بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاسىل دامۋ بار الاپتى كوكتەم شۋاعىنا بولەدى

انار بۇلت / شينجياڭ گازەتىنىڭ ءتىلشىسى ۋاڭ يۇيجاۋ

2021.06.08 14:29     كەلۋ قاينارى : شينجياڭ گازەتى

  شىلىڭگىر مەزگىلدە، كۇن ساۋلەسى كوز سۇرىندىرەدى. قۇمىل قالاسى اراتۇرىك اۋدانى نوم قالاشىعىندا 220 مەتر بيىكتىكتەگى ەرىتىلگەن تۇز مۇنارا ۇلگىسىندەگى جارىق، جىلۋ ەلەكتر ستانسياسى ەلەكتردى ءۇرتىس تۇراقتى جەتكىزۋدە؛ يىڭسارى اۋدانىندا جاسىل قۇرىلىس ماتەريالدارى كاسىپ سالاسى باقشاسى ورىن تاڭداۋ جوباسىن اتقارىپ، كاسىپ سالاسى تىزبەگىن جەتىلدىردى، ۇزارتتى؛ اقسۋ قالاسى دولان وزەنىنىڭ جاعاسىنداعى ۆەلوسيپەد مىنۋگە، باياۋ جۇگىرۋگە ۇيلەسەتىن الەۋمەتتىك جاسىل كەڭىستىك ءتىپتى دە كوپ تۇرعىننىڭ جاسىل تۇرمىسىمەن جالعاسۋدا...

  تاياۋ جىلداردان بەرى جاسىل دامۋ ەكونوميكالىق، قوعامدىق دامۋدىڭ ءار سالاسىنا تەرەڭ توعىستى. ونەركاسىپ بازاسىنان ەكولوگيالىق سازدىققا دەيىن، وسى زامانعى قالادان شارۋالار ءۇيىنىڭ ءبىر بۇرىشىنا دەيىن، جاسىل دامۋ ۇستانىمى جۇرت جۇرەگىنە تەرەڭ ۇيالادى، جاسىلدىق رايونىمىز ەكونوميكاسىنىڭ، قوعامىنىڭ جوعارى ساپالى دامۋىنىڭ نەگىزگى رەڭىنە اينالدى.

  جاسىل قوزعاۋشى قۋات ۇزدىكسىز جارىققا شىقتى

  6 - ايدىڭ 1 - كۇنى باۋگاۋڭ توبى شينجياڭ 1 - تامىز بولات - تەمىر شەكتى سەرىكتەستىگى وتتەگى دومنا پەش ءوندىرىسى جۇيەلى دە ءتارتىپتى جۇرگىزىلىپ، زاۆود ءوڭىرىنىڭ ورتاسى جانعا جايلى، اۋاسى تازا بولدى.

  بىلتىر باگاڭنىڭ نەگىزگى ءونىم مولشەرى، تاۋار ماتەريالدارىنىڭ ساتىلۋى، تيجارات كىرىسى، پايدا جالپى سوماسى تۇگەلدەي سايكەس مەزگىلدەگىدەن ارتتى؛ بولات ءونىم مولشەرى، تاۋار ماتەريالىنىڭ ساتىلۋ مولشەرى 5 جىلدان بەرى تۇڭعىش رەت 6 ميلليون توننادان استى... نازار اۋدارارلىق ءىس، بۇل سەرىكتەستىكتىڭ بىلتىر جاڭالاعان وتتەگى دومنا پەشىنىڭ كومىر قىشقىل گازىنىڭ شىعارىلۋىن %40تىڭ ۇستىندە ازايتتى، ءوندىرىس قۋاتى %40 اينالاسىندا كوتەرىلدى. ءوندىرىس قۋاتىنىڭ ”ارتۋى“ مەن كومىر قىشقىل گازىنىڭ شىعارىلۋىنىڭ ”ازايۋى“ جاسىل قوزعاۋشى قۋاتتارىنىڭ قۋاتتى ومىرشەڭدىك كۇشىن كورسەتتى.

  كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ جالپى جاعدايىندا، جاسىل تۇتىنۋ، تومەن كومىرتەكتى تۇتىنۋ بىرتىندەپ نەگىزگى اعىنعا اينالىپ، جاسىل دامۋدىڭ قوزعاۋشى قۋاتى ءۇرتىس جانداندى.

  6 - ايدىڭ 1 - كۇنى جۇڭگو ماركاسى تايپيڭنياۋ شينجياڭ ماقتاسىنان پايدالانىپ جاساعان جالپى قامداۋ تىزبەگى بارىسىنداعى كومىرتەگىنىڭ قۇرامى ولشەنگەن، باعالانعان العاشقى جەيدەنى شىعاردى. جەيدەدە ەكى ولشەمدى كودى بار ماركا اسىلعان، تۇتىنۋشىلار ەكى ولشەمدى كودتى جايمالاپ، ونىمدەگى كومىرتەگى قۇرامىن انىق تۇسىنە الادى، اۋەلى، شينجياڭداعى ءاربىر بولىك ماقتا اتىزىنىڭ، ءاربىر زاۆودتىڭ، ءاربىر توقىما ءجىپ ءوندىرىس جەلىسىنىڭ تەگىن تەكتەي الادى.

  وسى قامداۋ تىزبەگىنىڭ ءوندىرىس بارىسىنان كاسىپورىننىڭ تومەن كومىرتەكتى قورشاعان ورتا جولىندا جاساعان قۇلشىنىسىن كورۋگە بولادى. اقسۋ حۋافۋ ءبىر ميلليون ۇرشىقتى ءتۇستى توقىما ونەركاسىپ باقشاسىندا توقىما جىپتەر الدىمەن بويالىپ، ونان كەيىن توقۋ تەحنولوگياسى قولدانىلادى، ءداستۇرلى تەحنولوگيامەن سالىستىرعاندا %50تىڭ ۇستىندە سۋ ۇنەمدەيدى، لاس زاتتاردىڭ شىعارىلۋىن ازايتادى.

  بۇگىنگى تاڭدا رايونىمىزداعى ءتىپتى دە كوپ كاسىپورىندار ەكولوگيانى الدىمەن ويلاسۋدى، جاسىل دامۋدى جەتەكشى ەتكەن جوعارى ساپالى دامۋ جولىمەن ءجۇردى.

  تيبىن جاڭالاپ، دارەجەسىن ءوسىرىپ، جاسىل بوياۋدى ارتتىردى

  ”ءبىز تريپتوفان الۋ بارىسىندا 4 ءونىمدى بۋلاندىرۋ جۇيەسى مەن ليۋحۋاچۋاڭ قۇرعاتۋ جۇيەسىن ەنگىزىپ، ءار جىلى 6000 توننا ولشەمدى كومىر، 300 مىڭ تەكشە مەتر سۋ ۇنەمدەي الامىز، ءوندىرىس قۋاتى بۇرىنعى جىلىنا 8000 توننا وندىرۋدەن 11 مىڭ تونناعا كوتەرىلدى“، - دەدى شينجياڭ فۋفىڭ بيو عىلىم - تەحنيكا شەكتى سەرىكتەستىگى نىسان باس باقىلاۋشىسى فىڭ شىحۇڭ. بىلتىر بۇل سەرىكتەستىكتىڭ زەرتتەپ جاساعان ”تريپتوفان ەنەرگيا ۇنەمدەۋ جاڭا تەحنيكاسىن قولدانۋ“ نىسانى وندىرىسكە قوسىلىپ پايدالانۋعا بەرىلىپ، ەنەرگيا جۇمسالىمىن ازايتىپ عانا قويماي، ءونىم ساپاسىن دا ءوسىردى.

  2016 - جىلى بۇل سەرىكتەستىك مەملەكەت دارەجەلى ”جاسىل زاۆود“ اتاعىن الدى. تاياۋ جىلداردان بەرى سەرىكتەستىك ىلگەرىندى - كەيىندى كۇكىرتسىزدەندىرۋ مۇناراسىن جانە سۋلاپ ەلەكترمەن شاڭ - توزاڭدى تازارتىپ، لاس زاتتاردىڭ شىعارىلۋىن بارىنشا ازايتۋ بويىنشا جاڭالاۋ نىسانى، بۇكىل الاڭداعى بوگدە ءيىستى وڭاۋ نىسانى جانە امين قىشقىلى ەنەرگيا ۇنەمدەۋ، جۇمسالىمدى تومەندەتۋ بويىنشا جاڭالاۋ نىسانى سياقتىلاردى سالىپ، جىلىنا 3 ميلليون 500 مىڭ تەكشەمەتر سۋ ۇنەمدەدى.

  ساندى مالىمەتتەردە كورسەتىلۋىنشە، ”13 - بەسجىلدىق“ مەزگىلىندە رايونىمىز 120 جاسىل زاۆود، 8 جاسىل باقشا رايونىن قۇرعان، مۇنىڭ ىشىندە مەملەكەت دارەجەلى 57 جاسىل زاۆود، 6 جاسىل باقشا رايونى بار.

  ەنەرگيا جۇمسالىمى جوعارى، لاستاۋى جوعارى، لاس زاتتاردى كوپ شىعاراتىن ءوندىرىس تەحنولوگياسىن جانە كاسىپورىنداردى قاتاردان قالدىردى، جاپتى، كۇشىنەن قالدىردى؛ ورنالاسۋى شوعىرلى، كاسىپ سالاسى شوعىرلى، دامۋى شوعىرلى جاسىل كاسىپ سالاسىن قالىپتاستىردى؛ كاسىپ سالاسىنىڭ سيفرلانعان، زەردەلىلەنگەن دامۋىن ىلگەرىلەتتى... رايونىمىز، ءبىر جاعىنان، بولات - تەمىر، ەنەرگيا، ەلەكتر قۋاتى سياقتى ءداستۇرلى كاسىپ سالاسىنىڭ تيبىن جاڭالاپ، دارەجەسىن وسىرۋىن ىلگەرىلەتسە، ەندى ءبىر جاعىنان، ەلەكتروندى ءونىم، جاڭا ماتەريال سياقتى جاڭادان گۇلدەنگەن كاسىپ سالاسىن بار كۇشپەن دامىتىپ، جاسىلعا قاراي تيبىن جاڭالاۋدى تەزدەتىپ، دامۋ باسىمدىعىنا يە بولدى.

  تومەن كومىرتەكتى تۇرمىس جاسىلمەن قاۋىشتى

  دالادا دەنە شىنىقتىرۋ، جاسىل ءجۇرىس - تۇرىس... بۇگىنگى تاڭدا ءتىپتى دە كوپ ادام جاسىل، تومەن كومىرتەكتى تۇرمىس ءتاسىلىن تاڭدادى، مىسالى، تەڭ يگىلىكتەنەتىن ۆەلوسيپەد ءمىنۋ، جاڭا ەنەرگيالى الەۋمەتتىك اۆتوبۋزعا وتىرۋ، قوقىر - قوقسىقتى تۇرگە ايىرۋ، سۋدى ۇنەمدەپ ىستەتۋ سياقتى جاسىل ارەكەتتەر قالا سالتىنا جەتەكشىلىك ەتىپ، كيىم - كەشەك، ازىق - تۇلىك، تۇرعىن ءۇي، ءجۇرىس - تۇرىس جاقتارىندا ايگىلەندى.

  كورلا قالاسىنداعى حۋايۋان. شىڭدي شينچىڭ شاعىن اۋماعىنداعى ۇيلەردىڭ توبەلەرىنە كۇن ەنەرگياسى فوتوۆولتى قاتار - قاتار رەتتى ورناتىلعان. بۇل كۇن ەنەرگياسى فوتوۆولتى ەلەكتر تاراتۋ مەن قۇرىلىستى ءبىر تۇلعالاندىرۋ تەحنيكاسىنىڭ قولدانىلۋى بولىپ تابىلادى. ءۇي توبەسىندەگى كۇن ەنەرگيالى فوتوۆولت ەلەكتر تاراتۋىنان پايدالانىپ، ەنەرگيا ۇنەمدەپ، ماتەريال ۇنەمدەپ، جەر ۇنەمدەپ، تاماشا ەكولوگيالىق ورتا جاراتۋعا بولادى.

  تاياۋ جىلداردان بەرى رايونىمىز جەر - جەردى كۇن ەنەرگياسى جارىعى - جىلۋى، جەر جىلۋ قاينارى ناسوسى، اتموسفەرا جىلۋ قاينارى ناسوسى ارقىلى جىلىتۋ تەحنيكاسى سياقتى قايتا تۋىندايتىن ەنەرگيانىڭ قۇرىلىستاردا قولدانىلۋىن ىلگەرىلەتۋگە بەلسەنە جەتەكتەدى جانە شابىتتاندىردى. ”13 - بەسجىلدىقتىڭ“ سوڭىنا دەيىن رايونىمىز قايتا تۋىندايتىن ەنەرگيا قۇرىلىسىنان جالپى 48 ميلليون 112 مىڭ 700 شارشى مەتر سالىپ، ءار جىلى ولشەمدى كومىردەن 959 مىڭ 200 توننا ۇنەمدەيتىن، كومىر قىشقىلى گازىنىڭ شىعارىلۋىن 2 ميلليون 551 مىڭ 300 توننا ازايتاتىن قۋات قالىپتاستىردى.

وڭتۇستىك شينجياڭداعى اۋىل - قىستاق تۇرعىندارىنىڭ جىلۋمەن قامداۋ شارت - جاعدايىن جاقسارتىپ، اتموسفەرانىڭ لاستانۋىن ازايتۋ ءۇشىن، 2019 - جىلدان باستاپ رايونىمىز قاشقار ايماعىندا، قىزىلسۋ قىرعىز اۆتونوميالى وبلىسىندا، حوتان ايماعىندا ”كومىردىڭ ورنىنا ەلەكتر پايدالانۋ“ ينجەنەرياسىن اتقاردى. ”13 - بەسجىلدىقتىڭ“ سوڭىنا دەيىن، جالپى 604 مىڭ 900 وتباسىنا جاڭالاۋ جۇرگىزىپ، جىلىنا ولشەمدى كومىردەن 604 مىڭ 900 توننا ۇنەمدەيتىن، كومىر قىشقىلى گازىنىڭ شىعارىلۋىن ءبىر ميلليون 633 مىڭ 200 توننا، كۇكىرتتى گازدىڭ شىعارىلۋىن 5141.65 توننا، ازوت - وتتەگى قوسىلىستارىنىڭ شىعارىلۋىن 4476.3 توننا ازايتاتىن قۋات قالىپتاستىردى.

  كەزەكتە تۇتاس قوعام ءوندىرىس، تۇرمىس تاسىلىندە جاسىلعا قاراي تيبىن جاڭالاۋىن ىلگەرىلەتىپ، جاسىلدىڭ دامۋدىڭ ءاربىر بۋىنىمەن توعىسۋىنا بىرگە ات سالىسۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى قۇرىلعاننان كەيىن 1949 - جىلى 12 - ايدا العاشقى توپتا پارتياعا مۇشە قابىلدادى. بۇل العاشقى توپ پارتيا مۇشەلەرىن تىزىمدەۋ داپتەرى. ماتەريال سۋرەت

قالا تۇرعىندارى ءۇرىمجى شينحۋا حالىقارالىق كىتاپ دۇكەنىندە ينتەرنەت ارقىلى قىزىل كىتاپتاردى ىزدەۋدە (سۋرەت 4 - ايدىڭ 22 - كۇنى تۇسىرىلگەن).  سۋرەتتى انار بۇلت / شينجياڭ گازەتىنىڭ ءتىلشىسى حان لياڭ تۇسىرگەن