قارامايلى قالاسى:
”ءبىر تىرەك، كوپ نەگىز“ جوعارى ساپالى دامۋعا كۇش - قۋات بەردى
2021.06.08 14:39 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى گى يوۋجۇن، قارامايلى تىلشىلەر پۋنكتىنەن تيان حۋايىڭ 6 - ايدىڭ 3 - كۇنى قارامايلىدان حابارلايدى. 5 - ايدىڭ 25 - كۇنى قارامايلى قالالىق ۇكىمەت ەل ىشىندەگى وزىق ينفورماتسيا تەحنيكا كاسىپورنى − لاڭچاۋيۇن ينفورماتسيا تەحنيكاسى جارنا سەرىكتەستىگىمەن ستراتەگيالىق سەلبەستىك كەلىسىمىنە قول قويدى، قارامايلى زەردەلى قالا قۇرىلىسىن جانە ينفورماتسيا كاسىپ سالالارىن جوعارى ساپالى دامىتۋدى بىرگە ىلگەرىلەتەدى.
قارامايلى قالالىق حالىق ۇكىمەتىنىڭ ورىنباسار باس حاتشىسى يان ليجۇن تانىستىرىپ بىلاي دەدى: بۇل قارامايلى قالاسىنىڭ مۇناي، مۇناي حيميا كاسىپ سالاسىنىڭ ”كاسىپ تۇتقاسىن ۇستاۋدان“ ”ءبىر تىرەك، كوپ نەگىزدى“ تيبىن جاڭالاپ، دارەجەسىن جوعارىلاتۋ نىساناسىنا قاراي قايراتتانا ىلگەرىلەگەن ناقتى امالياتى.
”رەسپۋبليكا مۇنايىنىڭ تۇڭعىشى“ رەتىندە، قارامايلىدا 1955 - جىلى جاڭا جۇڭگونىڭ 1 - مۇناي قۇدىعى بايقالعاننان قازىرگە دەيىن جيىنى 400 ميلليون توننادان استام وڭدەلمەگەن مۇناي ءوندىردىءارى ەلىمىزدىڭ باتىس بولىگىندەگى تۇڭعىش 10 ميلليون توننالىق ءىرى مۇناي الابىن، ەل ىشىندەگى ەڭ ۇلكەن نافتەنيل قويۋ مايى ءوندىرىس بازاسىن ىركەس - تىركەس قۇردى. مۇناي، مۇناي حيميا كاسىپ سالاسىنىڭ ”دارا تەبىندەۋى“ قارامايلى قالاسىنىڭ ەكونوميكالىق قۇرىلىمىنىڭ جالاڭ، حاۋىپ - قاتەرگە توتەپ بەرۋ قابىلەتىنىڭ ءالسىز بولۋىن كەلتىرىپ شىعاردى. بۇعان قاراتا قارامايلى قالاسى بايلىق قاينارىندىق قالانىڭ تيبىن جاڭالاپ، دارەجەسىن جوعارىلاتۋ ادىسىنە ۇزدىكسىز ىزدەنىس جاساپ، امالياتتان وتكىزىپ، جالاڭ بايلىق قاينارىنا سۇيەنۋدەن قۇتىلىپ، ەكونوميكانى باياندى، جوعارى ساپالى دامىتۋدى قۇلشىنا جۇزەگە اسىردى.
قارامايلى قالالىق پارتكومنىڭ شۋجيى جاۋ ۋىنچۋان بىلاي دەدى: تاياۋ جىلداردان بەرى قارامايلى قالاسى ”تۇتاس شينجياڭدا سوتسياليستىك وسىزامانداندىرۋدى الدىمەن نەگىزىنەن جۇزەگە اسىرۋ“ نىساناسىن مىقتاپ ارقاۋ ەتىپ، ”ءبىر تىرەك، كوپ نەگىز“ كاسىپ سالاسىن دامىتۋ تۇتاس تۇلعالىق وي جەلىسىن ورتاعا قويدى. مۇندا ”ءبىر تىرەك“ دەگەندە نازاردى مۇناي، مۇناي حيميا وزەكتى كاسىبىنە شوعىرلاندىرىپ، ەنەرگيا، حيميا ونەركاسىپ كاسىپ سالاسى جۇيەسى تىزبەگىن نىعايتۋدى، تولىقتاۋدى، ارتتىرۋدى كۇش سالا قولداپ، جەدەلدەتىپ، ءداستۇرلى كاسىپ سالاسىن ەگەيلەندىرە، زەردەلىلەندىرە، شوعىرلاندىرا، جاسىلداندىرا دامىتۋدى جەبەۋ؛ ”كوپ نەگىز“ دەگەندە ”ءبىر تىرەكتى“ تياناق ەتىپ، سيفرلى ەكونوميكا، مادەنيەت، ساياحات، ساۋدا، زات اينالىمى، فينانستىق قىزمەت وتەۋ، جابدىق جاساۋ، وسى زامانعى اۋىل شارۋاشىلىعى، جاڭا ەنەرگيا، جاڭا ماتەريالدار سىندى كوپ نەگىزدى كاسىپ سالاسىن دامىتۋدى جەدەلدەتىپ، 1 -، 2 -، 3 - كاسىپ سالاسىن توعىستىرا دامىتۋدى جەبەپ، تورتتەن كوپ 100 ميللياردتىق كاسىپ سالاسى شوعىرىن قالىپتاستىرىپ، قارامايلىنى حالىقارالىق ىقپال كۇشىنە يە مۇناي قالاسى، عىلىم - تەحنيكادا جاڭالىق اشۋ قالاسى، زەردەلى قالا، جىبەك جولى ەكونوميكالىق بەلدەۋى وزەكتى رايونىنداعى ءتۇيىندى قالا، قونىسقا جايلى، كاسىپكە ىڭعايلى، ساياحاتقا قولايلى ەكولوگيالىق قالا ەتىپ قالىپتاستىرۋعا قۇلشىنۋ.
”’ءبىر تىرەك، كوپ نەگىز‘ كاسىپ سالاسىن دامىتۋ بەتالىسىنا تاباندى بولىپ، ەرەكشەلىگى ايقىن وسى زامانعى كاسىپ سالاسى جۇيەسىن قالىپتاستىرىپ، سول ارقىلى ەكونوميكا مەن قالانىڭ دامۋىندا تيبىن جاڭالاپ، دارەجەسىن جوعارىلاتۋدى ىلگەرىلەتۋ، بۇل قارامايلى قالاسىنىڭ جوعارى ساپالى دامۋدى جۇزەگە اسىرۋعا ۇزدىكسىز ىزدەنىس جاساۋ امالياتى بارىسىندا بەرگەن جاۋابى“. جاۋ ۋىنچۋان بىلاي دەدى: تاياۋ بىرنەشە جىلدان بەرگى ۇزدىكسىز زەرتتەۋ، امالياتتا ايگىلەۋ بارىسىندا، ”ءبىر تىرەك، كوپ نەگىز“ دامۋ وي جەلىسى مەن ”100 ميللياردتىق ءتورت كاسىپ سالاسى شوعىرى“ ستراتەگيالىق نىساناسىنىڭ سۇلباسى بىرتىندەپ ايقىندالدى ءارى بيىل قارامايلى قالاسىنىڭ ”14 - بەسجىلدىق“ جوبا باعدارلاماسىنا ەنگىزىلدى.
ساندى مالىمەتتە كورسەتىلۋىنشە، ”ءبىر تىرەك، كوپ نەگىز“ كاسىپ سالاسىن دامىتۋ وي جەلىسى قارامايلى قالاسىنىڭ ەكونوميكاسىنىڭ دامۋىندا تاماشا بەتالىستى كورسەتكەن. ”13 - بەسجىلدىق“ كەزىندە بۇكىل قالانىڭ وڭىرلىك ءوندىرىس جالپى ءونىم قۇنى جىلىنا ورتا ەسەپپەن ％4.9 ارتىپ، كاسىپ سالاسى قۇرىلىمى ۇزدىكسىز ساپالىلانىپ، ”ءبىر تىرەك، كوپ نەگىز“ كاسىپ سالاسى جۇيەسى جەدەل قالىپتاسىپ، ەكونوميكانىڭ دامۋى ءۇرتىس جوعارى ساپالى دامۋعا قادام تاستاعان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
