286 جىلىجايدان جەمىستىڭ حوش ءيىسى اڭقىدى
انار بۇلت / شينجياڭ گازەتىنىڭ ءتىلشىسى يۇي جياڭيان
2021.06.08 14:28 كەلۋ قاينارى : شينجياڭ گازەتى
5 - ايدىڭ سوڭعى شەنىندە ءۇرىمجى قالاسى ميدۇڭ رايونى تەرەكتى قىستاعىنىڭ كورىنىسى ماساتىداي قۇلپىردى، ساياحاتشىلار توپ - توبىمەن وسى اراعا كەلىپ جاياۋ ارالاپ، جەمىس - جيدەك تەردى. قىستاقتاعى 286 جىلىجايدا قىزاناق، رىنشىنگو، بايشياڭگولار سامسىپ تۇر.
ۇرىمجىدە ەڭ ەرتە جىلىجاي كاسىپ سالاسىن دامىتقان قىستاقتاردىڭ ءبىرى رەتىندە، تەرەكتى قىستاعى جىلىجايدى دامىتۋ ارقىلى ءبىر مۋ جەردەن نەشە ون مىڭ يۋاندىق پايدا تابۋدى جۇزەگە اسىردى.
ءتورت ماۋسىمدا جەمىس تەرۋ ساياحاتشىلاردى باۋرادى
5 - ايدىڭ 23 - كۇنى تەرەكتى قىستاعىنىڭ تۇرعىندارى، ءبىر جاعىنان، جىلىجايداعى جەمىس - جيدەكتەردى ىڭعايلاستىرىپ، ەندى ءبىر جاعىنان، جەمىس تەرۋگە كەلگەن ساياحاتشىلاردى قارسى الىپ قاربالاستىققا ءتۇستى.
ۋاڭ ليان ەكى جىلىجايعا قىزاناق ەككەن، تۇستەن بۇرىن ەكى شوعىر ساياحاتشى قابىلدادى. ”ەككەنىمىز تۇگەلدەي زالالسىز قىزاناق، اتىز باسىنان تەرىپ السا ءبىر كيلوگرامى 8 يۋان“. ءتىلشى ونىمەن جولىققاندا، ول ساياحاتشىلارعا ءوزىنىڭ جىلىجايىنداعى قىزاناقتاردى تانىستىرىپ جاتقان ەدى.
جاڭ يۇنحۋا وتباسى 6 جىلىجايعا جەمىس - جيدەك، كوكونىس ەككەن، رىنشىنگو، بايشياڭگو، حولۇڭگو، مۋگۋا سياقتىلار بار، رىنشىنگو ەندى عانا پىستى، جىلىجايدان تەرىپ السا ءبىر كيلوگرامى 20 يۋان. ”مىنا رىنشىنگو راسىندا ءدامدى، ىشكى وڭىرلەردىكىنەن ءتاتتى، ءبىراز حوش ءيىسى دە بار ەكەن“. ساياحاتشى ليۋ مينميڭ جەمىس - جيدەك تەرە ءجۇرىپ دوستىق شەڭبەرىنە شىعارىپ ۇلگىردى.
جاڭ يۇنحۋا قىستاقتا ەڭ الدىمەن وڭتۇستىك جاقتىڭ جەمىسىن سىناق ەتىپ ەنگىزدى، 2015 - جىلى حولۇڭگو ەنگىزىپ ەكتى، ىلە - شالا رىنشىنگو، بايشياڭگو ەنگىزدى، بيىل جاڭادان مۋگۋا ەنگىزدى. ”حولۇڭگو جىلىنا 2 رەت جەمىس بەرەدى، جازدا 6 - ايدان 8 - ايعا دەيىن تەرەمىز، قىستا كوكتەم مەرەكەسىنىڭ الدىندا بازارعا شىعارىلادى. بايشياڭگودا جىلىنا 2 رەت جەمىس بەرەدى، جازدا 7 - ايدا، قىستا 1 - ايدا تەرەمىز“، - دەدى جاڭ يۇنحۋا.
ءتىلشىنىڭ تەرەكتى قىستاق كوميتەتىنەن ۇعىسۋىنشا، تەرەكتى قىستاعىنىڭ 1 - گرۋپپاسىنداعى تۇرعىنداردىڭ ％80تەن استامى جىلىجاي ەگىمشىلىگىمەن شۇعىلدانىپ، ءبىر جىلدىڭ ءتورت ماۋسىمىندا دا جەمىس - جيدەك تەرۋگە بولاتىن شوعىرلى ۇلاسپالى جەمىس - جيدەك تەرۋ بازاسىن قالىپتاستىرعان.
جىلىجاي كوبەيدى، قالتا قامپايدى
1995 - جىلى ءۇرىمجى قالالىق بۇرىنعى اۋىل شارۋاشىلىق كوميتەتىندەگىلەر قىستاققا كەلىپ جىلىجاي ەگىنشىلىگىن جالپىلاستىرعان كەزدە قىستا كوكونىس وسىرۋگە بولادى دەگەنگە ەشكىم دە سەنبەگەن ەدى.
جاڭ يۇنحۋا تۇڭعىش توپتا جىلىجاي ەگىمشىلىگىن سىناق ەتكەن قىستاق تۇرعىندارىنىڭ ءبىرى. ول بىلاي دەدى: ”سول جىلى قىستا ءبىز نەشە ون وتباسى سىناق رەتىندە قىزاناق ەكتىك، ءبىر جىلىجايدىڭ پايداسى 10 مىڭ يۋانعا جەتتى“.
ءبىر جىلىجاي ورتا ەسەپپەن ءبىر مۋ جەر يەلەيدى، ەسەپتەپ كەلگەندە، ءار مۋىنان 10 مىڭ يۋان كىرىس كىرگىزۋگە بولادى، قىستاق تۇرعىندارى جابال ەگە باستادى. 1995 - جىلدان 1998 - جىلعا دەيىن تەرەكتى قىستاعىنىڭ 1 - گرۋپپاسى 200دەن استام جىلىجاي سالدى.
”كوكتەم، جاز مەزگىلىندە نەگىزىنەن قىزاناق ەگەمىز، كۇز، قىس مەزگىلىندە ماۋچين ەگەمىز. وسى 2 ءتۇرلى كوكونىستىڭ باعاسى ءبىرشاما ورنىقتى، ماڭايداعى جىلىجايلاردان ۋاقىتتى پارىقتاندىرىپ بازارعا شىعارۋعا بولادى“، - دەدى تەرەكتى قىستاق تۇرعىندار كوميتەتىنىڭ مەڭگەرۋشىسى لان جىفا.
تاۋ قويناۋىنا ورنالاسقان تەرەكتى قىستاعى ورمانمەن كومكەرىلگەن. جۋىق جىلداردان بەرى ساياحاتشىلار بىرتىندەپ كوبەيە باستادى، قىستاقتاعى ەگىنشى وتباسىلارى ورايدى مىقتاپ يگەرىپ، سەيىل - سەرۋەن قۇرا ءجۇرىپ، جەمىس - جيدەك تەرۋگە قاراي تيبىن وزگەرتىپ دامىتىپ، ساياحاتشىلار ۇناتاتىن سيرەك جەمىس - جيدەكتەردى ەكتى.
كورىكتى اۋىل - قىستاق شارۋاشىلىق قۇرۋعا، قونىستانۋعا قولايلى بولدى
تەرەكتى قىستاعىنداعى سەيىل - سەرۋەن قۇرىپ جەمىس - جيدەك تەرۋ بازاسىنا باراتىن جول ويلى - شۇڭقىر ەدى، بيىل ميدۇڭ رايونى تەرەكتى قىستاعىنىڭ جولىن قاتتىلاندىرۋ، جىلىجايدىڭ تامىن اعارتۋ سياقتىلارعا 15 ميلليون يۋان قارجى قوستى .
5 - ايدىڭ 23 - كۇنى ولشەۋ - سىزۋشى قىزمەتكەرلەر تەرەكتى قىستاعى جىلىجايىنىڭ الدىنداعى جولدا بارلاۋ - ولشەۋ جۇرگىزە باستادى. ”مەجەمەن كەلەر ايدا - اق جۇمىس باستالادى، اۋىل - قىستاق كورىكتەنسە، كوڭىل كۇيىمىز دە كوتەرىڭكى بولادى“، - دەدى قىستاق تۇرعىنى لي جىنليڭ.
تەرەكتى قىستاعىنىڭ دامۋ بولاشاعىنا كوز جەتكىزگەن قىستاق تۇرعىنى جاڭ جىنبياۋ شارۋالار شاتتىعى ساياجايىن اشتى.”تاماق ىشۋگە ساياحاتشىلار دا، قىستاقتاعى جەرگىلىكتى تۇرعىندار دا كەلەدى. قىستاق تۇرعىندارىنىڭ قالتاسى قامپايدى، تۇتىنۋعا جۇمساۋدان تايىنبايتىن بولدى“، - دەدى ول تىلشىگە.
قازىر تەرەكتى قىستاعىندا 6 شارۋالار شاتتىعى ساياجايى بار. لان جىفا بيىل جول جاسالىپ بولعان سوڭ، شارۋالار شاتتىعى ساياجايى دامىپ 30 اينالاسىنا جەتۋى مۇمكىن دەپ مەجەلەۋدە.
تەرەكتى قىستاعىنىڭ تۇرعىندارى ەڭبەكشىل قاجىرلى بولۋمەن بىرگە، بازاردى دا بايقاعىش. جۋىق جىلداردان بەرى قوي، سيىر ەتىنىڭ باعا جاعدايى جاقسى، سونىمەن قىستاق قوي، سيىر بورداقىلاۋ باعىمشىلىعىن زور كۇشپەن دامىتىپ، 2020 - جىلى 6500 قوي، سيىردى بازارعا سالدى. سونىمەن بىرگە ساياحات كاسىبى تەرەكتى قىستاعىنىڭ ءۇي قۇسى باعىمشىلىعىن جەتەكتەپ، 2020 - جىلى 60 مىڭنان ارتىق تاۋىقتى بازارعا سالدى. باعىمشىلىق كاسىبىنەن جيناعان قوي، سيىر، تاۋىق قيى جىلىجاي جەمىس - جيدەك ەگىمشىلىگىنىڭ ساپالى تىڭايتقىشىنا اينالدى.
بيىل تەرەكتى قىستاعى تاعى جيليننەن كەلگەن ساۋداگەردى قارجى قوسۋعا باۋراپ، جەمىس - جيدەك تەرۋ بازاسىنىڭ جانىنان زەردەلى جىلىجاي سالىپ، سورەدە توپىراقسىز ءوسىرۋدى دامىتىپ، شيە قىزاناق، بۇلدىرگەن سياقتىلاردى ەكتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
