شي جينپيڭ ج ك پ ورتالىق كوميتەتى ساياسي بيۋروسىنىڭ 30 - رەتكى توپتىق ۇيرەنۋىندە مىنانى دارىپتەدى
حالىقارالىق تاراتۋ قىزمەتىن كۇشەيتىپ جانە جاقسارتىپ، شىنايى، ستەرەولى، جان - جاقتى جۇڭگونى ايگىلەۋ كەرەك
2021.06.02 13:33 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 1 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 5 - ايدىڭ 31 - كۇنى تۇستەن كەيىن ەلىمىزدىڭ حالىقارالىق تاراتۋ قۋاتى قۇرىلىسىن كۇشەيتۋ جونىندە 30 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى دارىپتەدى: جۇڭگو حيكاياسىن ويداعىداي بايانداپ، جۇڭگو ءۇنىن ويداعىداي تاراتىپ، شىنايى، ستەرەولى، جان - جاقتى جۇڭگونى ايگىلەۋ − ەلىمىزدىڭ حالىقارالىق تاراتۋ قۋاتى قۇرىلىسىن كۇشەيتۋدەگى ماڭىزدى مىندەت. جاڭا جاعدايدا حالىقارالىق تاراتۋ قىزمەتىن كۇشەيتۋدىڭ جانە جاقسارتۋدىڭ ماڭىزدىلىعى مەن قاجەتتىلىگىن جەتە تانىپ، حالىقارالىق تاراتۋ قابىلەتى قۇرىلىسىن كۇش سالا نىعايتىپ، ەلىمىزدىڭ جالپىلىق مەملەكەت قۋاتى مەن حالىقارالىق ورنىنا سايكەسەتىن حالىقارالىق ءسوز سويلەۋ ۇقىعىن قالىپتاستىرىپ، ەلىمىزدىڭ رەفورماسى، دامۋى، ورنىقتىلىعى ءۇشىن ءتيىمدى سىرتقى جاماعات پىكىرى ورتاسىن ازىرلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋ كەرەك.
فۋدان داشۋەسىنىڭ پروفەسسورى جاڭ ۋەي وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.
شي جينپيڭ ۇيرەنۋدى باسقارعاندا ءسوز سويلەدى. ول مىنالاردى اتاپ كورسەتتى: پارتيامىز ەجەلدەن سىرتقا تاراتۋ قىزمەتىنە ايرىقشا ءمان بەرىپ كەلەدى. پارتيانىڭ 18 - قۇرىلتايىنان بەرى ءبىز حالىقارالىق تاراتۋدا دۇرىس جولدان تايماي جاڭالىق اشۋدى كۇش سالا ىلگەرىلەتىپ، ىشكى - سىرتقى ۇگىت ءتۇزىلىسىن جونگە سالىپ، حالىقارالىق ىقپالعا يە اقپارات قۇرالدارى شوعىرىن قالىپتاستىرىپ، جۇڭحۋا مادەنيەتىنىڭ سىرتقا بەت الۋىن بەلسەنە ىلگەرىلەتىپ، حالىقارالىق جاماعات پىكىرىنە جەتەكشىلىك ەتۋ مەن جاماعات پىكىرى كۇرەسىن ءونىمدى ورىستەتىپ، كوپ نەگىزگى تۇلعاداعى، ستەرەولى سىرتقى ۇگىت جاعدايىن العاشقى ادىمدا قالىپتاستىردىق، ەلىمىزدىڭ حالىقارالىق ءسوز سويلەۋ ۇقىعى مەن ىقپال كۇشى كورنەكتى جوعارىلادى، سونىمەن بىرگە، جاڭا جاعداي مەن مىندەتكە دە ءدوپ كەلىپ وتىرمىز. جوعارى دەڭگەيدە جوبالاۋ مەن زەرتتەۋ، ورنالاستىرۋدى كۇشەيتىپ، ايقىن جۇڭگوشا ەرەكشەلىككە يە ستراتەگيالىق تاراتۋ جۇيەسىن ورناتىپ، حالىقارالىق تاراتۋ ىقپالىن، جۇڭحۋا مادەنيەتىنىڭ باۋراۋ قۋاتىن، جۇڭگو وبرازىنىڭ باۋىرمالدىعىن، جۇڭگو ءتىلىنىڭ يلاندىرۋ قۋاتىن، حالىقارالىق جاماعات پىكىرىنىڭ جەتەكشىلىك قۋاتىن كۇش سالا جوعارىلاتۋ كەرەك.
شي جينپيڭ مىنالاردى اتاپ كورسەتتى: جۇڭگو ءتىلى مەن جۇڭگونىڭ بايانداۋ جۇيەسىن جەدەل ورناتىپ، جۇڭگو نازارياسى ارقىلى جۇڭگونىڭ امالياتىن ءتۇسىندىرىپ، جۇڭگو امالياتى ارقىلى جۇڭگو نازارياسىن بايىتىپ، جۇڭگو مەن شەتەلدى توعىستىراتىن جاڭا ۇعىم، جاڭا كاتەگوريا، جاڭا پايىمداۋ قالىپتاستىرىپ ، جۇڭگو حيكاياسى مەن ونىڭ استارىنداعى يدەيالىق كۇش پەن رۋحاني كۇشتى اناعۇرلىم تولىق، اناعۇرلىم ايقىن ايگىلەۋ كەرەك. جۇڭگو كوممۋنيستىك پارتياسىن ۇگىتتەۋدى، ءتۇسىندىرۋدى كۇشەيتىپ، شەتەل بۇقاراسىنىڭ جۇڭگو كوممۋنيستىك پارتياسىنىڭ شىن مانىندە جۇڭگو حالقىنىڭ باقىتى ءۇشىن كۇرەس جاساپ وتىرعانىن بىلۋىنە، جۇڭگو كوممۋنيستىك پارتياسىنىڭ نە ءۇشىن «يقۋاتتى ەكەنى»، ماركسيزمنىڭ نە ءۇشىن «جۇزەگە اساتىنى»، جۇڭگوشا سوتسياليزمنىڭ نە ءۇشىن «جاقسى» ەكەنى سياقتى نەگىزگى قيسىنداردى ۇعىنۋىنا كومەكتەسۋ كەرەك. جۇڭگو رۋحىن، جۇڭگو قۇنىن، جۇڭگو كۇشىن ارقاۋ ەتىپ، ساياسي، ەكونوميكا، مادەنيەت، قوعام، ەكولوگيالىق وركەنيەت سياقتى كوپ تۇرعىدان ىشكەرىلەي زەرتتەۋ جۇرگىزىپ، حالىقارالىق تاراتۋ قىزمەتىن ورىستەتۋگە عىلمي تىرەك ازىرلەۋ كەرەك. جۇڭحۋا مادەنيەتىنىڭ سىرتقا بەت الۋىن اناعۇرلىم ويداعىداي ىلگەرىلەتىپ، مادەنيەت ارقىلى جول اشىپ، مادەنيەت ارقىلى ءۇن قاتىپ، مادەنيەت ارقىلى ادام تاربيەلەپ، دۇنيە جۇزىنە جۇڭگوشا ەرەكشەلىككە يە، جۇڭگو رۋحىن ايگىلەيتىن، جۇڭگو اقىل - پاراساتىن ءون بويىنا جيناعان ءتىپتى دە كوپ تاڭداۋلى مادەنيەتتى ءتۇسىندىرۋ، تانىستىرۋ كەرەك. نەگىزگى اۋەندى ويداعىداي يگەرۋگە باسا ءمان بەرىپ، اشىق، سەنىمدى ءارى كىشپەيىل بولىپ، سەنىمدى، سۇيكىمدى، قۇرمەتتى جۇڭگو وبرازىن قۇلشىنا سومداۋ كەرەك.
شي جينپيڭ بىلاي دەپ دارىپتەدى: جۇڭگونىڭ قۋاتتاماسىن، جۇڭگونىڭ اقىل - پاراساتىن، جۇڭگونىڭ جوباسىن كەڭ كولەمدە ۇگىتتەۋ، تانىستىرۋ كەرەك، ەلىمىز دۇنيە ءجۇزى ساحناسىنىڭ ورتالىعىنا كۇن سايىن جاقىنداپ كەلەدى، دۇنيە جۇزىلىك ىستەردە اناعۇرلىم زور رول اتقارىپ، ءار ەلمەن بىرگە بۇكىل ادامزات ماسەلەسىن شەشۋگە اناعۇرلىم زور ۇلەس قوسۋعا قابىلەتتى ءارى مىندەتتى بولىپ وتىر. ادامزاتتىڭ تاعدىرلاس ورتاق تۇلعاسى ۇلى تۋىن بيىك ۇستاپ، ەلىمىز دامۋىنىڭ جاندى امالياتىنا سۇيەنىپ، 5 مىڭ جىلدان استام ۋاقىتتان بەرگى جۇڭحۋا وركەنيەتىن تياناق ەتىپ، ەلىمىزدىڭ دامۋ كوزقاراسىن، وركەنيەت كوزقاراسىن، حاۋىپسىزدىك كوزقاراسىن، كىسىلىك ۇقىق كوزقاراسىن، ەكولوگيا كوزقاراسىن، حالىقارالىق ءتارتىپ كوزقاراسىن جانە دۇنيە جۇزىلىك جونگە سالۋ كوزقاراسىن جان - جاقتى پايىمداۋ كەرەك. كوپ جاقتىلىقتى دارىپتەپ، سىڭار جاقتىلىققا، زورەكەرلىككە قارسى تۇرىپ، حالىقارالىق قوعامدى اناعۇرلىم ءادىل، ۇيلەسىمدى حالىقارالىق جاڭا ءتارتىپ ورناتۋعا جەتەكتەپ، جاڭاشا حالىقارالىق قاتىناس ورناتۋ كەرەك. ءتۇرلى جاندى دا اسەرلى مىسالداردى قولدانۋعا شەبەر بولىپ، جۇڭگونىڭ دامۋىنىڭ ءوزى دۇنيە جۇزىنە قوسقان ەڭ زور ۇلەسى ەكەنىن، ادامزات ماسەلەسىن شەشۋگە اقىل - پاراسات قوسىپ وتىرعانىن ءتۇسىندىرۋ كەرەك.
شي جينپيڭ مىنالاردى اتاپ كورسەتتى: ءتۇرلى فورماداعى گۋمانيتارلىق اۋىس - كۇيىس قيمىلدارىن ىشكەرىلەي ورىستەتىپ، ءتۇرلى جولدارمەن ەلىمىزدىڭ ءار ەلمەن گۋمانيتارلىق اۋىس - كۇيىسىن جانە حالىق تىلەگىن توعىستىرۋىن ىلگەرىلەتۋ كەرەك. ءتۇزىلىس، مەحانيزمدە جاڭالىق اشىپ، ءتۇزىم ابزالدىعىمىزدى، ۇيىمدىق ابزالدىعىمىزدى، ادام كۇشى ابزالدىعىمىزدى تاراتۋ ابزالدىعىنا اينالدىرۋىمىز كەرەك. جوعارى دەڭگەيلى مامانداردىڭ رولىن اناعۇرلىم ويداعىداي ساۋلەلەندىرىپ ، ماڭىزدى حالىقارالىق ءماجىلىس تالقى مىنبەرى، شەتەلدىڭ نەگىزگى اقپارات قۇرالدارى سياقتى تۇعىرلاردان جانە ارنالاردان پايدالانىپ ءۇن قاتۋ كەرەك. جەر - جەر، تاراۋلار ءوز ەرەكشەلىكتەرى مەن ارتىقشىلىقتارىن ساۋلەلەندىرىپ، قىزمەتتەردى ورىستەتىپ، باي مازمۇندى، جاندى دا ستەرەولى جۇڭگو وبرازىن ايگىلەۋى كەرەك.
شي جينپيڭ مىنانى دارىپتەدى: حالىقارالىق تاراتۋ ونىمدىلىگىن جاپپاي جوعارىلاتىپ، جاڭا داۋىردەگى حالىقارالىق تاراتۋ قاجەتىنە ۇيلەسەتىن ارناۋلى دارىندىلار قوسىنىن كۇشەيتۋ كەرەك. حالىقارالىق تاراتۋ جونىندەگى نازاريالىق زەرتتەۋدى كۇشەيتىپ، حالىقارالىق تاراتۋ زاڭدىلىعىن يگەرىپ، سىرتقا باعىتتالعان ءسوز سويلەۋ جۇيەسىن ورناتىپ، تاراتۋ ونەرىن جوعارىلاتۋ كەرەك. تۇرلىشە وڭىرگە، تۇرلىشە ەلگە، تۇرلىشە قاۋىمعا جاناسىمدى بولۋ سىندى دالمە - ءدال تاراتۋ ءتاسىلىن قولدانىپ، جۇڭگو حيكاياسى مەن جۇڭگو ءۇنىن جاھانداندىرىپ جەتكىزۋدى، وڭىرلەندىرىپ بەينەلەۋدى، بۇقارالاندىرىپ بەينەلەۋدى ىلگەرىلەتىپ، حالىقارالىق تاراتۋدىڭ باۋىرمالدىعى مەن ونىمدىلىگىن كۇشەيتۋ كەرەك. كەڭ كولەمدە دوستاسىپ، كوپ ساندىلاردى ىنتىماقتاستىرىپ جانە ءوز جاعىمىزعا تارتىپ، جۇڭگونى تۇسىنەتىن، جۇڭگومەن دوس بولاتىن حالىقارالىق جاماعات پىكىرى دوستار شەڭبەرىن ۇزدىكسىز كەڭەيتۋ كەرەك. قوعامدىق پىكىر كۇرەسىنىڭ تاكتيكاسى مەن ونەرىنە ءمان بەرىپ، كەلەلى ماسەلەلەردە سىرتقا قاراتا ءۇن قاتۋ قابىلەتىن جوعارىلاتۋ كەرەك.
شي جينپيڭ بىلاي دەپ دارىپتەدى: ءار دارەجەلى پارتكومدار (پارتگرۋپپا) حالىقارالىق تاراتۋ قابىلەتى قۇرىلىسىن كۇشەيتۋدى پارتكومنىڭ (پارتگرۋپپا) يدەولوگيا قىزمەتى جاۋاپكەرلىك تۇزىمىنە ەنگىزىپ، ۇيىمدىق باسشىلىقتى كۇشەيتىپ، قازىنالىق ۇسىنىلىمدى ارتتىرىپ، ءىس جۇزىندىك قىزمەتتەردى ىلگەرىلەتۋگە، ناقتى قيىنشىلىقتاردى شەشۋگە كومەكتەسۋى كەرەك. ءار دارەجەلى باسشى كادرلار حالىقارالىق تاراتۋ قىزمەتىن ىرىقتىلىقپەن ىستەۋى، نەگىزگى جاۋاپتى جولداستار وزدەرى يگەرۋى ءارى وزدەرى ىستەۋى كەرەك. باسشى كادرلارعا قاراتىلعان حالىقارالىق تاراتۋ بىلىمدەرى جاعىنداعى تاربيەلەۋدى كۇشەيتىپ، ءار دارەجەلى پارتيا ۇيىمدارىنىڭ رولىن ساۋلەلەندىرىپ، پارتيا مەن مەملەكەتتىڭ ار - نامىسىن، وبرازىن سانالىلىقپەن قورعايتىن تاماشا ورتا قالىپتاستىرۋ كەرەك. ءار دارەجەلى پارتيا مەكتەپتەرى (اكىمشىلىك شۋەيۋاندار) حالىقارالىق تاراتۋ قابىلەتىن جەتىلدىرۋدى ماڭىزدى مازمۇن ەتۋى كەرەك. جوعارى مەكتەپتەردىڭ ءپان قۇرىلىسىن جانە زاپاس دارىندىلاردى باۋلۋدى كۇشەيتىپ، حالىقارالىق تاراتۋ نازارياسىن زەرتتەۋ ورەسىن جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
