قوعام حاۋىپسىزدىگى مينيسترلىگى «قاۋىشتىرۋ» ارەكەتىن ۇيىمداستىردى

ۇزاق جىل حابارسىز كەتكەن تۋىستار ناق مايداندا ءبىر – بىرىمەن قاۋىشتى، حابارسىز كەتكەن ۋاقىتى ەڭ ۇزاعى 58 جىل بولعان

2021.06.09 13:25   كەلۋ قاينارى : حالىق تورابى

　　سۋرەتتە: 6 – ايدىڭ 8 – كۇنى وتكىزىلگەن «تۋىسىمەن قاۋىشتىرۋ، ءبىز ارەكەتتەنۋدەمىز» اتىنداعى قيمىلدىڭ جينانداعى باس قيمىل الاڭىندا 90 جاستاعى كاريا لو فىڭكۇن (ورتادا) الداپ ساتىلعانىنا 58 جىل بولعان ۇلى لو ياجۇندى قۇشاقتاپ جىلاۋدا. شينحۋا اگەنتتىگىنىڭ ءتىلشىسى گو شۇيلەي فوتوسى

　　شينحۋا اگەنتتىگىنىڭ تىلشىلەرى شيۇڭ فىڭ، جاڭ لييۋان 6 – ايدىڭ 8 – كۇنى جيناننان حابارلايدى. قوعام حاۋىپسىزدىگى مينيسترلىگى شاندۇڭ، سىچۋان، جياڭسۋ، حىنان قاتارلى ءتورت ولكەدەگى قوعام حاۋىپسىزدىگى ۇيىمدارىن «قاۋىشتىرۋ» ارەكەتى بويىنشا تۋىستارىمەن قاۋىشتىرۋ قيمىلىن ءبىر ۋاقىتتا وتكىزۋگە ۇيىمداستىرىپ، وتباسى مۇشەلەرىنەن كوز جازىپ قالعان 11 وتباسىن قايتادان قاۋىشتىردى. قيمىلدىڭ باستى جينالىس ورنى شاندۇڭ ولكەسىنىڭ جينان قالاسىنا ورنالاستىرىلدى، بولىمشە جينالىس ورىندارى سىچۋان ولكەسىنىڭ سۇينيڭ قالاسىنا، جياڭسۋ ولكەسىنىڭ شۇيجوۋ قالاسىنا، حىنان ولكەسىنىڭ پيڭديڭشان قالاسىنا ورنالاستىرىلدى، تۋىستارىمەن قاۋىشقان 11 وتباسى جەكە – جەكە 7 ولكەدەگى 20 نەشە قالادان كەلگەن، دەرەكسىز كەتكەندەر مەن الداپ اكەتىلگەندەردىڭ وتباسى مۇشەلەرىمەن كەزدەسكەن ۋاقىتى ەڭ قىسقاسى 25 جىل، ەڭ ۇزاعى 58 جىلعا جەتكەن.

　　شاندۇڭدا وتكىزىلگەن باستى جينالىس ورنىندا، كەزىندە باسقالار الداپ اكەتكەن نەمەسە دەرەكسىز كەتكەن 3 ادام نەشە ون جىل كورىسپەگەن تۋىستارىمەن قاۋىشقاندا، كوز جاستارىن تيا المادى، ولاردىڭ اراسىنداعى شاندۇڭ ولكەسىنىڭ زاۋجۋاڭ قالاسىنان كەلگەن 90 جاستاعى كاريا لو X كۇن مەن ونىڭ ۇلى لو X جۇننىڭ كەزدەسپەگەنىنە 58 جىل بولعان ەكەن. ءۇش جەردەگى بولىمشە جينالىس ورنىندا، كەزىندە دەرەكسىز كەتكەندەر مەن باسقالار الداپ اكەتكەندەردىڭ كەيبىرەۋى تۋىستارىنان ايرىلعان كەزدە تەك ءبىر جاستا عانا ەكەن، ولاردىڭ كەيبىرەۋى تەك بولىمسىز ەلەستەرگە سۇيەنىپ، تۋىستارىن ىزدەۋدى تالاي جىلدان بەرى توقتاتپاعان ... ءارقايسى جينالىس ورنىنداعى تۋىستارىمەن قاۋىشقان وتباسىلار قوعام حاۋىپسىزدىگى ورگاندارىنا قۇرمەت جالاۋىن ۇسىنىپ، دەلو بىتىرگەن حالىق ساقشىلارىنىڭ تاباندىلىعى مەن قوسقان ۇلەستەرىنە راقىمەت ايتتى.

　　ۇعىسۋعا قاراعاندا، قوعام حاۋىپسىزدىگى مينيسترلىگى بيىل جىل باسىندا «قاۋىشتىرۋ» ارەكەتىن ورىستەتۋگە ورنالاستىرۋ جاساپ، الداپ ساتىلعان بالالارعا قاتىستى جيىلىپ قالعان دەلولاردى كۇش سالا انىقتاپ، بالالاردى الداپ ساتۋ قىلمىس كۇماندىلارىن قۋعىنداپ، دەرەكسىز كەتكەن، باسقالار الداپ اكەتكەن بالالاردىڭ دەرەگىن ىزدەستىرگەن بولاتىن. قازىرگە دەيىن، دەرەكسىز كەتكەن، باسقالار الداپ اكەتكەن بالالاردان 1737 بالانى تاپتى، بالالاردى الداپ ساتۋعا قاتىستى جيىلىپ قالعان دەلولاردان 91 دەلونى انىقتادى، الداپ ساتۋ قىلمىس كۇماندىلارىنان 236 ادامدى تۇتقىندادى، جەر – جەر تۋىسىمەن قاۋىشتىرۋ تۋرالى جيىنى 500 رەت قيمىل ۇيىمداستىردى. سونىمەن بىرگە، قوعام حاۋىپسىزدىگى ورگاندارى قىزمەت فورماسىندا جانە تاسىلىندە جاڭالىق جاراتىپ، بالالاردى الداپ ساتۋعا قاتىستى دەلولاردى انىقتاۋداعى «ءبىر باستىق ۇشەۋىن مىندەتىنە الۋ» جاۋاپكەرشىلىك ءتۇزىمى، جوعالعان بالالاردى جەدەل ىزدەستىرۋ مەحانيزمى، مەملەكەتتىك «الداپ ساتۋعا سوققى بەرۋدەگى DNA جۇيەسى» قاتارلى ءبىرقىدىرۋ جۇيەلەر مەن مەحانيزمدەردى ورناتتى جانە كەمەلدەندىردى، سونىمەن بىرگە، جۇرتشىلىقتىڭ جاقىن جەردە قان تەكسەرتۋىنە قولايلىلىق جاساۋ ءۇشىن قوعام حاۋىپسىزدىگى ورگاندارىنىڭ تەگىن قان تەكسەرۋ تۇيىندەرىنەن 3000 نەشە ورىننىڭ ينفورماتسياسىن جۇرتشىلىققا اشىق جاريالاپ، «قاۋىشتىرۋ» ارەكەتىنە عىلىم – تەحنيكالىق جاقتان پارمەندى تىرەك ازىرلەدى.

　　قوعام حاۋىپسىزدىگى مينيسترلىگىنىڭ قاتىستى جاۋاپتىسىنىڭ ايتۋىنشا، قوعام حاۋىپسىزدىگى ورگاندارى قاتىستى ورنالاستىرۋ تالاپتارىنا ساي، جيىلىپ قالعان دەلولاردى انىقتاۋعا، قىلمىس كۇماندىلارىن قۋعىنداۋعا، دەرەكسىز كەتكەن، باسقالار الداپ ساتقان بالالاردى ىزدەۋگە كۇش سالىپ، تۋىستارىمەن قاۋىشتىرۋ قيمىلىن ۇزدىكسىز ۇيىمداستىرىپ، «قاۋىشتىرۋ» ارەكەتىن ىشكەرىلەي ورىستەتۋدى ۇزدىكسىز ىلگەرىلەتەدى. سونىمەن بىرگە، قوعامداعى ءار سالاداعىلار مەن قالىڭ جۇرتشىلىقتىڭ قوعام حاۋىپسىزدىگى ورگاندارىن دەرەكسىز كەتكەن، باسقالار الداپ ساتقان بالالارعا قاتىستى ءجىپ ۇشتارىمەن قامداۋىن، دەرەكسىز كەتكەندەر، باسقالار الداپ ساتقاندار جانە ولاردىڭ اتا – انالارى ءالى قان تەكسەرتپەگەن بولسا، دەر كەزىندە قوعام حاۋىپسىزدىگى ورگاندارىنا بارىپ قاندى تەگىن تەكسەرتۋىن ءۇمىت ەتەدى، قوعام حاۋىپسىزدىگى ورگاندارى ءبىر - بىرىنەن ايرىلىپ قالعان اناعۇرلىم كوپ وتباسىلاردى تۋىستارىمەن قاۋىشتىرۋعا كۇش سالادى. قوعام حاۋىپسىزدىگى ورگاندارى بالالاردى الداپ ساتۋ، ساتىپ الۋ قىلمىس كۇمانىن تۋدىرىپ قاشىپ جۇرگەندەرگە جاعدايدى ايقىن تانىپ، تىزگىنىن تارتۋدى، ىرىقتىلىقپەن ءوزىن مالىمدەۋدى، كەڭشىلىككە يە بولۋعا تالپىنۋدى ەسكەرتەدى.

　　كەلۋ قاينارى: حالىق تورابى