بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىق قۇرىلتايى تۇراقتى كوميتەتىنىڭ 29 - رەتكى ءماجىلىسى بەيجيڭدە اشىلدى

حاينان ەركىن ساۋدا پورتىنىڭ زاڭ جوباسى، ماركا سالىعى زاڭى جوباسى، شەتەلدىڭ جازالاۋىنا قارسى تۇرۋ زاڭى جوباسى سياقتىلاردى قارادى

لي جانشۋ ءماجىلىستى باسقاردى

2021.06.08 16:03     كەلۋ قاينارى : حالىق تورابى

  «حالىق گازەتى»، 6 - ايدىڭ 7 - كۇنى، بەيجيڭ (ءتىلشى ۋاڭ بيشۋە). مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 29 – رەتكى ءماجىلىسى 6 - ايدىڭ 7 - كۇنى تۇستەن كەيىن بەيجيڭدەگى حالىق سارايىندا ءبىرىنشى جالپى جيىنىن وتكىزدى. كوميتەت باستىعى لي جانشۋ ءماجىلىستى باسقاردى.
تۇراقتى كوميتەت قۇرامىنداعىلاردان 164 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى شۇي حۇي جاساعان ساندى مالىمەت حاۋىپسىزدىگى زاڭى جوباسىن قاراۋ ناتيجەسى جونىندەگى باياندامانى تىڭدادى.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى شىن چۇنياۋ جاساعان حاينان ەركىن ساۋدا پورتى زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا حاينان ەركىن ساۋدا پورتىنىڭ مازمۇنى، ورنى ايقىندالىپ، ىقشامدالعان سالىق تۇزىمىنە قاتىستى بەلگىلەمەلەر ناقتىلاندىرىلىپ، ەكولوگيالىق ورتانى قورعاۋ، باياندى دامۋدا تاباندى بولۋعا قاتىستى مازمۇندار ايقىندالدى.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى ليۋ جيشيڭ جەكە - جەكە جاساعان اسكەريلەردىڭ ورنى مەن ۇقىق - مۇددەسىن قامتاماسىزداندىرۋ زاڭى جوباسىن قاراۋ ناتيجەسى جونىندەگى باياندامانى، اسكەري قۇرىلعىلاردى قورعاۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى حۋ كىميڭ جاساعان ءوندىرىس حاۋىپسىزدىگى زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 – رەت قارالعان نۇسقاسىندا تەكشە ەكونوميكاسى سياقتى جاڭادان گۇلدەنگەن كاسىپتەردىڭ، سالالاردىڭ ءوندىرىس حاۋىپسىزدىگى جاۋاپكەرلىگى ايقىندالىپ، ءوندىرىس حاۋىپسىزدىگى سالاسىنداعى الەۋمەتتىك يگىلىك ارىز - شاعىم ءتۇزىمى سياقتىلار بەلگىلەندى.

  ءماجىلىس حۋ كىميڭ جاساعان ماركا سالىعى زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا قازىر اتقارىلىپ وتىرعان سالىق ءتۇزىمى جۇلگەسى نەگىزىنەن وزگەرمەدى، سالىق مولشەرى لايىقتى تومەندەتىلدى، سالىق الۋ كولەمى ونان ارى ايقىندالدى، سالىق جاعىنان جەڭىلدىك بەرۋ بەلگىلەمەسى كەمەلدەندىرىلدى، ت. ب.

  ءماجىلىس شىن چۇنياۋ جاساعان شەتەلدىڭ جازالاۋىنا قارسى تۇرۋ زاڭى جوباسىن قاراۋ ناتيجەسى جونىندەگى باياندامانى تىڭدادى.

  نەگىزگى زاڭ جانە زاڭدار كوميتەتى جوعارىداعى 7 جوبا ءبىرشاما پىسىپ - جەتىلدى دەپ قاراپ، وسى رەتكى تۇراقتى كوميتەت ءماجىلىسىنىڭ قاراپ ماقۇلداۋىنا جولداۋدى ۇسىنىس ەتتى.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى جياڭ بيشين جاساعان زاڭدىق كومەك بەرۋ زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا زاڭدىق كومەك بەرۋدىڭ نەگىزگى تۇلعالىق كولەمى كەڭەيتىلىپ، ازاماتتىق ىستەر، اكىمشىلىك زاڭدىق كومەك بەرۋدىڭ قامتۋ كولەمى كەڭەيتىلىپ، قاتىستى باقىلاۋ ءتۇزىمى ورناتىلدى جانە اقاۋسىزداندىرىلدى، ت. ب.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى سۇڭ بين جاساعان شيپاگەرلەر زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا شيپاگەرلەردىڭ كاسىپ جۇرگىزۋ ەرەجەسى ونان ارى ايقىندالىپ، كاسىپ جۇرگىزۋ ولشەمى كۇشەيتىلىپ، شيپاگەرلەردىڭ نەگىزگى ساتىعا بارۋىنا شابىت بەرىلىپ، «شيپاگەرلەردى جارالاۋ»، «شيپاحاناداعى شۋ - شۇرقان» سياقتى ماسەلەلەرگە باعىتتاي وتىرىپ، شيپاگەرلەردىڭ كاسىپ جۇرگىزۋ حاۋىپسىزدىگىن قامتاماسىزداندىرۋ كۇشەيتىلىپ، زاڭدىق جاۋاپكەرلىك كەمەلدەندىرىلدى، ت. ب.

  باس شۋجي شي جينپيڭنىڭ كاسىپتىك وقۋ - اعارتۋ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، كاسىپتىك وقۋ - اعارتۋ سالاسىنداعى كورنەكتى ماسەلەلەردى شەشۋ ءۇشىن، مەملەكەتتىك كەڭەس كاسىپتىك وقۋ - اعارتۋ زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەستىك جوبانى العا قويدى. مەملەكەتتىك كەڭەستىڭ تاپسىرۋىمەن وقۋ – اعارتۋ مينيسترلىگىنىڭ مينيسترى چىن باۋشىڭ تۇسىنىك جاسادى.

  قازىنالىق باقىلاۋدى زاڭمەن باسقارۋ قۇرىلىسىن كۇشەيتۋ ءۇشىن، مەملەكەتتىك كەڭەس قازىنالىق باقىلاۋ زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن قازىنالىق باقىلاۋ مەكەمەسىنىڭ باستىعى حوۋ كاي تۇسىنىك جاسادى.

  ءماجىلىس مەملەكەتتىك كەڭەس قاراۋعا ۇسىنعان شاڭحاي قالالىق حالىق قۇرىلتايى مەن ونىڭ تۇراقتى كوميتەتىنىڭ پۋدۇڭ جاڭا رايونىنىڭ زاڭ - ەرەجەلەرىن جاساۋ جونىندەگى قاۋلى جوباسىن قاراۋ جونىندەگى كەڭەس جوباسىن قارادى. مەملەكەتتىك كەڭەستىڭ تاپسىرۋىمەن ءادىليا مينيسترلىگىنىڭ مينيسترى تاڭ ي - جۇن تۇسىنىك جاسادى.

  مەملەكەتتىك كەڭەستىڭ تاپسىرۋىمەن قازىنا مينيسترى ليۋ كۇن 2020 – جىلعى ورتالىقتىڭ سوڭعى ەسەبى جونىندە بايانداما جاسادى. باياندامادا مىنالار اتاپ كورسەتىلدى: 2020 - جىلى ورتالىقتىڭ سوڭعى ەسەبىنىڭ جاعدايى جالپى جاقتان ءبىرشاما جاقسى بولدى. ورتالىقتىڭ ادەتتەگى الەۋمەتتىك مەجە ەسەپ كىرىسى 8 تريلليون 277 ميلليارد 72 ميلليون يۋان بولىپ، مەجە ەسەپتىڭ %100 ى بولدى. ورتالىقتىڭ ادەتتەگى الەۋمەتتىك مەجە ەسەپ شىعىسى 11 تريلليون 831 ميلليارد 350 ميلليون يۋان بولىپ، مەجە ەسەپ %99 ورىندالدى. كىرىس پەن شىعىستىڭ جالپى مولشەرىن ورايلاستىرعاندا، ورتالىق قازىنانىڭ قىزىل سيفرى 2 تريلليون 780 ميلليارد يۋان بولىپ، مەجە ەسەپتەگىمەن تەڭ بولدى. كەلەسى قادامدا مىناداي 7 ءتۇرلى قىزمەتتى ءتۇيىندى تۇردە ويداعىداي ىستەۋ كەرەك: بەلسەندى قازىنا ساياساتىن ەگجەي – تەگجەيلى تياناقتاندىرۋ، مەملەكەتتىڭ كەلەلى ستراتەگيالىق مىندەتىن قازىنالىق كۇشپەن قامتاماسىز ەتۋدى نىعايتۋ، حالىق تۇرمىسىن كۇش سالا قامتاماسىز ەتۋ جانە جاقسارتۋ، نەگىزگى ساتىداعى «ءۇشتى قامتاماسىز ەتۋ» تومەنگى شەگىن مىقتاپ يگەرۋ، مەجە ەسەپ باسقارۋدى ونان ارى كۇشەيتۋ، قازىنا - بۇعالتىرلىق باقىلاۋ تەبىنىن ارتتىرۋ، قازىنالىق باقىلاۋدا تەكسەرىپ انىقتالعان كورنەكتى ماسەلەلەردى رەتتەۋ - تۇزەتۋدى مىقتى يگەرۋ.

  مەملەكەتتىك كەڭەستىڭ تاپسىرۋىمەن حوۋ كاي 2020 - جىلعى ورتالىقتىڭ مەجە ەسەبىنىڭ اتقارىلۋى جانە باسقا دا قازىنالىق كىرىس – شىعىس جاعدايىنا قازىنالىق باقىلاۋ جۇرگىزۋ جونىندە قىزمەت بايانداماسىن جاسادى. ورتالىق قازىناسىن باسقارۋ، ورتالىقتاعى تاراۋلاردىڭ مەجە ەسەبىنىڭ اتقارىلۋى، ءتۇيىندى ارناۋلى قارجى جانە كەلەلى قارجى قوسۋ نىساندارى، كەلەلى ساياساتتىق شارالاردىڭ تياناقتاندىرىلۋىنا بايلانىستى وكشەلەي تەكسەرۋ، مەملەكەت مەنشىگىندەگى مال - مۇلىك سياقتى جاقتارداعى قازىنالىق باقىلاۋ جاعدايىن، سونداي - اق تارتىپكە، زاڭعا اۋىر قايشىلىق جاساۋ ماسەلەسى دەرەكتەرىنىڭ جاعدايىن مالىمدەگەننەن كەيىن، باياندامادا ماكرولىق ساياساتتىڭ ۇلاسپالىلىعىن، ورنىقتىلىعىن ساقتاپ، قازىنالىق باسقارۋ ورەسىن ۇزدىكسىز جوعارىلاتىپ، ءتۇيىندى سالالارداعى رەفورمانىڭ ولشەمدىلىگىن، جۇيەلىلىگىن كۇشەيتىپ، كورنەكتى حاۋىپ - قاتەر مەن كومەسكى قاتەرلەردەن ساقتانۋ جانە ونى جويۋ ۇسىنىس ەتىلدى.

  ءماجىلىس مەملەكەتتىك حالىق قۇرىلتايى قازىنا - ەكونوميكا كوميتەتى مەڭگەرۋشى مۇشەسىنىڭ ورىنباسارى شى ياۋبين جاساعان 2020 - جىلعى ورتالىقتىڭ سوڭعى ەسەپ جوباسىن تەكسەرۋ ناتيجەسى جونىندەگى باياندامانى تىڭدادى. قازىنا - ەكونوميكا كوميتەتى بىلاي دەپ قارادى: مەملەكەتتىك كەڭەس جانە ونىڭ قازىنا قاتارلى تاراۋلارى «التىنى ورنىقتىرۋ» قىزمەتىن تىڭعىلىقتى ىستەپ، «التىنى قامتاماسىز ەتۋ» مىندەتىن جاپپاي تياناقتاندىرىپ، ادەتتەگى شىعىستى بارىنشا ازايتىپ، حالىق تۇرمىسى شىعىسىن قامتاماسىز ەتۋدى كۇشەيتىپ، قازىنا ساياساتىنىڭ ەكونوميكانى ورنىقتىرۋداعى شەشۋشى رولىن ءونىمدى ساۋلەلەندىردى. 2020 – جىلى ورتالىقتىڭ سوڭعى ەسەبىنىڭ جاعدايى جالپى جاقتان جاقسى بولعان، وسى جوبانى بەكىتۋدى ۇسىنىس ەتەمىز.

  ءماجىلىس قاتىناس - تاسىمال مينيسترلىگىنىڭ مينيسترى لي شياۋپىڭ مەملەكەتتىك كەڭەستىڭ تاپسىرۋىمەن جاساعان وسىزامانعى جالپىلىق قاتىناس - تاسىمال جۇيەسىن قۇرۋعا قاتىستى قىزمەت احۋالى جونىندەگى بايانداماسىن تىڭدادى. باياندامادا نەگىزگى ىلگەرىلەۋشىلىكتەر مەن تابىستار، ءدوپ كەلگەن باستى ماسەلەلەر، كەلەسى قادامدا ساپالى جالپىلىق سترەولدى قاتىناس تورابىن جەدەل قۇرىپ، ساپالى، كوپ نەگىزدى جالپىلىق تاسىمالعا قىزمەت وتەۋ قابىلەتىن جەدەل جوعارىلاتىپ، ءبىر تۇتاس اشىق قاتىناس - تاسىمال بازارىن جەدەل قالىپتاستىرىپ، جالپىلىق قاتىناس - تاسىمالدىڭ دامۋ ساپاسى مەن ونىمدىلىگىن كۇش سالا جوعارىلاتۋ سياقتى جاعدايلار تانىستىرىلدى.

  ءماجىلىس ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ مەملەكەتتىك كەڭەستىڭ تاپسىرۋىمەن جاساعان چاڭجياڭ وزەنى الابىنىڭ ەكولوگيالىق ورتاسىن قورعاۋ قىزمەتىنىڭ جاعدايى جونىندەگى باياندامانى تىڭدادى. باياندامادا مىنالار اتاپ كورسەتىلدى: چاڭجياڭ وزەنى الابىنىڭ ەكولوگيالىق ورتاسىن قورعاۋدىڭ ونىمدىلىگى كورنەكتى بولدى، قورعاۋ قىزمەتى ۇزدىكسىز كۇشەيدى، الايدا ماسەلە ءالى دە كورنەكتى. بيىل چاڭجياڭ وزەنىن قورعاۋ زاڭىن جاپپاي ۇگىتتەپ، دايەكتىلەندىرىپ، جاسىل دامۋدى تىڭعىلىقتى ىلگەرىلەتىپ، لاستانۋدان ساقتانۋ - جونگە سالۋدى ىشكەرىلەي ورىستەتىپ، ەكولوگيانى قالپىنا كەلتىرۋدى ۇزدىكسىز ورىستەتىپ، ءتۇزىم، مەحانيزم ورناتىپ جانە كەمەلدەندىرىپ، چاڭجياڭ وزەنى الابىنىڭ ەكولوگيالىق ورتا ساپاسىن ۇزدىكسىز جاقسارتۋ كەرەك.

  ءماجىلىس مەملەكەتتىك كەڭەستىڭ تاپسىرۋىمەن تاڭ ي - جۇن جەكە - جەكە جاساعان «7 - بەسجىلدىق» زاڭ جالپىلاستىرۋ قاۋلىسىنىڭ دايەكتى تياناقتانۋ احۋالى جونىندەگى باياندامانى، 8 - بەسجىلدىق زاڭمەن جونگە سالۋ ۇگىت - تاربيەسىن ورىستەتۋ جونىندەگى قاۋلى جوباسى جونىندەگى تۇسىنىكتى تىڭدادى.

  بيىل 4 - ايدان 5 - ايدىڭ ورتا شەنىنە دەيىن مەملەكەتتىك حالىق قۇرىلتايى تۇراقتى كوميتەتى 8 ولكە، اۆتونوميالى رايون، توتە قاراستى قالادا جۇڭگوشا شيپاگەرلىك - دارىگەرلىك زاڭىنىڭ اتقارىلۋىنا تەكسەرۋ جۇرگىزدى. ءماجىلىس مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن جاساعان جۇڭگوشا شيپاگەرلىك - دارىگەرلىك زاڭىنىڭ اتقارىلۋ جاعدايىن تەكسەرۋ جونىندەگى باياندامانى تىڭدادى. باياندامادا زاڭ اتقارۋدىڭ ونىمدىلىگى مەن ورىن تەۋىپ وتىرعان ماسەلەلەر تانىستىرىلىپ، مىنالار ورتاعا قويىلدى: زاڭدى دايەكتى اتقارۋ تەبىنىن شىنايى ارتتىرىپ، جۇڭگوشا شيپاگەرلىك - دارىگەرلىك زاڭىنىڭ دۇرىس، ءونىمدى اتقارىلۋىن جاپپاي ىلگەرىلەتۋ؛ جۇڭگوشا شيپاگەرلىك - دارىگەرلىك باسقارۋ ءتۇزىلىس، مەحانيزمىن كەمەلدەندىرىپ، جۇڭگوشا شيپاگەرلىك - دارىگەرلىك ىستەرىنىڭ دامۋىن قامتاماسىزداندىرۋ تەبىنىن ارتتىرۋ؛ جۇڭگوشا شيپاگەرلىك - دارىگەرلىك قىزمەت وتەۋ جۇيەسىن كەمەلدەندىرىپ، جۇڭگوشا شيپاگەرلىك - دارىگەرلىك قىزمەت وتەۋ قابىلەتىن جوعارىلاتۋ؛ جۇڭگوشا شيپاگەرلىك - دارىگەرلىك ساپاسىن باقىلاۋ - باسقارۋدى زاڭ بويىنشا قاتايتىپ، جۇڭگوشا شيپاگەرلىك - دارىگەرلىك كاسىبىنىڭ ساپالى دامۋىن ىلگەرىلەتۋ؛ جۇڭگوشا شيپاگەرلىك - دارىگەرلىك دارىندىلار قوسىنى قۇرىلىسىن كۇشەيتىپ، جۇڭگوشا شيپاگەرلىك - دارىگەرلىكتىڭ ۇزاق بولاشاقتىق دامۋ نەگىزىن بەكەمدەۋ؛ عىلمي زەرتتەۋ جۇيەسى مەن قابىلەت قۇرىلىسىن كۇشەيتىپ، جۇڭگوشا شيپاگەرلىككە مۇراگەرلىك ەتۋ جانە وندا جاڭالىق جاراتۋدى جەدەل ىلگەرىلەتۋ كەرەك.
ءماجىلىس تۇراقتى كوميتەتتىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ۋ يۇيلياڭ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى باياندامانى تىڭدادى.
ءماجىلىس تاعى مىندەتكە تاعايىنداۋ، مىندەتىنەن قالدىرۋعا قاتىستى ىستەردى قارادى.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.

  مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، مەملەكەتتىك كەڭەستىڭ مۇشەسى، ورتالىق اسكەري ىستەر كوميتەتىنىڭ مۇشەسى ۋەي فىڭحى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى قۇرىلعاننان كەيىن 1949 - جىلى 12 - ايدا العاشقى توپتا پارتياعا مۇشە قابىلدادى. بۇل العاشقى توپ پارتيا مۇشەلەرىن تىزىمدەۋ داپتەرى. ماتەريال سۋرەت

قالا تۇرعىندارى ءۇرىمجى شينحۋا حالىقارالىق كىتاپ دۇكەنىندە ينتەرنەت ارقىلى قىزىل كىتاپتاردى ىزدەۋدە (سۋرەت 4 - ايدىڭ 22 - كۇنى تۇسىرىلگەن).  سۋرەتتى انار بۇلت / شينجياڭ گازەتىنىڭ ءتىلشىسى حان لياڭ تۇسىرگەن