حان جىڭ مەملەكەتتىك استىق جانە زات زاپاسى مەكەمەسى اڭگىمە ءماجىلىسىن باسقارىپ اشقاندا مىنانى دارىپتەدى
استىق جانە زات زاپاسى ىستەرىن رەفورما جاساۋ نەگىزىندە دامىتۋ قىزمەتىن تىڭعىلىقتى ىستەپ، استىق حاۋىپسىزدىگىنىڭ ىرىقتىلىق ۇقىعىن مىقتاپ يگەرۋ كەرەك
2021.06.09 16:21 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 8 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 6 - ايدىڭ 7 - كۇنى مەملەكەتتىك استىق جانە زات زاپاسى مەكەمەسىندە اڭگىمە ءماجىلىسىن باسقارىپ اشىپ، باس شۋجي شي جينپيڭنىڭ استىق حاۋىپسىزدىگىنە كەپىلدىك ەتۋ جونىندەگى ماڭىزدى ءسوزى مەن نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، استىق جانە زات زاپاسى رەفورماسىنىڭ دامۋ جاعدايىن قورىتىندىلاپ، قاتىستى ءتۇيىندى قىزمەتتەردى اقىلداسىپ ورنالاستىردى.
حان جىڭ بىلاي دەپ اتاپ كورسەتتى: استىق حاۋىپسىزدىگى − مەملەكەت حاۋىپسىزدىگىنىڭ ماڭىزدى نەگىزى. پارتيا ورتالىق كوميتەتى استىق حاۋىپسىزدىگىنە ەجەلدەن باسا ءمان بەرىپ كەلەدى، پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتىڭ استىق حاۋىپسىزدىگىنە كەپىلدىك ەتۋ جونىندە ءبىرسىپىرا ماڭىزدى ورنالاستىرۋ جاسادى. جالپى جاعداي تۇرعىسىندا تۇرىپ، استىق حاۋىپسىزدىگىنىڭ كەلەلى ءمانىن جەتە تانىپ، جالپى تۇلعالىق مەملەكەت حاۋىپسىزدىگى كوزقاراسىندا تاباندى بولىپ، استىق جانە زات زاپاسى ىستەرىن رەفورما جاساۋ نەگىزىندە دامىتۋ قىزمەتىن تىڭعىلىقتى ىستەپ، جۇڭگولىقتاردىڭ استىقپەن ءوزى – ءوزى قامداۋىنا پارمەندى كەپىلدىك ەتۋ كەرەك.
حان جىڭ استىق جانە زات زاپاسى قىزمەتىندە قول جەتكەن تابىستاردى تولىق تۇراقتاندىرعاننان كەيىن مىنانى دارىپتەدى: ەلىمىزدىڭ ەكونوميكالىق، قوعامدىق دامۋ جاعدايىنىڭ وزگەرىسىنە ساي، استىق پەن زاتتىق ماتەريال زاپاسىنىڭ جالپى مولشەرىن بەلگىلەۋ، قۇرىلىمدى رەتتەۋ، تۇقىم تاڭداۋ، زاپاس ساقتاۋ ورنالاستىرۋىن ويداعىداي ىستەپ، حالىق بۇقاراسىنىڭ تاماشا تۇرمىسقا بولعان قاجەتىن اناعۇرلىم ويداعىداي قاناعاتتاندىرۋ كەرەك. ءبىر ميلليارد 800 ميلليون مۋ ەگىستىك جەردىڭ قىزىل سىزىعىن باتىل ساقتاپ، استىق حاۋىپسىزدىگىنىڭ ەڭ ءتۇبىرلى ءوندىرىس قۋاتىن ويداعىداي قامتاماسىز ەتۋ كەرەك.
حان جىڭ بىلاي دەپ اتاپ كورسەتتى: نەگىزدىك قۇرىلعىلاردى اناعۇرلىم كەمەلدەندىرىپ، ءبىر توپ قامبادا ساقتاۋ قۇرىلعىسىن جاڭادان سالىپ، وزگەرتىپ جانە دارەجەسىن جوعارىلاتىپ، استىققا، ساقتاۋعا ساياتىن شەشۋشى تەحنيكالاردى زەرتتەۋ - اشۋدى كۇشەيتۋ كەرەك. بازار تاسىلىنەن جانە ۇكىمەتتىڭ رەتتەۋ - مەڭگەرۋ تاسىلىنەن ويداعىداي پايدالانىپ، ءونىمدى بازار مەن تىندىرىمدى ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، زاپاس ساقتاۋ قابىلەتىن مۇمكىندىكتىڭ بارىنشا كۇشەيتۋ كەرەك. قامبادا ساقتاۋ سالاسىنداعى ءوندىرىس حاۋىپسىزدىگىن كورنەكتى ورىنعا قويىپ، قاتىستى باسقارۋ ءتۇزىلىسىن كەمەلدەندىرىپ، زاپاس ساقتاۋ حاۋىپسىزدىگىن باسقارۋ دەڭگەيىن جوعارىلاتۋ كەرەك. كادرلار قوسىنى قۇرىلىسىن كۇشەيتىپ، جالپىلىق ساپا مەن كاسىپتىك قابىلەتتى جوعارىلاتۋ كەرەك.
ءماجىلىستىڭ الدىندا حان جىڭ استىق ساۋداسىن سايكەستىرۋ ورتالىعىنا بارىپ، مەملەكەتتىك استىق ساۋداسى تەكشەسىنىڭ اينالىمىنا قاتىستى جاعدايلاردى ۇعىستى؛ ءىشىنارا مەڭگەرمە، مەكەمەلەرگە جانە باسقارما، كەڭسەلەرگە بارىپ، كادرلارمەن، جۇمىسشى - قىزمەتكەرلەرمەن امانداسىپ، استىق جانە زات زاپاسىن دامىتۋ جوباسى، سونداي - اق استىقپەن شۇعىل قامداۋ سياقتى جاعدايلاردى ۇعىستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
