بالالار مەرەكەسى كەلدى! بالالارعا مىناداي زاڭدىق بىلىمدەردى ۇسىنامىز
2021.06.01 13:57 كەلۋ قاينارى : حالىق تورابى
قۇراستىرۋشىدان: «1 – ماۋسىم» حالىقارالىق بالالار مەرەكەسى كەلدى، وتاننىڭ گۇل – بايشەشەكتەرى دەپ اتالاتىن بالالار وتباسىلاردىڭ ءۇمىتىن ارقالايدى، وتاننىڭ بولاشاعىنا ۋاكىلدىك ەتەدى. بالالار قانداي زاڭدىق بىلىمدەردى مەڭگەرۋى كەرەك؟ حالىق تورابى بەيجيڭ قالاسى تۇڭجوۋ رايوندىق سوت قىلمىستىق ىستەر (ورەندەر) سوتىنىڭ ورىنباسار سوت باستىعى ۋاڭ حۋانحۋان سۋديانى وسى ماسەلەگە جاۋاپ بەرۋگە ۇسىنىس ەتكەن بولاتىن، ەندەشە، بىرگە نازار اۋدارايىق.
مەكتەپ پاراعى
1. قورقىتۋعا، جابىرلەۋگە، زاتتارىن تارتىپ الۋعا ۇشىراعان كەزدە قايتۋ كەرەك؟
دەرەۋ مۇعالىم، اتا – انا، مەكتەپتىڭ اماندىق قورعاۋشىسى قاتارلىلارعا ايتۋ، جاعداي اۋىر بولسا، 110 گە تەلەفون سوعۋ كەرەك.
2. مەكتەپتە جارالانىپ قالسا قايتۋ كەرەك؟
دەرەۋ مۇعالىمعا نەمەسە مەكتەپ شيپاگەرىنە ايتۋ، دەر كەزىندە ەمدەلۋ، جاراقاتىنا دياگنوز قويۋ قاعازى مەن قاتىستى ەمدەلۋ تالوندارىن جاقسى ساقتاۋ كەرەك.
3. بىرەۋ سەنى توبەلەسۋگە شاقىرسا قايتۋىڭ كەرەك؟
بۇل ءىس سەنىمەن قاتىستى بولسا دا، بولماسا دا، مۇلدە ماقۇل بولما.
قوعام پاراعى
1. باس اماندىعىنىڭ زيانعا ۇشىراۋىنان قالاي ساقتانۋعا بولادى؟
سىرتقا شىققاندا اتا – انامىزعا كىممەن بىرگە، قايدا باراتىنىمىزدى ايتىپ، تەلەفوننىڭ ىركىلىسسىزدىگىن ساقتاۋىمىز، ۇيگە وتە جاي قايتۋدان نەمەسە اۋاشا ورىندارعا بارۋدان ساق بولۋىمىز، ەڭ جاقسىسى باسقا بالالاردان ءبولىنىپ قالماۋىمىز كەرەك.
2. جىنىستىق سۇعاناقتىققا ۇشىراعاندا قايتۋ كەرەك؟
مۇندايدا مۇلدە ءۇنسىز قالۋعا بولمايدى، «قۇپيالىقتى» ساقتاۋعا استە بولمايدى، دەر كەزىندە اتا – اناعا ايتۋ كەرەك؛ كەشتە نەمەسە الىسقا باراتىن كەزدە جالعىز جۇرمەۋ كەرەك؛ دەنەنىڭ ۇياتتى جەرلەرى جونىندە دۇرىس تانىم ورناتىپ، بۇل جەرلەردى باسقالارعا كورسەتۋگە بولمايتىنىن، باسقالاردىڭ وعان قول تيگىزۋىنە بولمايتىنىن ءبىلۋ قاجەت. ساقتانۋ تانىمىن ورناتىپ، «ساعان تارتۋ بەرەيىن، بىرگە ويىن وينايىق» دەگەن سياقتى الداعان وتىرىكتەردى پارىقتاي ءبىلۋ قاجەت.
تۇرمىس پاراعى
1. وتباسىندا زورلىقتى كۇشكە ۇشىراعاندا قايتۋ كەرەك؟
دەر كەزىندە باسقا ەرەسەكتەرگە، مۇعالىمدەرگە، مەكتەپكە مالىمدەۋ، كورشىلەردەن، تۇرعىندار كوميتەتىنەن، قىستاق كوميتەتىنەن كومەك سۇراۋ قاجەت؛ بالانىڭ جاقىن تۋىسىنىڭ، قاتىستى قورعاۋ قۇرىلىمدارىنىڭ زورلىقتى كۇش ىستەتكەن قامقورشىنىڭ قامقورلىق ۇقىعىن قايتارىپ الۋ جونىندە سوتقا ءوتىنىش بەرۋىنە بولادى، باس اماندىعىن قورعاۋ بۇيرىعىن شىعارۋ جونىندە دە سوتقا ءوتىنىش بەرۋىنە بولادى.
2. ناشار ينفورماتسيالاردى كورگەندە قايتۋ كەرەك؟
ناشار ينفورماتسيالارعا باتىلدىقپەن «جوق» دەي ءبىلۋ، دۇرىس ينفورماتسيالاردى قابىلداۋ ارنالارىن تاڭداۋ، ناشار ينفورماتسيا قاينارىنا استە جۋىسپاۋ كەرەك.
3. قاتىناس شىرعالاڭىندا زياندالۋدان قالاي ساقتانۋعا بولادى؟
جول جۇرگەندە الىسىپ – جۇلىسپاۋ، جولدان وتكەندە باعدارشامعا قاراۋ كەرەك؛ اۆتوموبيلگە وتىرعاندا، دەنەنى اۆتوموبيلدىڭ سىرتىنا شىعارماۋ قاجەت؛ 12 جاسقا تولماعانداردىڭ جالعىز ءوزى ۆەلوسيپەت مىنۋىنە، ەلەكتروندى ۆەلوسيپەت مىنۋىنە بولمايدى.
4. قاتىناس شىرعالاڭى تۋىلسا قايتۋ كەرەك؟
ەگەر قاتىناس شىرعالاڭى تۋىلسا، دەر كەزىندە كومەك سۇراۋ جانە ەمدەلۋ قاجەت، قاتىناس شىرعالاڭىنا قاتىستى ىسپاتتاردى، ەمدەلۋ تالوندارىن ساقتاپ قويۋ كەرەك.
5. ازامات جاسىنا تولماعانداردىڭ ازاماتتىق ءىس ارەكەت قابىلەتىن قالاي تۇراقتاندىرۋ كەرەك؟
سەگىز جاستان تومەنگى بالالار ءارقانداي ازاماتتىق ءىس ارەكەتىمەن شۇعىلدانعاندا، اتا – انالارى ولاردىڭ اتىنان اتقارۋى نەمەسە اتا – انالارىنىڭ ماقۇلداۋىنان وتكىزۋ كەرەك؛ سەگىز جاستان اسقان بالالاردىڭ قارىنداش، وشىرگىش قاتارلى كۇندەلىكتى قولدانىلاتىن بۇيىمداردى دەربەس ساتىپ الۋىنا بولادى، ۇيتكەنى، بۇل ارەكەتتەر ونىڭ جاس شاماسىمەن، زەيىن - زەردەسىمەن سايكەس كەلەدى. كومپيۋتەر، القا – مونشاق سياقتى قىمبات بۇيىمداردى ساتىپ السا، ءسوزسىز، اتا – اناسىنىڭ ماقۇلداۋىنان وتكىزۋ كەرەك. مەيلى، بالا سەگىز جاسقا تولسىن، ياكي، تولماسىن، بالالاردىڭ سيلىق الۋ، تارتۋ الۋ، اقى الۋ قاتارلى ناق پايداعا يە بولاتىن ارەكەتتەردى اتقارۋىنا بولادى. (شياۋ جينبو، حۋاڭ يۇيچي، سۇڭ زىجيە، پراكتيكانت سۋ جينجين، پراكتيكانت لياڭ جىحۇي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
