بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”شينجياڭ جاقسى جەر“ تاقىرىبىنداعى افريكا ەلدەرىنىڭ جۇڭگودا تۇراتىن ەلشىلەرىنىڭ ەكسكۋرسيالاۋ، ساپارلاۋ ۇيىرمەسىنىڭ ارناۋلى اۋىس - كۇيىس جاساۋ ءماجىلىسى ۇرىمجىدە وتكىزىلدى

2021.06.03 14:38     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ تىلشىلەرى جىڭ جو، ۋاڭ يۇيجاۋ 5 - ايدىڭ 31 - كۇنى ۇرىمجىدەن حابارلايدى. 5 - ايدىڭ 29 - كۇنى ”شينجياڭ جاقسى جەر“ تاقىرىبىنداعى افريكا ەلدەرىنىڭ جۇڭگودا تۇراتىن ەلشىلەرىنىڭ، ديپلوماتتارىنىڭ جانە افريكا وداعىنىڭ جۇڭگودا تۇراتىن ۋاكىلدەرىنىڭ ەكسكۋرسيالاۋ، ساپارلاۋ ۇيىرمەسىنىڭ ارناۋلى اۋىس - كۇيىس جاساۋ ءماجىلىسى ۇرىمجىدە وتكىزىلدى. شينجياڭدا ەكسكۋرسيادا، ساپاردا جۇرگەن افريكانىڭ جۇڭگودا تۇراتىن ەلشىلەرىنەن جانە ديپلوماتتارىنان 30دان استام ادام اۋىس - كۇيىس جاساۋ ماجىلىسىنە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۋىس - كۇيىس جاساۋ ماجىلىسىنە قاتىناستى ءارى ارقاۋ ءسوز سويلەدى.

  شوكىرات زاكىر ەلشىلەر ۇيىرمەسىندەگىلەرگە بىلاي دەپ تانىستىردى: كەزەكتە شينجياڭنىڭ قوعامدىق كەلەلى جاعدايى ءۇرتىس ورنىقتى بولىپ، جاقسارىپ، ەكونوميكاسى جوعارى ساپادا دامىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتتى، حالىقتىڭ تۇرمىسى كورنەكتى جاقسارىپ، ۇلتتار ىنتىماعى اناعۇرلىم بەكەمدەلىپ، ءدىن سالاسى تاتۋ، ۇيلەسىمدى بولدى. ول بىلاي دەدى: جۇڭگو كوممۋنيستىك پارتياسى 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايونى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، ەكونوميكالىق، قوعامدىق دامۋدى ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزدى، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى، ءار ۇلت حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. كوپشىلىكتىڭ شينجياڭعا كەلىپ ارالاۋىن، كورۋىن، امەريكاداعى، باتىستاعى جۇڭگوعا قارسى كۇشتەردىڭ اۋزىندا ايتىلعان شينجياڭنىڭ مۇلدە باسقاشا ەكەندىگىنە كۋا بولۋلارىن قارسى الامىز.

  سىرتقى ىستەر مينيسترلىگى افريكا مەكەمەسىنىڭ باستىعى ۋ پىڭ مىنالاردى ءبىلدىردى: جۇڭگو - افريكا قارىم - قاتىناسى باستان - اياق ءوزارا قۇرمەت ەتۋ، ءوزارا تەڭ مامىلە جاساۋ نەگىزىندە قۇرىلعان. وسى رەت شينجياڭدا ساپاردا بولۋ ارقىلى ءوزارا تۇسىنىستىكتى تەرەڭدەتۋدىڭ حالىقارالىق ادىلدىكتى، تۋراشىلدىقتى بىرگە قورعاۋعا پايدالى ەكەندىگىنە سەنەمىن، بولاشاقتا ەكى جاقتىڭ اۋىل شارۋاشىلىعى، توقىماشىلىق كاسىبى جانە قۇمايتتانۋدان ساقتانۋ جانە ونى تىزگىندەۋ سياقتى جاقتاردا اناعۇرلىم سەلبەستىك جاساۋىن ءۇمىت ەتەمىن.

  ”شينجياڭنىڭ ىستەگەندەرىنىڭ بارلىعى دۇرىس ەكەن“. كامەرۋننىڭ جۇڭگودا تۇراتىن باس ەلشىسى مارتين مپانا افريكا ەلدەرىنىڭ جۇڭگودا تۇراتىن ەلشىلەرى اتىنان جۇڭگو شينجياڭىنىڭ ۇسىنىسىنا العىس ايتتى ءارى ەكسكۋرسيادا، ساپاردا بولعان كەزدەگى اسەرىن اقتارىلا اڭگىمەلەدى. ول بىلاي دەدى: جەرگىلىكتى بۇقارامەن اۋىس - كۇيىس جاساۋ ارقىلى ەلشىلەر مەن ديپلوماتتار شينجياڭنىڭ ناقتى جاعدايىن تىكە، جان - جاقتى ءتۇسىندى، ءبىز الداعى جەردە شينجياڭدا كورگەن - بىلگەن، تىڭداعاندارىمىزدى بۇكىل دۇنيە جۇزىنە جەتكىزەمىز، سونىمەن بىرگە جۇڭگو شينجياڭىمەن ءار جاقتى سەلبەستىك جۇرگىزۋدى كۇتەمىز.

  ماجىلىسكە قاتىناسقان شينجياڭداعى ماماندار، وقىمىستىلار، ءدىني قايراتكەرلەر جانە نەگىزگى ساتى بۇقاراسى ۇستىندە ءسوز سويلەپ، شينجياڭنىڭ ادامدىق ۇقىقتى قامتاماسىز ەتۋ، جۇمىستاندىرۋ، ءدىني سەنىم ەركىندىگى سياقتى جاعدايلارى جونىندە ءتول كەشىرمەلەرىنە ۇشتاستىرىپ ەلشىلەرگە تانىستىرۋ جاسادى.

  اۆتونوميالى رايوننىڭ باسشىلارىنان شۇي حايرۇڭ، لي شۋەجۇن اۋىس - كۇيىس جاساۋ ماجىلىسىنە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار