بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي جانشۋ سولومون توپ ارالى حالىقتىق پارلامەنتىنىڭ باستىعى وتيمەن كەڭەس وتكىزدى

2021.06.03 15:26     كەلۋ قاينارى : حالىق تورابى

  شينحۋا اگەنتتىگى، 6 - ايدىڭ 2 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 - ايدىڭ 2 - كۇنى بەيجيڭدەگى حالىق سارايىندا سولومون توپ ارالى حالىقتىق پارلامەنتىنىڭ باستىعى وتيمەن بەينە ەكران ارقىلى كەڭەس وتكىزدى.

  لي جانشۋ بىلاي دەدى: جۇڭگو مەن سولومون توپ ارالى 2019 - جىلى ءبىر جۇڭگو پرينسيبى نەگىزىندە رەسمي ديپلوماتيالىق قاتىناس ورناتىپ، ەكى ەل قاتىناسىنىڭ جاڭا تاريحي پاراعىن اشتى. ديپلوماتيالىق قاتىناس ورناتقاننان بەرى ءتوراعا شي جينپيڭ مەن سولومون توپ ارالى باسشىلارىنىڭ بىرگە جەتەكشىلىك ەتۋىندە ەكى جاقتىڭ ساياسي سەنىمدىلىگى ۇزدىكسىز كۇشەيىپ، ءار سالاداعى اۋىس - كۇيىسى، سەلبەستىگى قارىشتاپ دامىپ، حالىق اراسىنداعى ءوزارا ءتۇسىنىسۋ مەن دوستىق كۇن سايىن تەرەڭدەدى. ەكى ەل ءبىر - بىرىنە قارايلاسىپ، ىنتىماقتاسا وتىرىپ ىندەتكە قارسى اتتانىپ، ءبىرىن - ءبىرى قۇرمەتتەيتىن، بىرگە داميتىن ابزال دوس، سەنىمدى سەرىككە اينالدى. جۇڭگو جاق سولومون جاقپەن بىرگە ەكى ەل باسشىلارى كەلىسكەن ماڭىزدى ورتاق تانىمدى مۇقيات تياناقتاندىرىپ، ەكى ەل قاتىناسىنىڭ جاڭا جاعدايىن ۇزدىكسىز اشۋدى قالايدى.

  لي جانشۋ بىلاي دەپ اتاپ كورسەتتى: جۇڭگو ۇلكەن - كىشى ەلدەردىڭ تەرەزەسى تەڭ بولۋىن ەجەلدەن دارىپتەپ كەلەدى، سولومون جاقتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن تاڭداۋىنا قۇرمەت ەتەدى، سولومون جاقتىڭ ەكونوميكانى دامىتۋىن، حالىق تۇرمىسىن جاقسارتۋىن قولدايدى. جۇڭگو سولومون جاقتىڭ ءبىر جۇڭگو پرينسيبىنە قاتاڭ بويسۇنىپ، تايۋانعا، شينجياڭعا، شياڭگاڭعا ساياتىن ماسەلەلەر سياقتى جۇڭگونىڭ وزەكتى مۇددەسى مەن ءجىتى قاداعالاپ وتىرعان كەلەلى ماسەلەلەردە جۇڭگونى باتىل قولداعانىن القايدى. جۇڭگو جاق سولومون جاقپەن جوعارى جىكتەگىلەردىڭ جانە ءار جىكتەگىلەردىڭ بارىس - كەلىسىن جالعاستىرىپ، ساياسي جاقتا ءوزارا قولداۋدى كۇشەيتۋدى قالايدى. ەكى جاق ىندەتكە قارسى اتتانۋدا ۇزدىكسىز ىنتىماقتاسىپ، ناقتى سەلبەستىكتى كەڭەيتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىنىڭ تۇسىنىستىك ەسكەرتپەسى نەگىزىندە نەگىزدىك قۇرىلعى، ەگىن، ورمان، بالىق شارۋاشىلىعى سياقتى سالالارداعى سەلبەستىكتى تەرەڭدەتۋى كەرەك. گۋمانيتارلىق اۋىس - كۇيىستى كەڭەيتىپ، وقۋ - اعارتۋ، مادەنيەت، جەرگىلىكتى ورىن، جاستار سياقتى سالالارداعى بارىس - كەلىستى كۇشەيتىپ، ەكى ەلدىڭ ۇزاق ۋاقىتتىق دوستىعىنىڭ نەگىزىن بەكەمدەۋ كەرەك. كوپ جاقتى سايكەسۋدى، سەلبەسۋدى كۇشەيتىپ، كوپ جاقتىلىقتا تاباندى بولىپ، وركەندەپ كەلە جاتقان ەلدەردىڭ ورىندى ۇقىق - مۇددەسىن بىرگە قورعاۋ كەرەك.

  جۇڭگو مەملەكەتتىك حالىق قۇرىلتايى سولومون توپ ارالى حالىقتىق پارلامەنتىمەن دوستىق بارىس - كەلىستى كۇشەيتىپ، ەكى ەل باسشىلارىنىڭ ورتاق تانىمىن تياناقتاندىرۋعا، ەكى جاقتى قاتىناس پەن حالىقتىڭ باقىتىن جەبەۋگە بەلسەندى ۇلەس قوسۋدى قالايدى. ەكى جاقتىڭ يكەمدى ءتاسىل ارقىلى ءارقايسى ارناۋلى كوميتەتتىڭ باعىتتامالى اۋىس - كۇيىسىن ىلگەرىلەتىپ، دوستىق بارىس - كەلىستى ورىستەتۋىنە بولادى؛ ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ، «ءبىر بەلدەۋ، ءبىر جولدى» بىرگە قۇرۋدى جانە ءار سالاداعى ناقتى سەلبەستىكتى ىلگەرىلەتۋدى زاڭدىق كەپىلمەن قامداۋ كەرەك؛ زاڭ شىعارۋ، باقىلاۋ جانە ەل باسقارۋ تاجىريبەلەرىن ءوزارا ۇيرەنىپ، ۇلگى الىپ، وزدەرىنىڭ ەكونوميكالىق، قوعامدىق دامۋ نىساناسىن جۇزەگە اسىرۋعا دەم بەرۋ كەرەك.

  وتي بىلاي دەدى: سولومون توپ ارالى جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتايدى. سولومون جاق جۇڭگومەن دوستىق قاتىناستى دامىتۋعا ايرىقشا ءمان بەرەدى، ءبىر جۇڭگو پرينسيبىندە تاباندى بولادى. جۇڭگونىڭ ىندەتكە قارسى اتتانۋ سياقتى جاقتاردا بەرگەن ماڭىزدى قولداۋىنا العىس ايتامىن. حالىقتىق پارلامەنت جۇڭگو مەملەكەتتىك حالىق قۇرىلتايىمەن اۋىس - كۇيىستى، سەلبەستىكتى كۇشەيتىپ، ەكى ەلدىڭ ناقتى سەلبەستىگىن ىلگەرىلەتۋگە، حالىقتار دوستىعىن جەبەۋگە ۇلەس قوسۋدى قالايدى.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ساۋ جيانميڭ كەڭەسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار