى جەدەلدەتۋدىڭ ءتۇيىندى مىندەتتەرىن ايقىنداپ، ەكى اكادەميانىڭ اكادەميكتەرى مەن جۇڭگو عىلىم - تەحنيكا قوعامىنىڭ رولىن اناعۇرلىم جاقسى ساۋلەلەندىرۋ جونىندە ىقىلاستى ءۇمىتىن العا قويدى، بۇل وتە كۇشتى يدەيالىلىققا، جەتەكشىلىككە، باعىتتامالىلىققا يە. مۇقيات ۇيرەنۋ، ءتۇسىنۋ، ىشكەرىلەي دايەكتىلەندىرۋ، تياناقتاندىرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگو كوممۋنيستىك پارتياسىنىڭ 100 جىلدىق مەرەيتويىن ۇزدىك ناتيجەلەرمەن قۇتتىقتاپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جاساۋ كەرەك.
  ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى قاتىستى باسشى جولداستار جينالىسقا قاتىناستى.

  ورتالىقتاعى پارتيا، ۇكىمەت، ارميا، بۇقارالىق ورىنداردىڭ قاتىستى تاراۋلارىنداعى نەگىزگى جاۋاپتى جولداستار، ەكى اكادەميانىڭ اكادەميكتەرى، ءىشىنارا شەتەلدىك اكادەميكتەر، جۇڭگو عىلىم - تەحنيكا قوعامىنىڭ مەملەكەتتىك 10 - قۇرىلتايىنىڭ ۋاكىلدەرى قاتارلىلاردان 3 مىڭداي ادام جينالىسقا قاتىناستى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار