بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قۋاڭشىلىق جانە سەل اپاتى جاعدايىندا ءتۇسىمنىڭ جوعارى، ورنىقتى بولۋىنا كەپىلدىك ەتىلدى

جوعارى ولشەمدى ەگىنجاي قۇرىلىسى جەدەل ىلگەرىلەتىلدى («14 – بەسجىلدىق» جوبانى ءبىز وسىلاي باستادىق)

«حالىق گازەتىنىڭ» تىلشىلەرى جۋ جۇن، ۋاڭ حاۋ، فاڭ يۋان، ۋاڭ دان

2021.06.07 16:35     كەلۋ قاينارى : حالىق تورابى

  جياڭشي ولكەسىندە ەگىنشىلەر كوكتەمنەن جازعا دەيىن اتىز باسىندا قاربالاس جۇمىس ىستەدى، ەگىنجاي قۇرىلىسى دابىرالى جۇرگىزىلدى.

  «جوعارى ولشەمدى ەگىنجايعا قول جەتكىزدىك، قۇرعاقشىلىق كەزىندە سۋارۋعا، تاسقىن كەزىندە تاسقىن سۋىن ىعىستىرۋعا بولادى، ەگىس ماشينالارى جولى اتىزدارعا تۇتاستى، تۇتاس بارىستا اۋىل شارۋاشىلىق ماشينالارىن ىستەتەمىز، كۇش تە، اقشا دا ۇنەمدەلدى». جياڭشي ولكەسى ليچۋان اۋدانى تانشي اۋىلى ۋشيڭ قىستاعىنداعى استىق ەگەتىن ءىرى وتباسى مۇشەسى چي جينۋاڭ نىق سەنىممەن بىلاي دەدى: «بيىل ءبىر جولدا 400 مۋدان استام جەرگە قوس ءتۇسىمدى كۇرىش ەكتىم. ءبىر ءتۇسىمدى كۇرىشتى ەكى ءتۇسىمدى كۇرىشكە وزگەرتكەن سوڭ ءبىر مۋ جەردەن 400 جىڭنان استام ءونىمدى ارتىق الۋعا بولادى، مەجەمەن تۇتاس جىلداعى ءونىم مولشەرى 700 مىڭ جىڭ اينالاسىندا بولادى».

  ەگىستىك جەر − استىق ءوندىرىسىنىڭ جان تامىرى. باس شۋجي شي جينپيڭ بىلاي دەپ اتاپ كورسەتكەن بولاتىن: جوعارى ولشەمدى ەگىنجايلاردى قۇرىپ، قۋاڭشىلىق جانە سەل اپاتى جاعدايىندا ءتۇسىمنىڭ جوعارى، ورنىقتى بولۋىنا كەپىلدىك ەتۋ كەرەك.

  «14 – بەسجىلدىق» جوبا باعدارلاماسىندا بىلاي دەپ اتاپ كورسەتىلدى: استىق ءوندىرىسىنىڭ فۋنكتسيالىق رايونى مەن ماڭىزدى اۋىل شارۋاشىلىق ونىمدەرىن ءوندىرۋ، قورعاۋ رايونىن ماڭىزدى ءتۇيىن ەتىپ، مەملەكەتتىڭ استىق حاۋىپسىزدىگى كاسىپ بەلدەۋىن قۇرىپ، جوعارى ولشەمدى ەگىنجايلاردى سالۋ ينجەنەرياسىن اتقارىپ، ءبىر ميلليارد 75 ميلليون مۋ شوعىرلى، تۇتاسقان جوعارى ولشەمدى ەگىنجايلاردى قۇرۋ كەرەك. جەر - جەر نىسانادان مىزعىماي، جۇمىس مەرزىمىن مىقتى يگەرىپ، ۇسىنىلىمدى ارتتىرىپ، باسقارۋدى، قورعاۋدى كۇشەيتىپ، بيىلعى 100 ميلليون مۋلىق جوعارى ولشەمدى ەگىنجاي قۇرىلىسى مىندەتىن بار كۇشپەن ورىنداپ، «14 – بەسجىلدىقتىڭ» العاشقى جىلىنداعى استىقتان مول ءونىم الۋعا ورنىقتى تىرەك ازىرلەدى.

  كوپ ارنامەن ۇسىنىلىمدى ارتتىردى. تاياۋدا حيلۇڭجياڭ ولكەسى فۋجين قالاسىنىڭ وسى زامانعى اۋىل شارۋاشىلىعىنداعى 10 مىڭ مۋلىق كۇرىش عىلىم - تەحنيكاسىنان ۇلگى كورسەتۋ باقشاسى دۋمانعا بولەندى. «بىلتىر ءبىز وسى كۇرىش اتىزىندا ءبىر مۋ جەردەن %10 ارتىق استىق الدىق، بۇل − تومەن ءونىمدى اتىزدىڭ جوعارى ءونىمدى اتىزعا اينالعانىنىڭ بەلگىسى». فۋجين قالاسى دۇڭبەي قىستاعىنىڭ تۇرعىنى چىن فىڭبو بىلاي دەدى: «جەر قۋاتتى بولسا، ەگىن ەگۋىمىز ءتىپتى دە تەبىندى بولادى، جوعارى ءونىمدى اتىزداردىڭ ءتىپتى دە كوبەيتىلۋىن ءۇمىت ەتەمىز».

  «شارۋالاردىڭ سۇرانىسى كۇشتى، ساياسات جاعىندا بار كۇشپەن قولداۋ كورسەتىلۋدە». حيلۇڭجياڭ ولكەلىك اۋىل شارۋاشىلىعى، اۋىل - قىستاق مەڭگەرمەسى ەگىنجاي قۇرىلىسى باسقارماسىنىڭ باستىعى ۋاڭ شياۋدۇڭ تانىستىرىپ بىلاي دەدى: «بىلتىر 12 - ايدا اۋىل شارۋاشىلىعى، اۋىل - قىستاق مينيسترلىگى حيلۇڭجياڭ ولكەسىنىڭ 2021 - جىلعى جوعارى ولشەمدى ەگىنجاي قۇرىلىسىنىڭ مىندەتى ءبىر ميلليون 100 مىڭ مۋ بولادى دەپ بەلگىلەدى. ولكە قازىنانى سايكەستىرۋ، زايوم تاراتۋ، قوعامدىق كاپيتالدى باۋراۋ سياقتى تاسىلدەر ارقىلى قۇرىلىس مىندەتىنىڭ ۋاعىندا ورىندالۋىنا كەپىلدىك ەتتى».

  حىنان ولكەسىندە 2020 – جىلدان بەرى ولكە دارەجەلى قازىنانىڭ 4 ميلليارد 900 ميلليون يۋان سايكەستى قارجىسى تياناقتاندىرىلىپ، ۇكىمەت زايومىنان ءبىر ميلليارد 200 ميلليون يۋان پايدالانىلىپ، اۋىل شارۋاشىلىعىنا ساياتىن 265 ميلليون يۋان قارجى بىرىكتىرىلدى. جياڭشيدە ارناۋلى قارىز نەگىزگى قارجى توپتاۋ ءتاسىلى ەتىلىپ، ءبىر مۋ جەرگە 3 مىڭ يۋاندىق ولشەم بويىنشا 9 ميلليارد 510 ميلليون يۋان قارجى قوسىلدى.

  بۇكىل ەلگە كوز جىبەرسەك، جوعارى ولشەمدى ەگىنجاي قۇرىلىسىنىڭ ۇسىنىلىم، قامتاماسىزداندىرۋ مەحانيزمى بىرتىندەپ كەمەلدەندى. بيىل ورتالىقتىڭ قوسقان قارجىسى بىلتىرعىدان ارتىپ، جەردى وتكەرمەلەۋ پايداسىن جوعارى ولشەمدى ەگىنجاي قۇرىلىسىنا جۇمساۋ سالىستىرماسى جوعارىلادى. بۇدان سىرت، اۋىل شارۋاشىلىعى، اۋىل – قىستاق مينيسترلىگى جەر – جەردى ەگىستىك جەردىڭ تىڭنان ارتقان پايداسىنان تولىق پايدالانىپ، جوعارى ولشەمدى ەگىنجاي قۇرىلىسىنا ىستەتىلەتىن زايوم تاراتۋ كولەمىن كەڭەيتۋگە شابىتتاندىردى. ۇسىنىلىمنىڭ ارتۋى قۇرىلىستىڭ قارقىنىن تەزدەتتى، بيىل 1 - توقساندا جەر - جەردىڭ جوعارى ولشەمدى ەگىنجايلاردىڭ كولەمى تۇتاس جىلدىق مىندەت مولشەرىنىڭ شامامەن %30 ىن يەلەدى، قۇرىلىستىڭ اياق الىسى جالپى جاقتان مەجەگە ۇيلەسەدى. اۋىل شارۋاشىلىعى، اۋىل - قىستاق مينيسترلىگى جەرگىلىكتى ورىنداردىڭ بۇكىل ەلدەگى ەگىنجايلار قۇرىلىسىن جان - جاقتى باقىلاۋ - باسقارۋ تەكشەسىنەن پايدالانىپ، نىسان قۇرىلىسىنىڭ اياق الىسىن اي سايىن ورنالاستىرىپ، ورنالاستىرۋ ساندى مالىمەتىن قاتاڭ تەكسەرىپ، جەر - جەردى جوعارى ولشەمدى ەگىنجاي قۇرىلىسىن جەدەل ىلگەرىلەتۋگە قۋزادى.

  قۇنارلى اتىزداردى جوعارى ساپامەن سالدى. «اتىزداعى قۇرىلعىلاردىڭ دارەجەسى جوعارىلادى، قازىر ەگىن ەگۋدىڭ ءوزى ءبىر قۋانىشتى ءىس! توعاندار بەتونداندىرىلدى، اتىزدا سۋارۋ پۋنكتى، سۋ شىعاتىن اۋىز سالىندى، سۋارعان كەزدە ءبىر ادام ءبىر مىڭ 500 مۋ جەردەگى ءبيدايدى باسقارا الاتىن بولدى، ەندى كۇن - ءتۇن دەمەي كۇزەتۋدىڭ قاجەتى قالمادى». جياڭسۋ ولكەسى شۇيجوۋ قالاسى شيڭلوۋ قالاشىعى دۇڭجۋاڭ قىستاعى چيجى اۋىل شارۋاشىلىعىن دامىتۋ شەكتى سەرىكتەستىگىنىڭ جاۋاپتىسى لي ۋي بىلاي دەدى: «شاعىن اتىزدار تۇتاستىرىلىپ، ارىق - توعان قايشالىسىپ، ءار مۋ جەرگە ءبيداي ەگۋدىڭ وزىندىك قۇنى 200 يۋاننان استام ازايدى».

  جەر - جەر جەرگىلىكتى جاعدايعا قاراي ءىس كورىپ، «اتىزدى ىرگەلەندىرۋ، توعانداردى تۇتاستىرۋ، جول جەتكىزۋ، قۇرعاقشىلىق كەزىندە سۋارۋ، تاسقىن كەزىندە تاسقىن سۋىن ىعىستىرۋ» ولشەمى بويىنشا، قۇرىلىس ساپاسىن باسقارۋدى كۇشەيتىپ، جوعارى ولشەمدى ەگىنجاي قۇرىلىسىنىڭ ساپاسىنىڭ بىركەلكى ارتۋىنا كەپىلدىك ەتتى. سىچۋان ولكەسى ادىرلى تاۋلى وڭىرلەردە «ساپالى تۇقىم، تاماشا زاڭ، تاماشا ءتۇزىم، قۇنارلى اتىز، وزىق ماشينا بولۋ» سىندى بەس جاقتى توعىستىرۋ شاراسىن قولداندى؛ گانسۋ ولكەسى جوعارى ولشەمدى ەگىنجاي قۇرىلىسى مەن جوعارى ءونىمدى سۋ ۇنەمدەپ سۋارۋدى ءبىر تۇتاس ىلگەرىلەتىپ، بيىل جوعارى ءونىمدى سۋ ۇنەمدەپ سۋارۋ مىندەتىن ءبىر ميلليون 443 مىڭ 400 مۋعا جەتكىزىپ، قۋاڭشىلىق پەن سەل اپاتىنا توتەپ بەرۋدى شىن مانىندە جۇزەگە اسىردى.

  ساپالى ەگىنجايعا تاماشا ءادىس قولدانىپ، استىق ءونىمىن ورنىقتى ارتتىردى. جوعارى ولشەمدى ەگىنجايلاردى ويداعىداي قۇرۋ ءۇشىن، استىقتى ءتىپتى دە جاقسى ەگۋ، بيولوگيالىق ەگىس دارىلەرىن، قۇرت جويۋ شىراعىن پايدالانۋ، سابان – توپاندى ءشىرىتىپ اتىزعا پايدالانۋ كەرەك... مىنە، وسىنداي ءبىرقىدىرۋ جاسىل ەگىنشىلىك تەحنيكاسى جەدەل تياناقتاندى. انحۇي ولكەسى تيانچاڭ قالاسى يۇيجيان قالاشىعى جاڭيىڭ قىستاعى حىحى ەكولوگيالىق اۋىل شارۋاشىلىق كاسىپتىك سەلبەستىك كووپەراتيۆىنىڭ جاۋاپتىسى پيڭ دۇڭلين بىلاي دەدى: «تىڭايتقىش ءدارى از ىستەتىلەدى، توپىراق قاتىپ قالمايدى، ءبيدايدىڭ ساپاسى دا جوعارىلايدى، ءار جىڭى بازار باعاسىنان 0.5 يۋان جوعارى، مول ءونىم الىپ، كىرىستى ارتتىرامىز».

  جوعارى ولشەمدى ەگىنجاي ءوندىرىس تاسىلىندە بۇرىلىس جاساۋعا دەم بەردى. ماشينالار كوبەيتىلىپ، حيميالىق دارىلەر ازايتىلىپ، اماناتتاپ باسقارۋ كۇشەيتىلىپ، قۇنارلى اتىزداردان جوعارى ءونىمدى ساپالى استىق الىندى. باعالاۋ ساندى مالىمەتىندە كورسەتىلۋىنشە، جوعارى ولشەمدى ەگىنجاي نىسانى رايونىنداعى ەگىستىك جەردىڭ ساپاسى 1 دە 2 دارەجە جوعارىلاپ، استىقتىڭ ءوندىرىس قۋاتى ورتا ەسەپپەن %20 - 10 جوعارىلاپ، مۋ باسىندىق ورتاشا استىق ءونىمى 100 كيلوگرام ارتىپ، «ءبىر توقساندا مىڭ جىڭ استىق، 2 توقساندا ءبىر توننا استىق الۋ» نىساناسى جۇزەگە اسىرىلعان. ونىڭ ۇستىنە، نىسان رايوندارىنداعى ەگىس دارىلەرىنىڭ ىستەتىلۋ مولشەرى %19.1، حيميالىق تىڭايتقىشتىڭ ىستەتىلۋ مولشەرى %13.8 ازايعان.

  قۇنارلى اتىزعا ابزال ساياسات قولدانىپ، جاقسى قۇرىپ، جاقسى قورعادى. «ارىق - توعاندى ارام شوپتەر مەن لاي – باتپاقتار وڭاي بىتەپ تاستايدى، قولىم بوساي قالسا كەلىپ دەر كەزىندە ءبىر جاقتى ەتەمىن». جياڭشي ولكەسى انفۋ اۋدانى جوۋحۋ قالاشىعى جاڭجوۋ قىستاعىندا باسقارۋشى داي شياۋجۇن جوعارى ولشەمدى ەگىنجايدى دەن قويا قورعادى. انفۋ اۋدانى اۋدان، اۋىل، قىستاق، گرۋپپا سىندى 4 دارەجەلى بولەك باستىعى باسقارۋ - قورعاۋ جاۋاپكەرلىگىن ايقىنداپ، ءار مىڭ مۋ اينالاسىنداعى ەگىنجايعا ءبىر باسقارۋ - قورعاۋ قىزمەتكەرىن ورنالاستىردى.

  قۇرۋ ءۇش ۇلەس ماڭىزدى بولسا، باسقارۋدىڭ جەتى ۇلەس ماڭىزى بار. جەر - جەر جوعارى ولشەمدى ەگىنجايلاردى باسقارۋ، قورعاۋ مەحانيزمىن ورناتتى جانە كەمەلدەندىردى. جياڭشي، شاندۇڭ سياقتى ولكەلەر «اتىز باستىعى ءتۇزىمى»، «اتىز قورۋشىسى» سياقتى باسقارۋ، قورعاۋ ۇلگىسىن بەلسەنە قاراستىرىپ، كاسىپتىك ءىرى وتباسى، وتباسىلىق ەگىس الاڭى، شارۋالار سەلبەستىك كووپەراتيۆى سياقتىلاردىڭ ەگىنجايلار قۇرىلعىلارىن كۇندەلىكتى قورعاۋ بەلسەندىلىگىن جۇمىلدىردى. لياۋنيڭ، حيلۇڭجياڭ، حىنان سياقتى ولكەلەر مال - مۇلىكتى قامسىزداندىرۋ، ۇكىمەت قىزمەت وتەۋدى ساتىپ الۋ، ارناۋلى باسقارۋشى ورنالاستىرۋ سياقتى تاسىلدەردى قولدانىپ، ءار جاقتىڭ كۇشىن جۇمىلدىرىپ، اتىز - ارىق قۇرىلعىلارىن باسقارۋعا، قورعاۋعا بىرگە ات سالىسىپ، ۇزاق ۋاقىتتىق ونىمدىلىكتى كوزدە ۇستادى.

  «كەلەسى قادامدا اۋىل شارۋاشىلىعى، اۋىل - قىستاق تاراۋلارى كوپتىڭ كۇشىن شوعىرلاندىرىپ، كوپ ءتۇرلى شارانى قاتار قولدانىپ، ەگىستىك جەردى قورعاۋ مەن اتىز - ارىق قۇرىلىسىنىڭ شەشۋشى بۋىندارىن مىقتاپ يگەرىپ، «استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ، تەحنيكاعا سۇيەنە وتىرىپ ەگۋ ستراتەگياسىنىڭ تياناقتانۋىن جاپپاي ىلگەرىلەتىپ، استىقتىڭ جالپىلىق ءوندىرىس قۋاتىن اناعۇرلىم بەكەمدەيدى جانە جوعارىلاتادى» دەدى اۋىل شارۋاشىلىعى، اۋىل - قىستاق مينيسترلىگى ەگىنجاي قۇرىلىسىن باسقارۋ تارماق مەكەمەسىنىڭ 2 - دارەجەلى شارلاۋشىسى ۋ حۇڭۋەي.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار