سىرتقى ىستەر مينيسترلىگى: ا ق ش – نىڭ دۇنيە ءجۇزى بويىنشا جاسىرىن تىڭداۋمەن شۇعىلدانۋىنا ءتوزىپ تۇرا المايمىز

2021.06.04 13:29   كەلۋ قاينارى : حالىق تورابى

　　حابارعا قاراعاندا، فرانسيانىڭ زۇڭتۇڭى ماكرون مەن گەرمانيانىڭ زۇڭليى مەركەل جۋىردا ا ق ش مەملەكەتتىك حاۋىپسىزدىك مەكەمەسىنىڭ دانيانىڭ اقپار تاراۋلارىنان پايدالانىپ، ەۆروپا وداعىنىڭ باسشىلارىنىڭ ءسوزىن جاسىرىن تىڭداعان ارەكەتىن كەشىرمەيتىنىن ايتقان، شۆەتسيا، نورۆەگيا قاتارلى مەملەكەتتەردىڭ ءمانساپتىلارى دا ا ق ش – نا سوگىس ايتقان. وسى جونىندە سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 6 – ايدىڭ 3 – كۇنى بىلاي دەدى: ا ق ش – نىڭ ەۆروپا وداعىنا جاسىرىن تىڭداۋ جۇرگىزۋىن «كەشىرمەيدى»، دۇنيە ءجۇزى بويىنشا جاسىرىن تىڭداۋ جۇرگىزۋىنە تىپتەن ءتوزىپ تۇرۋعا بولمايدى. وسىنىڭ الدىندا اقپارات قۇرالدارى ا ق ش – نىڭ ەۆروپاداعى وداقتاستارىنا جاسىرىن تىڭداۋ جۇرگىزگەنىن اشكەرەلەدى، بۇل ا ق ش – نىڭ دۇنيە جۇزىندەگى كولەمدى ۇرلاپ تىڭداۋ تورىنىڭ ءبىر قيىعى عانا، ا ق ش حالىقارالىق قوعامعا بۇل ءىستى ءتۇسىندىرۋى كەرەك.

　　ۇزاق ۋاقىتتان بەرى، ا ق ش ءبىر جاعىنان، ءوزىنىڭ تەحنيكالىق باسىمدىلىقتارىنا سۇيەنە وتىرىپ، دۇنيە ءجۇزى بويىنشا كەڭ كولەمدى، پارىقسىز تۇردە قۇپيالىقتاردى قالاعانىنشا جاسىرىن تىڭداپ كەلسە، ەندى ءبىر جاعىنان، اتالمىش «مەملەكەت حاۋىپسىزدىگى» دەگەندى جەلەۋ ەتىپ، باسقا مەملەكەتتەردىڭ زاڭدى تيجارات جۇرگىزىپ جاتقان كاسىپورىندارىنا جونسىزدىكپەن قىسىىم كورسەتتى، بۇل ا ق ش – نىڭ كولگىرلىك كەيپى مەن زورەكەرلىك تەگىن تولىق اشىپ كورسەتتى. ۋاڭ ۋىنبين: «ينفورماتسيالاردى، زايىرى، كىم ۇرلاپ جاتىر، حاۋىپ ءتوندىرىپ جاتقان تاعى كىم؟» — دەدى. ا ق ش كەڭ كولەمدى، پارىقسىز تۇردە قۇپيالىقتاردى جاسىرىن تىڭداۋ ورەسكەل ارەكەتىن دەرەۋ توقتاتۋى، «مەملەكەت حاۋىپسىزدىگى» دەگەن جەلەۋمەن باسقا مەملەكەتتەردىڭ كاسىپورىندارىنا قىسىم كورسەتەتىن پاسىقتىق ارەكەتتەرىن توقتاتۋى، دۇنيە جۇزىندەگى ادىلدىكتى قالپىنا كەلتىرۋى كەرەك.

　　كەلۋ قاينارى: حالىق تورابى