شي جينپيڭ مەن اۆستريانىڭ زۇڭتۇڭى ۆاندەربەللەن ءبىر - بىرىنە قۇتتىقتاۋ تەلەگرامماسىن جولدادى

لي كىچياڭ مەن اۆستريانىڭ زۇڭليى كۋرز ءبىر - بىرىنە قۇتتىقتاۋ تەلەگرامماسىن جولدادى

2021.05.31 15:21 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 5 - ايدىڭ 28 – كۇنى، بەيجيڭ. 5 - ايدىڭ 28 - كۇنى مەملەكەت ءتوراعاسى شي جينپيڭ مەن اۆستريانىڭ زۇڭتۇڭى ۆاندەربەللەن ءبىر - بىرىنە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.

　　شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: ديپلوماتيالىق قاتىناس ورناتقان 50 جىلدان بەرى جۇڭگو - اۆستريا ەكى جاق ءوزارا قۇرمەت ەتۋگە، ءوزارا سەنىم ارتۋعا، ءوزارا تيىمدىلىك جاساپ، تەڭ يگىلىككە كەنەلۋدە تاباندى بولىپ، ەكى ەل قاتىناسىنىڭ باستان - اياق العا قاراي دامۋىن ىلگەرىلەتتى. 2018 - جىلى جۇڭگو مەن اۆستريا دوستىق ستراتەگيالىق سەرىكتەستىك قاتىناستىڭ جاڭا ورنىن تۇراقتاندىرىپ، ەكى ەل قاتىناسى جاڭا دامۋ ورايىن قارسى الدى، ساياسي جاقتاعى ءوزارا سەنىم كۇن سايىن تەرەڭدەدى، ءار سالاداعى ناقتى ىستەر سەلبەستىگى ۇزدىكسىز كەڭەيدى. جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانۋ بارىسىندا ەكى جاق ءوزارا كومەكتەسىپ، ءوزارا دەم بەرىپ، ەكى ەل حالىقتارىنىڭ دوستىق سۇيىسپەنشىلىگىن تەرەڭدەتتى. مەن جۇڭگو - اۆستريا قاتىناسىنىڭ دامۋىنا ايرىقشا ءمان بەرەمىن، ۆاندەربەللەن زۇڭتۇڭمەن بىرگە قۇلشىنىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن كۇشەيتىپ، جۇڭگو - اۆستريا دوستىق ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلدى جانە ەكى ەل حالىقتارىن باقىتقا كەنەلتۋدى قالايمىن.

　　ۆاندەربەللەن قۇتتىقتاۋ تەلەگرامماسىندا مىنانى ءبىلدىردى: اۆستريا مەن جۇڭگونىڭ دوستىق ستراتەگيالىق سەرىكتەستىك قاتىناس ورناتۋى ەكى جاقتى قاتىناستىڭ دامۋىنداعى بەلەس. اۆستريا مەن جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بارىسىندا ءوزارا قولداۋ كورسەتىپ، ەكى جاقتى قاتىناستىڭ جوعارى دەڭگەيىن ايگىلەپ قانا قويماي، الەمدىك سىن - سايىسقا قول ۇستاسا توتەپ بەرۋدىڭ ماڭىزدىلىعىن دا جانە ءبىر مارتە كورسەتتى. جۇڭگو اۆستريانىڭ ماڭىزدى سەرىگى، ەكى ەلدىڭ ءار سالاداعى اۋىس - كۇيىس، سەلبەستىگىنىڭ كومەسكى كۇشى وراسان زور. ەلدەرىمىزدىڭ گۇلدەنىپ - كوركەيۋىن تىلەيمىن، ەكى ەل حالىقتارىنىڭ باقىتتى، امان - ەسەن بولۋىن تىلەيمىن.

　　سول كۇنى مەملەكەتتىك كەڭەستىڭ زۇڭليى لي كىچياڭ مەن اۆستريانىڭ زۇڭليى كۋرز ءبىر - بىرىنە قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: جۇڭگو جاق اۆستريا جاقپەن ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋدى وراي ەتىپ، ءوزارا پايدا جەتكىزۋ سەلبەستىگىن كۇشەيتىپ، دوستىق بارىس - كەلىستى كەڭەيتىپ، جۇڭگو - اۆستريا قاتىناسىنىڭ ۇزدىكسىز العا قاراي دامۋىن ىلگەرىلەتۋدى قالايدى.

　　كۋرز قۇتتىقتاۋ تەلەگرامماسىندا اۆستريا - جۇڭگو سەلبەستىگىن ونان ارى دامىتۋعا بەلسەندى ۇلەس قوسۋدى قالايتىنىن ءبىلدىردى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved