ۋيچات جونىندەگى ەڭ جاڭا ۇقتىرۋ جاريالاندى! مىناداي ارەكەتتەردى ىستەگەندەردىڭ ۋيچات تەكشەسى ماڭگىلىك جابىلادى
2021.06.10 14:57 كەلۋ قاينارى : حالىق تورابى
«ۋيچات حاۋىپسىزدىك ورتالىعىنىڭ» ۋيچات الەۋمەتتىك تەكشەسى تۋرالى حابارىنا قاراعاندا، 6 – ايدىڭ 9 – كۇنى ۋيچات ۇجىمى تەكشەنى جونگە سالۋدى اناعۇرلىم كۇشەيتۋ ۇقتىرۋىن جاريالاعان:
ۇقتىرۋدىڭ تولىق مازمۇنى تومەندەگىدەي:
ۋيچات ەجەلدەن بەرى تۇتىنۋشىلارعا جاسىل، اقاۋسىز ينتەرنەتتىك ورتا جاراتىپ بەرۋگە كۇش سالىپ كەلەدى، تەكشەدە ساقتالىپ وتىرعان زاڭ – تۇزىمگە قايشى ءتۇرلى ارەكەتتەرگە باتىل سوققى بەرەدى. تۇتىنۋشىلاردىڭ پايدالانۋ بارىسىندا اناعۇرلىم جايلى سەزىنۋىنە شارت – جاعداي جاساپ، قولدانۋشىلاردىڭ زاڭدى ۇقىق – مۇددەسىنە اناعۇرلىم ويداعىداي كەپىلدىك ەتۋ ءۇشىن، «ينتەرنەت ينفورماتسيالارىنىڭ مازمۇندىق ورتاسىن جونگە سالۋ بەلگىلەمەسى»، «ينتەرنەت قولدانۋشىلارىنىڭ الەۋمەتتىك اككاۋنتتارىنىڭ ينفورماتسيالىق قىزمەت وتەۋىن باسقارۋ بەلگىلەمەسى» قاتارلىلارداعى تالاپتارعا ساي، ۋيچات تەكشەسىنىڭ قاتىستى قىزمەت وتەۋ كەلىسىمشارتتارى مەن تيجارات بەلگىلەمەلەرى نەگىزىندە، بۇگىننەن باستاپ، تومەندەگىدەي ارەكەتتەر اداقتالادى:
1. تاريحي تەرىستەۋشىلىك مازمۇنىنداعى قاتە پىكىرلەر، پارتيا تاريحىن، مەملەكەت تاريحىن، ارميا تاريحىن جات نيەتپەن بۇرمالاۋ، وعان كۇيە جاعۋ، ونى تەرىستەۋ قاتارلى مازمۇنداردى تاراتۋ؛
2. بادىك، شارۋ، تۇرپايى مازمۇنداردى، قانقۇيلىلىق، زورلىقتى كۇش لاڭكەستىك، سوقىر سەنىم قاتارلى زياندى مازمۇندار مەن باسىلىمداردى جاساۋ، تاراتۋ، سونداي – اق ۇقىققا قول سۇعۋ، ۇرلاپ باسۋ قاتارلى زاڭعا قايشى جولدارمەن ينتەرنەتتىك باسىلىمداردى شىعارۋ؛
3. الەۋمەتتىك ءتارتىپ پەن تاماشا سالتقا قايشى كەلەتىن، قوعامدىق سالتتى بىلعايتىن، تۇرپايى، جاناما شارۋ مازمۇندار، سونداي – اق باسقالاردىڭ ماسقارا بولعانى، سوراقىلىق ىستەگەنى، جامان ىسكە شاتىلعانى تۋرالى اقپاراتتاردى دابىرالاۋ، ماڭىزدى مازمۇنداردى ويىن – كۇلكىگە اينالدىرۋ قاتارلى سوتسياليستىك وزەكتى قۇن كوزقاراسىنا قايشى كەلەتىن مازمۇنداردى جاريالاۋ، تاراتۋ.
جوعارىداعىداي ارەكەتتەر وتكىزگەن اككاۋنتتارعا (ۋيچات تەكشەسى، شاعىن پروگرامما، كەسكىن اككاۋنتى قاتارلىلاردى قامتيدى ءارى مۇنىمەن عانا شەكتەلمەيدى) تەكشە تەكسەرۋ جۇرگىزگەن سوڭ سايكەستى جازا قولدانادى ءارى قاتىستى مازمۇنداردى وشىرەدى. ءار جولى ءبىرجاقتى ەتكەن سوڭ تاعى دا بەلگىلەمەگە قايشى مازمۇنداردى جالعاستى جولداعان نەمەسە ءتۇرلى تاسىلدەر قولدانىپ، جات نيەتپەن ادەيى قارسىلاسقان اككاۋنتارعا تەكشە اككاۋنتتى ماڭگى توقتاتۋ شاراسىن قولدانادى.
ۋيچات تەكشەسى تەكشەدەگى ناشار مازمۇنداردى ۇزدىكسىز تازالاپ، اككاۋنتتاردىڭ قوعامدىق نەگىزگى ارناداعى قۇن كوزقاراسىنا سايكەس كەلەتىن مازمۇنداردى جولداۋىنا ىرىقتىلىقپەن جەتەكشىلىك ەتەدى ءارى قولدانۋشىلاردىڭ مالىمدەۋى، تەحنيكالىق جولمەن تەكسەرۋ جانە ادام كۇشىمەن تەكسەرۋ قاتارلى تاسىلدەردى قولدانا وتىرىپ، تەكشەدەگى مازمۇن ورتاسىن جونگە سالۋدىڭ ونىمدىلىگىن اناعۇرلىم كۇشەيتەدى. كوپشىلىكتىڭ اناعۇرلىم مول ءجىپ ۇشتارىمەن قامداۋىن ءۇمىت ەتەمىز، ءبىز دە قاتىستى تاراۋلارمەن سەلبەسىپ، اقاۋسىز، تاماشا ينتەرنەت ورتاسىن بىرگە جاراتۋعا قۇلشىنامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
