شي جينپيڭ ازەربايجاننىڭ زۇڭتۇڭى اليەۆپەن تەلەفوندا سويلەستى
2021.06.03 15:21 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 2 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 2 - كۇنى كەشتە ازەربايجاننىڭ زۇڭتۇڭى اليەۆپەن تەلەفوندا سويلەستى.
شي جينپيڭ مىنالاردى اتاپ كورسەتتى: بىلتىردان بەرى جاڭا تيپتى ايدارشا ۆيرۋس وكپە قابىنۋ ىندەتى بۇكىل دۇنيە جۇزىندە كەڭ كولەمدە تارالعان جاعدايدا جۇڭگو مەن ازەربايجان ءبىرىن - ءبىرى قولداپ، قيىنشىلىقتاردى بىرگە جەڭىپ، ناعىز دوستىق سۇيىسپەنشىلىكتى ايگىلەدى. جۇڭگو كوممۋنيستىك پارتياسى 100 جىلدىق مەرەي تويىن قارسى الادى، جۇڭگو سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستادى، جۇڭگو - ازەربايجان قاتىناسى جاڭا تاريحي باستامادا تۇر. ەكى جاق ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، ءوزارا قولداۋدى كۇشەيتىپ، كەلەر جىلى ديپلوماتيالىق قاتىناس ورناتۋدىڭ 30 جىلدىعىن قۇتتىقتاۋدى وراي ەتىپ، ەكى ەل قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋى كەرەك.
شي جينپيڭ مىنالاردى دارىپتەدى: جۇڭگو ازەربايجان حالقىنىڭ ءوز ەلىنىڭ جاعدايىنا ساي تاڭداعان دامۋ جولىن قولدايدى، ازەربايجاندى «ءبىر بەلدەۋ، ءبىر جولدى» بىرگە قۇرۋداعى ماڭىزدى سەلبەستىك سەرىگى دەپ قارايدى. ەكى جاق ورايدان بىرگە يگىلىكتەنىپ، دامۋدى بىرگە جوسپارلاپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن ويداعىداي جوبالاپ، ىلگەرىلەتۋى كەرەك. جۇڭگو ازەربايجاننان اناعۇرلىم كوپ ساپالى ەرەكشە ونىمدەردى يمپورت ەتۋدى قالايدى، جۇڭگو كاسىپورىندارىنىڭ ازەربايجانعا بارىپ قارجى قوسىپ، شارۋاشىلىقتى گۇلدەندىرۋىن، نەگىزدىك قۇرىلعى قۇرىلىسى سياقتى سالالارداعى سەلبەستىكتى ورىستەتۋىن قولدايدى. ەكى جاق حالىقارالىق تاسىمال جانە زات اينالىمى سەلبەستىگىن تەرەڭدەتىپ، ازيا - ەۆروپا تاسىمال ءدالىزى قۇرىلىسىن جەبەپ، وڭىرلىك ۇلاستىرۋ - تۇتاستىرۋ دەڭگەيىن جوعارىلاتۋى كەرەك. جۇڭگو جاق ازەربايجان جاقپەن مەديتسينا سالاسىنداعى اۋىس - كۇيىستى، سەلبەستىكتى كۇشەيتىپ، ازەربايجاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۆاكسينامەن قامداۋ سياقتى جاقتاردان ۇزدىكسىز كومەكتەسۋدى قالايدى. جۇڭگو كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزدى، ازەربايجانمەن اۋىس - كۇيىستى، سەلبەستىكتى كۇشەيتىپ، دۇنيە ءجۇزىنىڭ كەدەيلەردى ازايتۋ ىستەرىن بىرگە ىلگەرىلەتۋدى قالايدى.
اليەۆ مىنالاردى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتايمىن، جۇڭگو جاقتىڭ ازەربايجاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ەمدەۋ بۇيىمدارى، ۆاكسينا سياقتى جاقتاردان قاستەرلى كومەك بەرگەنىنە العىس ايتامىن. ازەربايجان مەن جۇڭگونىڭ ساياسي، ەكونوميكا، قاتىناس - تاسىمال سياقتى سالالارداعى سەلبەستىگى جاقسى ورىستەتىلىپ، ازەربايجاننىڭ ەكونوميكالىق دامۋىن جەبەۋدە بەلسەندى رول اتقاردى. ازەربايجان اناعۇرلىم كوپ جۇڭگو كاسىپورىندارىنىڭ ازەربايجانعا بارىپ قارجى قوسۋىن قارسى الادى، جۇڭگومەن وڭىرلىك ىستەر جونىندە پىكىرلەسۋدى، سەلبەستىكتى كۇشەيتۋدى قالايدى. جۇڭگو − ازەربايجاننىڭ ناعىز سەرىگى، ازەربايجان جاق بۇرىن دا جۇڭگونىڭ تايۋانعا، شياڭگاڭعا، شينجياڭعا ساياتىن ماسەلەلەردەگى تۇرعىسىن باتىل قولداعان، قازىر دە، بۇدان سوڭ دا وسىلاي بولا بەرەدى، جۇڭگومەن بىرگە قۇلشىنىپ، ازەربايجان مەن جۇڭگونىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز دامۋىن ىلگەرىلەتۋدى قالايمىز. ازەربايجان جاق جۇڭگو جاقتىڭ بەيجيڭ قىسقى وليمپياداسىن، مۇگەدەكتەر قىسقى وليمپياداسىن ءساتتى وتكىزۋىن قولدايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
