قۇنارلى القاپتا ارمانعا قۇلاش سەرمەدى، وسى زامانعى اۋىل شارۋاشىلىعى جوعارى ساپالى، جوعارى ءونىمدى بولدى
□ انار بۇلت / شينجياڭ گازەتىنىڭ ءتىلشىسى ليۋ ي
2021.06.08 14:38 كەلۋ قاينارى : شينجياڭ گازەتى
شينجياڭ − اۋىل شارۋاشىلىعىنداعى ءىرى رايون، اۋىل شارۋاشىلىعى تۇتاس رايوننىڭ ەكونوميكالىق، قوعامدىق دامۋىنداعى ماڭىزدى نەگىز، ونان دا ماڭىزدىسى، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ نەگىزى دە وسىندا جاتىر.
تاياۋ جىلداردان بەرى تۇتاس رايون ەرەكشە كليمات ورتاسى ابزالدىلىعىن تياناق ەتىپ، اۋىل - قىستاقتى گۇلدەندىرۋ ستراتەگياسىن اتقارۋدى باس تۇتقا ەتىپ، جوعارى ساپالى دامۋ تالابىن تياناقتاندىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، ”استىقتى ورنىقتىرۋ، ماقتانى ساپالىلاندىرۋ، مال شارۋاشىلىعىن جەبەۋ، جەمىس - جيدەك شارۋاشىلىعىن كۇشەيتۋ، ەرەكشە ونىمدەر شارۋاشىلىعىن گۇلدەندىرۋ“ دامۋ وي جەلىسىنە تاباندى بولىپ، ساپا مەن ونىمدىلىكتى شىعار ءتۇيىن ەتىپ، اۋىل شارۋاشىلىعىنىڭ ءوندىرىس جالپى ونىمدىلىگىن جوعارىلاتتى، تۇتاس رايوننىڭ اۋىل شارۋاشىلىعىنىڭ دامۋ تابىسى قوماقتى بولدى.
استىقپەن ورنىقتى قامدادى
استىق ورنىقتى بولسا الەمدە تىنىشتىق ورنايدى.
2020 - جىلى تۇتاس رايوننىڭ استىق جالپى ءونىمى 15 ميلليون 834 مىڭ توننا بولىپ، ”12 - بەسجىلدىقتىڭ“ سوڭىنداعىدان ％4 ارتىپ، استىقتىڭ جان باسىنا تۋرا كەلەتىن ورتاشا مولشەرى بۇكىل ەلدىڭ ورتاشا دەڭگەيىنەن جوعارى بولدى، استىقپەن ءوزىن - ءوزى قامداۋ مولشەرى ％119كە جەتىپ، استىقپەن نەگىزىنەن ءوزىن - ءوزى قامداۋدى، ىشەر استىقتىڭ مۇلدە حاۋىپسىز بولۋىن جۇزەگە اسىردى.
رايونىمىز ”شينجياڭ ىشىندە تەڭگەرۋ، ازىراق ىركىپ قالۋ“ سىندى استىق قىزمەتى باعىتىن مىقتاپ ارقاۋ ەتىپ، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن تياناقتاندىرىپ، استىق ءوندىرىسى قۋاتىن ۇزدىكسىز جوعارىلاتىپ، ءبيدايدى، جۇگەرىنى نەگىز ەتىپ، كۇرىشتى، بۇرشاق، كارتوپ تەكتەستەردى، قارا استىقتى كوپ نەگىزدەندىرە دامىتاتىن استىق ءوندىرىسى ارناسىن قالىپتاستىرىپ، استىق ءوندىرىسى قۋاتىنىڭ باياندى ارتۋىن جۇزەگە اسىردى.
”ءبىز ەگىستىك جەر ساپاسىن ۇزدىكسىز ساپالىلاندىرىپ، ساپالى ءبيداي سورتىن جالپىلاستىردىق، استىقتىڭ جالپىلىق ءوندىرىس قۋاتى بارعان سايىن جوعارىلادى“. شونجى اۋدانى شيبەيۋان قالاشىعى ليۋشۋحىزى قىستاعىنداعى استىق ەگەتىن ديقان فىڭ رۋگاڭ بىلاي دەدى: تاياۋ جىلداردان بەرى ءبىر قىدىرۋ جاڭا تەحنيكا استىق وندىرىسىندە جالپىلاستىرىلىپ، قولدانىلىپ، استىق ءونىمىن ورنىقتىرۋ، ءتۇسىمىن مولايتۋ نەگىزىن بەكەمدەدى. قازىر ءبيداي وندىرىسىندە بۇرىنعىدان ％50 سۋ ۇنەمدەلىپ، مۋ باسىندىق ورتاشا ءتۇسىم ％40تەي جوعارىلاپ، وزىندىك قۇندى ۇنەمدەۋ، ونىمدىلىكتى ارتتىرۋ جۇزەگە استى.
تۇتاس رايون وسى زامانعى ەگىمشىلىكتى جەدەل دامىتىپ، تۇقىم جەتىلدىرۋدە جاڭالىق اشۋ قابىلەتىن ۇزدىكسىز جوعارىلاتىپ، استىق وندىرىسىندە ساپالى تۇقىمنىڭ قامتۋ مولشەرى ％98تەن استى، جاڭا سورت ءبيدايدىڭ بىرلىك ءتۇسىمى دەڭگەيىن وسىرۋگە پارمەندى تىرەك ازىرلەدى. سونىمەن بىرگە اۋىل شارۋاشىلىعى، اۋىل - قىستاق تاراۋلارى عىلىم - تەحنيكالىق قىزمەت وتەۋ جەتەكشىلىگىن كۇشەيتىپ، ساپالى تۇقىمدى، تاماشا ءادىستى سايكەستىرۋگە باسا ءمان بەرىپ، استىق وندىرىسىندە باستى جالپىلاستىرىلاتىن ءبىر توپ تەحنيكانى سارالاپ، دالمە - ءدال مولشەردە ەگۋ، سۋ مەن تىڭايتقىشتى ءبىر تۇلعالاندىرۋ سياقتى وسىزاماندانعان ەگىمشىلىك باسقارۋ تەحنيكاسىن شوعىرلاندىرىپ، جالپىلاستىرىپ، استىق وندىرىسىندە ساپانى كوتەرىپ، ونىمدىلىكتى ارتتىرۋدى جۇزەگە اسىردى.
ءتۇسىم مەن ءوندىرىس قۋاتىن كوتەرۋمەن بىرگە، استىق ءوندىرىس ونىمدىلىگى دە اناعۇرلىم جوعارىلادى. تاياۋ جىلداردان بەرى تۇتاس رايون ساياساتتىق شابىتتاندىرۋ ارقىلى ەگىنشىلەردىڭ استىق ەگۋ بەلسەندىلىگىن جوعارىلاتىپ، ساپالى دۇمبە ءبيداي ەگۋ اۋماعىن كەڭەيتۋگە جەتەكشىلىك ەتتى، ءبيداي ءوندىرىسى سان مولشەرىنىڭ ارتۋىنان سان مەن ساپانىڭ بىردەي جوعارىلاۋىنا قاراي بۇرىلىس جاسادى. 2020 - جىلى رايونىمىزداعى كوپتەگەن ەگىنشى وتباسىلارى دۇمبە ءبيداي + سۇرلەمدىك جۇگەرىنى قايتالاي ەگۋ سىندى ەگۋ ۇلگىسىن قولدانىپ، مۋ باسىندىق ورتاشا كىرىستى مىڭ يۋاننان اسىردى، بۇل بۇرىنعى جىلدارداعى سايكەس مەزگىلدەگىدەن الدەقايدا جوعارى بولدى. استىق ءوندىرىسىنىڭ جالپىلىق ونىمدىلىگى كورنەكتى كوتەرىلىپ، ەگىنشىلەردىڭ استىق ەگۋ بەلسەندىلىگى اناعۇرلىم جوعارىلادى، استىق حاۋىپسىزدىگى نەگىزى بەكەمدەلدى.
ەرەكشەلىكتى كورنەكتىلەندىردى
2020 - جىلى تۇتاس رايوندا ماقتانىڭ جالپى ءونىمى 5 ميلليون 161 مىڭ توننا بولىپ، بۇكىل ەلدەگى ماقتا جالپى ءونىم مولشەرىنىڭ ％87.3ىن يەلەدى، شينجياڭدا ماقتا ەگىلگەن جەر اۋدانى، بىرلىك ءتۇسىمى، جالپى ءونىمى، تاۋارلىق مولشەرى، شىعارىلۋ مولشەرى ءۇرتىس 27 جىل بويى بۇكىل ەلدىڭ الدىڭعى ورنىن يەلەپ، جۇڭگونىڭ ماقتاسىندا شينجياڭعا قاراۋ جاعدايى قالىپتاستى.
شينجياڭنىڭ اۋىل شارۋاشىلىعىنداعى تانىسقىسى رەتىندە، ماقتا كاسىپ سالاسىنىڭ دامۋىنداعى جارقىن تۇيىندەر ءونىم مولشەرىندە ايگىلەنىپ قانا قويماي، كولەمدەنگەن، شوعىرلانعان ءوندىرىس ۇلگىسى، توپ - توبىمەن جۇمىس جۇرگىزەتىن وسىزاماندانعان ەگىن شارۋاشىلىعى ماشينا - جابدىقتارى، سايكەستىرىلگەن، جوعارى ءونىمدى وسى زامانعى ەگىن شارۋاشىلىعى تيجارات جۇيەسى، ءبارى - ءبارى شينجياڭ ماقتاسى كاسىپ سالاسىنىڭ جالپىلىق ناقتى قۋاتىن تىڭ ورلەۋگە كوتەردى.
”13 - بەسجىلدىقتان“ بەرى تۇتاس رايوندا ماقتانى ماشينالاندىرىپ تەرۋ اۋدانى جىلىنا ورتا ەسەپپەن ءبىر ميلليون مۋدان اساتىن قارقىنمەن تەز ارتتى. 2020 - جىلى تۇتاس رايوندا ماقتانى ماشينامەن ەگۋ، ماشينامەن تۇقىم سەبۋ بۋىنىندا تۇتاس بارىستىق ماشينالاندىرۋ نەگىزىنەن جۇزەگە اسىرىلدى، ماقتانى ماشينامەن تەرۋ مولشەرى ％75.5كە (بيڭتۋاندى قامتيدى) جەتتى، ماقتا تەرۋ ماشينالارىنىڭ جالپى سانى 5800دەن استى، ماقتا وندىرىسىندە كولەمدەنگەن ەگىمشىلىك سالىستىرماسى ارتقان، ەگىمشىلىك وزىندىك قۇنى تومەندەگەن، شوعىرلانۋ دەڭگەيى وسكەن دامۋ اۋقىمى جارىققا شىقتى.
وسىمەن بىرگە تۇتاس رايونداعى ءار دارەجەلى اۋىل شارۋاشىلىعى، اۋىل - قىستاق تاراۋلارى ماقتا ءوندىرىسىنىڭ ابزال ءوندىرىس وڭىرىنە شوعىرلانۋىنا بەلسەنە جەتەكشىلىك ەتىپ، ماقتا سورتى قۇرىلىمىن جانە ءوندىرىس، تيجارات جۇيەسىن ۇزدىكسىز ساپالىلاندىردى، عىلمي زەرتتەۋ ورىندارى ماقتانى ماشينامەن تەرۋدى دامىتۋ بارىسىندا ماقتا سورتىنىڭ تەجەمدىك ماسەلەلەرىنە باعىتتاي وتىرىپ، ماقتا بايلىعىن زەرتتەۋدەن ماشينامەن تەرىلەتىن ماقتا سورتىن جەتىلدىرۋدە عىلىم - تەحنيكادان قامال الۋدى بەلسەندى تۇردە ورىستەتۋگە دەيىن ماقتا سورتىن سۇرىپتاپ جەتىلدىرۋ قابىلەتىن ۇزدىكسىز جوعارىلاتتى. 2020 - جىلى رايونىمىز ءوزى سۇرىپتاپ جەتىلدىرگەن ماشينامەن تەرىلەتىن ماقتا جاڭا سورتىنىڭ مۋ باسىندىق ءونىمى 690 كيلوگرامنان اسىپ، ساپاسى ”قوس 30“ ولشەمىنە جەتىپ، تۇتاس رايوندا 10 مىڭ مۋدان استام جەرگە ەگىلگەن ماقتا نەگىزگى سورتتارىنىڭ قامتۋ مولشەرى ％75كە جەتتى، بۇرىنعى ماقتا ساپاسىنىڭ بىردەيلىگى اناعۇرلىم جوعارىلادى، ماقتانىڭ قامداۋ ساپاسى مەن ونىمدىلىگى اناعۇرلىم تەرەڭ قاتپار مەن اناعۇرلىم كەڭ كولەمدە جوعارىلادى.
كاسىپ سالاسى تەزدەدى
2020 - جىلدىڭ سوڭىندا 3 - كەزەكتى شينجياڭ نان كاسىپ سالاسىن تانىستىرۋ ءماجىلىسى جىڭجوۋدا ءوتتى. شينجياڭنىڭ نان كاسىپ سالاسى تۇڭعىش رەت شينجياڭنان شىعىپ، تانىستىرۋ ءماجىلىسىن وتكىزىپ، ۇستىندەگى ساتىلىمى ءبىر ميلليون 70 مىڭ يۋان، تاپسىرىس ءبىر ميلليارد 33 ميلليون يۋان بولۋداي تاماشا ناتيجەگە قول جەتكىزىپ، نان كاسىپ سالاسىنىڭ زور كومەسكى كۇشىن ايگىلەدى ءارى شينجياڭنىڭ ەگىن شارۋاشىلىعىنىڭ كاسىپ سالالانا دامۋىنىڭ تاماشا جاعدايىن كورسەتتى.
تاياۋ جىلداردان بەرى تۇتاس رايون اۋىل شارۋاشىلىق ونىمدەرىن وندىرەتىن جەرلەردە باستاپقى مانەرلەۋ، جىنتىكتەي مانەرلەۋ، جالپىلىق پايدالانۋ - مانەرلەۋ مەن نەگىزگى تاعامداردى مانەرلەۋدىڭ سايكەستى دامۋىن ءبىر تۇتاس جوسپارلاپ، ىلگەرىلەتىپ، كولەمى ءبىرشاما زور، قۇرىلعىلارى كەمەلدى، ەرەكشەلىگى ايقىن ءبىر توپ ەگىن شارۋاشىلىق ونىمدەرىن ءوندىرۋ بازاسىن قۇرىپ، اۋىل شارۋاشىلىق قوسىمشا ونىمدەرىن جىنتىكتەي مانەرلەيتىن جەتەكتەۋ قۋاتى كۇشتى ءبىر توپ باستاماشى كاسىپورىنداردى دامىتىپ جانە ەنگىزىپ، كاسىپورىنداردىڭ جالپى كاسىپ سالاسى تىزبەگىنىڭ دامۋىن جۇزەگە اسىردى.
2020 - جىلدىڭ سوڭىنا دەيىن تۇتاس رايوندا مەملەكەت دارەجەلى ابزال ەرەكشە كاسىپ سالاسى شوعىرىنان جيىنى ەكەۋى، مەملەكەتتىك وسىزاماندانعان اۋىل شارۋاشىلىعى كاسىپ سالاسى باقشاسىنان ۇشەۋى، كاسىپ سالاسىندا قۋاتتى قالاشىقتان 21ى، اۋىل شارۋاشىلىعى كاسىپ سالالانعان بىرلەستىكتەن 114ى قۇرىلدى. تۇتاس رايوندا اۆتونوميالى رايون دارەجەلىدەن جوعارى اۋىل شارۋاشىلىعىن كاسىپ سالالاندىرعان ءتۇيىندى باستاماشى كاسىپورىن 500گە جەتتى. مۇنىڭ ىشىندە مەملەكەت دارەجەلى ءتۇيىندى باستاماشى كاسىپورىن 41 بولىپ، سانى باتىس سولتۇستىكتەگى 5 ولكە، رايون بويىنشا 2 - ورىندا تۇردى.
وسى بارىستا مەملەكەت دارەجەلى اۋىل شارۋاشىلىعىن كاسىپ سالالاندىرعان 41 ءتۇيىندى باستاماشى كاسىپورىننىڭ اۋىل شارۋاشىلىق ونىمدەرىن جىنتىكتەي مانەرلەۋ دەڭگەيى جىلدام كوتەرىلىپ، مانەرلەپ كادەگە جاراتۋ مولشەرى جانە ارتقان قۇن مولشەرى كورنەكتى جوعارىلادى. 29 كاسىپورىننىڭ 35 تۇردەگى جابدىعى حالىقارا، ەل ءىشى كاسىپ سالاسىندا الدىڭعى ورىنعا شىقتى، 25 كاسىپورىننىڭ 28 ءتۇرلى تەحنولوگياسى حالىقارا، ەل ءىشى كاسىپ سالاسىندا الدىڭعى ورىنعا شىقتى. باستاماشى كاسىپورىندار تەحنيكادا جاڭالىق اشۋ، تەحنولوگيادا جاڭالىق اشۋ ارقىلى ىشكى ماندىك دامۋدى جۇزەگە اسىرىپ، كاسىپورىنداردىڭ وزەكتى باسەكەلىك قۋاتى ۇزدىكسىز كۇشەيدى.
كاسىپ سالاسى دەڭگەيىنىڭ ورنىقتى جوعارىلاۋى قالىڭ ەگىنشى وتباسىلارىن يگىلىككە كەنەلتتى. اۋىل شارۋاشىلىعىن كاسىپ سالالاندىرعان مەملەكەت دارەجەلى 41 ءتۇيىندى باستاماشى كاسىپورىن ”كاسىپورىن + ەگىنشى وتباسى“، ”كاسىپورىن + سەلبەستىك كووپەراتيۆى + ەگىنشى وتباسى“ سياقتى ۇلگى ارقىلى ەگىنشى وتباسىلارىمەن تىعىز مۇددە بايلانىستىرۋ مەحانيزمىن قۇرىپ، تۇتاس رايوننىڭ اۋىل شارۋاشىلىعىندا ونىمدىلىكتى ارتتىرۋى، ەگىنشىلەردىڭ كىرىستى ارتتىرۋى ءۇشىن بەلسەندى رول اتقاردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
