بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ شەتەلدەرمەن بىرلەسكەن دوستىق قوعامى پاكيستانداعى شينجياڭدىق چياۋباۋلاردىڭ، وقۋشىلاردىڭ ۋاكىلدەرىمەن بەينە ەكران اڭگىمە ءماجىلىسىن وتكىزدى

2021.06.01 16:58     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى لي ياڭ 5 - ايدىڭ 29 - كۇنى ۇرىمجىدەن حابارلايدى. 5 - ايدىڭ 27 - كۇنى تۇستەن بۇرىن شينجياڭ شەتەلدەرمەن بىرلەسكەن دوستىق قوعامى پاكيستانداعى شينجياڭدىق چياۋباۋلاردىڭ، وقۋشىلاردىڭ ۋاكىلدەرىمەن بەينە ەكران اڭگىمە ءماجىلىسىن وتكىزدى. كوپشىلىك ينتەرنەت بەينە ەكران ارقىلى ”بۇلتتا باس قوسىپ“وتانعا، مەكەنگە، تۋىس - تۋعان، دوس - جاراندارىنا دەگەن دوستىق سۇيىسپەنشىلىگىن جەتكىزىپ، شينجياڭنىڭ دامۋىن، وزگەرىسىن بىرگە تىلگە تيەك ەتتى.

  شينجياڭ شەتەلدەرمەن بىرلەسكەن دوستىق قوعامىنىڭ باستىعى پۋ شۋەمەي ماجىلىسكە قاتىناسقاندارعا 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتى بولعان، ەكونوميكاسىنىڭ ورنىقتى اقاۋسىز دامىعان، حالىق تۇرمىسىن قامتاماسىز ەتۋدىڭ ۇزدىكسىز جاقسارعان، ۇلتتار بىرگە ىنتىماقتاسىپ، العا باسقان، ءدىني سەنىم ەركىندىگى ۇقىعى تولىق قامتاماسىز ەتىلگەن وراسان زور تابىسىن تانىستىردى.

  جۇڭگونىڭ پاكيستانداعى باس ەلشىسى نۇڭ رۇڭ پاكيستانداعى شينجياڭدىق چياۋباۋلار، وقۋشىلار ءۇشىن ورىستەتكەن كونسۋل ىستەرى، چياۋباۋ ىستەرى قىزمەتىن، اسىرەسە، ىندەت كەزىندە ولاردى ىندەتتەن ساقتانۋعا كەڭەس بەرۋ جانە ”سالاماتتىق بوقشاسى“ سياقتى ىندەتتەن ساقتاۋ زاتتىق ماتەريالدارمەن قامداۋ جاعدايىن تانىستىردى.

  پاكيستانداعى شينجياڭدىق چياۋباۋلاردىڭ، وقۋشىلاردىڭ ۋاكىلدەرى جابال لەبىز ءبىلدىرىپ، وزدەرىنىڭ شەتەلدەگى قىزمەت، ۇيرەنۋ، تۇرمىس جاعدايىن جەكە - جەكە تانىستىردى. شينجياڭداعى تۋىس - تۋعاندارى شەتەلدەگى تۋىس - تۋعاندارىنا ءوز وتباسىلارىندا جانە مەكەندەرىندە تۋىلعان قۋانىشتى وزگەرىستەردى ارت - ارتىنان تانىستىردى.

  پاكيستانداعى حۋاچياۋ، حۋارىندار قوعامىنىڭ ورىنباسار باستىعى ۋ يانچۇن بىلاي دەدى: ىندەت تۋىلعان سوڭ جۇڭگو ۇكىمەتى پاكيستانعا ماماندار گرۋپپاسىن جىبەردى ءارى ”سالاماتتىق بوقشاسىن“ تاراتتى، جۇڭگونىڭ پاكيستانداعى ەلشىلىگى سالاماتتىق لەكسياسىن ورىستەتتى. شەتەلدەگى جۇڭگو ازاماتتارىنىڭ ۆاكسينا ەكتىرۋى ءۇشىن ”كوكتەمگى ۆاكسينا ارەكەتىن“ پاكيستاندا ءتارتىپتى ورىستەتتى. پاكيستانداعى شينجياڭدىق چياۋباۋلار ەل ىشىندەگى باۋىرلاستار جىلۋعا اتاعان ماسكى، ءدارى - دارمەك سياقتىلاردى قابىلداپ، وتاننان جەتكەن ىستىق مەيىردى تەرەڭ سەزىندى.

  ”اكە، شەتەلدە امان - ەسەن ءجۇرسىز بە؟ مەن ءسىزدى قاتتى ساعىندىم“. ءۇرىمجى قالالىق 16 - ورتا مەكتەپتىڭ وقۋشىسى شوكىراتالي شيجاات بەينە ەكران ارقىلى اكەسىنە امانداستى. ول بىلاي دەدى: ءۇرىمجى بارعان سايىن كوركەم بولىپ كەلەدى، شەشەممەن بىرگە ۇنەمى مەتروعا وتىرىپ كەشكى بازارعا بارامىن. كەشكى بازاردا ەل ءىشى - سىرتىنان كەلگەن كوپتەگەن ساياحاتشى بار، بارلىعى تۇگەلدەي شينجياڭ جاقسى جەر دەپ القايدى. ”مەن مەكتەپتىڭ فۋتبول قۇراماسىندا دوپ تەبەمىن، دوپ ويناۋ شەبەرلىگىم كوپ جوعارىلادى. شەشەمە سەرىك بولىپ شيپاحاناعا بارىپ ناۋقاس كورسەتتىك، ەمدەۋ قامسىزداندىرۋ كارتچكاسى ارقىلى ەسەپتەن كوتەرتۋگە بولادى ءارى وتە قولايلى. ءسىز الاڭسىز بولىڭىز“.

  شوكىراتاليدىڭ اكەسى شيجاات ءالي پاكيستانداعى جۇڭگو جاستار حۋاچياۋ بىرلەسكەن دوستىق قوعامىنىڭ باستىعى، ول مەكەندە بولعان وزگەرىسكە ەرەكشە ءسۇيىندى. ”شينجياڭدىق چياۋباۋلار وتاننىڭ قۇدىرەتتەنگەنىن ماقتانىش ەتەدى“، - دەدى ول.

  پۋ شۋەمەي مىنالاردى ءبىلدىردى: كوركەيىپ - گۇلدەنگەن، بايىپ قۇدىرەتتەنگەن وتان شەتەلدەگى چياۋباۋلاردىڭ مىقتى تىرەگى، شەتەلدەرمەن بىرلەسكەن دوستىق قوعامى جالعاستى شينجياڭدىق چياۋباۋلاردى تاماشا قىزمەت وتەۋمەن جانە قامتاماسىزدىقپەن قامدايدى. شينجياڭدىق چياۋباۋلاردىڭ بۇرىنعىداي وتاننىڭ دامۋى مەن مەكەندەرىنىڭ وزگەرىسىنە نازار اۋدارىپ، جۇڭگو مەن پاكيستان ەكونوميكا، مادەنيەت اۋىس - كۇيىسىنىڭ، ءوزارا ۇلگى الۋىنىڭ كوپىرى، دانەكەرى بولۋ جاۋاپكەرشىلىگىن ىرىقتىلىقپەن ارقالاپ، ”ءبىر بەلدەۋ، ءبىر جول” قۇرىلىسىن ىلگەرىلەتۋدە ارتىقشىلىقتارىن جانە رولدارىن ساۋلەلەندىرىپ، وزدەرى تۇرعان ەل حالقىنىڭ شينجياڭدى جان - جاقتى، وبيەكتيۆ، شىنايى تۇردە تۇسىنۋىنە، شينجياڭدى تانۋىنا مۇمكىندىك جاساۋلارى كەرەك.

  بەينە ەكران اڭگىمە ماجىلىسىندە تاعى «شينجياڭ جاقسى جەر» ۇگىت فيلمى قويىلدى، اۆتونوميالى رايوندىق سىرتقى ىستەر كەڭسەسى، اۆتونوميالى رايوندىق چياۋباۋ ىستەرى كەڭسەسى، اۆتونوميالى رايوندىق وتانعا ورالعان حۋاچياۋلار بىرلەستىگىنىڭ قاتىستى جاۋاپتىلارى بەينە ەكران اڭگىمە ماجىلىسىنە قاتىناستى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار