بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو سوتسياليزمنىڭ ۇمىتىنەن شىقتى

شۋانيان

2021.06.09 16:16     كەلۋ قاينارى : شينجياڭ گازەتى

  انگليا لوندون، ۇلى بريتانيا مۇراجايى، 1516 - جىلى باسپادان شىققان موردىڭ «ۋتوپيا» اتتى كىتابى كورمە سورەسىندە ساقتاۋلى تۇر. سونىمەن بىرگە بۇل مۇراجايدىڭ كىتاپ وقۋ زالىنىڭ ەدەنىندە ءبىر ۇلى ادامنىڭ سالماقتى ءىزى جاتىر. ادامزاتتى ازات ەتۋ ءىسى جولىندا ءومىر بويى كۇرەسكەن ءدال وسى ماركس سوتسياليزمدى قياليدان عىلميعا اينالدىرىپ، دۇنيە جۇزىنە كەڭ دە تەرەڭ اسەر ەتتى، سونىمەن بىرگە جۇڭگوعا دا كەڭ دە تەرەڭ وزگەرىس اكەلدى.

  جۇڭگو بەيجيڭ، حالىق سارايى، باس شۋجي شي جينپيڭ 2016 - جىلى جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا دۇنيە جۇزىنە بىلاي دەپ جاريالادى: جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ قول جەتكىزگەن ۇلى جەڭىسى 500 جىلدىق تاريحى بار سوتسياليزم قۋاتتاماسىنىڭ دۇنيە جۇزىندەگى حالىق سانى ەڭ كوپ مەملەكەتتە اسا جوعارى شىنايىلىق پەن مۇمكىندىككە يە دۇرىس جولدى ءساتتى اشىپ، عىلمي سوتسياليزمنىڭ 21 - عاسىردا جاڭا قۋاتتى ومىرشەڭدىك كۇش كورسەتۋىنە مۇمكىندىك تۋدىردى.

  نەشە ءجۇز جىلدىق اۋمالى - توكپەلى جاعداي. كەزىندە اۋىر ازاپتاردى باستان وتكەرسە، بۇل كۇندەرى جىگەر - جالىنى اسقاقتادى. عىلم اقيقاتى مەن اسقاق مۇراتتىڭ جەتەگىندە، جۇڭگونىڭ بايتاق دالاسىندا تاريحي وراسان زور وزگەرىستەر تۋىلدى، ءبىز مىنادان مۇلدە بۇلجىمايمىز: سوتسياليزم جۇڭگونىڭ ۇمىتىنەن شىقتى! جۇڭگو كوممۋنيستىك پارتياسىنىڭ حالىققا باسشىلىق ەتىپ قايسارلىقپەن كۇرەس جۇرگىزۋى بارىسىندا، سەنىمنىڭ نۇر شۇعىلاسى ساۋلە شاشتى، ۇلى ءىستىڭ جاستىق كوكتەمى جالىندادى، ءبىز شەكسىز ماقتانىش ەتەمىز − جۇڭگو سوتسياليزمنىڭ ۇمىتىنەن شىقتى!

  (1)

  جياڭسۋدىڭ چاڭجوۋىنداعى چۇي چيۋباي ەسكەرتكىش سارايىنا كىرسەڭىز، ”مەن قاشاندا كوپشىلىك ءۇشىن شۇعىلالى جول اشۋدى ويلايمىن“ دەگەن سەرت ەرەكشە كوز تارتادى.

  جۇڭگو كوممۋنيستىك پارتياسى سىندى قايىسپاس قايسار جول ىزدەۋشى، باتىل دا تايسالماس جول اشۋشى سان قيلى سىناق، قات - قابات قيىن وتكەل الدىندا، يۇي گۇڭنىڭ تاۋدى كوشىرۋىندەي تاباندىلىقپەن، جيڭ ۋيدىڭ تەڭىزدى تىندىرۋىنداي ءوزىن ارناۋ رۋحىمەن جۇڭگو حالقىن باستاپ قاتەرلى دە ايبىندى، جاپالى دا كەڭ كوسىلگەن جۇڭگو جولىن تاپتى. جۇڭگوشا سوتسياليزم جولى پارتيا مەن حالىقتىڭ 100 جىلدىق كۇرەسىنىڭ، جاسامپازدىعىنىڭ، قوردالانۋىنىڭ ءتۇبىرلى تابىسى، جۇڭگونىڭ العا باسۋىنا جەتەكشىلىك ەتكەن، حالىقتىڭ ىرىس - قۇتىن ارتتىرعان، ۇلتتىڭ گۇلدەنۋىن جۇزەگە اسىرعان سارا جول.

  بۇل، تاريحتىڭ جويقىن اعىنىندا ۇلتتىڭ تاعدىرىن وڭالتقان، دۇنيە كەرەمەتىن جاساعان كۇرەس جولى. ”اسۋ اسقارلاردا، شيىرلاعان اعىستا باساتىن جول قالمادى“ دەيتىندەي داعدارعان قىسپاقتا، ماركسيزم جۇڭگوعا ”ءۇمىت ۇشقىنىن“ اكەلدى. وسىدان باستاپ، جۇڭگو كوممۋنيستىك پارتياسى ماركسيزم ”ساداعىمەن“ جۇڭگو ”نىساناسىن“ كوزدەۋدىڭ ۇلى امالياتىن ورىستەتتى. ”ءۇش ۇلكەن تاۋدى“ اۋدارىپ تاستاۋ ءۇشىن، پارتيا حالىققا باسشىلىق ەتىپ اۋىل - قىستاق ارقىلى قالانى قورشاۋداي، قارۋلى كۇش ارقىلى بيلىكتى تارتىپ الۋداي توڭكەرىس جولىن اشىپ، جاڭا جۇڭگونى قۇردى. بىرىنشىدەن كەدەي، ەكىنشىدەن اق مەشەۋ بەت - بەينەنى وزگەرتۋ ءۇشىن، ءبىز شىت جاڭا سوتسياليستىك ءتۇزىم ورناتىپ، دەربەس، ءبىرشاما كەمەلدى ونەركاسىپ جۇيەسىن جانە حالىق شارۋاشىلىعى جۇيەسىن قالىپتاستىردىق، سونداي - اق ۇنامدى - ۇنامسىز ەكى جاقتاعى تاجىريبەلەردى قورىتىندىلاۋ نەگىزىندە، رەفورما جاساۋ، ەسىك اشۋ ۇلى ساپارىن باستاپ، وندىرگىش كۇشتى بارىنشا ازات ەتتىك جانە دامىتتىق. ۇلتتىڭ گۇلدەنۋى مەن دۇنيە ءجۇزى جاعدايىنداعى وزگەرىس شىرما - شاتۋ بولعان اۋقىم الدىندا، ءبىز مۇرات - سەنىمدى بەكەمدەپ، ستراتەگيالىق تاباندىلىقتى ساقتاپ، جۇڭگوشا سوتسياليزمگە تاباندى بولۋدى جانە ونى دامىتۋدى ارقاۋ ەتىپ، جالپى تۇلعالىق ورنالاستىرۋدى كەمەلدەندىرىپ، ستراتەگيالىق ورنالاستىرۋدى تۇراقتاندىرىپ، جۇڭحۋا ۇلتىن باستاپ ەڭسە كوتەرۋدەن بايۋعا، قۇدىرەتتەنۋگە دەيىنگى ۇلى شارىقتاۋدى قارسى الدىق.

  بۇل، حالىقتى ەڭ جوعارى ورىنعا قويىپ، حالىقتىڭ تىلەگىنە يە بولعان، حالىقتىڭ قالاۋىنا ۇيلەسكەن، حالىقتىڭ مۇددەسىنە تيىمدىلىك جەتكىزگەن اۋەلگى ماقسات جولى. ”حالىق − بيلىك، كوممۋنيستىك پارتيا بيلىككە قول جەتكىزۋدە، بيلىكتى قورعاۋدا حالىقتىڭ تىلەگىن قورعادى، حالىقتىڭ جاقسى تۇرمىس كەشىرۋىن ماقسات ەتتى“. سان ۇرپاق كوممۋنيستەر حالىقتىڭ مۇددەسى مەن ىرىس - قۇتى جولىندا جاستىق كوكتەمدەرى مەن ومىرلەرىن ارناپ، ىستىق قاندارى مەن اشتى تەرلەرىن وسى سۇيىكتى توپىراققا توكتى. ”دوڭگەلەك داۋلەت جولىندا بىردە - بىرەۋدى قاعىس قالدىرۋعا بولمايدى!“ باقىتتىڭ شۇلەن شۇعىلاسىمەن جۇڭگونىڭ بايتاق دالاسىنىڭ تۇكپىر - تۇكپىرىن نۇرلاندىرۋ ءۇشىن، باس شۋجي شي جينپيڭ بۇكىل پارتيانى، بۇكىل ەلدى باستاپ كەدەيلىكتەن ارىلتۋدان قامال الۋ شايقاسىن جۇرگىزدى، قىستاقتا تۇرۋعا 255 مىڭ قىزمەت اترەتى ءبىرىنشى شەپكە اتتاندى، 2 ميلليونعا جۋىق اۋىل - قالاشىق كادرى، نەشە ميلليون قىستاق كادرى قايراتتانا شايقاس جۇرگىزدى، 8 جىلدا 98 ميلليون 990 مىڭ اۋىل - قىستاق كەدەي حالقى تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلەر قاتارىنان شەگىندى. بۇل پارتيانىڭ، حالىقتىڭ، ۇلتتىڭ ۇلى داڭقى، ەلىمىزدىڭ سوتسياليستىك ءتۇزىمىنىڭ ابزالدىلىعىنىڭ تولىق ايگىلەنۋى، جۇڭحۋا ۇلتىنىڭ بىرگە بايۋعا قاراي زور قادام تاستاعاندىعىنىڭ بەلگىسى.

  بۇل، شارۋاشىلىعى، مادەنيەتى كەنجە قالعان ەلدىڭ وسىزاماندانۋعا ىزدەنىس جاساۋداعى جاسامپازدىق جولى. وسىزاماندانۋ دۇنيە جۇزىندەگى تاياۋ زاماننان بەرگى تاريحي اعىم ءارى ماركسيزم ارداگەرلەرىنىڭ كەمەلدى قوعام جونىندەگى ءۇمىت - تىلەگى. ونەركاسىپ توڭكەرىسىنىڭ ورايىن وتكىزىپ العان جۇڭگو ”داۋرەندەگەن ەلدەن“ قۇلدىراپ، كىم كورىنگەن تالان - تاراجىلايتىن ”ولجاعا“ اينالدى. يان فۋ جازعان «قۇدىرەتتىلىك قاينارى»، «حان يۇيگە تويتارىس»، گو سۇڭتاۋ جازعان «باتىسقا ەلشىلىك ەستەلىكتەرى»، سۇن جۇڭشان جازعان «مەملەكەت قۇرۋ جالپى جوباسى» سياقتىلاردىڭ بارلىعى وسىزاماندانۋ جونىندەگى ءۇمىت پەن تورىعۋعا كۋا بولدى. تەك جۇڭگو كوممۋنيستىك پارتياسى تاريح ساحناسىنا شىققاننان كەيىن عانا، يمپەرياليزم مەن فەوداليزم زوبالاڭىن تۇبەگەيلى جويىپ، بازيس پەن قوندىرمانىڭ تۇبەگەيلى وزگەرىسىن جۇزەگە اسىرىپ، جۇڭگونىڭ وسىزاماندانۋىنا ءتۇبىرلى العى شارت ازىرلەدى. ”ءتورتتى وسىزامانداندىرۋ“ نىساناسىنان ”ءۇش قادامعا ءبولىپ ءجۇرۋ“ ستراتەگياسىنا دەيىن، دوڭگەلەك داۋلەتتى قوعام قۇرۋدان وسىزاماندانعان قۇدىرەتتى ەل قۇرۋعا دەيىن... پارتيا حالىققا باسشىلىق ەتىپ، وركەندەگەن ەلدەر نەشە ءجۇز جىل جۇرگەن ونەركاسىپتەنۋ بارىسىن نەشە ون جىلدا ورىنداپ قالماستان، زاتتىق وركەنيەت پەن رۋحاني وركەنيەت ءوزارا سايكەسكەن، جالپى حالىق بىرگە بايىعان، ادام مەن تابيعات جاراسىمدى قاتار ءومىر سۇرگەن، بەيبىت دامۋ جولىمەن جۇرگەن جۇڭگوشا وسىزاماندانۋدى ىزدەنىس جاساۋ ارقىلى اشىپ، ادامزات قوعامىنىڭ دامۋىنا وسىزاماندانۋدىڭ شىت جاڭا تالعامىن ازىرلەدى.

  بۇل، باستان - اياق توڭكەرىستىك رۋحتى ساقتاعان، پارتيانىڭ وزىنە توڭكەرىس جاساۋى ارقىلى ۇلى قوعامدىق توڭكەرىسكە جەتەكشىلىك ەتكەن شىڭدالۋ جولى. لەنين ”پرولەتاريات اكىمياتقا قول جەتكىزۋ كۇرەسى بارىسىندا، ۇيىمنان باسقا قارۋى جوق“ دەپ اتاپ كورسەتكەن بولاتىن. كەزىندەگى ”بورداي توزعان“ جۇڭگونى ۇيىستىرۋدا، مۇراتتى، ءتارتىپتى ماركسيزمدىك ساياسي پارتياعا سۇيەنبەي بولمايدى؛ ايبىندى نىسانا، جاپالى مىندەت ءۇشىن كۇرەس جۇرگىزۋدە، پارتيانىڭ العاباسارلىعى مەن كىرشىكسىزدىگىن، جاسامپازدىق قۋاتى مەن جاۋىنگەرلىك قۋاتىن ساقتاماي بولمايدى. گۋتيان ءماجىلىسى، زۇن - ي ءماجىلىسى، يان - انداعى ستيل دۇرىستاۋ، ”ەكى بولسىن“، ۇلى ينجەنەريا مەن جاڭا ۇلى ينجەنەريا... ءار رەت ماڭىزدى كەزەڭگە كەلگەن سايىن، پارتيا قاشاندا العا ىلگەرىلەۋ بەتالىسىن كورسەتىپ، تاريحي جاۋاپكەرشىلىك ارقالاپ، اقيقاتقا تاباندى بولىپ، قاتەلىكتى تۇزەتىپ، حالىقتى باستاپ تالاي - تالاي اسۋلاردان اسىپ، تالاي - تالاي جەڭىستەردى قولعا كەلتىردى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ بارلىق قىزمەتكە باسشىلىعىنا تاباندى بولىپ، وزىنە توڭكەرىس جاساۋ رۋحىمەن پارتيانى جاپپاي قاتاڭ جونگە سالۋدى ىلگەرىلەتتى، پارتيانىڭ توڭكەرىستىك شىڭدالۋى ارقىلى جاڭا ۇلى كۇرەسكە جەتەكشىلىك ەتتى. ”تەمىر سوقساڭ قۇرىش بول“. جاڭا داۋىردەگى كوممۋنيستەر بەكىمدەرىمەن جانە باتىلدىقتارىمەن ىستەردى ماڭگى جالعاستىرۋدىڭ نەگىزىن بەكەمدەپ، ”تاريح پەريودىنان“ سەكىرىپ شىعۋدىڭ عاسىرلىق ساۋالىنا ارەكەتتەرىمەن جاۋاپ بەردى!

  2021 - جىلى 3 - ايدا رەسەي فەدەراتسياسى كوممۋنيستىك پارتياسى ورتالىق كوميتەتىنىڭ ءتوراعاسى گەننادي ديۋگانوۆ «اقيقات گازەتىنە» ماقالا جازىپ بىلاي دەپ اتاپ كورسەتتى: ”جۇڭگو كوممۋنيستىك پارتياسىنىڭ تاجىريبەسى 20 - عاسىردىڭ اياعىنداعى سوتسياليزمنىڭ ساتسىزدىگى استە ءار قيلى كوممۋنيزمگە قارسى تۇرۋشىلار شاتتانا ايتاتىن’ ۋتوپيا سوتسياليستىك جوسپارىنىڭ ساتسىزدىگى‘ ەمەس ەكەندىگىن دالەلدەدى... جۇڭگو كوممۋنيستىك پارتياسىنىڭ باسشىلىعىندا، جۇڭگو حالقىندا زاماننىڭ بارلىق سىن - سايىستارىنا توتەپ بەرىپ، جاڭا داۋىردەگى جۇڭگوشا سوتسياليزم قۇرۋدىڭ دۇرىس جولىن بويلاپ العا ىلگەرىلەيتىن قابىلەت بار“.

  جۇڭگو بولاتتاي بەرىك شىندىق ارقىلى مىنانى جاريالادى: تاريح اياقتالعان جوق ءارى اياقتالمايدى، سوتسياليزمنىڭ تىرشىلىك تىنىسى قاۋلادى، بولاشاعى شەكسىز! جۇڭگوشا سوتسياليزم جولىمەن ءجۇرۋ دۇرىس، داڭعىل بولىپ قانا قالماستان، ءسوز جوق، ءتىپتى دە جارقىن بولاشاققا اپاراتىن بولادى!

  (2)

  ماركسيزم ادامزاتقا اقيقات الاۋىن الا كەلدى، دەسەدە، ول اقيقاتتى اياقتاستىرعان جوق، قايتا اقيقات كىتابىنىڭ باس بەتىن اشتى. جۇڭگو جاندى دا قوماقتى نازاريالىق جاڭالىق اشۋ، دەيالىق جاسامپازدىق جاساۋ ارقىلى عىلمي سوتسياليزم سىندى وسى كەسەك شىعارماعا وزىنە ءتان وشپەس تاراۋلاردى جازدى.

  − بەرىك تۇرۋ: جۇڭگو ەشقاشان عىلمي سوتسياليزمنىڭ نەگىزگى پرينسيبىنەن قول ۇزگەن جوق

  ماركس، ەنگەلس كەزىندە بولاشاق سوتسياليستىك قوعامنىڭ دامۋ بارىسىنا، دامۋ بەتالىسىنا، جالپىلىق ەرەكشەلىگىنە عىلمي بولجام جانە جورامال جاساعان بولاتىن. مىسالى، ءوندىرىس ماتەريالدارى جالپىلىق مەنشىكتە بولۋ نەگىزىندە ءوندىرىستى ۇيىمداستىرىپ، جالپى قوعام مۇشەلەرىنىڭ قاجەتىن قاناعاتتاندىرۋ سوتسياليستىك ءوندىرىستىڭ ءتۇبىرلى ماقساتى؛ قوعامدىق وندىرىسكە جوسپارلى جەتەكشىلىك ەتىپ جانە رەتتەۋ جۇرگىزىپ، بارابار ەڭبەككە بارابار ءونىم الاتىن ەڭبەگىنە قاراي ءبولۋ پرينسيبىن جۇرگىزۋ؛ تابيعاتتىڭ زاڭدىلىعىنا ۇيلەسە وتىرىپ تابيعاتتى وزگەرتۋ جانە پايدالانۋ...

  وسىلار عىلمي سوتسياليزمنىڭ نەگىزگى پرينسيبىن قۇرايدى.

  100 جىلدىق داڭقتى مەزگىلدە مەيلى ءالسىز، الدە قۋاتتى بولسىن، مەيلى شارىقتاعان كەزەڭدە تۇرسىن، الدە ساتسىزدىككە ۇشىراسىن، جۇڭگو كوممۋنيستىك پارتياسى ەشقاشان عىلمي سوتسياليزمنىڭ نەگىزگى پرينسيبىنە تاباندى بولۋدان اۋىتقىمادى. ءبىز پارتيانىڭ باسشىلىعىنا تاباندى بولدىق؛ حالىق دەموكراتياسى ديكتاتۋراسىندىق مەملەكەت قۇرىلىمىنا جانە حالىق قۇرىلتايى ءتۇزىمى سىندى بيلىك قۇرىلىمىنا تاباندى بولدىق؛ ەڭبەك داڭق، ەڭبەگىنە قاراي بولۋدەي سوتسياليستىك ءبولىس پرينسيبىنە تاباندى بولدىق؛ ادام قۇندىلىعىن ءبىرىنشى ورىنعا قويۋعا تاباندى بولىپ، ادامنىڭ جان - جاقتى دامۋىن جانە قوعامنىڭ جالپى بەتتىك العا باسۋىن ۇزدىكسىز جەبەدىك... بۇلاردىڭ بارلىعى جاڭا تاريحي شارت - جاعدايدا عىلمي سوتسياليزمنىڭ نەگىزگى پرينسيبىن ايگىلەپ، سوتسياليزمنىڭ گەنىن، قان تامىرىن جالعاستىردى.

  − دامۋ: جۇڭگو ماركسيزمنىڭ جۇڭگوشالانۋىن ۇزدىكسىز ىلگەرىلەتتى

  ”ماركستىڭ دۇنيە تۋرالى بارلىق كوزقاراسى − تاعىلىم ەمەس، قايتا ادىستەمە. ول دايار دوگىمامەن ەمەس، قايتا ىلگەرىلەي زەرتتەۋدىڭ شىعار تۇيىندەرىمەن جانە وسىنداي زەرتتەۋگە كەرەكتى ادىستەمەمەن قامدايدى.“ ماركسيزمدى دامىتقاندا عانا، ماركسيزمگە تاباندى بولۋعا بولادى، مىنە بۇل تاريحي ديالەكتيكا.

  100 جىلدىق بوران - شاشىندا ۇدەرە العا تارتقاندا، جۇڭگو كوممۋنيستىك پارتياسى باستان - اياق اقيقات تۋىن بيىك ۇستاپ، نازاريالىق جاسامپازدىق جاساپ، يدەيانى ازات ەتۋ مەن شىندىقتى ءىس جۇزىنەن ىزدەۋدىڭ بىرلىگىنە، قاينارىن جەتىلدىرىپ نەگىزىن بەكەمدەۋ مەن تۋراشىلدىقتى ساقتاپ، جاڭالىق اشۋدىڭ بىرلىگىنە تاباندى بولىپ، ماركسيزمنىڭ نەگىزگى قاعيداسىن جۇڭگونىڭ امالياتىمەن ۇشتاستىرۋدى ۇزدىكسىز ىلگەرىلەتىپ، ماۋ زىدۇڭ يدەياسى، دىڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسى، عىلمي دامۋ كوزقاراسى قاتارلى كەلەلى نازاريالىق جاسامپازدىق جەتىستىكتەردى جارىققا شىعارىپ، جۇڭگوشالانعان ماركسيزمدى ۇزدىكسىز بايىتىپ جانە دامىتىپ، داۋىرمەن بىرگە ىلگەرىلەگەن عىلمي نازاريا ارقىلى ”جۇڭگو قايدا بارادى، سوتسياليزم قايدا بارادى“ سىندى تاريحي تاقىرىپقا، زامان ساۋالىنا جاۋاپ بەردى. جۇڭگونىڭ بايتاق دالاسىنا تەرەڭ تامىر تارتقان بۇل يدەيالىق جەتىستىكتەر مەملەكەتتىڭ، ۇلتتىڭ كەلەشەگى مەن تاعدىرىنا تەرەڭ ىقپال ەتىپ، جۇڭگو حالقىنىڭ رۋحاني بەت - بەينەسىن بارىنشا وزگەرتۋدە، سوتسياليزم سىندى اسپانمەن تىلدەسكەن الىپ بايتەرەك دۇنيەنىڭ شىعىسىندا تەرەڭ تامىر تارتىپ، جايقالا جاپىراق جايۋدا.

  − جول باستاۋ: جۇڭگوعا جەتەكشىلىك ەتكەن، دۇنيە جۇزىنە ىقپال ەتكەن زامانىمىزداعى جۇڭگو ماركسيزمى، 21 - عاسىر ماركسيزمى

  ”فيلوسوفيا پرولەتارياتتى ءوزىنىڭ زاتتىق قارۋى ەتكەن سياقتى پرولەتاريات تا فيلوسوفيانى ءوزىنىڭ رۋحاني قارۋى ەتەدى“. رەالدىقتىڭ بەرگى جاعاسىنان ارماننىڭ ارعى جاعاسىنا بارۋدا، قاجەتتىلىك الەمىنەن بوستاندىق الەمىنە وتۋدە، ءسوز جوق، وبيەكتيۆ زاڭدىلىقتى اشىپ كورسەتەتىن، تاريحتىڭ ۇلكەن اۋقىمىن باعامدايتىن، ءداۋىردىڭ ۇنىنە جاۋاپ قاتاتىن عىلمي نازارياعا سۇيەنۋ كەرەك.

  100 جىلدىق ۇلى داريانىڭ بۋىرقانعان اعىنىندا، جۇڭحۋا ۇلتىنىڭ ۇلى گۇلدەنۋىنىڭ شەشۋشى مەزگىلىندە، قازىرگى دۇنيە جۇزىندەگى الاساپىران وزگەرگەن تاريحي قۇبىلمالى جاعدايدا، جۇڭگو كوممۋنيستەرى تاريحتىڭ قوردالانۋىنا، مۇراتتان اينىماۋعا، ەرلىكپەن ءورىس اشاتىن قايسارلىققا سۇيەنىپ، جاڭا داۋىردە قانداي جۇڭگوشا سوتسياليزمگە تاباندى بولۋدى جانە ونى دامىتۋدى، جۇڭگوشا سوتسياليزمگە قالاي تاباندى بولۋدى جانە ونى دامىتۋدى تىعىز ارقاۋ ەتىپ، امالياتتىڭ جاڭا توڭكەرىسىن، يدەيانىڭ جاڭا ۇزاق جورىعىن ىلگەرىلەتىپ، جۇڭگو رۋحىن، ءداۋىر جاۋھارىن قامتىعان كەسەك تابىس − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تۋىنداتتى.

  ”جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى“، ”حالىقتى وزەك ەتكەن دامۋ يدەياسىنا تاباندى بولۋ“، ”جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋ“، ”بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرۋ“، ”جاڭالىق اشا، سايكەستى، جاسىل، اشىق، بىرگە يگىلىككە كەنەلەتىن دامۋ ۇستانىمىنا تاباندى بولۋ“، ”تۇنىق سۋ، جاسىل تاۋ − باعالى بايلىق“، ”ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ“... وسى جاسامپاز ويعا باي يدەيالار، كوزقاراستار مەن تۇجىرىمدار ماركسيزمگە ءتول جاسامپازدىق سيپاتتى، داۋىرلىك سيپاتتى ۇلەس قوسىپ، جۇڭگوشا سوتسياليزمنىڭ تىڭ ءورىسىن اشتى.

  جاڭا ءداۋىر جۇڭگو كوممۋنيستەرى ماركسيزمگە ايقىن جۇڭگو ەرەكشەلىگىن، ۇلت ەرەكشەلىگىن، ءداۋىر ەرەكشەلىگىن بەرىپ، ادامداردىڭ كوممۋنيستىك پارتيانىڭ بيىلىك جۇرگىزۋ زاڭدىلىعىنا، سوتسياليستىك قۇرىلىستىڭ زاڭدىلىعىنا، ادامزات قوعامىنىڭ دامۋ زاڭدىلىعىنا دەگەن تانىمىن تىڭ تاريحي بيىككە جەتكىزىپ، عىلمي سوتسياليزمنىڭ قۇدىرەتتى يلاندىرۋ قۋاتىنىڭ، باۋراۋ قۋاتىنىڭ اقيقات شۇعىلاسىن شاشتىردى!

  (3)

  موردىڭ قالامىنان تۋعان ”ۋتوپيادان“ كامپانەللانىڭ ”كۇن قالاسىنا“ دەيىن، مورەلليدىڭ بار زەيىنىمەن جازعان «تابيعات زاڭناماسىنان»، وۋەننىڭ ءوزى امالياتىمەن اتقارعان ”جاڭا جاراسىمدى كوممۋناعا“ دەيىن، نەبارى 72 كۇن ءومىر سۇرگەن پاريج كوممۋناسىنان دۇنيە جۇزىندەگى ءبىرىنشى سوتسياليستىك مەملەكەت سوۆەت وداعىنا دەيىن، ادامزاتتىڭ سوتسياليستىك قوعام جانە ءتۇزىم كۇيى جونىندەگى ىزدەنىسى ەشقاشان توقتاعان ەمەس. جۇڭگونىڭ سوتسياليزم جولى جاعىنداعى تۇزىمدىك ىزدەنىسى مەن امالياتى ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋىنداي ”ەكى ۇلكەن كەرەمەتتى“ جاراتتى.

  جۇڭگو كوممۋنيستىك پارتياسى قۇرىلا سالىسىمەن، سوتسياليستىك پرينسيپتى ايگىلەيتىن ءتۇزىم ورناتۋدى تالپىنىس ەتتى. مەيلى جاردەمدەسۋ - سەرىكتەسۋ قوزعالىسى بولسىن، الدە جۇمىسشى، شارۋا، اسكەر ۋاكىلدەر جينالىسى ءتۇزىمى بولسىن، مەيلى ”3 ۇشتىك ءتۇزىم“ بولسىن، الدە ”بۇرشاق تاستاپ سايلاۋ“ بولسىن، توڭكەرىستىك بازالارداعى بۇل العاشقى مەزگىلدەگى امالياتتاردىڭ بارلىعىندا سوتسياليستىك ءتۇزىم فاكتورى مەن قۇن ۇستانىمى قامتىلىپ، جاڭاشا مەملەكەت ءتۇزىمىن ورناتۋعا قىمباتتى تاجىريبەلەر توپتادى.

  جاڭا جۇڭگو قۇرىلعاننان كەيىن، ءبىز تابىستى امالياتتىق تاجىريبەلەرىمىزدى دەر كەزىندە ءتۇزىم جەتىستىكتەرىنە اينالدىرىپ، ەلىمىزدىڭ مەملەكەت ءتۇزىمىنىڭ ءارى عىلمي سوتسياليزمنىڭ نەگىزگى پرينسيپتەرىن ايگىلەۋىنە، ءارى جۇڭگونىڭ ەرەكشە مەملەكەت جاعدايىنا ۇيلەسۋىنە مۇمكىندىك جاسادىق. سوتسياليستىك جالپىلىق مەنشىك ءتۇزىمى، حالىق قۇرىلتايى ءتۇزىمى، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى، ۇلتتىق وڭىرلىك اۆتونوميا ءتۇزىمى سياقتى ءبىرسىپىرا ءتۇزىم بىرتىندەپ ورناتىلدى، اقاۋسىزداندىرىلدى.باس شۋجي شي جينپيڭ بىلاي دەپ تەرەڭدەي اتاپ كورسەتتى: ”ءتۇزىم ماسەلەسى كوبىنەسە ءتۇبىرلى سيپات، جالپى جاعدايلىق سيپات، تۇراقتىلىق سيپات جانە ۇزاق ۋاقىتتىق سيپات الادى“. ”ءوز ەلىمىزدىڭ توپىراعىندا تامىر تارتقان، تولىق ءنار العان ءتۇزىم عانا ەڭ سەنىمدى ءارى ەڭ جارامدى بولادى“.

  جاڭا داۋىرگە قادام تاستاعاندا، ءبىز نازاردى جۇڭگوشا سوتسياليزم تۇزىمىنە تاباندى بولۋعا جانە ونى كەمەلدەندىرۋگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە شوعىرلاندىرىپ، امالياتتىق ىزدەنىس نەگىزىندە جوعارى دەڭگەيدە جوبالاۋ مەن ستراتەگيالىق ورنالاستىرۋدى كۇشەيتتىك، پارتيا مەن مەملەكەت ءتۇزىم قۇرىلىسىنىڭ ”قۇرىلىس چەرتوجى“ كەڭ قانات جايدى. پارتيانىڭ باسشىلىعى، حالىق قۇرىلتايى، ماركسيزمنىڭ يدەولوگيا سالاسىنداعى جەتەكشىلىك ورنىنا، پارتيانىڭ حالىق ارمياسىنا شارتسىز باسشىلىعىنا تاباندى بولۋ سياقتى ءتۇبىرلى تۇزىمدەردەن سوتسياليستىك نەگىزگى شارۋاشىلىق ءتۇزىمى، نەگىزگى ساياسي تۇزىمگە دەيىن، ونان تۇرلىشە سالالارداعى جاسامپازدىق سيپاتى، تىرەكتىلىك سيپاتى بار ماڭىزدى تۇزىمدەرگە دەيىن، جۇڭگوشا سوتسياليزم ءتۇزىمى جۇيەسىنىڭ جىكتەرى ايقىندالدى، جۇيەسى كەمەلدەندى، ءتۇرلى تۇزىمدەر اناعۇرلىم تولىسىپ، اناعۇرلىم تۇلعالانىپ، مەملەكەتتى جونگە سالۋ بارىسىندا وراسان زور ءتۇزىم ونىمدىلىگىن كۇن سايىن كورنەكتىلەندىردى.

  داعدارىس − ءتۇزىمنىڭ سىنتاسى. 100 جىلدا كەزدەسپەگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، پارتيا حالىققا جەتەكشىلىك ەتىپ، ءارقانداي بوداۋ بەرۋدەن تايىنباي ىندەتتىڭ تارالۋ جولىن ءۇزىپ، ءارقانداي بوداۋ بەرۋدەن تايىنباي ءومىردى شۇعىل قۇتقارىپ، تەك 3 اي اينالاسىنداعى ۋاقىتتا ۋحاندى قورعاۋ شايقاسىنىڭ، حۋبەيدى قورعاۋ شايقاسىنىڭ شەشۋشى جەتىستىگىنە قول جەتكىزىپ، ەڭ تەز جىلدامدىقپەن حاۋىپسىز دە ءونىمدى ۆاكسينا زەرتتەپ جاساپ، قىسىم وراسان زور بولعان جاعدايدا ەكونوميكانىڭ دامۋىنا، قوعامنىڭ ورنىقتىلىعىنا شىنايى كەپىلدىك ەتتى، سونداي - اق دۇنيە جۇزىندەگى ءارقايسى ەلدەردىڭ ىندەتكە قارسى اتتانۋىنا پارمەندى قولداۋ كورسەتتى. جۇڭگو جىلدامدىعىنىڭ، جۇڭگو كەرەمەتىنىڭ استارىندا حالىقتى بارىنەن جوعارى قويعان، ءومىردى بارىنەن جوعارى قويعان سوتسياليستىك قۇن ۇستانىمى، بەينەت پەن زەينەتتى بىرگە وتكەرەتىن، كۇشتى شوعىرلاندىرىپ ءىرى ءىس تىندىراتىن تۇزىمدىك ارتىقشىلىق، دۇنيە ءجۇزى حالقىنىڭ اماندىعى مەن ىرىس - قۇتىن كوكەيىنە قويعان ينتەرناتسيوناليزم رۋحى جاتىر!

  گەرمانيا ساياساتكەرى ەگەن كرەنتس بىلاي دەپ باعا بەردى: جۇڭگونىڭ وسى جولعى الەمدىك داعدارىسقا توتەپ بەرۋدەگى ءتاسىلى، ءادىسى سوتسياليزمنىڭ تۇزىمدىك ارتىقشىلىعىن ايگىلەدى. كاپيتاليستىك دۇنيەنىڭ كونە رەتسەبى قارسى الىنباي قالدى، سالماق كىندىگىندە اۋىتقۋ بولىپ جاتىر. ارگەنتينا وقىمىستىسى ماتوز رودريگەس بىلاي دەپ جازدى: وسى جولعى داعدارىس ەكى ءتۇرلى ۇستانىمنىڭ تارتىسىن تاعى ءبىر رەت كورنەكتىلەندىردى، بىرەۋى، كاپيتاليزم بولىپ، بارلىق قوعامدىق قاتىناستى تاۋارلاندىرادى، تۇتىنۋشىلىقتى، باسپايداشىلدىقتى، قاناۋ مەن قوعامدىق دارۆينيزمدى دارىپتەدى؛ ەندى ءبىرى، سوتسياليزم بولىپ، سالاماتتىق، وقۋ - اعارتۋ، مادەنيەت سياقتىلاردىڭ بازاردا ايىرباسقا سالۋعا بولاتىن تاۋار ەمەس ەكەندىگىن، قايتا حالىقتىڭ ۇقىق - مۇددەسى ەكەندىگىن دارىپتەدى.

  جۇڭگوشا سوتسياليستىك ءتۇزىم جاعدايىندا، جۇڭگو حالقى بۇرىن بولماعان دەموكراتيادان، ەركىندىكتەن جانە ادامدىق ۇقىقتان يگىلىكتەنىپ، بۇرىن بولماعان تابىس سەزىمىنە، باقىت سەزىمىنە، حاۋىپسىزدىك سەزىمىنە بولەندى. جۇڭگو ءتۇزىمى جانە جونگە سالۋ جۇيەسى − پارتيا مەن حالىق نە ءبىر جاپا - ماشاقاتتىڭ ءبارىن كورىپ، وراسان زور بوداۋ بەرىپ قول جەتكىزگەن ۇلى تابىس، ادامزاتتىڭ ءتۇزىم وركەنيەتى مەن ساياسي وركەنيەتىنىڭ دامۋ تاريحىنداعى وشپەس جاسامپازدىق بولىپ تابىلادى.

  (4)

  ”مادەنيەت سەنىمى − ءبىر مەملەكەتتىڭ، ءبىر ۇلتتىڭ دامۋىنداعى ەڭ نەگىزگى، ەڭ سالماقتى، ەڭ باياندى كۇش“. ول ارىدان جالعاسىپ كەلە جاتقان جۇڭحۋانىڭ تاڭداۋلى ءداستۇرلى مادەنيەتىنەن باستاۋ العان، پارتيا حالىققا باسشىلىق ەتىپ جاراتقان توڭكەرىستىك مادەنيەتپەن جانە سوتسياليستىك وزىق مادەنيەتپەن بىتە قايناسقان، جۇڭگوشا سوتسياليزمنىڭ ۇلى امالياتىنا تامىر تارتقان... 100 جىلدى باستان وتكەرىپ، جۇڭگوشا سوتسياليستىك مادەنيەت جۇڭگو كوممۋنيستىك پارتياسىنىڭ رۋحاني قان تامىرىنا ءسىڭىپ، سان ميلليونداعان جۇڭگولىقتىڭ رۋحاني قاسيەتىن ءاردايىم سومداپ كەلەدى.

  ۇزاقتان كەلە جاتقان وركەنيەت جالعاستىعى − ونىڭ گەنى. بيىل 3 - ايدىڭ 22 - كۇنى فۋجياندا قىزمەت تەكسەرگەن باس شۋجي شي جينپيڭ جۋشي باقشاسىنا كەلىپ، شىن ىقىلاسپەن تەرەڭ ماعىنادا بىلاي دەپ اتاپ كورسەتتى: ەگەر جۇڭحۋانىڭ 5000 جىلدىق وركەنيەتى بولماسا، جۇڭگوشا ەرەكشەلىك قايدان بولسىن؟ ەگەر جۇڭگوشا ەرەكشەلىك بولماسا، ءبىزدىڭ بۇگىنگى وسىنشاما تابىستى بولعان جۇڭگوشا سوتسياليزم جولىمىز قايدان بولسىن؟“ ۇرپاقتان - ۇرپاققا ۇزىلمەي جالعاسقان 5000 جىلدىق وركەنيەت الاۋى پارتيامىزعا قايىسپاس قايسارلىق پەن توزىمدىلىك بەردى؛ جۇڭحۋا مادەنيەتىنىڭ وزىنە ءتان قاسيەتى مەن ارتىقشىلىعى پارتيامىزعا قاراپايىم دا قايسار، قاجىرلىلىقپەن كۇرەسەتىن قىمباتتى قاسيەت بەردى؛ حۋاشيا اتا - بابالارىنىڭ الەمنىڭ ۇلى بىرلىگىنە ۇمتىلىسى مەن تالپىنىسى پارتيامىزعا ەل - جۇرتتى ويلايتىن، دۇنيە كوپكە ورتاق دەيتىن دارقان پەيىل بەردى. ادامزات يدەياسىنىڭ جاۋھارىن ۇيىتقان ماركسيزم بايىرعى حۋاشيا وركەنيەتىن جالىندى تىنىس بەردى؛ تاريحتا ەشقاشان ءۇزىلىس جاساپ كورمەگەن بىردەن - ءبىر ۇلى وركەنيەت تە ماركسيزمنىڭ جۇڭگوداعى دامۋىنا مول ءنار جانە مىعىم قوزعاۋشى كۇش قوستى.

  قايىسپاس قايسار توڭكەرىستىك رۋح − ونىڭ وزىندىك قاسيەتى. 100 جىلدان بەرى پارتيامىزدىڭ حالىققا باسشىلىق ەتىپ تىڭعا تۇرەن سالۋ، تۇبەگەيلى وزگەرىس تۋدىرۋ، جويقىن بۇرىلىس اكەلۋ بارىسىندا، تاريح بەتىنەن وشپەستەي ۇلى تابىستى جازىپ قالماستان، ونىڭ ۇستىنە جىر ەتەرلىك، ماڭگى وشپەس ۇلى رۋحتى قالىپتاستىردى. شاڭحايدىڭ شيڭيە جولىنداعى شىكۋمىن، جياشيڭنىڭ نانحۋىنداعى قىزىل قايىق، جيڭگاڭشاننىڭ باۋرايىنداعى باجياۋلوۋ، ۇزاق جورىق جولىنداعى دادۋچياۋ كوپىرى، داچيڭ مۇناي الابىنداعى العاشقى مۇناي قۇدىعى، قۇبا ءتۇز قويناۋىنداعى ”ەكى بومبى، ءبىر جاساندى سەرىك“ عىلمي زەرتتەۋ بازاسى، شىنجىنداعى ليانحۋاشان، جيڭجياڭ ۇلكەن توسپاسىنداعى تاسقىنعا قارسى اتتانۋ ەسكەرتكىشى، ۋىنچۋان جەر سىلكىنىسىنەن كەيىن سالىنعان جاڭا قالا، كونە بەت - بەينەسى جاڭارعان شياڭشي شىبادۇڭ قىستاعى... الدەقاشان جۇڭگو مەن شەتەلگە تانىمالى جاعراپيالىق بەلگى بولىپ قالماستان، ونان دا ماڭىزدىسى، جۇڭحۋا ۇلتىنىڭ مەشەۋلىككە مويىنسال بولمايتىن، قايىسپاي كۇرەس جاسايتىن رۋحاني بەلگىسىنە اينالدى. ءاربىر داۋىلدى نوسەر كەلگەندە، ءار جولى سىن - سايىسقا ءدوپ كەلگەندە، جۇڭگو حالقى تۇگەلدەي رۋحاني ساپارىندا سەنىمدى بەكەمدەپ، قايراتقا ءمىنىپ، ەل بىرلىگىنەن بەرىك قامال تۇرعىزاتىن، العان بەتىنەن قايتپايتىن تەلەگەي ۇلى كۇش ۇيىستىرىپ كەلەدى.

  سوتسياليزم زاتتىق وندىرگىش كۇشتى جوعارىلاتىپ قالماستان، رۋحاني وندىرگىش كۇشتى دە جوعارىلاتۋى كەرەك، وسىزامانداندىرۋدى جۇزەگە اسىرۋدىڭ ماڭىزدى ءبىر نىساناسى سوتسياليستىك مادەنيەتتە قۇدىرەتتى ەل قۇرۋ. جاڭا داۋىردەگى جۇڭگودا پارتيانىڭ جاسامپاز نازارياسى جۇرت جۇرەگىنە تەرەڭ ۇيالاپ، سوتسياليستىك وزەكتى قۇن كوزقاراسى كەڭىنەن اسقاقتاتىلىپ، مادەنيەت ءتۇزىلىسى رەفورماسى تىڭعىلىقتى ىلگەرىلەتىلىپ، مادەنيەت ىستەرى، كاسىپ سالالارى قارىشتاي دامىپ، وركەنيەت گۇلى بارلىق جەردە قۇلپىردى. «مەن جانە مەنىڭ وتانىم»، «مەن جانە مەنىڭ مەكەنىم» سياقتى كينولار وتباسى - وتان سۇيىسپەنشىلىگىن بايانداۋدا، «ويانعان جىلدار»، «يالۋجياڭنان ءوتۋ»، «شانحايچيڭ» سياقتى تەلەحيكايالار حالىقتىڭ جۇرەك قىلىن شەرتۋدە، «اۋەلگى ماقساتتى ۇمىتپاۋ»، «شۇعىلا شاشقان جۇڭحۋا»، «يمىڭشان»، «دارقان دالا جىرى» سياقتى نەگىزگى تاقىرىپتىق تۋىندىلار ءداۋىر اۋەنىن اسقاقتاتۋدا، ءتىپتى اناۋ ءبىر - بىرلەگەن ۇلانمۇچۇرلار شەكارا ءوڭىر ساحاراسىن دۋمانداتتى، ءبىر - بىرلەگەن ادەبيەت - كوركەمونەر ەرىكتىلەر شاعىن اترەتتەرى زاۆودتارعا، ەگىنجايلارعا تامىر تارتىپ، ءبىر - بىرلەگەن تۋىندىلار مەملەكەت قاقپاسىنان شىعىپ، دۇنيە جۇزىنە بەت الدى... وسىنىڭ ءبارى جان تەبىرەنتەر ءداۋىر ريتىمىن، دۇنيە ءجۇزىن اسەرلەندىرگەن جۇڭگو سيمفونياسىن قالىپتاستىردى.

  بۇل حالىق ارىنداي العا تارتقان جۇڭگو، بۇل مادەنيەت گۇلدەنىپ - كوركەيگەن جۇڭگو. جۇڭگوشا سوتسياليستىك مادەنيەت جاڭا داۋىردە جۇڭگونىڭ دۇنيە ءجۇزى ۇلتتارى اراسىندا قاسقايىپ تۇرۋىنداعى رۋحاني تىرەگىنە اينالدى، جۇڭحۋا ۇلتىنىڭ ادامزاتقا قوسقان وركەنيەت اسىلىنا اينالدى!500 جىلدان بەرى ادامزاتتىڭ سوتسياليزمگە تالپىنۋ جولىندا حوش ءيىستى گۇل دە، قالىڭ تىكەن دە بولدى. 100 جىلدان بەرى جۇڭگولىقتار سوتسياليزمگە تالپىنۋ بارىسىندا داڭق پەن ارمان شۇعىلا شاشتى، سونداي - اق كۇرەس پەن قۇرباندىققا دا تولى بولدى، ۇلى جۇڭگو كوممۋنيستىك پارتياسى مەن قاھارمان جۇڭگو حالقى ەشقاشان شەگىنبەدى، مۇلدە اۋىتقىمادى. تاريح جۇڭگونىڭ سوتسياليزمنىڭ ۇمىتىنەن شىققاندىعىن تالاسىسىز دالەلدەدى!

  بولاشاققا بەت العاندا، جۇڭگو، ءسوز جوق، ادامزات وركەنيەتىنىڭ العا باسۋى ءۇشىن، دۇنيە ءجۇزى سوتسياليزمىنىڭ دامۋى ءۇشىن اناعۇرلىم زور ۇلەس قوسىپ، وسى ءادىل دە بولاشاققا تولى ءىستى ونان ارى كوز تارتارلىقتاي شۇعىلا شاشتىرادى!

  (شينحۋا اگەنتتىگىنىڭ 6 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى قۇرىلعاننان كەيىن 1949 - جىلى 12 - ايدا العاشقى توپتا پارتياعا مۇشە قابىلدادى. بۇل العاشقى توپ پارتيا مۇشەلەرىن تىزىمدەۋ داپتەرى. ماتەريال سۋرەت