جاۋ لىجي شاندۇڭدا تەكسەرۋ - زەرتتەۋ جۇرگىزگەندە مىنانى دارىپتەدى
شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدى تەرەڭدەتىپ، اناعۇرلىم كوپ تۇزىمدىك جەتىستىككە جانە اناعۇرلىم زور جونگە سالۋ ونىمدىلىگىنە قول جەتكىزۋگە قۇلشىنۋ كەرەك
2021.06.09 16:16 كەلۋ قاينارى : حالىق تورابى
«حالىق گازەتى»، 6 – ايدىڭ 8 – كۇنى، جينان. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي 6 – ايدىڭ 6 – كۇنىنەن 8 - كۇنىنە دەيىن شاندۇڭعا بارىپ تەكسەرۋ - زەرتتەۋ جۇرگىزدى. ول مىنالاردى دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ورتالىق ءتارتىپ تەكسەرۋ كوميتەتىنىڭ بەسىنشى جالپى ءماجىلىسىنىڭ ورنالاستىرۋلارىن مۇقيات تياناقتاندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدى ۇزدىكسىز تەرەڭدەتىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپاسىن شىنايى جوعارىلاتىپ، وسىزامانداندىرۋ قۇرىلىسىنىڭ جالپى جاعدايىن ارقاۋ ەتىپ، اتقارۋدى باقىلاۋ، قامتاماسىز ەتۋ، دامۋدى جەبەۋ، كەمەلدەندىرۋ رولىن اناعۇرلىم ويداعىداي ساۋلەلەندىرۋ كەرەك.
جاۋ لىجي ىلگەرىندى - كەيىندى دۇڭيىڭ قالاسى جەڭىس مۇناي ينجەنەرياسى سەرىكتەستىگىنە، شوۋگۋاڭ قالاسى يۇيجياحى قىستاعىنا، جينان قالاسى جۇڭگو اۋىر تۇرپاتتى اۆتوموبيل توبى شەكتى سەرىكتەستىگىنە بارىپ، سەحتاردى، شارۋا وتباسىلارىن، كوكونىس جىلىجايىن ارالاپ، نەگىزگى ساتى كادرلارىمەن جانە جۇمىسشى - قىزمەتكەرلەرمەن، بۇقارامەن اڭگىمەلەسىپ، ءوندىرىس، تۇرمىس جاعدايىن ۇعىسىپ، پارتيا ستيلى، پاكتىك قۇرىلىسى جونىندەگى ۇسىنىس - پىكىرلەردى تىڭدادى. ول مىنالاردى اتاپ كورسەتتى: ستيل ماسەلەسىنىڭ توڭمويىندىق، قايتالانۋشىلىق سيپاتى بار، ونى شەشۋدە ءبىر جاعىنان ۇيىمنىڭ ىلگەرىلەتۋىنە سۇيەنۋ، تاعى ءبىر جاعىنان بۇقارانىڭ باقىلاۋىنا سۇيەنۋ، بۇقارانىڭ باقىلاۋ رولىن ساۋلەلەندىرۋگە دەن قويۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى قىزمەت جاۋاپكەرلىگىن مۇقيات اتقارىپ، قاتاڭ نەگىزگى اۋەننەن جازباي، ورتالىقتىڭ «8 ءتۇرلى بەلگىلەمەسىنىڭ» رۋحىن تياناقتاندىرۋدى، «4 ءتۇرلى بۇرىس ستيلدى» تۇزەتۋدى ۇزدىكسىز ىشكەرىلەي يگەرۋى، بۇرىس ستيلدەردىڭ قايتا باس كوتەرۋىنە استە جول بەرمەۋى كەرەك. قايتا - قايتا تۋىلعان ماسەلەلەرگە ىشكەرىلەي تالداۋ جاساپ، ءتۇيىندى ءداپ باسىپ تاۋىپ، قاتىستى جاقتاردىڭ ءتۇزىم مەحانيزمى جاعىنان ارناعا ءتۇسۋىن ىلگەرىلەتىپ، جان - جاقتىلى جونگە سالۋدى، جۇيەلى جونگە سالۋدى، تۋ باستان جونگە سالۋدى جەبەۋ كەرەك. دەلونى اشۋ مەن دەلو تۇرعىزۋعا بىردەي ءمان بەرىپ، تۇزەتۋ جانە جاقسى ونەگە قالىپتاستىرۋ شارالارىن قاتار قولدانىپ، پارتيا مۇشەلەرىن، كادرلاردى پارتيانىڭ داڭقتى ءداستۇرى مەن تاڭداۋلى ستيلىن ساۋلەلەندىرىپ، قاجىرلىلىقپەن كۇرەس جۇرگىزۋ، ۇقىپتى، ۇنەمشىل بولۋ قاسيەتىن ساقتاپ، راقاتقۇمارلىققا، استا - توك ىسىراپشىلدىققا قارسى تۇرۋعا تاربيەلەۋ، جەتەكتەۋ كەرەك.
تەكسەرۋ - زەرتتەۋ كەزىندە جاۋ لىجي ولكەلىك ءتارتىپ تەكسەرۋ كوميتەتىنە، باقىلاۋ - تەكسەرۋ كوميتەتىنە، ولكەلىك پارتكومنىڭ شارلاۋ كەڭسەسىنە بارىپ، ورگان كادرلارىنان حال سۇراپ، قىزمەتتىڭ ىلگەرىلەۋ جاعدايىن ۇعىستى ءارى اڭگىمە ءماجىلىسىن باسقارىپ اشتى. ول مىنالاردى دارىپتەدى: باس شۋجي شي جينپيڭنىڭ «پارتيا ستيلى، پاكتىك قۇرىلىسىن باستان - اياق ويداعىداي يگەرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدى تەرەڭدەتىپ، اناعۇرلىم كوپ تۇزىمدىك جەتىستىككە جانە اناعۇرلىم زور جونگە سالۋ ونىمدىلىگىنە قول جەتكىزۋگە قۇلشىنۋ» سىندى ماڭىزدى تالابى جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنە ماڭىزدى جاۋاپكەرلىك، بورىش جۇكتەپ، «ءۇشتى ىستەمەۋدى» ءبىر تۇلعادا ىلگەرىلەتۋ نىساناسى مەن بەتالىسىن اناعۇرلىم ايقىن كورسەتتى. ءتارتىپ تەكسەرۋ، باقىلاۋ - تەكسەرۋ ورگاندارى جۇيە كوزقاراسىن كۇشەيتىپ، «ءۇشتى ىستەمەۋدى» ءبىر تۇلعالادا ىلگەرىلەتۋ باعىتىن ستيلدى دۇرىستاپ، ءتارتىپتى قاتايتىپ، جەمقورلىققا قارسى تۇرۋدىڭ تۇتاس بارىسىندا، ءار جاعىندا جاپپاي دايەكتىلەندىرىپ، ساياسي ونىمدىلىكتى، ءتارتىپ پەن زاڭنىڭ ونىمدىلىگىن، قوعامدىق ونىمدىلىكتى شىن مانىندە كۇشەيتۋى كەرەك. باقىلاۋ - تەكسەرۋدىڭ، شارلاۋ - تەكسەرۋدىڭ جەتىستىكتەرى مەن تاجىريبەلەرىنەن پايدالانۋعا ءمان بەرىپ، دەلو ارقىلى وزگەرتۋدى جەبەۋدى، دەلو ارقىلى جونگە سالۋدى جەبەۋدى كۇش سالا نىعايتىپ، «ءۇشتى ىستەمەۋدى» ءبىر تۇلعادا ىلگەرىلەتىپ جونگە سالۋدىڭ ونىمدىلىگىن ۇزدىكسىز جوعارىلاتۋ كەرەك. پارتيا ورتالىق كوميتەتىنىڭ كەزەك اۋىستىرۋ قىزمەتى جونىندەگى تالابىن مۇقيات تياناقتاندىرىپ، فۋنكتسيانى، قىزمەت جاۋاپكەرلىگىن تياناق ەتىپ، كەزەك اۋىستىرۋ ءتارتىبىن قاتايتىپ، كەزەك اۋىستىرۋ سالتىن قاتايتىپ، پاكتىك وتكەلىن ءتۇيىندى تۇردە ويداعىداي يگەرىپ، داۋىس جيۋ، پارا بەرىپ سايلاۋ سياقتى ارەكەتتەردى باتىل تەكسەرىپ ءبىر جاقتى ەتىپ، كەزەك اۋىستىرۋدىڭ ستيلى پاك، سالتى دۇرىس بولۋىنا كەپىلدىك ەتۋ كەرەك.
جاۋ لىجي تاعى جينان شايقاسى ەسكەرتكىش سارايىن قۇرمەتپەن كورىپ، مىنانى دارىپتەدى: ءتارتىپ تەكسەرۋ، باقىلاۋ - تەكسەرۋ كادرلارى پارتيا تاريحىن ۇيرەنۋ تاربيەسىندە قىزمەت جاۋاپكەرلىگىن شىنايى ارقالاپ، ءتارتىپ تەكسەرۋ كوميتەتى پارتيانىڭ 100 جىلدىق كۇرەسى بارىسىندا ارقالاعان جاۋاپكەرلىك پەن بورىشتى جەتە ءتۇسىنىپ، يگەرىپ، پارتكومنىڭ پارتيانى باسقارۋىنا، پارتيانى جونگە سالۋىنا كومەكتەسۋدەگى باعالى تاجىريبەلەردى ىشكەرىلەي قورىتىندىلاپ جانە ودان پايدالانىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىن تىڭعىلىقتى ىلگەرىلەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
