حالىق قۇرىلتايى تۇراقتى كوميتەتىنىڭ 29 - رەتكى ءماجىلىسى حاينان ەركىن ساۋدا پورتى زاڭى جوباسى، ءوندىرىس حاۋىپسىزدىگى زاڭىنا وزگەرىس ەنگىزۋ جوباسى، ماركا سالىعى زاڭى جوباسى، شەتەلدىڭ جازالاۋىنا قارسى تۇرۋ زاڭى جوباسى سياقتىلاردى گرۋپپالارعا ءبولىنىپ قارادى
لي جانشۋ قاراۋعا قاتىناستى
2021.06.09 16:20 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 8 - كۇنى، بەيجيڭ. مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 29 – رەتكى ءماجىلىسى 6 - ايدىڭ 8 - كۇنى تۇستەن بۇرىن گرۋپپالار ءماجىلىسىن اشىپ، حاينان ەركىن ساۋدا پورتى زاڭى جوباسى، ءوندىرىس حاۋىپسىزدىگى زاڭىنا وزگەرىس ەنگىزۋ جوباسى، ماركا سالىعى زاڭى جوباسى، شەتەلدىڭ جازالاۋىنا قارسى تۇرۋ زاڭى جوباسى سياقتىلاردى قارادى. كوميتەت باستىعى لي جانشۋ قاراۋعا قاتىناستى.
ماجىلىسكە قاتىناسقان مەملەكەتتىك حالىق قۇرىلتايى تۇراقتى كوميتەتىنىڭ قۇرامىنداعىلار، مەملەكەتتىك حالىق قۇرىلتايى ارناۋلى كوميتەتتەرىنىڭ قۇرامىنداعىلار، مەملەكەتتىك حالىق قۇرىلتايىنىڭ ۋاكىلدەرى بىلاي دەپ قارادى: حاينان ەركىن ساۋدا پورتى زاڭى جوباسىندا پارتيا ورتالىق كوميتەتىنىڭ شەشىم، ورنالاستىرۋلارى دايەكتى تياناقتاندىرىلعان، حاينان ەركىن ساۋدا پورتىنىڭ قۇرىلىسىن دامىتۋ مەملەكەتتىڭ زاڭ شىعارۋ تۇرعىسىنان ماڭىزدى زاڭدىق كەپىلمەن قامدالعان، زاڭ شىعارۋ وي جەلىسى مەن نەگىزگى تۇزىمدەرى پارتيا ورتالىق كوميتەتىنىڭ حاينان ەركىن ساۋدا پورتى قۇرىلىسى جونىندەگى تالابىنا ۇيلەسەدى، ورنى ايقىن، جۇلگەسى ۇيلەسىمدى، مازمۇنى جان - جاقتى، ءىس جۇزىندىككە ۇيلەسەدى، حاينان ەركىن ساۋدا پورتى قۇرىلىسىنىڭ دامۋىندا ماڭىزدى جەبەۋ جانە قامتاماسىزداندىرۋ رولىن اتقارادى، وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتەمىز.
ءوندىرىس حاۋىپسىزدىگى زاڭىنا وزگەرىس ەنگىزۋ جوباسى جونىندە ماجىلىسكە قاتىناسقاندار جاپپاي بىلاي دەپ قارادى: جوبادا ءوندىرىس حاۋىپسىزدىگىنىڭ جەتەكشى يدەياسى، ءوندىرىس - تيجارات ورىندارىنىڭ نەگىزگى تۇلعالىق جاۋاپكەرلىگى، ۇكىمەت تاراۋلارىنىڭ باقىلاۋ - باسقارۋ مىندەتى، زاڭعا قايشى ارەكەتتەردى جازالاۋ سياقتى جاقتاردا ءبىرقىدىرۋ بەلگىلەمە قوسىلدى، زاڭعا وزگەرىس ەنگىزۋ ءدال ۋاعىندا بولدى. وزگەرىس ەنگىزۋ، كەمەلدەندىرۋ ارقىلى جوبانىڭ مازمۇنى اناعۇرلىم ۇيلەسىمدى بولدى، جارامدىلىعى نىعايدى، وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتەمىز. زاڭنىڭ اتقارىلۋى دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋعا ءتيىمدى بولىپ، ءوندىرىس حاۋىپسىزدىگى قىزمەتىن ىشكەرىلەي ىلگەرىلەتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن زاڭمەن جونگە سالۋ جاعىنان پارمەندى قامتاماسىز ەتەدى.
ماركا سالىعى زاڭىنىڭ جوباسى جونىندە ماجىلىسكە قاتىناسقاندار جاپپاي بىلاي دەپ قارادى: زاڭدا بەلگىلەنگەن سالىق جيناۋ پرينسيپتەرىن تياناقتاندىرۋ ءۇشىن، جوبادا اتقارىلعانىنا كوپ جىل بولعان ماركا سالىعى جونىندەگى ۋاقىتتىق ەرەجە مەن باعالى قاعاز ساۋداسىنىڭ ماركا سالىعى جونىندەگى قاتىستى بەلگىلەمەلەر زاڭ دەڭگەيىنە كوتەرىلدى، جالپى تۇلعالىق جاقتان قازىرگى سالىق ءتۇزىمى جۇلگەسى وزگەرمەدى، سونىمەن بىرگە، ءىس جۇزىندىك جاعدايعا قاراي ءىشىنارا بەلگىلەمەلەرگە قاجەتتى رەتتەۋ جۇرگىزىلىپ، سالىق تۇرلەرى لايىقتى ىقشامدالىپ، سالىق مولشەرى تومەندەتىلدى. قاراپ وزگەرىس ەنگىزۋ ارقىلى جوبا ءبىرشاما پىسىپ – جەتىلدى، وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتەمىز.
شەتەلدىڭ جازالاۋىنا قارسى تۇرۋ زاڭى جوباسى جونىندە ماجىلىسكە قاتىناسقاندار جاپپاي بىلاي دەپ قارادى: مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاۋ، زورەكەرلىك پەن وكتەم ساياسيعا قارسى تۇرۋ ءۇشىن، شەتەلدىڭ جازالاۋىنا قارسى تۇرۋ زاڭىن جاساۋ توتەنشە قاجەتتى، بۇل جازالاۋعا، كيلىگۋگە، قول سۇعۋعا قارسى تۇرۋداعى زاڭ «قۇرال – سايمان ساندىعىن» تولىقتىرۋعا، بايىتۋعا ءتيىمدى، ەلىمىزدىڭ شەتەلدىڭ كەمسىتۋ سيپاتتى شارالارىنا زاڭ بويىنشا قارسى تۇرۋىن زاڭمەن جونگە سالۋ جاعىنان پارمەندى قامتاماسىز ەتەدى. ماجىلىسكە قاتىناسقاندار وسى زاڭدى جاساۋدى جاپپاي قۇپتاپ، وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتتى.
ماجىلىسكە قاتىناسقاندار تاعى ساندى مالىمەت حاۋىپسىزدىگى زاڭى جوباسى، اسكەريلەردىڭ ورنى جانە ۇقىق - مۇددەسىن قامتاماسىزداندىرۋ زاڭى جوباسى، اسكەري قۇرىلعىلاردى قورعاۋ زاڭىنا وزگەرىس ەنگىزۋ جوباسى، شاڭحاي قالالىق حالىق قۇرىلتايى مەن ونىڭ تۇراقتى كوميتەتىنىڭ پۋدۇڭ جاڭا رايونىنىڭ زاڭ - ەرەجەلەرىن جاساۋ جونىندەگى قاۋلى جوباسى سياقتىلاردى قارادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
