ءتۇرى وزگەرگەن ۆيرۋس قالامشاسى تۇڭعىش رەت الەۋمەتتىك اۋماقتا تارالدى!
جۇعىمدالۋشىلاردا قانداي بەلگىلەرى بولادى؟ ماماندار جاۋاپ بەردى
2021.06.04 14:26 كەلۋ قاينارى : حالىق تورابى
6 – ايدىڭ 3 – كۇنى ساعات نولدەن ساعات 24 كە دەيىن، گۋاڭدۇڭ ولكەسىندە جەرگىلىكتى ورىننان دياگنوزى تۇراقتاندىرىلعان 7 ناۋقاس جاڭادان ارتقان، گۋاڭجوۋ 6 ناۋقاستى، فوشان ءبىر ناۋقاستى مالىمدەگەن؛ مۇنان سىرت، جەرگىلىكتى ورىننان 2 ادام اۋرۋ بەلگىسى جوق جۇعىمدالۋشىدان دياگنوزى تۇراقتاندىرىلعان ناۋقاس قاتارىنا وتكەن، گۋاڭجوۋ مالىمدەگەن. جەرگىلىكتى ورىننان اۋرۋ بەلگىسى جوق جۇعىمدالۋشىدان ءبىر جۇعىمدالۋشى جاڭادان ارتقان، گۋاڭجوۋ مالىمدەگەن.
ءتۇرى وزگەرگەن ۆيرۋس قالامشاسى تۇڭعىش رەت الەۋمەتتىك اۋماقتا تارالدى
جاسىرىن مەرزىمى قىسقا، تارالۋى تەز، ۆيرۋس مولشەرى جوعارى
قازىرگە دەيىن، گۋاڭجوۋدا وسى رەت ءۇندىستاندا بايقالعان وزگەرگەن ۆيرۋس قالامشاسى تارالعانى تۇراقتاندىرىلعان. مۇنداي وزگەرگەن ۆيرۋس قالامشاسىنىڭ جاسىرىن مەرزىمى قىسقا، تارالۋ قارقىنى تەز، ۆيرۋس مولشەرى جوعارى بولۋ ەرەكشەلىگىنە يە، مۇنداي ۆيرۋس قالامشاسى ەلىمىزدە تۇڭعىش رەت الەۋمەتتىك اۋماقتا تارالىپ وتىر.
مۇنداي تۇرى وزگەرگەن ۆيرۋس قالامشاسىمەن جۇعىمدالعانداردىڭ جۇعىمدالۋ بەلگىلەرى، كلينيكالىق ەمدەۋ جاقتارىندا قانداي ەرەكشەلىكتەر بار؟ گۋاڭجوۋ قالالىق 8 – حالىق ەمحاناسى جۇقپالى اۋرۋلار ورتالىعىنىڭ باس مامانى ساي ۋەيپيڭ بۇعان جاۋاپ بەردى.
ناۋقاستاردىڭ جۇعىمدالۋ بەلگىلەرىندە قانداي ەرەكشەلىكتەر بار؟ ناۋقاستىڭ اۋىر بولۋ مولشەرى قالاي؟
ساي ۋەيپيڭ: بۇل رەتكى ۆيرۋس قالامشاسىمەن جۇعىمدالۋدىڭ ەڭ زور ەرەكشەلىگى — ناۋقاستاردىڭ مۇرىن – كومەكەي سۇيىقتىعىن تەكسەرگەندە جاڭا تيپتى ايدارشا ۆيرۋس نۋكلەين قىشقىلىنىڭ مولشەرى وتە جوعارى بولادى، ورتا ەسەپپەن بىلتىرعى ناۋقاستارمەن سالىستىرعاندا ءبىر ەسە جوعارى بولادى. مۇنان سىرت، ناۋقاستىڭ اۋىرلاسۋى اناعۇرلىم تەز، بىلتىر ۆيرۋستىڭ جاسىرىن مەزگىلى ورتا ەسەپپەن 5.9 كۇن بولسا، بيىل تەك 3.2 كۇن.
وسى رەتكى ىندەتتە ناۋقاستار اراسىندا جەڭىل ناۋقاستار مەن اۋرۋ بەلگىسى جوق جۇعىمدالۋشىلار كوپ. ناۋقاستىڭ اۋىرلاسۋ مولشەرى %6.2، بىلتىرعى ىندەت جاعدايىمەن سالىستىرعاندا تومەن. الايدا، بىلتىر ناۋقاستار اۋرۋ بەلگىسى بايقالعان سوڭ عانا ەمدەۋ بارىسىندا نەمەسە قىزۋى ورلەگەن سوڭ تەكسەرىلۋ بارىسىندا بايقالعان، بيىل ناۋقاستاردىڭ كوبى ىرىقتىلىقپەن تەكسەرۋ بارىسىندا بايقالعان.
ەمدەۋ تاسىلىندە بۇرىنعىمەن قانداي ۇقساماستىق بار؟
ساي ۋەيپيڭ: ءۇندىستاندا بايقالعان وزگەرگەن ۆيرۋس قالامشاسىنىڭ جاسىرىن مەزگىلى قىسقا، تارالۋ قارقىنى تەز، ۆيرۋستىڭ مولشەرى جوعارى، سوندىقتان، باستابىندا ناۋقاس جاعدايىنداعى وزگەرىستەردى ءجىتى باقىلاپ وتىرۋ قاجەت. ەمدەۋ جاعىندا زور پارىق جوق، بەلسەندى تۇردە وتتەگىمەن ەمدەۋ، اۋرۋ بەلگىسىنە قاراي ەمدەۋ جانە جۇڭگوشا ءدارى – دارمەكپەن ەمدەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
