شينجياڭ ورمان شارۋاشىلىعىنىڭ دامۋى ”جاسىلدىقتى، بايلىقتى، كوركەمدىكتى“ جۇزەگە اسىردى
انار بۇلت / شينجياڭ گازەتىنىڭ ءتىلشىسى ساۋ حۋا
2021.06.09 16:17 كەلۋ قاينارى : شينجياڭ گازەتى
ۇشى - قيىرسىز قۇبا ءتۇزدىڭ، كەڭ كوسىلگەن ءشول دالانىڭ جيەگىندە جاسىل القاپ جۇلدىزداي جامىراپ جاتىر. بۇل جاسىل القاپ العاشقى كوكتەمدەگىدەي ءبۇر جارىپ، قۇمدى بوراننان تايسالماي، شىجىعان ىستىققا مويىماي، يەن دالادا قايسارلىقپەن ءوسىپ، شينجياڭ سىندى وسىناۋ بايتاق دالادا تۇرمىس كەشىرىپ جاتقان ءار ۇلت حالقىنا يگىلىك جەتكىزۋدە.
پارتيا 18 - قۇرىلتايىنان بەرى مەملەكەتتىڭ زور كۇشپەن قولداۋىندا، شينجياڭنىڭ ورمان شارۋاشىلىعىندا ومىرشەڭدىك قاۋلاپ، تاۋى جاسىل، ورمانى جايقالعان، اۋىل شارۋاشىلىعى قوردالى باياندى دامۋ جولىمەن ءجۇرىپ، جاسىل دامۋدىڭ اسەم كارتيناسىن سالدى.
جاسىل ەكولوگيالىق قالتقىنى بەرىك ورناتتى
5 - ايدا تارىم وزەنىنىڭ ەكى جاعالاۋىندا ۇشاقتار كەڭىستىكتە ورتانى قورعاۋ، زياندى جاندىكتەردى جويۋ ءدارىسىن شاشىپ، نەشە ميلليون مۋ توراڭعى ورمانىن دەرت - دەربەزدىڭ، زياندى جاندىكتەردىڭ زيانداۋىنان ساقتادى.
تارىم وزەنى جاعالاۋىندا 15 ميلليون مۋ توراڭعى ورمانى بار. 2016 - جىلى شينجياڭ تارىم وزەنى اعارىنداعى توراڭعى ورمانىن ارناۋلى قورعاۋ ارەكەتىن باستادى، 2019 - جىلى تاعى تارىم وزەنى اعارىنداعى توراڭعى ورمانىن قۇتقارۋ ارەكەتىن اتقارىپ، تارىم وزەنى اعارىنداعى تۇياق كەستى بولعان توراڭعى ورمانىن ءونىمدى قالپىنا كەلتىردى.
ورمان ادامزاتتىڭ سۇيەنىپ تىرشىلىك ەتۋىندەگى جانە دامۋىنداعى ءۇش ۇلكەن ەكولوگيالىق جۇيەنىڭ ءبىرى. قۋاڭشىلىق، جاۋىن - شاشىن از، ەكولوگيالىق ورتاسى ءالسىز شينجياڭ جونىنەن ورمان بايلىعى اسا قىمباتتى.
شينجياڭنىڭ تابيعي ورمان بايلىعىن ويداعىداي قورعاۋ ءۇشىن، 1998 - جىلى مەملەكەت شينجياڭدا تابيعي ورماندى قورعاۋ ينجەنەريا سىناق ءتۇيىنىن باستادى، 2005 - جىلى شينجياڭ تابيعي ورماندى تاۋار سيپاتتى كەسۋدى جالپى بەتتىك توقتاتتى. تابيعي ورماندى قورعاۋ ينجەنەرياسىن اتقارعان 22 جىلدا شينجياڭ قۇرىلىس جۇرگىزۋ جانە قارجى قوسۋ سەرپىنىن ۇزدىكسىز ارتتىرىپ، جيىنى 5 ميلليارد 870 ميلليون يۋان قارجى قوسىپ، تابيعي ورماندى ءونىمدى قورعادى، تاماشا ەكولوگيالىق جۇيە مەن مول ورمان بايلىعى جاسىل ەكولوگيالىق قالتقىعا اينالىپ قانا قالماي، ساياحات شارۋاشىلىعىنىڭ دامۋىنا دا مىعىم نەگىز قالادى.
قازىر شينجياڭداعى ورمان اۋماعى 120 ميلليون مۋعا جەتەدى، ورمان اۋماعى مەن ساقتالۋ مولشەرى وتكەن 5 جىلداعىدان جەكە - جەكە 3 ميلليون 768 مىڭ مۋعا جانە 35 ميلليون تەكشەمەترگە ارتىپ، ورمانمەن كومكەرىلۋ مولشەرى 5 جىلدىڭ الدىنداعى ％4.7تەن قازىرگى ％5.02كە جوعارىلادى.
بۇگىنگى كۇنى تارىم وزەنىنىڭ ەكى جاعالاۋىنان تيانشان تاۋىنىڭ، التاي تاۋىنىڭ، كۇنلۇن تاۋىنىڭ قويناۋىنا دەيىن شينجياڭدا تۇگەلدەي كەمەلدى تابيعي ورماندى قورعاۋ - باپتاۋ جۇيەسى ورناتىلدى، 50 مىڭعا جۋىق ەكولوگيالىق ورمان قورعاۋشى جانە جايلىم باسقارۋ - باپتاۋشى ورمان، سازدىق، جايلىم سىندى ەكولوگيانى قورعاۋدىڭ ءبىرىنشى شەبىندە بەلسەنە جۇمىس جاساپ، بەرىك جاسىل قالتقى ورناتتى.
ورمان شارۋاشىلىعىنىڭ دامۋ ومىرشەڭدىگىن قاۋلاتتى
ورمان شارۋاشىلىعى ماڭىزدى الەۋمەتتىك يگىلىك ءىسى جانە نەگىزدىك كاسىپ سالاسى، ەكولوگيالىق قۇرىلىس جانە ورمان ونىمدەرىمەن قامداۋ ماڭىزدى مىندەتىن ارقالاپ وتىر.
تيانشان تاۋىنىڭ ورتا بولىگىندەگى شيحۋ فوشان مەملەكەتتىك ورمان باقشاسىنىڭ اۋاسى تازا، كورىنىسى كوركەم، ساياحاتشىلار ونى ”تابيعي وتتەگى قامباسى“ دەپ القايدى. بۇل باقشا بۇرىن شيحۋ ورمان الاڭى ەدى، كەيىن شينجياڭنىڭ تابيعي ورمانىن قورعاۋ ينجەنەرياسىنىڭ اتقارىلۋىنا ساي، شيحۋ ورمان الاڭى اعاش ماتەريالدارىن كەسۋدەن ورمان بايلىعىن قورعاۋعا قاراي بۇرىلىس جاساپ، 10 جىل ۋاقىتتا 120 مىڭ مۋ ورمان ءوسىرۋدى ورىندادى، ورمانمەن كومكەرىلۋ مولشەرى تابيعي ورماندى قورعاۋ ينجەنەرياسى اتقارىلۋدان بۇرىنعى ％18تەن قازىرگى ％28.7كە جوعارىلاپ، وزەكتى كورىنىس ءوڭىرىنىڭ ورمانمەن كومكەرىلۋ مولشەرى ％70تەن اسىپ، ەكولوگيالىق ورتاسى ەرەكشە جاقسارىپ، كوپتەگەن ساياحاتشىلاردى باۋرادى.
شيحۋ فوشان مەملەكەتتىك ورمان باقشاسىنىڭ دامۋ ءۇردىسى شينجياڭنىڭ ورمان شارۋاشىلىعىنىڭ دامۋعا قاراي بۇرىلىس جاساعاندىعىنىڭ ىقشام كورىنىسى. سوڭعى جىلدارى مەملەكەت مەنشىگىندەگى ورمان الاڭى رەفورماسىن تەرەڭدەتۋ، ورمان بايلىعىن قورعاۋ جاۋاپكەرشىلىك ءتۇزىمىن اقاۋسىزداندىرۋ، عىلمي، قاتاڭ بولعان مەملەكەت مەنشىگىندەگى ورمان بايلىعىن باقىلاۋ - قورعاۋ مەحانيزمىن ورناتۋ، اقاۋسىزداندىرۋ سياقتىلار ارقىلى شينجياڭنىڭ ورمان شارۋاشىلىعى اقاۋسىز دامۋ جولىنا ءتۇسىپ، دامۋ ومىرشەڭدىگى ۇزدىكسىز قاۋلادى.
بۇقارانى كىرىستەرىن ارتتىرىپ بايۋعا جەتەكتەدى
تاۋى جاسىل، سۋى تۇنىق تابيعي ەكولوگيا قالىپتاستىرۋمەن بىرگە، شينجياڭنىڭ ورمان شارۋاشىلىعىنىڭ دامۋى ءار ۇلت بۇقاراسىن كىرىستى ارتتىرىپ، بايۋعا جەتەكتەدى.
قازىر جۇڭگوداعى كىشكەنە اق ورىك مەكەنى − كۇشار قالاسىندا، جەرگىلىكتى ورىننىڭ 100 مىڭ مۋ جەرگە ەككەن كىشكەنە اق ورىگى پىسىپ، ءۇزۋ مەزگىلىنە جەتىپ، بۇكىل ەلدىڭ جەر - جەرىندەگى ساۋداگەرلەردى كەلىپ ساتىپ الۋعا باۋرادى، كۇنىنە 200 نەشە توننا كىشكەنە اق ورىك بۇكىل ەلدىڭ جەر - جەرىنە جونەلتىلدى.
2014 - جىلى كۇشار كىشكەنە اق ورىگى ”مەملەكەتتىك اۋىل شارۋاشىلىعى ونىمدەرىنىڭ جاعراپيالىق بەلگى سىپاتتاماسى“ بەلگىسىنە يە بولىپ، كۇشار قالاسىنىڭ ورىك شارۋاشىلىعىن زور كۇشپەن دامىتۋىنا وراي اكەلدى. ءار جىلى قىرۋار جاس ورىك جانە كەپتىرىلگەن ورىك سياقتى ونىمدەر بۇكىل ەلدىڭ جەر - جەرىنە ساتىلىپ، ورىك شارۋاشىلىعى كۇشار قالاسىنداعى شارۋالاردىڭ كىرىس ارتتىرۋىنا دەم بەرەتىن ماڭىزدى كاسىپ سالاسىنا اينالدى.
شينجياڭ ەجەلدەن ”جەمىس - جيدەك مەكەنى“ دەگەن داڭقتى اتقا يە. 2000 - جىلدان باستاپ شينجياڭ جەمىس ورمان شارۋاشىلىعىنىڭ دامۋىن زور كۇشپەن ىلگەرىلەتتى. 20 نەشە جىلدان بەرى شينجياڭدا جەمىس ورمانى ەگىلگەن جەر اۋدانى 3 ميلليون 800 مىڭ مۋدان قازىرگى 22 ميلليون مۋعا جەتىپ، بۇكىل ەلدەگى جەمىس ورمانى ەگىلگەن جەر اۋدانىنىڭ ％13ىن يەلەپ، بۇكىل ەل بويىنشا جەمىس ورمانى نەگىزگى ءوندىرىس رايونىنا اينالدى.
سوڭعى جىلدارى شينجياڭ ەرەكشە جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ ارەكەتىن كۇش سالا اتقاردى، جەمىس ورمانى شارۋاشىلىعى ”سانعا“ ءمان بەرۋدەن ”ساپانى“ جوعارىلاتۋعا قاراي بۇرىلىس جاساپ، كاسىپ سالاسى ساتىلار بويىنشا قارىشتاپ دامۋدى جۇزەگە اسىردى. ساندى مالىمەتتە كورسەتىلۋىنشە، جەمىس ورمانى كىرىسى بۇكىل شينجياڭداعى شارۋالاردىڭ جان باسىندىق ورتاشا تازا كىرىسىنىڭ ％25 مولشەرىن يەلەيدى ەكەن.
شۇعىلالى بارىستى باستان وتكەرىپ، تىڭ باستامادا تۇرعان شينجياڭنىڭ ورمان، جايلىم شارۋاشىلىعى، ءتىپتى، زور دامۋعا ازىرلەنۋدە: 2025 - جىلى بۇكىل رايوننىڭ ورمانمەن كومكەرىلۋ مولشەرى ونان ارى جوعارىلاپ، ورمان، ءشوپ، جامىلعىمەن كومكەرىلۋ مولشەرى مەن ساپاسى كورنەكتى جوعارىلاپ، مەملەكەتتىك باقشانى نەگىزگى تۇلعا ەتكەن جاراتىلىستىق قورىق ءوڭىرى جۇيەسى نەگىزىنەن قالىپتاسادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
