جۇڭگو كوممۋنيستىك پارتياسى ورتالىق كوميتەتىنىڭ ”ءبىرىنشى باسشىنى“ جانە باسشىلىق القانى باقىلاۋدى كۇشەيتۋ جونىندەگى پىكىرى
2021.06.03 14:30 كەلۋ قاينارى : شينجياڭ گازەتى
(2021 - جىلى 3 - ايدىڭ 27 - كۇنى)
نەگىزگى باسشى كادرلاردى جانە باسشىلىق القانى باقىلاۋدى كۇشەيتۋ − جاڭا داۋىردەگى پارتيانىڭ جاپپاي باسشىلىعىنا تاباندى بولۋدىڭ جانە ونى كۇشەيتۋدىڭ، پارتيا قۇرىلىسى ساپاسىن جوعارىلاتۋدىڭ، پارتيانى جاپپاي قاتاڭ جونگە سالۋدى ىشكەرىلەي دامىتۋدى ىلگەرىلەتۋدىڭ قاجەتتى تالابى. پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيانى جاپپاي قاتاڭ جونگە سالۋدىڭ نەگىزگى تۇلعالىق جاۋاپكەرشىلىگىن جانە باقىلاۋ جاۋاپكەرشىلىگىن تياناقتاندىرۋ ءۇشىن، ”ءبىرىنشى باسشىنى“ جانە باسشىلىق القانى باقىلاۋدى كۇشەيتۋ جونىندە تومەندەگىدەي پىكىر العا قويىلدى.
ءبىرىنشى، ”ءبىرىنشى باسشىنى“ جانە باسشىلىق القانى باقىلاۋدى كۇشەيتۋدىڭ ماڭىزدىلىعىن، كوكەي تەستىلىگىن جەتە تانۋ
باس شۋجي شي جينپيڭ: پارتيانىڭ كوميتەتى پارتيانىڭ بيلىك جۇرگىزىپ، مەملەكەتتى گۇلدەندىرۋدەگى قولباسشىلىق شتابى، ”ءبىرىنشى باسشى“ پارتيانىڭ ىستەرىن دامىتۋداعى كوشباسشى، ”ءتورت تانىمدى“ كۇشەيتۋدە، ”ءتورت سەنىمدى“ بەكەمدەۋدە، ”ەكىنى قورعاۋدى” ورىنداۋدا، ءسوز جوق، ۇلگى بولۋ، الدىڭعى شەپتە ءجۇرۋ كەرەك دەپ اتاپ كورسەتتى؛ ءار دارەجەلى ”ءبىرىنشى باسشى“ جونىنەن العاندا، جوعارىدان تومەنگە دەيىنگى بولعان باقىلاۋدىڭ ەڭ ءونىمدى ەكەندىگىن، پارتيا ورتالىق كوميتەتىنىڭ جوعارى دارەجەلى كادرلاردى باقىلاۋدى كۇشەيتۋ، ءار دارەجەلى پارتكوم (پارتيا باسشىلىق گرۋپپاسى) ءوزى باسقاراتىن باسشى كادرلاردى، اسىرەسە، نەگىزگى باسشى كادرلاردى باقىلاۋدى كۇشەيتۋ، جوعارى دارەجەلى ”ءبىرىنشى باسشى“، ءسوز جوق، تومەن دارەجەلى ”ءبىرىنشى باسشىنى“ مىقتى يگەرۋ كەرەكتىگىن باسا دارىپتەدى؛ تەڭ دارەجەلى باقىلاۋداعى قيىن ماسەلەنى شەشۋدىڭ تەتىگى پارتكوم تۇراقتى كوميتەتىندە ەكەندىگىن، سىن جانە ءوز - وزىنە سىن قارۋىنان ويداعىداي پايدالانىپ، ىرىقتىلىقپەن باقىلاۋداعى، ءوزارا باقىلاۋداعى سانالىلىقتى كۇشەيتۋ كەرەكتىگىن باسا دارىپتەدى. جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي شەرۋ تارتۋدا بۇرىن بولىپ كورمەگەن كۇردەلى ورتاعا جانە حاۋىپ - قاتەر، سىن - سايىستارعا ءدوپ كەلىپ وتىرمىز، تەك پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا بۇلجىماي تاباندى بولىپ، پارتيانىڭ ۇلى وزىندىك توڭكەرىسىن باستان - اياق دايەكتى ىلگەرىلەتىپ، ءونىمدى باقىلاۋ ارقىلى ”شەشۋشى ازشىلىقتى“ باسقارىپ، ويداعىداي ىستەتىپ، پارتيالى باسشى كادرلاردىڭ اۆانگارد، ۇلگىلىك رولىن جانە ونەگەلىك باستاماشىلىق رولىن تولىق ساۋلەلەندىرگەندە عانا، قالىڭ كادرلار مەن بۇقارانى ىنتىماقتاستىرىپ، باستاپ، العا باسۋ جولىنداعى ءتۇرلى ماشاقاتتار مەن حاۋىپ - قاتەرلەردى، بوگەتتەردى جەڭىپ، جۇڭگوشا سوتسياليزم ىستەرىنىڭ جاڭا جەڭىستەرىنە ۇزدىكسىز قول جەتكىزۋگە بولادى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى بۇلجىماستان ىلگەرىلەتىپ، پارتكومنىڭ (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىگىن، شۋجيلەردىڭ ءبىرىنشى جاۋاپتى ادام قىزمەت جاۋاپكەرشىلىگىن، باسشىلىق القاداعى باسقا مۇشەلەردىڭ ”ءبىر قىزمەت ورنىندا قوس جاۋاپكەرشىلىك ارقالاۋىن“، ءتارتىپ تەكسەرۋ ورگاندارىنىڭ باقىلاۋ ارناۋلى جاۋاپكەرشىلىگىن تياناقتاندىرۋدى ىلگەرىلەتىپ، كوپتەگەن ءونىمدى ادىستەر مەن تاجىريبەلەردى قالىپتاستىردى. سونىمەن قاتار ”ءبىرىنشى باسشىنى“ باقىلاۋدىڭ ءالى دە ءالسىز بۋىن ەكەندىگىن، پارتيا ىشىندەگى باقىلاۋ جۇيەسىن كەمەلدەندىرۋ، باقىلاۋ جاۋاپكەرشىلىگىن تياناقتاندىرۋ مىندەتىنىڭ ءالى دە كوكەي تەستى ەكەندىگىن، ءسوز جوق، ايقىن تانۋ كەرەك. باسشى كادرلاردىڭ جاۋاپكەرشىلىگى اۋىرلاعان سايىن، قىزمەت ورنى سونشا ماڭىزدى بولادى، باقىلاۋدى ءتىپتى دە كۇشەيتە ءتۇسۋ كەرەك. ”ءبىرىنشى باسشىنى“ باقىلاۋداعى جانە تەڭ دارەجەلى باقىلاۋداعى قيىن ماسەلەلەردى شەشۋدە، ءسوز جوق، باقىلاۋدىڭ ءتۇيىنىن ايقىنداپ، باقىلاۋ جاۋاپكەرشىلىگىن قاتايتىپ، باقىلاۋ شارالارىن ەگجەي - تەگجەيلىلەندىرىپ، ءتۇزىم مەحانيزمىن اقاۋسىزداندىرۋ كەرەك. ءار دارەجەلى پارتكوم (پارتيا باسشىلىق گرۋپپاسى) ”ءبىرىنشى باسشىنى“ جانە باسشىلىق القانى باقىلاۋدى كۇشەيتۋدىڭ ەرەكشە ماڭىزدىلىعىن جانە ناقتى كوكەي تەستىلىگىن جەتە تانىپ، جوعارى دارەجەلى پارتيا ۇيىمىنىڭ باقىلاۋىن كۇشەيتىپ، تەڭ دارەجەلى باقىلاۋدى ناقتى، ەگجەي - تەگجەيلى ىستەپ، پارتيالى باسشى كادرلاردىڭ ساياسي تانىمىن كۇشەيتۋىن ىلگەرىلەتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ادال، كىرشىكسىز بولۋدى، جاۋاپكەرشىلىك ارقالاۋدى سانالىلىقپەن امالياتتا ايگىلەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باستاماشىلىقپەن قورعاپ، بۇكىل پارتيادا بىركەلكى قاداممەن العا باسۋعا شىنايى كەپىلدىك ەتۋ كەرەك.
”ءبىرىنشى باسشىنى“ جانە باسشىلىق القانى باقىلاۋدى كۇشەيتۋدە، ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ جاپپاي باسشىلىعىنا تاباندى بولىپ جانە كۇشەيتىپ، پارتيانى باسقارۋدىڭ، پارتيانى جونگە سالۋدىڭ ساياسي جاۋاپكەرشىلىگىن تياناقتاندىرىپ، پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، ىرىقتىلىقپەن باقىلاۋ ورىستەتۋدى، باقىلاۋدى سانالىلىقپەن قابىلداۋدى جەبەپ، ءبىر دارەجە ءبىر دارەجەنى يگەرەتىن، ساتىلار بويىنشا تياناقتاندىرۋدى يگەرەتىن باقىلاۋ قىزمەت ارناسىن قالىپتاستىرىپ، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن وزگەرتۋ، ءوزىن جوعارىلاتۋ قابىلەتىن ۇزدىكسىز كۇشەيتىپ، جۇڭگوشا باقىلاۋ ءتۇزىمى ابزالدىلىعىنىڭ جونگە سالۋ ونىمدىلىگىنە اناعۇرلىم جاقسى اينالۋىن ىلگەرىلەتۋ كەرەك.
”ءبىرىنشى باسشىنى“ جانە باسشىلىق القانى باقىلاۋدى كۇشەيتۋدە پارتيا ىشىندەگى باقىلاۋ ءتۇزىمىن جاپپاي تياناقتاندىرىپ، ساياسي باقىلاۋدى كورنەكتىلەندىرىپ، ”ءبىرىنشى باسشىنىڭ“ جانە باسشىلىق القانىڭ پارتياعا ادال بولۋ، پارتيانىڭ سيپاتى مەن باس ماقساتىن امالياتتا ايگىلەۋ احۋالى جونىندەگى باقىلاۋدى ءتۇيىندى تۇردە كۇشەيتۋ؛ پارتيانىڭ لۋشيان، باعىت - ساياساتتارىن جانە پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ، ”ەكىنى قورعاۋدى“ امالياتتا ورىنداۋ احۋالى جونىندەگى باقىلاۋدى كۇشەيتۋ؛ جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋ احۋالىن ىلگەرىلەتۋ جونىندەگى باقىلاۋدى كۇشەيتۋ؛ پارتيانى جاپپاي قاتاڭ جونگە سالۋدىڭ نەگىزگى تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن تياناقتاندىرۋ احۋالى جونىندەگى باقىلاۋدى كۇشەيتۋ؛ دەموكراتيالىق ورتالىقتاندىرۋ ءتۇزىمىن دايەكتى اتقارۋ، بەلگىلەمە بويىنشا، زاڭ بويىنشا مىندەتىن اتقارۋ، ۇقىعىن جۇرگىزۋ، جاۋاپكەرشىلىك ارقالاپ ىسكەرلىك كورسەتۋ، پاك، تارتىپشەڭ بولۋ سياقتى احۋالدار جونىندەگى باقىلاۋدى كۇشەيتىپ، شىنايى باسقارۋدى، شىنايى قاتايتۋدى، باتىلدىقپەن باسقارۋدى، باتىلدىقپەن قاتايتۋدى، ۇزاق ۋاقىت باسقارۋدى، ۇزاق ۋاقىت قاتايتۋدى ورىنداۋ كەرەك.
ءار دارەجەلى باسشى كادرلار باسشىلىق قىزمەت جاۋاپكەرشىلىگىندە قامتىلعان باقىلاۋ قىزمەت جاۋاپكەرشىلىگىن ساياسي جاقتان تانىپ، باقىلاۋ تانىمىن كۇشەيتىپ، باقىلاۋ جاۋاپكەرشىلىگىن اتقارۋ؛ پارتيا ۇيىمى مەن بۇقارانىڭ باقىلاۋىنا دۇرىس مامىلە جاساپ، قاتەلىكتەردى باتىلدىقپەن تۇزەتىپ، قىزمەتتى شىن مانىندە جاقسارتۋ؛ باقىلاۋدى جانە تەجەۋدى قابىلدايتىن ورتادا قىزمەت ىستەۋگە، تۇرمىس كەشىرۋگە داعدىلانىپ، باقىلاۋدى ىرىقتىلىقپەن قابىلداۋ، باقىلاۋدان استە باس تارتپاۋ، قاشقالاقتاماۋ كەرەك. ”ءبىرىنشى باسشى“ سانالىلىقپەن پارتيا ۇيىمى مەن بۇقارانىڭ باقىلاۋىندا بولىپ، جاۋاپكەرشىلىكتى، جاۋاپكەرشىلىك ارقالاۋدى كۇشەيتىپ، باسشىلىق القاداعى باسقا مۇشەلەردى جانە وزىنەن تومەن دارەجەلى باسشى كادرلاردى باقىلاۋدى كۇشەيتۋ كەرەك.
ەكىنشى، ”ءبىرىنشى باسشىنى“ باقىلاۋدى كۇشەيتۋ
(1) ”ءبىرىنشى باسشىنى“ باقىلاۋدى ماڭىزدىنىڭ ماڭىزدىسى ساناپ، باقىلاۋدى، تەكسەرۋدى كۇشەيتۋ. ”ءبىرىنشى باسشىعا“ ماڭىزدى ۇقىق جۇكتەلگەن، پارتيانى باسقارۋ، پارتيانى جونگە سالۋ ماڭىزدى ساياسي جاۋاپكەرشىلىگىن ارقالاعان، ءسوز جوق، پارمەندى باقىلاۋ ارقىلى ءمانسابى جوعارى بولعانىمەن باسا بيلەمەۋگە، ۇقىعى كۇشتى بولعانىمەن ءوز مۇددەسىن كۇيتتەمەۋدى ورىنداۋعا قۋزاپ وتىرۋ كەرەك. پارتكوم (پارتيا باسشىلىق گرۋپپاسى)، ءتارتىپ تەكسەرۋ ورگانى، پارتيانىڭ قىزمەت ورگانى ”ءبىرىنشى باسشىنى“ باقىلاۋدى كورنەكتىلەندىرىپ، ”ءبىرىنشى باسشىنى“ كۇندەلىكتى باقىلاۋ جۇرگىزۋ، ارناۋلى قۋزاۋ - تەكسەرۋ سياقتىلاردىڭ ءتۇيىنى ەتىپ، ”ءبىرىنشى باسشىعا“ قاي - قاشان دا ۇقىعىن جۇرگىزگەندە باقىلاۋدى قابىلدايتىندىعىن سەزىندىرۋ كەرەك.
(2) ”ءبىرىنشى باسشى“ ءوزى ونەگە بولۋ، باقىلاۋدى سانالىلىقپەن قابىلداۋ كەرەك. ”ءبىرىنشى باسشى“، ءسوز جوق، تۋى ايقىن تۇردە ساياسيدى دارىپتەپ، باستاماشىلدىقپەن ”ەكىنى قورعاۋدى“ ورىنداپ، پارتيا ىشىندەگى باقىلاۋدىڭ ءتۇرلى ءتۇزىمىن باستاماشىلدىقپەن تياناقتاندىرىپ، پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋدا، قاتاڭ تارتىپشەڭ بولۋدا ۇلگى بولۋ، ونەگە كورسەتۋ، ءارى باقىلاۋدى سانالىلىقپەن قابىلداۋ، ءارى جاۋاپكەرشىلىكتى باتىلدىقپەن ارقالاپ ىسكەرلىك كورسەتۋ كەرەك. ءار دارەجەلى باسشى كادرلار، اسىرەسە، جوعارى دارەجەلى كادرلار ساياسي تارتىپكە جانە ساياسي قاعيداعا باستاماشىلدىقپەن بويسۇنىپ، ىرىقتىلىقپەن پارتيا ۇيىمىنان نۇسقاۋ سۇراۋ، قىزمەتتەن مالىمەت بەرۋ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، پاكتىكپەن وتباسىن جونگە سالىپ، ەرەكشە ۇقىق يدەياسىنا، ەرەكشە ۇقىق جايتىنە سانالىلىقپەن قارسى تۇرىپ، كوممۋنيستەردىڭ تۋراشىل دا پاك بولۋداي ساياسي قاسيەتىن باستان - اياق ساقتاۋ كەرەك.
(3) پارتيا ۇيىمىنىڭ جوعارىدان تومەنگە دەيىنگى باقىلاۋىن كۇشەيتۋ، جوعارى دارەجەلى ”ءبىرىنشى باسشى“ ءسوز جوق، تومەن دارەجەلى ”ءبىرىنشى باسشىنى“ جاقسى مەڭگەرۋ كەرەك. ورتالىق كوميتەت ساياسي بيۋروسىنىڭ مۇشەلەرى مىندەتىنە العان تاراۋلاردىڭ، جەرگىلىكتى ورىننىڭ، سالانىڭ پارتيا ۇيىمدارىنىڭ پارتيا ستيلى، پاكتىك قۇرىلىسى احۋالىن ۇعىسۋعا ءمان بەرىپ، قاتىستى جەرگىلىكتى ورىندارداعى جانە تاراۋلارداعى ”ءبىرىنشى باسشىنى“ پارتيانى جاپپاي قاتاڭ جونگە سالۋ جاۋاپكەرشىلىگىن اتقارۋعا، پاك، تارتىپشەڭ بولۋعا قۋزاپ، ماسەلە بايقالعاندا دەر كەزىندە تاربيە بەرۋ، ساقتاندىرۋ كەرەك. ورتالىق ءتارتىپ تەكسەرۋ كوميتەتى، ورتالىق كوميتەت ۇيىمداستىرۋ ءبولىمى ولكە دارەجەلى پارتكومداعى، ورتالىق مەكەمە - ورىندارداعى ”ءبىرىنشى باسشىنى“ باقىلاۋدى كۇشەيتىپ، ولكە دارەجەلى پارتكومدى تومەن دارەجەلى ”ءبىرىنشى باسشىنى“ باسقارۋدى كۇشەيتۋگە قۋزاۋ ءتيىس. جوعارى دارەجەلى ”ءبىرىنشى باسشى“ تومەن دارەجەلى ”ءبىرىنشى باسشىنى“ باقىلاۋ احۋالىن ءار جىلعى قىزمەتىنەن ەسەپ بەرۋدىڭ ءتۇيىندى مازمۇنى ەتۋ؛ مىندەتكە جاڭادان تاعايىندالعان تومەن دارەجەلى ”ءبىرىنشى باسشىمەن“ مىندەتكە تاعايىندالۋ بويىنشا اڭگىمەلەسۋ؛ تومەن دارەجەلى ”ءبىرىنشى باسشىمەن“ بەلگىلى مەرزىمدە باقىلاۋ بويىنشا اڭگىمەلەسىپ، ورىن تەپكەن نىشاندىق، باعىتتامالىلىق ماسەلەلەرگە سىن، تاربيە جۇرگىزىپ، تارتىپكە جەڭىل، بولماشى قايشىلىق جاساۋ ماسەلەلەرىن دەر كەزىندە ەسكەرتىپ وتىرۋ كەرەك.
(4) پارتيانى جاپپاي قاتاڭ جونگە سالۋ جاۋاپكەرشىلىك ءتۇزىمىن قاتاڭ اتقارىپ، ”ءبىرىنشى باسشى“ ءبىرىنشى جاۋاپتى ادام قىزمەت جاۋاپكەرشىلىگىن تياناقتاندىرۋ. پارتكوم (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋ جاۋاپكەرشىلىك ءتۇزىمىنىڭ اتقارىلۋ احۋالىنا باقىلاۋدى، تەكسەرۋدى كۇشەيتىپ، تومەن دارەجەلى ”ءبىرىنشى باسشىنىڭ“ جاۋاپكەرشىلىكتى تياناقتاندىرماعاندارىن، ماسەلەسى ءبىرشاما كورنەكتى بولعاندارىن دەر كەرىندە شاقىرىپ سويلەسۋ كەرەك. ءتارتىپ تەكسەرۋ ورگاندارى ۇيىمداستىرۋ اتقارۋ جانە قۋزاپ تەكسەرۋ، رەتتەۋ - تۇزەتۋ ۇسىنىسىن العا قويۋ سياقتى تاسىلدەردى ويداعىداي يگەرۋ ارقىلى ءبىرىنشى جاۋاپتى ادامنىڭ قىزمەت جاۋاپكەرشىلىگىن شىن مانىندە اتقارۋىن ىلگەرىلەتۋ كەرەك. پارتيانى جاپپاي قاتاڭ جونگە سالۋدىڭ نەگىزگى تۇلعالىق جاۋاپكەرشىلىگىن باعالاۋ ءتۇزىمىن كەمەلدەندىرىپ، تياناقتاندىرىپ، باعالاۋ ناتيجەسىن ”ءبىرىنشى باسشىنى“ تاڭداپ ءوسىرۋدىڭ، مىندەتكە قويۋدىڭ، ناقتى ناتيجەسىن باعالاۋدىڭ، شابىتتاندىرۋدىڭ، تەجەۋدىڭ ماڭىزدى نەگىزى ەتۋ كەرەك. ءبىرىنشى جاۋاپتى ادام قىزمەت جاۋاپكەرشىلىگىن اتقارۋدا جاۋاپكەرشىلىك ارقالاماعاندارىنىڭ، ىسكەرلىك كورسەتپەگەندەرىنىڭ جاۋاپكەرشىلىگىن بەلگىلەمەگە، تارتىپكە ساي قۋزاۋ كەرەك.
(5) دەموكراتيالىق ورتالىقتاندىرۋ ءتۇزىمىن دايەكتىلەندىرىپ، اتقارىپ، ”ءۇش ەلەۋلى، ءبىر قوماقتى“ بويىنشا شەشىم جاساۋدى باقىلاۋ مەحانيزمىن كەمەلدەندىرۋ. پارتكوم (پارتيا باسشىلىق گرۋپپاسى)، ءتارتىپ تەكسەرۋ ورگاندارى، ۇيىمداستىرۋ تاراۋلارى تومەن دارەجەلى پارتكوم (پارتيا باسشىلىق گرۋپپاسى) ”ءبىرىنشى باسشىلارىنىڭ“ دەموكراتيالىق ورتالىقتاندىرۋ ءتۇزىمىن دايەكتىلەندىرۋ، اتقارۋ جاعدايىن باقىلاۋدى، تەكسەرۋدى كۇشەيتىپ، ءوزى عانا بيلىك ايتۋ، ءتىپتى، وتاعاسىلىق ءتۇزىمى ماسەلەلەرىنىڭ تۋىلۋىنان ساقتانۋ كەرەك. ورتالىق كوميتەت ۇيىمداستىرۋ ءبولىمى ولكە دارەجەلى پارتكومنىڭ، ورتالىق مەكەمە - ورىندارىنىڭ ”ءبىرىنشى باسشىلارىنىڭ“ دەموكراتيالىق ورتالىقتاندىرۋ ءتۇزىمىن دايەكتىلەندىرۋ، اتقارۋ جاعدايىنا ءتۇيىندى باقىلاۋ جۇرگىزۋ كەرەك. ”ءۇش ەلەۋلى، ءبىر قوماقتى“ بويىنشا شەشىم جاساۋ ءتۇزىمىنىڭ اتقارىلۋ جاعدايىن شارلاۋ مەن شارلاپ تەكسەرۋدىڭ، قازىنالىق باقىلاۋدىڭ، ارناۋلى قۋزاپ تەكسەرۋدىڭ ماڭىزدى مازمۇنى ەتۋ كەرەك. ءتارتىپ تەكسەرۋ كوميتەتىنىڭ شۋجيى، وكىلەتتى ءتارتىپ تەكسەرۋ، باقىلاۋ - تەكسەرۋ گرۋپپاسىنىڭ باستىعى ”ءبىرىنشى باسشىنىڭ“ شەشىم جاساۋ تارتىبىنە قايشىلىق جاساۋ ماسەلەسىن بايقاسا، دەر كەزىندە پىكىر ايتۋى، تۇزەتۋى، جەتەرسىزدەرىن جوعارى دارەجەلى ءتارتىپ تەكسەرۋ كوميتەتىنە، جىبەرۋشى ورگاندارعا اڭىس ەتۋى قاجەت.
(6) شارلاۋ، شارلاپ تەكسەرۋ قىزمەتىندە ”ءبىرىنشى باسشىنى“ قاتاڭ قاداعالاپ، ماسەلەنى دەر كەزىندە بايقاۋ. پارتكوم (پارتيا باسشىلىق گرۋپپاسى) ”ماسەلەنى بايقاۋ، سەس قالىپتاستىرۋ، رەفورمانى ىلگەرىلەتۋ، دامۋدى جەبەۋ“ سىندى شارلاۋ قىزمەتى باعىتىنا تاباندى بولىپ، ساياسي شارلاۋ سىندى ورىن تۇراقتاندىرۋىنا تاباندى بولىپ، ساياسي اۋىتقۋدى تابۋ، تۇزەتۋ كەرەك. شارلاۋ، شارلاپ تەكسەرۋ گرۋپپاسى پارتيا ۇيىمى ”ءبىرىنشى باسشىسىن“ شارلاۋدى، شارلاپ تەكسەرۋدى باقىلاۋ ءتۇيىنى ەتىپ، جايعاسۋدان بۇرىن ءتارتىپ تەكسەرۋ ورگاندارىنان، ۇيىمداستىرۋ تاراۋلارىنان ىشكەرىلەي جاعداي ۇعىسۋى كەرەك. شارلاۋ، شارلاپ تەكسەرۋ بويىنشا كەڭەسۋدە ”ءبىرىنشى باسشى“ قىزمەتىن، تۇرمىس جاعدايىن، ءسوزسىز، كەڭەسۋ مازمۇنى ەتىپ، اڭىس ەتىلگەن ماڭىزدى ماسەلەلەردى ىشكەرىلەي ۇعىسۋ كەرەك. شارلاۋ، شارلاپ تەكسەرۋ بايانداماسى ”ءبىرىنشى باسشىنىڭ“ ءبىرىنشى جاۋاپتى ادامدىق قىزمەت جاۋاپكەرشىلىگىن اتقارۋ جانە پاك، تارتىپشەڭ بولۋ جاعدايىن بولەك كورسەتىپ، ايقىن پىكىر جانە رەتتەۋ - تۇزەتۋ تالابىن ورتاعا قويۋى كەرەك.
(7) ”ءبىرىنشى باسشىعا“ اڭىستى دەر كەزىندە يگەرىپ، جاۋاپكەرشىلىگىنەن، كىرشىكسىزدىگىنەن ەسەپ بەرۋ ءتۇزىمىن ورناتۋ، اقاۋسىزداندىرۋ. پارتكوم (پارتيا باسشىلىق گرۋپپاسى)، ءتارتىپ تەكسەرۋ ورگاندارى، ۇيىمداستىرۋ تاراۋلارى تومەن دارەجەلى پارتكوم (پارتيا باسشىلىق گرۋپپاسى) ”بىرىنشى باسشىسىنا“ كۇندەلىكتى باقىلاۋدى كۇشەيتىپ، تۇيىندە تۇرىپ تەكسەرۋ - زەرتتەۋ جۇرگىزۋ، ارناۋلى باقىلاۋ - تەكسەرۋ سياقتى تاسىلدەر ارقىلى ونىڭ يدەيا، قىزمەت، ستيل، تۇرمىس جاعدايىن جاپپاي يگەرۋى كەرەك. ءتارتىپ تەكسەرۋ ورگاندارى، ۇيىمداستىرۋ تاراۋلارى جاۋاپتىلارىنىڭ تومەن دارەجەلى ”ءبىرىنشى باسشىمەن“ كەڭەسۋ ءتۇزىمىن تياناقتاندىرىپ، ادەتتەگى ماسەلەلەر بايقالسا، دەر كەزىندە وزىنە ايتىپ، اۋىر دارەجەدەگى تارتىپكە قايشى، زاڭعا قايشى ماسەلەلەر بايقالسا، دەر كەزىندە پارتكومنىڭ نەگىزگى جاۋاپتىسىنا مالىمدەۋى كەرەك. تومەن دارەجەلى ”ءبىرىنشى باسشى“ جوعارى دارەجەلى پارتكوم تۇراقتى كوميتەتىنىڭ (پارتيا باسشىلىق گرۋپپاسىنىڭ) كەڭەيتىلگەن ماجىلىسىندە جاۋاپكەرشىلىگىنەن، كىرشىكسىزدىگىنەن ەسەپ بەرۋ، باعا بەرۋدى قابىلداۋ قىزمەتىن ورىستەتىپ، جاۋاپكەرشىلىگىنەن، كىرشىكسىزدىگىنەن ەسەپ بەرۋ بايانداماسى بەلگىلى كولەمدە اشىق بولۋى كەرەك.
ءۇشىنشى، دارەجەلەس باسشىلىق القانى باقىلاۋدى كۇشەيتۋ
(8) باسشىلىق القانى مۇشەلەرىنىڭ ءوزارا باقىلاۋىن كۇشەيتىپ، سىن جانە ءوز - وزىنە سىندى مۇقيات ورىستەتۋ. ورتالىق كوميتەت مۇشەلەرى، ءسوز جوق، ساياسي ءتارتىپ پەن ساياسي قاعيداعا قاتاڭ بويسۇنىپ، باسقا مۇشەلەردىڭ پارتيا ۋستاۆىنا قايشىلىق جاساۋ، پارتيانىڭ ءتارتىبىن ءبۇلدىرۋ، پارتيانىڭ ىنتىماعىنا، بىرلىگىنە زيانكەستىك جاساۋ جايتتەرى بايقالسا، دەر كەزىندە پارتيا ورتالىق كوميتەتىنە مالىمدەۋى نەمەسە ناقتى اتى - جونىمەن ورتالىق ءتارتىپ تەكسەرۋ كوميتەتىنىڭ تۇراقتى كوميتەتىنە اڭىس ەتۋى كەرەك. پارتكوم (پارتيا باسشىلىق گرۋپپاسى) ”ءبىرىنشى باسشىسى“ باسشىلىق القانى ويداعىداي باسقارۋى، قوسىندى ويداعىداي جەتەكتەۋى، ۇنەمى سىرلاسۋ، كەڭەسۋ ورىستەتىپ، تاربيەلەۋ، باسقارۋ، باقىلاۋ جاۋاپكەرشىلىگىن شىن مانىندە ويداعىداي اتقارۋى؛ باسشىلىق القانىڭ باسقا دا مۇشەلەرىنىڭ حات ارقىلى سۇراۋعا جاساعان تۇسىنىگىنە قول قويىپ، پىكىر جازعاندا، تاربيە، ەسكەرتۋ جۇرگىزۋى، ”قول قويىپ قانا تىندىم ەتە سالماۋى“ كەرەك. باسشىلىق القا مۇشەلەرى اراسىندا ۇنەمى پىكىر اۋىسۋ، ماسەلە بايقالسا قارسى جاققا بۇكپەسىز ايتۋى كەرەك، ”ءبىرىنشى باسشىدا“ اۋىر ماسەلە بار ەكەنى بايقالسا، تىكەلەي جوعارى دارەجەلى پارتيا ۇيىمىنا مالىمدەۋ كەرەك. دەموكراتيالىق تۇرمىس جيىنى جانە ۇيىمدىق تۇرمىس جيىنى تۇزىمىنە تاباندى بولىپ، ”ءبىرىنشى باسشى“ باستاماشىلدىقپەن سىن جانە ءوز - وزىنە سىن ورىستەتۋى، باسشىلىق القا مۇشەلەرى بەلگىلەمە بويىنشا جەكە باسىنا قاتىستى ىستەرگە جانە بۇقارا اڭىس ەتكەن، شارلاۋدا، شارلاپ تەكسەرۋدە اڭىس ەتىلگەن، ۇيىم شاقىرىپ اڭگىمەلەسكەن، حات ارقىلى سۇراستىرعان ماسەلەلەرگە شىندىقتى ءىس جۇزىنەن ىزدەپ تۇسىنىك جاساۋ كەرەك.
(9) باسشىلىق القانىڭ جاقىن ارالىقتا، ۇدايىلانعان باقىلاۋ باسىمدىعىن ساۋلەلەندىرىپ، وزىندىك ماسەلەسىن بايقاۋ جانە شەشۋ قابىلەتىن جوعارىلاتۋ. پارتكوم (پارتيا باسشىلىق گرۋپپاسى) پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ باسشىلىق جاۋاپكەرشىلىگىن جاپپاي اتقارىپ، قاتىستى تۇزىمدەردى ورناتۋ، اقاۋسىزداندىرۋ كەرەك. باسشىلىق القانىڭ مۇشەلەرى وزىنە، جولداستارىنا، القاعا، پارتياعا بارىنشا جاۋاپتى بولۋ پوزيتسياسىمەن ءوزارا ەسكەرتۋى، ءوزارا قۋزاۋى، پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ مىندەتتەرىن ناقتاپ تياناقتاندىرىپ، باسشىلىق القانىڭ جاۋىنگەرلىك قۋاتىن ارتتىرۋى؛ باسشىلىق القانىڭ باسقا مۇشەلەرىندە تارتىپكە، زاڭعا قايشى ماسەلەلەر بايقالسا، دەر كەزىندە، قاز - قالپىندا ءتارتىپ بويىنشا پارتيا ۇيىمىنا اڭىس ەتۋ جانە مالىمدەۋ، جاسىرىپ مالىمدەمەگەندەردىڭ، ”ماقۇلباي“ بولعانداردىڭ ىلىكتەس جاۋاپكەرشىلىگىن قۋزاستىرۋ كەرەك.
(10) كوللەكتيۆتىك باسشىلىق تۇزىمىنە تاباندى بولىپ، قاتاڭ تۇردە قاعيدا جانە ءتارتىپ بويىنشا ءىس ءبىتىرۋ. پارتكوم (پارتيا باسشىلىق گرۋپپاسى) باسشىلىق القانىڭ ۇقىق جۇرگىزۋىن تەجەۋ مەحانيزمىن اقاۋسىزداندىرىپ، ۇقىقتى ۇيلەسىمدى ءبولۋ، عىلمي ۇلەستىرۋ. ارناۋلى تاقىرىپتىق ءماجىلىستى تۇراقتى كوميتەت ءماجىلىسىنىڭ ورنىنا قويىپ شەشىم جاساۋدان باتىل ساقتانىپ، پارتكومنىڭ كوللەكتيۆ شەشىم جاساۋى اتىمەن بەلگىلەمەگە كوللەكتيۆ قايشىلىق جاساۋدان باتىل ساقتانىپ، باسشىلىق القا مۇشەلەرىنىڭ جاۋاپتى قىزمەتىن، جاۋاپتى سالاسىن كوللەكتيۆتىڭ باسشىلىعى مەن باقىلاۋىن قابىلدامايتىن ”جەكە قوجالىعىنا“ اينالدىرۋعا استە جول بەرمەۋ كەرەك. باسشىلىق القانىڭ ءىس قاراۋ ەرەجەسىن كەمەلدەندىرىپ، ماڭىزدى ىستەردى باسشىلىق القا ءماجىلىسىنىڭ تالقىسىنا تاپسىرىپ، باسشىلىق القا مۇشەلەرى تولىق پىكىر ءبىلدىرۋى، پىكىر الاۋىزدىعى ءبىرشاما زور بولعاندا داۋىسقا سالۋدى ۋاقىتشا كەشەۋىلدەتۋ، ءماجىلىستىڭ داۋىسقا سالۋ جاعدايى مەن تۇرلىشە پىكىرىن قاز - قالپىندا ەستەلىككە الۋ، ارحيۆكە الىپ، تەكسەرۋگە قالدىرۋ كەرەك.
(11) باسشىلىق القانىڭ باسقا دا مۇشەلەرىن ”ءبىر قىزمەت ورىندا قوس جاۋاپكەرشىلىك وتەۋگە“ قۋزاپ، قىزمەت جاۋاپكەرشىلىگى كولەمىندە پارتيانى باسقارۋ، پارتيانى جونگە سالۋ قىزمەتىن ويداعىداي يگەرۋ. پارتكوم (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋداعى تۇلعالىق جاۋاپكەرشىلىكتى تياناقتاندىرۋدىڭ جىلدىق جوسپارىن جاساپ، قىزمەت مىندەتىن ءبولۋى كەرەك. ”ءبىرىنشى باسشى“ مەرزىم بويىنشا باسشىلىق القانىڭ باسقا دا مۇشەلەرىنىڭ پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋ جاعدايىنان جاساعان مالىمەتىن تىڭداپ، جاۋاپكەرشىلىگىن تياناقتاندىرۋى جەتكىلىكسىز بولعانداردى دەر كەزىندە شاقىرىپ اڭگىمەلەسۋ كەرەك. ءتارتىپ تەكسەرۋ كوميتەتى دارەجەلەس پارتكوم باسشىلىق القانىڭ باسقا دا مۇشەلەرىنە ءوزى جاۋاپتى تاراۋ مەن مەكەمە - ورىن باسشى كادرلارىنىڭ پارتيا ۋستاۆىنا، پارتيا ەرەجەسىنە بويسۇنۋ، پاك، تارتىپشەڭ بولۋ سياقتى جاعدايلارىن حابارلاندىرىپ، باسشىلىق القانىڭ باسقا دا مۇشەلەرىنىڭ جاۋاپتى تاراۋ مەن مەكەمە - ورىننىڭ پارتيا ستيلى، پاكتىك قۇرىلىسى قىزمەتىن ويداعىداي يگەرۋىن ىلگەرىلەتۋ كەرەك.
(12) باسشى كادرلاردىڭ ەلەۋلى ىستەرگە ارالاسۋىن، كيلىگۋىن ەستەلىككە الۋ ءتۇزىمىن قاتاڭ اتقارىپ، ماسەلە بايقالسا دەر كەزىندە مالىمدەۋ. پارتكوم (پارتيا باسشىلىق گرۋپپاسى) باسشى كادرلاردىڭ ەلەۋلى ىستەرگە ارالاسۋىن، كيلىگۋىن ەستەلىككە الۋ ءتۇزىمىن تياناقتاندىرۋداعى ناقتى شارالاردى كەمەلدەندىرۋ كەرەك. باسشىلىق القا مۇشەلەرىندە بەلگىلەمەگە قايشىلىق جاساپ كادرلاردى تاڭداۋ، ءوسىرۋ، ينجەنەريا قۇرىلىسى، زاڭ اتقارۋ، ءادىليا سياقتىلارعا كيلىگۋ ماسەلەلەرى بولسا، ۇسىنىس ەتىلگەن ادام دەر كەزىندە قاراستى تاراۋ مەن مەكەمە - ورىن پارتيا ۇيىمىنا مالىمدەۋى قاجەت. باسشىلىق القا مەن باسشى كادرلار باسقا باسشى كادرلاردىڭ ۇيىندەگىلەرىنىڭ، تۋىس - تۋعان، دوس - جاراندارىنىڭ بەلگىلەمەگە قايشىلىق جاساپ كيلىگۋ ارەكەتىن باتىل تەجەۋى، دەر كەزىندە پارتيا ۇيىمىنا مالىمدەۋى كەرەك. تالاپ بويىنشا مالىمدەمەسە، بەلگىلەمە، ءتارتىپ بويىنشا جاۋاپكەرشىلىگى قاتاڭ قۋزاستىرىلادى.
(13) ساياسي ەكولوگياعا تالداۋ جاساۋ، تۇجىرىمداۋ مەحانيزمىن ورناتىپ، اقاۋسىزداندىرىپ، سالاعا ءبولىپ، پارتيا ستيلى، پاكتىك قۇرىلىسى جاعدايى بايانداماسىن قالىپتاستىرۋ كەرەك. پارتكوم (پارتيا باسشىلىق گرۋپپاسى) مەرزىم بويىنشا ءوز ءوڭىرىنىڭ، ءوز تاراۋىنىڭ، ءوز مەكەمە - ورنىنىڭ ساياسي ەكولوگيا جاعدايىنا تالداۋ جاساپ، ءتارتىپ تەكسەرۋ ورگاندارىنىڭ، پارتيا قىزمەتى ورگاندارىنىڭ بايانداماسىن ۇنەمى تىڭداپ، باسشىلىق القانىڭ وزىندە ورىن تەپكەن كورنەكتى ماسەلەلەردى مۇقياتتىلىقپەن ىزدەپ، پارمەندى شارالارمەن شەشۋى كەرەك. ءتارتىپ تەكسەرۋ ورگاندارى تەكسەرىپ بەكىتۋدى باقىلاۋ - باسقارۋ، ينجەنەريا قۇرىلىسى، بايلىق اشۋ، فينانستىق امانات - قارىز سياقتى سالالارداعى پارتيا ستيلى، پاكتىك قۇرىلىسى جاعدايىنا تالداۋ جاساۋدى كۇشەيتىپ، جاپپاي ورىن تەپكەن ماسەلەلەردى بايقاۋعا دەن قويىپ، ارناۋلى تاقىرىپتاعى بايانداما قالىپتاستىرىپ، دارەجەلەس پارتكوم باسشىلىق القانىڭ شەشۋشى قىزمەت ورنىن باسقارۋدى، باقىلاۋدى كۇشەيتۋىن جەبەۋ كەرەك.
(14) ءتارتىپ تەكسەرۋ شۋجيلەرىنىڭ كەڭەسۋ، ەسكەرتۋ ءتۇزىمىن كەمەلدەندىرىپ، باسشىلىق القا مۇشەلەرىنىڭ مىندەتىن اتقارۋ، جاۋاپكەرشىلىگىن ادا ەتۋ جانە پاك، تارتىپشەڭ بولۋ جاعدايىن قاز - قالپىندا مالىمدەۋ. ءتارتىپ تەكسەرۋ كوميتەتىنىڭ شۋجيلەرى ماسەلەنى مالىمدەۋى تيەسىلى قىزمەت، مالىمدەۋ قاجەت بولعاندا مالىمدەمەۋ قىزمەتىن اتقارماعاندىق دەگەن تانىمدى بەرىك ورناتۋ كەرەك. باسشىلىق القا مۇشەلەرىندە سىڭايلىق، نىسايلىق ماسەلەلەر بايقالسا، دەر كەزىندە ەسكەرتۋ جاساۋى كەرەك. ماڭىزدى ماسەلە بارى بايقالسا، جوعارى دارەجەلى ءتارتىپ تەكسەرۋ كوميتەتى مەن دارەجەلەس پارتكومنىڭ نەگىزگى جاۋاپتىسىنا مالىمدەۋ، جاعدايدى جان - جاقتى، دالمە - ءدال اڭىس ەتۋ كەرەك. مالىمدەمەگەندەردىڭ نەمەسە قاز - قالپىندا مالىمدەمەگەندەردىڭ جاۋاپكەرشىلىگىن بەلگىلەمە، ءتارتىپ بويىنشا قاتاڭ قۋزاستىرۋ كەرەك.
ءتورتىنشى، تومەن دارەجەلى باسشىلىق القانى باقىلاۋدى كۇشەيتۋ
(15) جوعارى دارەجەلى پارتيا ۇيىمىنىڭ تومەن دارەجەلى پارتيا ۇيىمىن باقىلاۋ جاۋاپكەرشىلىگىن تياناقتاندىرىپ، باسقارۋ مەن باقىلاۋدى باسشىلىقتىڭ جالپى بارىسىندا قامتۋ. پارتكوم (پارتيا باسشىلىق گرۋپپاسى) ءوزىنىڭ ”جاۋاپكەرشىلىك اتىزىن“ شىن مانىندە ويداعىداي باسقارىپ، تەكسەرۋ جانە ءىشىنارا تەكسەرۋ، دەموكراتيالىق تۇرمىس جيىنىنا جەتەكشىلىك ەتۋ، ارىز - شاعىمدى، مالىمدەۋدى قابىلداۋ، ماسەلەنى رەتتەۋ - تۇزەتۋگە قۋزاۋ سياقتى تاسىلدەردەن جالپىلاي پايدالانىپ، تومەن دارەجەلى باسشىلىق القانى جانە ونىڭ مۇشەلەرىن، اسىرەسە، ”ءبىرىنشى باسشىنى“ باقىلاۋدى كۇشەيتىپ، جاۋاپكەرشىلىك انىق بولۋدى، نەگىزگى تۇلعا ايقىن بولۋدى، شارالار جارامدى بولۋدى، ناتيجەلى بولۋدى ورىنداۋ كەرەك.
(16) ءتۇزىم تورىن اناعۇرلىم تىعىز، اناعۇرلىم بەرىك توقىپ، باقىلاۋ قىزمەتىنىڭ ارناعا ءتۇسۋىن ىلگەرىلەتۋ. پارتكوم (پارتيا باسشىلىق گرۋپپاسى) ءتۇزىم ارقىلى ۇقىقتى باسقارۋعا، ءىستى باسقارۋعا، ادامدى باسقارۋعا تاباندى بولىپ، مىندەتكە تاعايىنداعاندا قاتىناسپاۋ، مەرزىم بويىنشا ورىن اۋىستىرۋ، كادرلار پىكىر اۋىس - كۇيىس ءتۇزىمىن اقاۋسىزداندىرىپ، ”ءبىرىنشى باسشى“ جونىنەن اناعۇرلىم قاتاڭ باسقارۋ ءتۇزىمىن بەلگىلەۋ كەرەك. باسشى كادرلاردىڭ جەكە باسىنا قاتىستى ىستەردى مالىمدەۋ تۇزىمىنە تاباندى بولىپ جانە ونى كەمەلدەندىرىپ، ”ءبىرىنشى باسشىنىڭ“ جەكە باسىنا قاتىستى ىستەردىڭ باسشىلىق القادا جاريا بولۋ قىزمەتىن ىلگەرىلەتۋ كەرەك. كادرلاردى قوس باسقارۋ ءتۇزىمىن اقاۋسىزداندىرىپ، نەگىزگى باسقارۋشى جاقتىڭ، سايكەسىپ باسقارۋشى جاقتىڭ قوس باسقارىلاتىن كادرلاردى باقىلاۋ قىزمەت جاۋاپكەرشىلىگىن ايقىنداۋ كەرەك.
(17) باسشى كادرلاردىڭ وتباسىنداعىلاردىڭ كاسىپپەن اينالىسۋ ارەكەتىن ارناعا ءتۇسىرىپ، باۋىرمال، كىرشىكسىز اكىمشىلىك - ساۋدا قاتىناسىن ورناتۋدى ىلگەرىلەتۋ. جوعارى دارەجەلى كادرلار باسشى كادرلاردىڭ جۇبايىنىڭ، پەرزەنتتەرىنىڭ جانە ولاردىڭ جۇبايلارىنىڭ ساۋدامەن اينالىسىپ، كاسىپورىن اشۋ ارەكەتتەرىن ارناعا ءتۇسىرۋ بەلگىلەمەسىن باستاماشىلدىقپەن اتقارىپ، بۇكىل پارتياعا ۇلگى بولۋ كەرەك. پارتكوم (پارتيا باسشىلىق گرۋپپاسى) قاتىستى بەلگىلەمەلەردىڭ تياناقتانۋىن ويداعىداي يگەرىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. باسشى كادرلار مەن كاسىپكەرلەردىڭ بارىس - كەلىسىندە، ءسوز جوق، تومەنگى شەكتى ساقتاۋى، ولشەمدى ويداعىداي يگەرۋى، ”ءبىرىنشى باسشى“ باستاماشىلدىقپەن ”باۋىرمالدىق“، ”كىرشىكسىزدىك“ تالابىن تياناقتاندىرۋى كەرەك، قارا باسىنىڭ قامىن كۇيتتەمەۋگە، جەڭ ۇشىنان جالعاسۋعا جانە مۇددەنى ايىرباسقا سالۋعا بولمايدى؛ ءوزىنىڭ وتباسىنداعىلارىن، تۋىس - تۋعان، دوس - جاراندارىن تيۋ، ويداعىداي باسقارۋ، ولاردىڭ ءوز قىزمەت ۇقىعىنان پايدالانىپ قازىنا جيناپ، پايدا قۋۋىنا استە جول بەرمەۋ؛ نيەتى جامان ادامداردىڭ وتباسى مۇشەلەرىن ”قورشاپ اۋلاۋىنان“ ساقتانۋ كەرەك. پارتكوم (پارتيا باسشىلىق گرۋپپاسى)، ءتارتىپ تەكسەرۋ ورگاندارى باۋىرمال، كىرشىكسىز اكىمشىلىك - ساۋدا قاتىناسىن قۇرۋ جاعدايىن باقىلاۋدى، تەكسەرۋدى كۇشەيتىپ، شاعىم ايتۋدى، مالىمدەۋدى دەر كەزىندە ءبىر جاقتى ەتىپ، ماسەلە بايقالسا بەلگىلەمە بويىنشا، ءتارتىپ بويىنشا قاتاڭ ءبىر جاقتى ەتۋ كەرەك.
(18) جوعارى دارەجەلى پارتيا ۇيىمىنىڭ تومەن دارەجەلى ورىنداردىڭ باسشىلىق القاسىنىڭ دەموكراتيالىق تۇرمىس جيىنىنا جەتەكشىلىگىن كۇشەيتىپ، دەموكراتيالىق تۇرمىس جيىنىنىڭ ساپاسىن جوعارىلاتۋ. پارتكوم (پارتيا باسشىلىق گرۋپپاسى) دەموكراتيالىق تۇرمىس جيىنىن ۇيىمداستىرۋ، ويداعىداي اشۋداعى باسشىلىق جاۋاپكەرشىلىگىن اتقارىپ، تومەن دارەجەلى ورىنداردىڭ باسشىلىق القاسىنىڭ دەموكراتيالىق تۇرمىس جيىنى نەگىزگى تاقىرىبىن ءبىر تۇتاس تۇراقتاندىرىپ جانە بەكىتىپ، جوعارى دارەجەلى پارتيا ۇيىمى باسشىلىق القا مۇشەلەرى تومەن دارەجەلى ورىنداردىڭ باسشىلىق القاسىنىڭ دەموكراتيالىق تۇرمىس جيىنىنا جوسپارلى تۇردە قاتىناسۋى كەرەك. ۇيىمداستىرۋ تاراۋلارى ءتارتىپ تەكسەرۋ ورگاندارىمەن بىرگە تومەن دارەجەلى ورىنداردىڭ باسشىلىق القاسىنىڭ دەموكراتيالىق تۇرمىس جيىنىنا قۋزاۋ، تەكسەرۋ جانە جەتەكشىلىك جۇرگىزىپ، ”ءبىرىنشى باسشىنىڭ“ سىن جانە ءوز - وزىنە سىن ورىستەتۋدەگى پوزيتسياسىنىڭ ايقىن بولعان - بولماعاندىعىن، دەموكراتيالىق تۇرمىس جيىنىنىڭ شىنىندا بەت قىزارتىپ، تەر شىعارعان - شىعارماعاندىعىن ءتۇيىندى تۇردە تەكسەرۋ كەرەك. بەلگىلەمە بويىنشا اشپاعاندارىن قاتاڭ اتاپ كورسەتۋ ءارى تۇزەتتىرۋ، كوز بوياۋشىلىق ىستەگەندەردى قايتادان اشۋعا بۇيىرۋ كەرەك. تومەن دارەجەلى پارتيا ۇيىمدارىنا قاراستى ءوڭىر، تاراۋ، ورىندا ەلەۋلى ماسەلە تۋىلسا، تومەن دارەجەلى باسشىلىق القانىڭ دەر كەزىندە ارناۋلى تاقىرىپتاعى دەموكراتيالىق تۇرمىس جيىنىن اشۋعا قۋزاۋ كەرەك.
(19) ادام تاڭداۋ، ادام ىستەۋدەگى ۇيىمدىق وتكەلدى يگەرۋدى كۇشەيتىپ، كادرلاردى تەكسەرۋ، باعالاۋ ءتۇزىمىن تياناقتاندىرۋ. پارتكوم (پارتيا باسشىلىق گرۋپپاسى) كادرلاردى تاڭداۋ، ءوسىرۋ قىزمەتىنىڭ جالپى بارىسىن باقىلاۋدى كۇشەيتىپ، تومەن دارەجەلى باسشىلىق القا مۇشەلەرىنىڭ، اسىرەسە، ”ءبىرىنشى باسشى“ بولىپ سايلاناتىن كانديداتتار وتكەلىن يگەرۋدى كۇشەيتىپ، تالداۋ، تۇجىرىمداۋ جانە تالقىلاۋ، دەموكراتيالىق جولمەن كورسەتۋ، تەكسەرۋ، تالقىلاپ ۇيعارۋ سياقتى بۋىندارداعى باسشىلىق جاۋاپكەرشىلىكتى ناقتىلاندىرۋ كەرەك. ۇيىمداستىرۋ تاراۋلارى جاقسى كادر ولشەمى بويىنشا ”جوعارىلاتۋ، ءتورت ءسوزسىز“ ءتارتىبىن قاتايتىپ، كادرلاردى جاپپاي تەكسەرۋى كەرەك. ءتارتىپ تەكسەرۋ ورگاندارى باسشى كادرلاردىڭ كىرشىكسىزدىك ارحيۆىن يكەمدىك جاڭالاپ، پارتيا ستيلى، پاكتىك قۇرىلىسى بويىنشا پىكىرگە جاۋاپ قايتارۋ وتكەلىن قاتاڭ يگەرۋى كەرەك. پارتكوم (پارتيا باسشىلىق گرۋپپاسى) تومەن دارەجەلى باسشىلىق القاسىن جانە ونىڭ مۇشەلەرىن دارەجەگە، تۇرگە ءبولىپ باعالاپ، شارلاۋ جانە شارلاپ تەكسەرۋمەن، ەكونوميكالىق جاۋاپكەرشىلىك بويىنشا قازىنالىق تەكسەرۋمەن، قىزمەتتىك باقىلاۋ - تەكسەرۋمەن، قاتىستى كاسىپ تاراۋلارى باعالاۋىندا بايقالعان ماسەلەلەرمەن ۇشتاستىرىپ، جان - جاقتى، وبيەكتيۆ باعا بەرۋى كەرەك. ءار جىلى ءىشىنارا ”ءبىرىنشى باسشىلار“ مەن باسشىلىق القاسىن تاڭداپ ءتۇيىندى تۇردە باعالاپ، اڭىس ەتىلگەن ماسەلەسى ءبىرشاما كوپ بولعاندارىن ارناۋلى باعالاۋ كەرەك.
(20) ارىز - ارمان، اشكەرەلەۋ جاعدايىنا مەرزىم بويىنشا تالداۋ، تۇجىرىم جاساپ، بۇقارانىڭ اڭىسى كوپ بولعان باسشى كادرلارعا دەر كەزىندە ساقتىق دابىلىن قاعۋ. پارتكوم (پارتيا باسشىلىق گرۋپپاسى) ارىز - ارمان، اشكەرەلەۋ قىزمەتىنە باسا ءمان بەرىپ، بۇقارانىڭ باسشى كادرلار، اسىرەسە، ”ءبىرىنشى باسشى“ جونىندەگى اڭىسىن يەلەۋ، يگەرۋ كەرەك. باسشى كادرلار بۇقارانىڭ ۇنىنە قۇلاق اسىپ، بۇقارانىڭ پىكىرىنە، سىنىنا قاتاڭدىقپەن، مۇقياتتىلىقپەن مامىلە جاساۋ كەرەك. ءتارتىپ تەكسەرۋ ورگانى، ۇيىمداستىرۋ تاراۋى ارىز - ارمان، اشكەرەلەۋ جاعدايىنا مەرزىم بويىنشا تالداۋ، تۇجىرىم جاساپ، اڭىس ەتىلگەن ماسەلەگە باعىتتامالىققا يە ءبىر جاقتى ەتۋ پىكىرىن شىعارىپ، ارىز - ارمان، اشكەرەلەۋ ءبىرشاما شوعىرلى جەرلەردەگى، تاراۋلارداعى، ورىندارداعى پارتيا ۇيىمىن سەبەبىن ىزدەۋگە، تالداۋ جاساۋعا قۋزاۋ ءتيىس. تومەنگى دارەجەلى ”ءبىرىنشى باسشىلارعا“، سونداي - اق باسشىلىق القانىڭ باسقا مۇشەلەرىنە قاتىستى ارىز - ارمان، اشكەرەلەۋ ماسەلەلەرىنە ارناۋلى تاقىرىپتا تالداۋ جاساپ، قوعامنىڭ اڭىسى كورنەكتى، بۇقارانىڭ باعاسى ءبىرشاما ناشار باسشى كادرلاردىڭ جاعدايىن دەر كەزىندە مالىمدەۋ، ادەتتەگىدەي ماسەلە جونىندە سىرلاسۋ، كەڭەسۋ كەرەك.
(21) ماسەلەنى رەتتەۋ - تۇزەتۋدى ۇدايىلاندىرۋدى ىلگەرىلەتىپ، ءتارتىپ تەكسەرۋ، باقىلاۋ تەكسەرۋ ۇسىنىس ءتۇزىمىن كەمەلدەندىرۋ. پارتكومدار (پارتيا باسشىلىق گرۋپپاسى)، ءتارتىپ تەكسەرۋ، باقىلاۋ - تەكسەرۋ ورگاندارى، ۇيىمداستىرۋ تاراۋلارى ماسەلەنى رەتتەۋ - تۇزەتۋ جاعدايىن باقىلاۋدى، تەكسەرۋدى كۇشەيتىپ، رەتتەۋ - تۇزەتۋ مالىمەتىن تەكسەرىپ بەكىتۋ، ءتۇيىندى ماسەلەلەردى قۋزاپ ءبىتىرۋ سياقتى فورمالار ارقىلى تۇلعالىق جاۋاپكەرشىلىكتى ناقتىلاندىرىپ، رەتتەۋ - تۇزەتۋدىڭ ناقتاپ تياناقتانۋىن قۋزاۋ كەرەك. تارتىپكە، زاڭعا اۋىر قايشىلىق جاساۋ دەلولارىن تەكسەرىپ ءبىر جاقتى ەتۋدە كورىنگەن ماسەلەلەرگە ساقتاندىرۋ تاربيەسىن ورىستەتۋ كەرەك. ءتارتىپ تەكسەرۋ، باقىلاۋ - تەكسەرۋ ۇسىنىسىن العا قويۋ، قۋزاپ ءبىتىرۋ، اڭىس ەتۋ جانە قايىرىلا جاعداي ۇعىسۋىن باقىلاۋ مەحانيزمىن كەمەلدەندىرۋ كەرەك. ماسەلەنى رەتتەۋ - تۇزەتۋى دەر كەزىندە بولماعانداردى، تىڭعىلىقتى بولماعانداردى، ءتىپتى، رەتتەۋ - تۇزەتۋدەن باس تارتقانداردى بەلگىلەمە بويىنشا، ءتارتىپ بويىنشا قاتاڭ ءبىر جاقتى ەتىپ، تيپتىك ماسەلەلەردى حابارلاندىرۋ، اشىق جاريالاۋ كەرەك.
بەسىنشى، پارتيانىڭ باقىلاۋ قىزمەتىنە باسشىلىعىن شىن مانىندە كۇشەيتۋ
(22) پارتكومنىڭ (پارتيا باسشىلىق گرۋپپاسى) باقىلاۋ قىزمەتىنە باسشىلىعىن كۇشەيتىپ، پارتيا ىشىندەگى باقىلاۋ جۇيەسىن كەمەلدەندىرۋ. ءار دارەجەلى پارتكومدار (پارتيا باسشىلىق گرۋپپاسى)، ءسوز جوق، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋ جونىندەگى شەشىمدەرىن، ورنالاستىرۋلارىن باتىل تياناقتاندىرىپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ پارتيا ىشىندەگى باقىلاۋ قىزمەتىنە ويداعىداي باسشىلىق ىستەپ، قۋزاۋدى، تەكسەرۋدى ويداعىداي يگەرۋ كەرەك. ”ءبىرىنشى باسشى“ مەن باسشىلىق القاسىن باقىلاۋدى پارتيانى باسقارۋدىڭ، پارتيانى جونگە سالۋدىڭ كورنەكتى ورنىنا قويىپ، ”شەشۋشى ازشىلىقتى“ ويداعىداي يگەرۋ ارقىلى ”باسىم كوپ ساندىلارىن“ جەبەۋ كەرەك. پارتيا ىشىندەگى ءتۇرلى باقىلاۋدى ءبىر تۇتاس جوسپارلاپ، ءتارتىپ تەكسەرۋ ورگانىنىڭ باقىلاۋ جاۋاپكەرشىلىگىن اتقارۋىنا قولداۋ كورسەتۋ جانە باقىلاۋ، پارتيانىڭ قىزمەت ورگاندارىنىڭ مىندەت جاۋاپكەرشىلىك كولەمى ىشىندەگى فۋنكتسيالىق باقىلاۋ قىزمەتىن كۇشەيتۋگە قۋزاۋ، نەگىزگى ساتى پارتيا ۇيىمىنىڭ كۇندەلىكتى باقىلاۋ جانە پارتيا مۇشەلەرىنىڭ دەموكراتيالىق باقىلاۋ رولىن ساۋلەلەندىرۋگە ءمان بەرۋ كەرەك.
(23) پارتيا ىشىندەگى باقىلاۋدى جەتەكشى ەتىپ، ءتۇرلى باقىلاۋلاردى ۇلاستىرۋ. ءار دارەجەلى پارتكومدار پارتيا ىشىندەگى باقىلاۋدىڭ جەتەكتەۋ رولىن شىن مانىندە ساۋلەلەندىرىپ، حالىق قۇرىلتايىنىڭ باقىلاۋىن، دەموكراتيالىق باقىلاۋدىڭ، اكىمشىلىك باقىلاۋدىڭ، ءادىليالىق باقىلاۋدىڭ ەسەپتىك باقىلاۋدىڭ، قازىنالىق باقىلاۋدىڭ، ساناقتىق باقىلاۋدىڭ، بۇقارالىق باقىلاۋدىڭ، قوعامدىق پىكىرىندىك باقىلاۋدىڭ ۇلاسۋىن، سايكەسۋىن ىلگەرىلەتۋ، بىرىككەن كۇش قالىپتاستىرۋ كەرەك. ءبىر تۇتاس جوسپارلاۋ تەبىنىن ارتتىرىپ، ءتۇرلى باقىلاۋ ينفورماتسيالارى بايلىعىن بىرىكتىرىپ، ۇلكەن ساندى مالىمەتتەن ءونىمدى پايدالانىپ، ەلەۋلى باقىلاۋ ىستەرىن اقىلداسۋ، تۇجىرىم جاساۋ، تارتىپكە، زاڭعا قايشى ماسەلەلەردىڭ ءىز - دەرەگىن جىبەرۋ مەحانيزمىن ورناتىپ، اقاۋسىزداندىرىپ، قىزمەت جاعدايىنان مالىمەتتى مەرزىم بويىنشا تىڭداپ، ءتۇرلى باقىلاۋلاردى ءتىپتى دە سايكەستىرۋ، ءونىمدى ەتۋ كەرەك.
(24) ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ ارناۋلى جاۋاپتى ورگاندىق رولىن ساۋلەلەندىرىپ، باقىلاۋدىڭ ناقتى ونىمدىلىگىن كۇشەيتۋ. ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ساياسي باقىلاۋدى كۇشەيتىپ، كۇندەلىكتى باقىلاۋدى شىنايى تياناقتاندىرىپ، ءار دارەجەلى ”ءبىرىنشى باسشىلار“ مەن باسشىلىق القالارىن پارتيانى باسقارۋ، پارتيانى جونگە سالۋ جاۋاپكەرشىلىگىن ويداعىداي اتقارۋعا، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ويداعىداي تياناقتاندىرۋعا قۋزاۋ كەرەك. ”ءتورت ءتۇرلى فورماتسيادان“ دالمە - ءدال، ءونىمدى پايدالانىپ، قاتاڭ ءتارتىپ اتقارۋ، زاڭ اتقارۋ ارقىلى ءتۇزىمنىڭ قاتاڭدىعىن ارتتىرىپ، قىزمەت ۇقىعىنان بەتالدى پايدالانۋدى، ۇقىقتى ءوز مۇددەسى ءۇشىن پايدالانۋدى باتىل تەكسەرىپ ءبىر جاقتى ەتىپ، يگەرمەگەندەردى، باسقارماعانداردى، قىزمەت اقساتقانداردى، مىندەت اتقارماعانداردى قاتاڭ جاۋاپقا تارتۋ كەرەك. تومەنگى دارەجەلى ءتارتىپ تەكسەرۋ كوميتەتىنە، باقىلاۋ - تەكسەرۋ كوميتەتىنە باسشىلىقتى كۇشەيتىپ، تومەنگى دارەجەلى ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ باقىلاۋ مىندەت جاۋاپكەرشىلىگىن اتقارۋىنا بارىنشا قولداۋ كورسەتىپ، تارتىپتىك باقىلاۋدى، باقىلاۋ - تەكسەرۋ بويىنشا باقىلاۋدى، جىبەرىپ باقىلاۋدى، شارلاۋ بويىنشا باقىلاۋدى ءبىر تۇتاس جوسپارلاپ ۇشتاستىرا ىلگەرىلەتىپ، جاپپاي قامتىعان باقىلاۋ مەحانيزمىن كەمەلدەندىرۋ كەرەك. ءتارتىپ تەكسەرۋ، باقىلاۋ - تەكسەرۋ ورگانىنىڭ ءوز قۇرىلىسىن كۇشەيتىپ، ىشكى تىزگىندەۋ مەحانيزمىن اقاۋسىزداندىرىپ، باقىلاۋدى سانالى تۇردە قابىلداپ، ۇقىقتىڭ قاتاڭ شەكتەمەدە بولۋىنا شىنايى كەپىلدىك ەتۋ كەرەك.
(25) بەلسەندىلىكپەن ىزدەنىس جاساپ، جاڭالىق اشىپ، باعىتتامالىلىقتى، ونىمدىلىكتى كۇشەيتۋ. ءار دارەجەلى پارتيا ۇيىمدارى مەن باسشى كادرلار وسى پىكىردى دايەكتىلەندىرۋدى، تياناقتاندىرۋدى شىن مانىندە جاقسى يگەرىپ، ءتۇرلى باقىلاۋ تۇزىمدەرىن قاز - قالپىندا ناقتى تىڭعىلىقتى اتقارۋ كەرەك. تۇرگە ءبولىپ جەتەكشىلىك ەتۋدى كۇشەيتىپ، باقىلاۋ شارالارىن ەگجەي - تەگجەيلىلەندىرۋ كەرەك. جوعارى دەڭگەيدە جوبالاۋ مەن نەگىزگى ساتىنىڭ جاڭالىق اشۋىن ۇشتاستىرۋعا تاباندى بولىپ، جەرگىلىكتى ورىنداردى، تاراۋلاردى جانە ورىنداردى باقىلاۋدى كۇشەيتۋدىڭ ءونىمدى ءادىس - امالى جاعىندا ىزدەنىس جاساۋعا شابىتتاندىرىپ، تاجىريبەلەردى دەر كەزىندە قورىتىندىلاپ، باقىلاۋدىڭ ناقتى ونىمدىلىگىن ۇزدىكسىز كۇشەيتۋ كەرەك.
(شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
