سەلبەستىك، اۋىس - كۇيىس جاساۋ مەحانيزمىن قاراستىرىپ، ۇيىرمە فورماسىنداعى دامۋدى ىلگەرىلەتەيىك

2021.06.11 14:47 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　انار بۇلت / شينجياڭ گازەتىنىڭ ءتىلشىسى جاڭ يۇنمەي 6 - ايدىڭ 9 - كۇنى ۇرىمجىدەن حابارلايدى. 6 - ايدىڭ 9 - كۇنى تۇستەن بۇرىن باتىس سولتۇستىك 5 ولكە (رايون) ساياسي كەڭەس ”جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋ“ بىرلەسكەن ءماجىلىسى ۇرىمجىدە جابىلدى.

　　اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ماجىلىسكە قاتىناستى ءارى ءسوز سويلەدى. نيڭشيا حۇيزۋ اۆتونوميالى رايوندىق ساياسي كەڭەستىڭ ءتوراعاسى سۇي بو، ورىنباسار ءتوراعاسى ۋاڭ زىيۇن، شانشي ولكەلىك ساياسي كەڭەستىڭ ورىنباسار ءتوراعاسى ياڭ گۋانجۇن، گانسۋ ولكەلىك ساياسي كەڭەستىڭ ورىنباسار ءتوراعالارى چىن چيڭ، گو تيانكاڭ، چيڭحاي ولكەلىك ساياسي كەڭەستىڭ ورىنباسار ءتوراعاسى ۋاڭ جىنچاڭ ماجىلىسكە قاتىناستى؛ اۆتونوميالى رايوندىق ساياسي كەڭەستىڭ ورىنباسار ءتوراعاسى ءجۇرات يمىن ءماجىلىستى باسقاردى، ورىنباسار ءتوراعاسى ما شيۇڭچىڭ ماجىلىسكە قاتىناستى.

　　ءماجىلىس «باتىس سولتۇستىكتەگى 5 ولكە (رايون) ساياسي كەڭەس جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋدىڭ ىلگەرىلەتىلۋ جاعدايىن جانە ۇسىنىس - پىكىرىن»، «باتىس سولتۇستىكتەگى 5 ولكە (رايون) ساياسي كەڭەستەرىنىڭ ساياحاتتى دامىتۋ جونىندەگى مالىمەتىن» قالىپتاستىرىپ، «باتىس سولتۇستىكتەگى 5 ولكە (رايون) ساياسي كەڭەس جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋ سەلبەستىك، اۋىس - ءتۇيىس مەحانيزمىن»، «مەملەكەتتىك ساياسي كەڭەسكە بىرلەسىپ جوبا ۇسىنۋ جونىندەگى ۇيعارىمىن»، «باتىس سولتۇستىكتەگى 5 ولكە (رايون) ساياسي كەڭەس ”جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋ“ بىرلەسكەن ءماجىلىسىنىڭ ماڭىزدى ەستەلىگىن» ماقۇلدادى.

　　نۇرلان ءابىلماجىن بىلاي دەدى: بۇل ءبىر رەتكى ورتاق تانىم ۇيىستىرعان، سەنىمدى بەكەمدەگەن ءماجىلىس بولدى. 5 ولكە (رايون) ساياسي كەڭەستەرىنىڭ سەلبەستىك، اۋىس - ءتۇيىس مەحانيزمىن ورناتىپ، 5 ولكەنىڭ (رايون) باتىسقا ەسىك اشۋىن جانە جوعارى ساپالى دامۋىن سايكەستىرە ىلگەرىلەتىپ، باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ىشكى قۇرلىقتىق ەسىك اشۋ مەن شەكارا بويىنداعى ەسىك اشۋدىڭ بيىك بەلەسىن قالىپتاستىرۋدا كەلەلى ءارى رەال مانگە يە. وسى رەتكى ءماجىلىس ارقىلى 5 ولكە (رايون) ساياسي كەڭەستەرى سايكەسە دامۋدىڭ ماڭىزدى ماسەلەلەرىندە ورتاق تانىمدى تەرەڭدەتىپ، 5 ولكە (رايون) ساياسي كەڭەس جىبەك جولى ەكونوميكالىق بەلدەۋى قۇرىلىسىنا قىزمەت وتەۋ سەلبەستىك، اۋىس - ءتۇيىس مەحانيزمىن باستاپقى قادامدا قاراستىردى، قالىپتاستىردى، مەحانيزمنىڭ ىلگەرىلەۋىنە جانە كەمەلدەنۋىنە ىلەسە، 5 ولكە (رايون) ساياسي كەڭەس اۋىس - ءتۇيىس سەلبەستىگىنىڭ تۇزىمدەنۋ، جۇيەلىلەنۋ، ۇدايىلانۋ ارناسىنا ءتۇسۋىن ىلگەرىلەتىپ، جىبەك جولى ەكونوميكالىق بەلدەۋى قۇرىلىسىنا جانە مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا قىزمەت وتەۋ بارىسىندا اناعۇرلىم جاڭا بورىش ارقالاپ، تىڭ ۇلەستەر قوساتىن بولادى. ماجىلىستە اقىلداسىپ قالىپتاسقان ”ءبىر ۇسىنىس، ءبىر مالىمەت، 3 جوبا“ جەتىستىگىنەن تولىق پايدالانىپ جانە كادەگە جاراتىپ، مەحانيزمدى ىشكەرىلەي ويداعىداي تياناقتاندىرىپ، باتىس سولتۇستىكتەگى 5 ولكەدە (رايون) اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ ساتىدا ەسىك اشۋدى، سەلبەستىك جاساۋدى جانە جوعارى ساپالى دامۋدى ىلگەرىلەتۋگە اقىل - پاراسات جانە كۇش - قۋات قوسۋ كەرەك.

　　مەملەكەتتىك ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى فاڭ ايچيڭ بىلاي دەدى: باتىس سولتۇستىكتەگى 5 ولكە دە(رايون) جىبەك جولى ەكونوميكالىق بەلدەۋىنىڭ قۇرامداس بولەگى، بىرگە جوسپارلاۋعا، رايون اتتاپ اقىلداسۋعا يەك سۇيەگەندە عانا، شىنايى ۇسىنىس، تاماشا شارا ۇسىنۋعا بولادى. ماجىلىستە قالىپتاسقان كەلەلى جەتىستىك قىزمەتتى ىلگەرىلەتىپ قانا قويماي، ورتاق تانىمدى دا ۇيىستىرىپ، 5 جەردىڭ بىرلەسە قيمىلداپ دامۋدا اناعۇرلىم ناقتى قادام تاستاۋىنا، اناعۇرلىم الىسقا بەتتەۋىنە، اناعۇرلىم ءونىمدى بولۋىنا تاماشا نەگىز قالاپ، ۇيىرمە قۇراۋ فورماسىمەن دامۋدىڭ تاماشا ارناسىن قالىپتاستىرۋدى ىلگەرىلەتۋگە جاقسى باستاما اشتى.

　　وسى رەتكى ماجىلىستە قالىپتاسقان مەحانيزم كەلەر جىلعى باتىس سولتۇستىكتەگى 5 ولكە (رايون) ساياسي كەڭەس بىرلەسكەن ءماجىلىسىن شانشي ولكەلىك ساياسي كەڭەستىڭ ۇستىنە الىپ وتكىزۋىن باستاپقى قادامدا اقىلداسىپ بەكىتتى.

　　مەملەكەتتىك دامۋ جانە رەفورما كوميتەتىنىڭ، قاتىناس - تاسىمال مينيسترلىگىنىڭ، ساۋدا ىستەرى مينيسترلىگىنىڭ، مادەنيەت جانە ساياحات مينيسترلىگىنىڭ قاتىستى جاۋاپتىلارى ءسوز سويلەدى. ماجىلىستەن كەيىن ماجىلىسكە قاتىناسقان ۋاكىلدەر ۇرىمجىدە تەكسەرۋ جۇرگىزدى.

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved