لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
«14 - بەسجىلدىق» جوبا «باعدارلاماسىندا» بەلگىلەنگەن كەلەلى ينجەنەريا نىساندارىن اتقارۋدى ىلگەرىلەتۋ جونىندە ورنالاستىرۋ جاسادى؛ ۇكىمەت باسقارۋىنداعى شيپاحانالاردىڭ ەڭبەكاقى ءتۇزىمى رەفورماسىن تەرەڭدەتۋ شارالارىن ىشكەرىلەي اتقارىپ، ەمدەۋ قىزمەتكەرلەرىنىڭ بەلسەندىلىگىن اناعۇرلىم ويداعىداي جۇمىلدىرىپ، حالىق بۇقاراسىنا اناعۇرلىم ساپالى قىزمەت وتەۋدى بەلگىلەدى
2021.06.10 16:57 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 9 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 6 – ايدىڭ 9 – كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «14 - بەسجىلدىق» جوبا «باعدارلاماسىندا» بەلگىلەنگەن كەلەلى ينجەنەريا نىساندارىن اتقارۋدى ىلگەرىلەتۋ جونىندە ورنالاستىرۋ جاسادى؛ ۇكىمەت باسقارۋىنداعى شيپاحانالاردىڭ ەڭبەكاقى ءتۇزىمى رەفورماسىن تەرەڭدەتۋ شارالارىن ىشكەرىلەي اتقارىپ، ەمدەۋ قىزمەتكەرلەرىنىڭ بەلسەندىلىگىن اناعۇرلىم ويداعىداي جۇمىلدىرىپ، حالىق بۇقاراسىنا اناعۇرلىم ساپالى قىزمەت وتەۋدى بەلگىلەدى.
ءماجىلىس مىنالاردى اتاپ كورسەتتى: «14 – بەسجىلدىق» جوبا «باعدارلاماسىندا» ستراتەگيالىق، نەگىزدىك، جەتەكشىلىك سيپاتقا يە ءبىر توپ كەلەلى ينجەنەريا نىسانى بەلگىلەندى، بۇلار عىلىم - تەحنيكادا قامال الۋ، نەگىزدىك قۇرىلعى، ەكولوگيالىق ورتا قۇرىلىسى، حالىق تۇرمىسىنداعى ولقىلىقتاردى تولىقتاۋ، مادەنيەتتى جالعاستىرۋ، دامىتۋ سياقتى ءتۇيىندى سالالارعا سايادى. جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، نىسانداردى اتقارۋ دايىندىعىن ءتارتىپتى تۇردە ويداعىداي ىستەپ، قولداۋ ساياساتتارىن اشالاپ، ناقتىلاندىردى، باسىم كوپ ساندى نىسان ىركەس - تىركەس باستالدى. قازىر ەل ءىشى - سىرتى ورتاسىندا تۇراقسىز فاكتورلار ءبىرشاما كوپ، اقشانى بەيپىل تاراتۋدان باتىل ساقتانىپ، ماكرولىق ساياساتتىڭ ۇلاسپالىلىعىن، ورنىقتىلىعىن ساقتاپ، باعىتتامالىلىعىن كۇشەيتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. ءماجىلىس مىنالاردى تالاپ ەتتى: ەكونوميكالىق زاڭدىلىققا قۇرمەت ەتىپ، بازارلاندىرۋ پرينسيبىنە بويسۇنىپ، نەگىزدى كۇشەيتۋدى، فۋنكتسيانى ارتتىرۋدى، ۇزاق بولاشاققا تيىمدىلىك جاساۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى ءبىر تۇتاس جوسپارلاپ، كەلەلى ينجەنەريا نىساندارى قۇرىلىسىن ىلگەرىلەتىپ، تۇتىنۋدىڭ نەگىزدىك رولىن ويداعىداي ساۋلەلەندىرۋمەن بىرگە، ءونىمدى قارجى قوسۋدىڭ شەشۋشى رولىن اناعۇرلىم ويداعىداي ساۋلەلەندىرۋ كەرەك. ءبىرىنشى، الدىڭعى مەرزىمدىك قىزمەتتى كۇشەيتۋ كەرەك. «14 – بەسجىلدىق» جوباداعى كەلەلى ينجەنەريالاردى ناقتى نىسانداردا تياناقتاندىرىپ، ءارقايسى سالاداعى جوباعا الدىمەن ەنگىزىپ، اتقارۋ جوباسىن عىلمي جاساپ، جىل سايىن ءتارتىپتى ىلگەرىلەتىپ، ءبىر توبىندا جۇمىس باستاۋ، ءبىر توبىن وندىرىسكە قوسىلۋ، ءبىر توبىن زاپاس ساقتاۋ سىندى تاماشا اينالىمدى قالىپتاستىرۋ كەرەك. دارا تۇلعالى كەلەلى نىسانداردا قۇرىلىس تۇيىندەرىنڭ ۋاقىتىن شەگەرمەلى ورنالاستىرىپ، ءتۇيىنى كوپ، كولەمى كەڭ بايلامالى نىسانداردا ءتۇيىندى كورنەكتىلەندىرىپ، ناقتى ونىمدىلىككە ۇمتىلىپ، قۇرىلىس جۇرگىزۋ قيىندىعى زور، ەكولوگيالىق ورتانى قورعاۋ تالابى جوعارى كەلەلى ينجەنەريالاردى بارلاۋدى، جوبانى تاڭداۋ مەن جارامدىلىعىن زەرتتەۋدى تەرەڭدەتۋ كەرەك. ەكىنشى، ورتا، ۇزاق مەرزىمدىك دامۋ مەن جىلدىق ەكونوميكالىق اينالىمدى ءبىر تۇتاس جوسپارلاپ، كەلەلى ينجەنەريا نىساندارى قۇرىلىسىن ىلگەرىلەتۋدى ءتۇيىن ەتىپ، ساياساتتىق تىرەك پەن فاكتورلىق قامتاماسىزداندىرۋدى كۇشەيتىپ، بيىلعى، كەلەر جىلعى قارجى قوسۋ تەبىنىن ۇيلەسىمدى يگەرۋ ءارى جاعدايدىڭ وزگەرىسىنە قاراي ۇيلەسىمدى رەتتەۋ كەرەك. ءۇشىنشى، ۇكىمەت پەن بازاردىڭ قاتىناسىن ويداعىداي ءبىر جاقتى ەتۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، تەكسەرىپ بەكىتۋ ءتارتىبىن ساپالىلاندىرىپ، قاجەتسىز تەكسەرىپ بەكىتۋدى ازايتىپ، نىسانداردىڭ ەرتەرەك جۇمىس باستاۋىنا، قارجىنىڭ ءونىمدى پايدالانىلۋىنا كەپىلدىك ەتۋ كەرەك. ءتورتىنشى، ورتالىقتىڭ مەجە ەسەبىندەگى قارجى قوسۋ، جەرگىلىكتى ۇكىمەتتەردىڭ ارناۋلى قارىزى سياقتى ۇكىمەتتىڭ قارجى قوسۋ، جەتەكتەۋ رولىن ساۋلەلەندىرىپ، بازار تۇلعالارىن، قوعامدىق كۇشتەردى كەلەلى قۇرىلىس نىساندارىنا ات سالىسۋعا اناعۇرلىم تولىق جۇمىلدىرۋ كەرەك. بەسىنشى، قۋزاۋ - جەتەكشىلىك ەتۋدى، سايكەستىرۋدى كۇشەيتىپ، شىنايى يگەرىپ، ناقتى ىستەگەن، ناتيجەسى كورنەكتى جەرلەردى شابىتتاندىرۋ، قولداۋ سەرپىنىن ارتتىرىپ، نىسانداردى پارمەندى ىلگەرىلەتپەگەندەردى قۋزاۋدى كۇشەيتىپ، قۇرىلىس بارىسىنداعى ماسەلەلەردى دەر كەزىندە شەشۋ كەرەك. باقىلاۋ - باسقارۋدى كۇشەيتىپ، ينجەنەريا قۇرىلىسىنىڭ ساپاسىنا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: قالىڭ ەمدەۋ قىزمەتكەرلەرى حالىقتىڭ ءومىرىن، دەنساۋلىعىن قورعاپ، ىندەتكە قارسى اتتانۋ بارىسىندا كورنەكتى ۇلەس قوستى. ۇكىمەت باسقارۋىنداعى شيپاحانالاردىڭ ەڭبەكاقى ءتۇزىمى رەفورماسىن تەرەڭدەتىپ، ەمدەۋ قىزمەتكەرلەرىنىڭ ۇيلەسىمدى ەڭبەكاقى مامىلەسىن قامتاماسىزداندىرىپ، ەمدەۋ قىزمەتكەرلەرىنىڭ بۇقاراعا قىزمەت وتەۋ بەلسەندىلىگىن ونان ارى جۇمىلدىرۋ كەرەك. ءبىرىنشى، ۇكىمەت باسقارۋىنداعى شيپاحانالاردىڭ ەڭبەكاقى دەڭگەيىن بەلگىلەۋ مەحانيزمىن كەمەلدەندىرۋ كەرەك. قاتىستى تاراۋلار بۇقارانىڭ ەمدەلۋدەگى جالپىلىق اۋىرتپالىعىنىڭ ارتپاۋىنا كەپىلدىك ەتۋ نەگىزىندە، ۇكىمەت باسقارۋىنداعى شيپاحانالاردىڭ ەڭبەكاقى دەڭگەيىن يكەمدى رەتتەۋى كەرەك. الەۋمەتتىك يگىلىك مىندەتى اۋىر، عىلمي زەرتتەۋ، وقىتۋ مىندەتىن ارقالاعان ۇكىمەت باسقارۋىنداعى شيپاحانالارعا لايىقتى بەيىمدەلۋ كەرەك. جەر - جەر تۇرلىشە دارەجەدەگى، تۇرلىشە سيپاتتاعى شيپاحانالاردىڭ قىزمەت مولشەرى، قىزمەت وتەۋ ساپاسى سياقتى فاكتورلاردى جان - جاقتى ويلاستىرىپ، ەڭبەكاقى جالپى مولشەرىن ۇيلەسىمدى ارتتىرۋى كەرەك. ەكىنشى، ۇكىمەت باسقارۋىنداعى شيپاحانالاردىڭ ىشكى ءبولىستى دەربەس بەلگىلەۋ ۇقىعىن تياناقتاندىرۋ كەرەك. ەڭبەكاقىنىڭ جالپى مولشەرى مەن قاتىستى فاكتورلاردى ءبىر تۇتاس ويلاستىرىپ، قىزمەت ورنىناعى ونىمدىلىك ەڭبەكاقى ءتۇزىمىن ۇزدىكسىز كەمەلدەندىرۋمەن بىرگە، ءىس جۇزىندىك جاعدايمەن ۇشتاستىرىپ، باسقا دا اناعۇرلىم ءونىمدى ىشكى ءبولىس ۇلگىسىن دەربەس بەلگىلەپ، شەشۋشى جانە بۇقارا شۇعىل قاجەت ەتىپ وتىرعان قىزمەت ورنىنا، ناتيجەسى كورنەكتى ەمدەۋ قىزمەتكەرلەرى قاتارلىلارعا بەيىمدەلىپ، سالماقتى ناۋقاستى كورسەتۋ قيىن بولۋ ماسەلەسىن اناعۇرلىم ويداعىداي شەشۋدى ىلگەرىلەتۋ كەرەك. جىلدىق ەڭبەكاقىسى تومەن شيپاگەرلەردىڭ ەڭبەكاقى دەڭگەيىن لايىقتى جوعارىلاتىپ، شتات ءىشى – سىرتىنداعى قىزمەتكەرلەردىڭ ەڭبەكاقى مامىلەسىن ءبىر تۇتاس ويلاستىرۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
