مەملەكەتتىك كەڭەس ۇقتىرۋ باسىپ تاراتتى
5 - توپتاعى مەملەكەت دارەجەلى بەيزاتتىق مادەني مۇرالاردىڭ ۋاكىلدىك نىساندارى تىزىمدىگى جاريالاندى
2021.06.11 16:46 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 10 - كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا «5 - توپتاعى مەملەكەت دارەجەلى بەيزاتتىق مادەني مۇرالاردىڭ ۋاكىلدىك نىساندارى تىزىمدىگىن جاريالاۋ جونىندەگى ۇقتىرۋدى» باسىپ تاراتىپ، 5 - توپتاعى مەملەكەت دارەجەلى بەيزاتتىق مادەني مۇرالاردىڭ ۋاكىلدىك نىساندارى تىزىمدىگىنىڭ جالپى 185 ءتۇر، كەڭەيتىلگەن نىسان تىزىمدىگىنىڭ جالپى 140 ءتۇر بولعانىن جاريالادى.
وسى رەت جاريالانعان 325 نىسان بۇكىل ەلدەگى 31 ولكەنى (اۆتونوميالى رايون، توتە قاراستى قالا)، سونداي اق شينجياڭ ءوندىرىس قۇرىلىس بيڭتۋانىن، شياڭگاڭ ەرەكشە اكىمشىلىك رايونىن، اۋمىن ەرەكشە اكىمشىلىك رايونىن قامتىدى. مۇنىڭ ىشىندە بۇرىنعى مەملەكەت دارەجەلى 96 كەدەي اۋداننىڭ 103 بەيزاتتىق مادەني مۇرا نىسانى، سونداي - اق حالىق تۇرمىسىنا قىزمەت وتەيتىن، بۇقاراعا يگىلىك جەتكىزەتىن ءبىر توپ بەيزاتتىق مادەني مۇرا نىسانى تىزىمدىككە ەنگىزىلدى؛ بۇرىن مەملەكەت دارەجەلى بەيزاتتىق مادەني مۇرالار ۋاكىلدىك نىسانىنان ءبىر - ەكەۋى عانا بار 7 از ۇلتتان وسى رەت 8 نىسان تىزىمدىككە ەنگىزىلدى، ولار ورىس، تاتار، مىنبا، دۋلۇڭ قاتارلى حالىق سانى ءبىرشاما از ۇلتتاردى قامتيدى.
قازىرگە دەيىن مەملەكەتتىك كەڭەس جيىنى ءبىر مىڭ 557 ءتۇرلى بەيزاتتىق مادەني مۇرالاردىڭ ۋاكىلدىك نىسان تىزىمدىگىن جاريالادى، بۇلار حالىقتىق ادەبيەت ۇلكەن تۇرىندەگى 167 ءتۇردى، ءداستۇرلى مۋزىكا ۇلكەن تۇرىندەگى 189 ءتۇردى، ءداستۇرلى ءبي ۇلكەن تۇرىندەگى 144 ءتۇردى، ءداستۇرلى تەاتر ۇلكەن تۇرىندەگى 171 ءتۇردى، ءان - كۇي ۇلكەن تۇرىندەگى 145 ءتۇردى، ءداستۇرلى دەنەتاربيە، ويىن - ساۋىق جانە سەرىك ويىنى ۇلكەن تۇرىندەگى 109 ءتۇردى، ءداستۇرلى اسەمونەر ۇلكەن تۇرىندەگى 139 ءتۇردى، ءداستۇرلى ونەر ۇلكەن تۇرىندەگى 287 ءتۇردى، ءداستۇرلى ءدارى - دارمەك ۇلكەن تۇرىندەگى 23 ءتۇردى، ۇلتتىق سالت - سانا ۇلكەن تۇرىندەگى 183 ءتۇردى قامتيدى.
مەملەكەت دارەجەلى بەيزاتتىق مادەنيەت مۇرالارىنىڭ ۋاكىلدىك نىساندارى ءتىزىمى − «جۇڭحۋا حالىق رەسپۋبليكاسىنىڭ بەيزاتتىق مادەنيەت مۇرالار زاڭىندا» بەلگىلەنگەن بەيزاتتىق مادەنيەت مۇرالارىن قورعاۋدىڭ نەگىزگى ءتۇزىمى، سونداي اق جۇڭگونىڭ «بەيزاتتىق مادەنيەت مۇرالارىن قورعاۋ شارتىنداعى» شارت جاساسۋشى ەلدەردىڭ جاۋاپكەرلىگى مەن بورىشىن اتقارۋىنىڭ ماڭىزدى مازمۇنى. قازىر ەلىمىز جۇڭگوشا ەرەكشەلىككە يە مەملەكەت، ولكە، قالا، اۋدان سىندى ءتورت دارەجەلى تىزىمدىك جۇيەسىن ورناتىپ، بەيزاتتىق مادەني مۇرالاردىڭ ۋاكىلدىك نىساندارىنان 100 مىڭنان استامىن تۇراقتاندىردى، ءبىر توپ باعالى، قۇرۋعا اينالعان جانە كەلەلى قۇنعا يە بەيزاتتىق مادەني مۇرالار ءونىمدى قورعالدى.
وسى رەت مەملەكەتتىك كەڭەستىڭ مەملەكەت دارەجەلى بەيزاتتىق مادەنيەت مۇرالارىنىڭ ۋاكىلدىك نىساندارىنىڭ تىزىمدىگىن جاريالاۋى − شي جينپيڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋدىڭ، تياناقتاندىرۋدىڭ ماڭىزدى بەينەسى، مەملەكەت دارەجەلى بەيزاتتىق مادەنيەت مۇرالارىنىڭ ۋاكىلدىك نىساندارىنىڭ ءتىزىم جۇيەسى قۇرىلىسىن ونان ارى ىلگەرىلەتۋدە، بەيزاتتىق مادەنيەت مۇرالارىن جۇيەلى قورعاۋ دەڭگەيىن كۇشەيتۋدە، بەيزاتتىق مادەنيەت مۇرالارىن قورعاۋ تانىمىن جۇرت جۇرەگىنە تەرەڭ ۇيالاتۋدا ماڭىزدى مانگە يە؛ ەكونوميكالىق، قوعامدىق دامۋدى ىلگەرىلەتۋگە جانە مەملەكەت ستراتەگياسىنا قىزمەت ەتۋگە، جۇڭحۋانىڭ تاڭداۋلى ءداستۇرلى مادەنيەتىنىڭ ومىرشەڭدىگى مەن ىقپالىن كۇشەيتۋگە، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋگە ءتيىمدى. جەر جەر، تاراۋلار سوتسياليستىك وزەكتى قۇن كوزقاراسىن جەتەكشى ەتۋدە تاباندى بولىپ، [قورعاۋدى نەگىز ەتۋ، قۇتقارۋدى ءبىرىنشى ورىنعا قويۋ، ۇيلەسىمدى پايدالانۋ، مۇراگەرلىك ەتىپ دامىتۋ» قىزمەت باعىتىن دايەكتىلەندىرىپ، بەيزاتتىق مادەنيەت مۇرالارىن جۇيەلى قورعاۋ دەڭگەيىن شىنايى جوعارىلاتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحاني كۇش ازىرلەۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
