جاراقسىز ساباق پەن جاپىراق اسىلعا اينالدى
تۇرپان جۇزىمىندە ”ءبىر ءونىم ءۇش ونىمگە“ اينالدى
2021.05.31 16:51 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاڭ رۇيلين 5 - ايدىڭ 25 - كۇنى تۇرپاننان حابارلايدى. ”ءبىز 5 - ايدىڭ باسىندا - اق ءجۇزىم جاپىراعىن ساتىپ الا باستادىق، وسى مەزگىل ءدال ءبىزدىڭ ساتىپ الاتىن، مانەرلەيتىن تاماشا مەزگىلىمىز“. 5 - ايدىڭ 20 - كۇنى شينجياڭ التىن جاپىراق ازىق - تۇلىك شەكتى سەرىكتەستىگىنىڭ اكىمشىلىك ديرەكتورى زاكياگۇل لەتىپ وسىلاي تانىستىردى.
بۇرىن كەرەكسىز قالاتىن ءجۇزىم جاپىراعى قازىر قىستاق تۇرعىندارىنىڭ بايۋداعى اسىلىنا اينالدى. تۇرپان قالاسى ءپىشان اۋدانى لامجىن قالاشىعى قوجاءمالى قىستاعىنىڭ تۇرعىنى الىم امۇت قۋانىشپەن: ”تالاپ بويىنشا جاپىراقتى جاقسى الساق بولدى، ءجۇزىم جەمىسىنىڭ جاقسى وسۋىنە ەشقانداي ىقپال جاسامايدى، ونىڭ ۇستىنە ءار مۋ جەردەن قوسىمشا تۇسەتىن كىرىس تە از بولمايدى“.
زاكياگۇل ءجۇزىم جاپىراعى گرەتسيادا، سونداي - اق ورتا شىعىس وڭىرىندە اس دايىنداۋدا قاجەتتى ماتەريال بولىپ تابىلاتىندىعىن ايتتى. ولاردىڭ كاسىپورىندارى ءجۇزىم جاپىراعىنا ۆاكومدا قوراپتاۋ جۇرگىزىپ، تۇزدالعان ءجۇزىم جاپىراعى كونسەرۆاسى سياقتى ونىمدەردى وندىرەدى. ونىمدەر تۇگەل ەكسپورت ەتىلەدى، سەرىكتەستىكتىڭ قازىر ءبىر جىلعى ءجۇزىم جاپىراعىن ساتىپ الۋ مولشەرى 6000 توننادان اسادى.
ۇعىسۋعا قاراعاندا، تۇرپان قالاسىندا ءجۇزىم جاپىراعىن وڭدەۋ كاسىپورنىنان تورتەۋ بار بولىپ، ءار جىلى 5 - ايدان 8 - ايعا دەيىن ءجۇزىم جاپىراعىن ساتىپ الىپ وڭدەيتىن مەزگىل ەكەن. بيىل شينجياڭ التىن جاپىراق ازىق - تۇلىك شەكتى سەرىكتەستىگى، ءپىشان اۋدانى ءدانىش اۋىل شارۋاشىلىعى ونىمدەرى شارۋالار كاسىپتىك سەلبەستىك كووپەراتيۆى وزگەرتۋ، جاڭالاۋ نىسانىن ورىنداپ، ءجۇزىم جاپىراعىن ساتىپ الۋ قابىلەتىن ارتتىرىپ، وڭدەۋ ورەسىن جوعارىلاتتى، تۇرپان قالاسىنىڭ ءجۇزىم جاپىراعىن جىلدىق ساتىپ الۋ مولشەرى مەجەمەن 20 مىڭ تونناعا جەتەدى.
ءجۇزىم جاپىراعىنان سىرت، گاۋچاڭ رايونى، ءپىشان اۋدانى تاعى ءجۇزىم ساباعى بايلىعىنان تولىق پايدالانىپ، ءجۇزىم سابانىن جەمگە، جانارزاتقا، تىڭايتقىشقا پايدالانۋ جاعىنداعى رولىن ساۋلەلەندىرىپ، تۇيىرشىكتى جەم - ءشوپ كاسىپورىندارىن بەلسەنە ەنگىزىپ، ءوندىرىس، مانەرلەۋ جۇرگىزدى.
بيىل تۇرپان قالاسى ونىمدەر ولشەمىن جاساۋدى جەدەلدەتىپ، جاعراپيالىق بەلگى جانە تاڭبالاردى باسقارۋدى كۇشەيتىپ، كاسىپورىنداردىڭ «ءجۇزىم جاپىراعىن تۇزداۋ» توپتىق ولشەمىنە وزگەرىس ەنگىزۋىنە كومەكتەسىپ، اۋىل شارۋاشىلىعى ونىمدەرىن وڭدەۋ كاسىپ سالاسىنىڭ دامۋ ورەسىن جوعارىلاتتى. شيكىزاتتى وڭدەۋ ساپاسىن جوعارىلاتۋ ءۇشىن، تۇرپان تاعى «جاسىل ازىق - تۇلىك مونشاق ءجۇزىم ءوندىرۋ تەحنيكاسى ەرەجەسىن» دايىنداپ بەلگىلەپ، ءجۇزىم ۋاكىل بولعان ەرەكشە كاسىپ سالاسىنىڭ ساپالىلانا دامۋىن ىلگەرىلەتىپ، اۋىل شارۋاشىلىعىنىڭ ونىمدىلىگىن ارتتىرۋدى، شارۋالاردىڭ كىرىسىن ارتتىرۋدى جەبەدى.
2019 - جىلى تۇرپان شاندۇڭ جينديان سەرىكتەستىگىنىڭ جىلىنا 80 مىڭ توننا مەيىز وڭدەۋ نىسانىن ەنگىزدى. قازىر تۇرپاندا مەيىز وڭدەۋ كاسىپورنىنان 62سى بار، جىلدىق ءوندىرىس قۋاتى 150 مىڭ توننا اينالاسىندا. تۇرپان قالالىق پارتكوم اۋىل شارۋاشىلىعى كەڭسەسىنىڭ مەڭگەرۋشىسى، تۇرپان قالالىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى ليۋ يۇيتۇڭ بىلاي دەدى: جاراقسىز ءجۇزىم ساباعى، جاپىراعى تۇگەل اسىلعا اينالدى، تۇگەلدەي قاجەتكە جارادى، ەكونوميكالىق ونىمدىلىگى ەڭ جوعارى جەمىسىنىڭ دە ەكونوميكالىق قۇنىن اناعۇرلىم جوعارىلاتۋ كەرەك، ءجۇزىمدى تەرەڭدەي وڭدەۋ تەبىنىن كۇش سالا ارتتىرۋ تۇرپاننىڭ بۇدان بىلايعى ءبىر مەزگىلدەگى ءتۇيىندى قىزمەتى.
”ءبىز جەرگىلىكتى كاسىپورىنداردىڭ مەيىزدى شيكىزات ەتىپ، ءجۇزىم بالكۇلشەسى، ساعىز، QQ كامپيت سياقتى تەرەڭدەي وڭدەلەتىن ونىمدەردى زەرتتەپ اشۋىن سۇيەمەلدەۋدەمىز، تۇرپان ءجۇزىمى ءداستۇرلى مولداپ سىرتقا ساتىلۋدان ماركالاسۋعا قاراي قادام تاستاۋدا. قازىر تۇرپان ءجۇزىمىنىڭ جالپى كاسىپ سالاسى تىزبەگى باستاپقى كولەم قالىپتاستىردى“، - دەدى ليۋ يۇيتۇڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
