كوپتەگەن تاراۋ جوعارى مەكتەپ ەمتيحانىندا قورعاۋشى بولۋ قيمىلىن بىرلەسىپ ورىستەتتى
2021.06.04 14:39 كەلۋ قاينارى : حالىق تورابى
«حالىق گازەتى»، 6 - ايدىڭ 3 - كۇنى، بەيجيڭ (تىلشىلەر جاڭ تيانپەي، ديڭ ياسۇڭ). قوعام حاۋىپسىزدىگى مينيسترلىگى 6 - ايدىڭ 3 - كۇنى بەيجيڭدە اقپار جاريالاۋ ءماجىلىسىن اشىپ، وقۋ – اعارتۋ مينيسترلىگى قاتارلى تاراۋلارمەن بىرگە بيىلعى جوعارى مەكتەپ ەمتيحانىنىڭ ءساتتى جۇرگىزىلۋىنە كەپىلدىك ەتۋگە قاتىستى جاعدايلاردى تانىستىردى.
اقپار جاريالاۋ ماجىلىسىندە وقۋ - اعارتۋ مينيسترلىگى جوعارى مەكتەپ وقۋشىلارى تارماق مەكەمەسى باستىعىنىڭ ورىنباسارى لي چياڭ تانىستىرىپ بىلاي دەدى: 2021 - جىلى مەملەكەتتىك جوعارى مەكتەپ ەمتيحانى 6 - ايدىڭ 7 - كۇنىنەن 8 - كۇنىنە دەيىن وتكىزىلەدى؛ بۇكىل ەل بويىنشا تىزىمدەلگەندەر 10 ميلليون 780 مىڭ ادام بولىپ، بىلتىرعىدان 70 مىڭ ادام ارتتى؛ جيىنى 7 مىڭ 200 دەن استام ەمتيحان ءتۇيىنى، 466 مىڭ ەمتيحان الاڭى (26 مىڭ زاپاس اۋاشا ەمتيحان الاڭى قامتىلادى) قۇرىلدى، ەمتيحانعا قاتىستى ءبىر ميلليون 400 مىڭنان استام قىزمەتكەر بار، مۇنىڭ ىشىندە 950 مىڭنان استام ەمتيحان باقىلاۋشى قىزمەتكەر بار.
ۇعىسۋعا قاراعاندا، بەيجيڭ، شاڭحاي، جياڭشي، جيلين، شاندۇڭ قاتارلى جەرلەردەگى قوعام حاۋىپسىزدىگى ورگاندارى قاتىستى تاراۋلارمەن بىرلەسىپ، ءتۇيىندى اداقتاۋ، جونگە سالۋ قىزمەتىن ورىستەتىپ، ەمتيحان تۇيىندەرىنىڭ توڭىرەگىندەگى مايعا بەرىلەتىن 32 مىڭ ءۇيدى تەكسەرىپ، ەمتيحان تۇيىندەرىنىڭ توڭىرەگىندەگى اماندىق ساقتاۋ ىستەرى بىلىققان مىڭنان استام ءتۇيىندى، 804 ورىنداعى حاۋىپسىزدىك كومەسكى قاتەرىن جونگە سالعان.
قوعام حاۋىپسىزدىگى مينيسترلىگى اماندىق باسقارۋ مەكەمەسى باستىعىنىڭ ورىنباسارى جاڭ زولياڭ مىنانى ءبىلدىردى: جەر - جەردەگى قوعام حاۋىپسىزدىگى ورگاندارى جوعارى مەكتەپ ەمتيحانىنا قاتىناسقان وقۋشىلاردىڭ ازاماتتىق كۋالىگىن الۋدى ءوتىنىش ەتۋ قىزمەتىنە ايرىقشا ءمان بەرىپ، ەمتيحان بەرۋشىلەردىڭ كۋالىك بىتىرۋدەگى «جاسىل ارناسىن» اشتى. تولىقسىز ساناققا قاراعاندا، 5 - ايدان بەرى جەر – جەردەگى قوعام حاۋىپسىزدىگى ورگاندارى جوعارى مەكتەپ ەمتيحانىنا قاتىناساتىن وقۋشىلارعا 185 مىڭ ازاماتتىق كۋالىكتى جەدەل ءبىتىرىپ بەرگەن.
تانىستىرۋعا قاراعاندا: وقۋ - اعارتۋ، ەمتيحان تاراۋلارى تاياۋدا قوعام حاۋىپسىزدىگى، ينتەرنەت، ينفورماتسيا سياقتى تاراۋلارمەن بىرگە جوعارى مەكتەپ ەمتيحانىن قورعاۋ قيمىلىن ورىستەتىپ، «ينتەرنەتتەگى ەمتيحانعا ساياتىن بەلگىلەمەگە قايشى الەۋمەتتىك ەسەپ ءنومىرىن اداقتاۋ»، «بەدەلدى ەمتيحان الۋ، وقۋشى قابىلداۋ قۇرىلىمدارىنىڭ رەسمي توراپ بەلگىسىن كورنەكتىلەندىرۋ» سياقتى ارناۋلى قيمىلداردى شوعىرلى ورىستەتىپ، ەمتيحان بەرۋشىلەردىڭ وقۋشى قابىلداۋ ساياساتىن جان - جاقتى دۇرىس تۇسىنۋىنە، الدانىپ قالماۋىنا كومەكتەسكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
