لي كىچياڭ وزبەكستاننىڭ زۇڭليى اريپوۆپەن بەينە ەكران كەزدەسۋىن وتكىزدى
2021.06.09 16:15 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 8 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 6 - ايدىڭ 8 - كۇنى تۇستەن كەيىن جۇڭنانحايداعى زىگۋاڭگى سارايىندا ۋادە بويىنشا وزبەكستاننىڭ زۇڭليى اريپوۆپەن بەينە ەكران ارقىلى كەزدەسۋ وتكىزدى.
لي كىچياڭ مىنانى ءبىلدىردى: جۇڭگو مەن وزبەكستان − دوس كورشىلەر جانە جالپى بەتتىك ستراتەگيالىق سەرىكتەر. تاياۋدا ءتوراعا شي جينپيڭ ميرزيويەۆ زۇڭتۇڭمەن تەلەفوندا سويلەسىپ، ەكى ەل قاتىناسىنىڭ دامۋىن جوسپارلادى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو مەن وزبەكستان ءبىرىن - ءبىرى قولداپ، ءوزارا كومەكتەستى، ناقتى سەلبەستىك ۇزدىكسىز العا باسىپ، ەكى ەل ەكونوميكاسىنىڭ قالپىنا كەلۋىن ىلگەرىلەتۋدە بەلسەندى رول اتقاردى. جۇڭگو وزبەكستانمەن جوعارى جىكتەگىلەردىڭ بارىس - كەلىسىن جيىلەتىپ، ساياسي سەنىمدىلىكتى كۇشەيتىپ، ءار سالاداعى ناقتى سەلبەستىكتى تەرەڭدەتىپ، ەكى ەل قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
لي كىچياڭ بىلاي دەپ اتاپ كورسەتتى: جۇڭگو وزبەكستانمەن ۇزدىكسىز قول ۇستاسا سەلبەسىپ، ىندەتكە توتەپ بەرۋدى قالايدى، وزبەكستانعا شاماسىنىڭ جەتىسىنشە كومەك كورسەتەدى، ەكى ەل كاسىپورىندارىنىڭ ءوزارا تيىمدىلىك جاساپ، تەڭ يگىلىكتەنۋ پرينسيبى بويىنشا ۆاكسينانى بىرلەسىپ ءوندىرۋىن قولدايدى. ەكى جاقتىڭ بازار پرينسيبى مەن ساۋدا ەرەجەسى بويىنشا ءار سالاداعى سەلبەستىكتى تەرەڭدەتىپ، ەكى ەل حالىقتارىنا ءتىپتى دە زور باقىت جاراتۋىن ءۇمىت ەتەمىن. جۇڭگو وزبەكستاننىڭ ەرەكشە اۋىل شارۋاشىلىق ونىمدەرىنىڭ جۇڭگوعا جەتكىزىلۋى بارىسىندا كەدەننەن وتۋگە قولايلىلىق جاراتۋدى قالايدى. كەلەر جىلى جۇڭگو مەن وزبەكستاننىڭ ديپلوماتيالىق قاتىناس ورناتقانىنىڭ 30 جىلدىعىن قارسى الامىز، وسىنى وراي ەتىپ، الۋان ءتۇرلى قۇتتىقتاۋ قيمىلدارىن وتكىزىپ، گۋمانيتارلىق اۋىس - كۇيىستى كۇشەيتىپ، ەكى ەل حالىقتارىنىڭ ءوزارا ءتۇسىنىسۋى مەن ءداستۇرلى دوستىعىن كۇشەيتۋدى ءۇمىت ەتەمىن. جۇڭگو وزبەكستانمەن شاڭحاي سەلبەستىك ۇيىمى جۇلگەسىندەگى سايكەسۋدى، سەلبەسۋدى كۇشەيتىپ، وڭىردەگى ەلدەردىڭ ىندەتتەن كەيىنگى قالپىنا كەلۋىنە جانە حالىق تۇرمىسىن جاقسارتۋىنا اناعۇرلىم كوپ دەم بەرۋدى قالايدى.
اريپوۆ مىنانى ءبىلدىردى: وزبەكستان مەن جۇڭگو − جان - جاقتى ستراتەگيالىق سەرىكتەر، ەكى ەل قاتىناسىنىڭ دامۋ بەتالىسى جاقسى. جۇڭگو جاقتىڭ وزبەكستاننىڭ ىندەتكە قارسى اتتانۋىندا قول ۇشىن بەرگەنىنە العىس ايتامىز، جۇڭگومەن ىندەتكە قارسى اتتانۋ سەلبەستىگىن كۇشەيتۋدى قالايمىز. ەكى ەل ۇكىمەتتەرى ارا سەلبەستىك كوميتەتى مەحانيزمىنىڭ رولىن تولىق ساۋلەلەندىرىپ، ساۋدا، قارجى قوسۋ، ەنەرگيا، ءوزارا بايلانىس سياقتى سالالارداعى ءوزارا ءتيىمدى سەلبەستىكتى اناعۇرلىم كەڭەيتىپ جانە تەرەڭدەتىپ، وزبەكستان - جۇڭگو قاتىناسى مەن سەلبەستىگىنىڭ اناعۇرلىم زور دامۋعا قول جەتكىزۋىن ىلگەرىلەتۋ كەرەك. وزبەكستان جۇڭگومەن شاڭحاي ىنتىماقتاستىق ۇيىمى جۇلگەسىندەگى سايكەسۋدى كۇشەيتۋگە پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
