«جۇڭگولىق، شەتەلدىك تىلشىلەر شينجياڭعا نازار سالۋ» اتىنداعى تىلشىلىك ىستەۋ، ماتەريال جيناۋ قيمىلى وتكىزىلدى
2021.06.01 15:54 كەلۋ قاينارى : حالىق تورابى
«حالىق گازەتى»، 5 - ايدىڭ 31 - كۇنى، قۇلجا (ءتىلشى حورىنبال). 5 - ايدىڭ 24 - كۇنىنەن 31 - كۇنىنە دەيىن جۇڭگو شەتەل تىلدەرى مەكەمەسى ۇيىمداستىرعان «جۇڭگولىق، شەتەلدىك تىلشىلەر شينجياڭعا نازار سالۋ» اتىنداعى تىلشىلىك ىستەۋ، ماتەريال جيناۋ ۇيىرمەسىندەگى 20 نەشە ءتىلشى شينجياڭنىڭ ءۇرىمجى، تارباعاتاي، ىلە سياقتى جەرلەرىنە بارىپ تىلشىلىك ىستەۋ، ماتەريال جيناۋ قيمىلىن ورىستەتىپ، شينجياڭنىڭ ەكونوميكالىق دامۋى مەن حالىق تۇرمىسىنىڭ جاقسارۋ جەتىستىكتەرىن ءوز كوزىمەن كوردى.
5 - ايدىڭ 24 - كۇنى تۇستەن كەيىن جۇڭگولىق، شەتەلدىك تىلشىلەر ءۇرىمجى قالاسى ەكونوميكالىق اشۋ رايونىنداعى (توۋتۇنحى رايونى) جينشىڭ توبى جولان شينجياڭ زەردەلى ماشينا كاسىپ باقشاسىنا كەلىپ، دۇنيە ءجۇزى بويىنشا وزىق اۆتوماتتى جىڭىشكە ءجىپ ءيىرۋ ماشيناسى، تولىق اۆتوماتتى اينالمالى ءجىپ ءيىرۋ ماشيناسى سياقتى ماشينالاردى ەكسكۋرسيالادى. «بەيجيڭ اپتالىق گازەتىنىڭ» ۇلى بريتانيالىق ءتىلشىسى لي جۇن سەحتىڭ اۆتوماتتاندىرۋ، زەردەلىلەنۋ دەڭگەيىن ايرىقشا القادى.
5 - ايدىڭ 25 - كۇنى تۇستەن بۇرىن «بۇگىنگى جۇڭگو» گازەتىنىڭ ەگيپەتتەگى ءتىلشى مۋ جياچي ءۇرىمجى قالاسىنداعى ۇلكەن اق مەشىتتە يماممەن بەتپە - بەت پىكىر اۋىستىرىپ، جەرگىلىكتى ورىنداعى دىنگە سەنەتىن بۇقارانىڭ ءدىني قيمىلداردى ورىستەتۋ سياقتى جاعدايلارىن ۇعىسىپ، جۇڭگونىڭ ازاماتتاردىڭ ءدىني سەنىم ەركىندىگىن زاڭ بويىنشا قامتاماسىز ەتكەنىن بەلسەندى باعالادى.
«جۇڭگو حابارلارى» جۋرنالىنىڭ برازيليالىق ءتىلشىسى رافاەل شينجياڭ حالىقارالىق ۇلكەن بازارىنا كەلىپ، ەرەكشە نان دۇكەنىندەگى نان مەن ءسۇتتى شايدان ءدام تاتىپ، ۇلتتىق ءان - ءبي ويىندارىن تاماشالادى. ول ۇلتتىق ەرەكشەلىككە يە وسى مۋزىكا اسپاپتارىن، ءتۇرلى - ءتۇستى مىس قۇرالداردى، كوزدىڭ جاۋىن الاتىن اتلاس جىبەكتى توتەنشە جاقسى كورەتىنىن ءبىلدىردى.
«بۇرىن ءبىز باتىستاعى كەيبىر اقپارات قۇرالدارىنىڭ جۇڭگونىڭ شينجياڭى جونىندەگى حابارىن وقىعان ەدىك، وسى جولى شينجياڭعا كەلىپ، سول حابارلاردىڭ ەشقانداي فاكت نەگىزى جوق ەكەنىن بىردەن انىق كوردىك». 5 - ايدىڭ 26 - كۇنى تۇستەن كەيىن «جۇڭگو حابارلارى» جۋرنالىنىڭ ءۇندىستاندىق ءتىلشىسى ۋەي حان بىلاي دەدى: شينجياڭدا كوركەم كورىنىس بولۋمەن بىرگە، ءار ۇلت حالقىنىڭ ءوندىرىس، تۇرمىس دەڭگەيى دە ۇزدىكسىز جوعارىلاۋدا ەكەن.
شاۋەشەك قالاسى قارا ءدوڭ الەۋمەتتىك اۋماعىندا تاتار ۇلتىنىڭ وتباسىنا تىلشىلىك ىستەگەننەن كەيىن ۋەي حان بىلاي دەدى: «مەن تۇرلىشە ۇلتتار اراسىنداعى دوستىق اۋىس - كۇيىستى كوردىم، ءار ۇلت حالقى وزدەرىنىڭ سالت - ساناسىن ساقتاپ وتىر ەكەن».
«جۇپار ءشوپ ءبىزدىڭ وتباسىمىزعا ۇلكەن وزگەرىس الا كەلدى، بۇرىن ۇيىمىزدە موتوتسيكل دە جوق ەدى، قازىر 2 جەڭىل اۆتوموبيلىمىز بار». 5 - ايدىڭ 28 - كۇنى جۇڭگولىق، شەتەلدىك تىلشىلەر ىلە قازاق اۆتونوميالى وبلىسى قورعاس اۋدانى لۋساۋگۋ قالاشىعى سىگۇڭ قىستاعىنداعى ما ليڭفيدىڭ ۇيىنە تىلشىلىك ىستەۋگە كەلدى. ما ليڭفي جۇپار ءشوپ گۇلىن مانەرلەۋ زاۆودىن قۇرىپتى، ونىمدەرى ەلەكتروندىق ساۋدا تۇعىرى ارقىلى ساتىلادى ەكەن، ونىڭ ۇستىنە ساياحاتشىلاردىڭ وسى اراعا كەلىپ زات ساتىپ الۋىن قوسقاندا، جىلدىق كىرىسى 300 مىڭ يۋاننان اسادى ەكەن.
5 - ايدىڭ 29 – كۇنىنەن 31 - كۇنىنە دەيىن ىلە قازاق اۆتونوميالى وبلىسىنىڭ قۇلجا اۋدانىندا، قورعاس قالاسىندا، كۇنەس اۋدانىندا كەدەيلىكتەن ارىلتۋدان قامال الۋ جانە اۋىل - قىستاقتى گۇلدەندىرۋ، ەكولوگيالىق وركەنيەت، ساياحاتتىق جۇمىستاندىرۋ سياقتى جاعدايلارعا تىلشىلىك ىستەگەننەن كەيىن جۇڭگو تورابىنىڭ رەسەيلىك ءتىلشىسى ۆيكتوريا سلەپزوۆا: «بۇل كاسىپتەر جەرگىلىكتى شارۋالاردى اۋقاتتانۋ ارناسىمەن قامداپ، ولاردىڭ تۇرمىس دەڭگەيىن جوعارىلاتىپتى، مەنىڭشە، كەرەمەت» دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
