شي جينپيڭ حۋبەيدىڭ شى - يان قالاسى جاڭۋان رايونى يانحۋ الەۋمەتتىك اۋماعى شوعىرلى ساۋدا بازارىنداعى جانار گاز قوپارىلىس شىرعالاڭىنا بايلانىستى ماڭىزدى نۇسقاۋ بەردى
حاۋىپسىزدىك كومەسكى قاتەرلەرىن جاپپاي ءبىر - بىرلەپ تەكسەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىن مانىندە قامتاماسىز ەتىپ، قوعامدىق كەلەلى جاعدايدىڭ ورنىقتىلىعىن قورعاپ، پارتيا قۇرىلعانىنىڭ 100 جىلدىعى ءۇشىن تاماشا اۋان قالىپتاستىرۋدى تالاپ ەتتى
لي كىچياڭ قۇتقارۋ قىزمەتى جونىندە بەكىتۋ جازدى
2021.06.15 16:23 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 13 - كۇنى، بەيجيڭ. 6 - ايدىڭ 13 - كۇنى مولشەرمەن ساعات 6 دان 40 مينۋت وتكەندە حۋبەيدىڭ شى - يان قالاسى جاڭۋان رايونى يانحۋ الەۋمەتتىك اۋماعىنىڭ شوعىرلى ساۋدا بازارىندا جانار گاز قوپارىلىسى تۋىلدى. قازىرگە دەيىن شىرعالاڭدا 12 ادام ءولىپ، 37 ادام اۋىر جارالاندى، تاعى دا ءبىر ءبولىم بۇقارا تۇرلىشە دارەجەدە جارالاندى.
شىرعالاڭ تۋىلعاننان كەيىن پارتيا ورتالىق كوميتەتى، مەملەكەتتىك كەڭەس ايرىقشا ءمان بەردى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاباندا بىلاي دەپ ماڭىزدى نۇسقاۋ بەردى: حۋبەيدىڭ شى - يان قالاسىنداعى جانار گاز قوپارىلىس شىرعالاڭى اۋىر ءولىم - ءجىتىم تۋدىردى، تەرەڭ ساباق الۋ كەرەك! جارالىلاردى بار كۇشپەن شۇعىل قۇتقارىپ، جارالانعانداردىڭ جانە قازا بولعانداردىڭ جاقىندارىن جۇباتۋ سياقتى سوڭعى قىزمەتتەردى ويداعىداي ىستەپ، سەبەبىن تەز ارادا تەكسەرىپ انىقتاپ، جاۋاپكەرلىكتى قاتاڭ قۋزاۋ كەرەك. شي جينپيڭ بىلاي دەپ دارىپتەدى: تاياۋ مەزگىلدە بۇكىل ەلدىڭ كوپتەگەن جەرىندە ءوندىرىس حاۋىپسىزدىگى شىرعالاڭى، مەكتەپ اۋلاسى حاۋىپسىزدىگى شىرعالاڭى تۋىلدى، جەر - جەر جانە قاتىستى تاراۋلار بىرەۋى ارقىلى وزگەسىن تۇسپالداپ، جاۋاپكەرلىكتى قاتايتىپ، ساياسي سەزگىرلىكتى كۇشەيتىپ، حاۋىپسىزدىك كومەسكى قاتەرلەرىن جاپپاي ءبىر - بىرلەپ تەكسەرىپ، ەلەۋلى تۇتقيىل شىرعالاڭداردىڭ تۋىلۋىنان ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىن مانىندە قامتاماسىز ەتىپ، قوعامدىق كەلەلى جاعدايدىڭ ورنىقتىلىعىن قورعاپ، پارتيا قۇرىلعانىنىڭ 100 جىلدىعى ءۇشىن تاماشا اۋان قالىپتاستىرۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، بىلاي دەپ تالاپ ەتتى: حاۋىپتەن اراشالاۋعا، قۇتقارۋعا جانە جارالانعانداردى قۇتقارىپ ەمدەۋگە بار كۇشپەن ۇيىمداستىرىپ، ەڭ زور قۇلشىنىسپەن ءولىم - ءجىتىمدى ازايتىپ، شىرعالاڭنىڭ سەبەبىن مۇقيات تەكسەرىپ انىقتاپ، زاڭ، بەلگىلەمە بويىنشا قاتاڭ جاۋاپقا تارتۋ كەرەك. تاياۋ مەزگىلدەن بەرى حاۋىپسىزدىك شىرعالاڭدارى كوپ تۋىلۋ جاعدايى بايقالۋدا، مەملەكەتتىك كەڭەستىڭ ءوندىرىس حاۋىپسىزدىگى كوميتەتى، توتەنشە جاعدايعا توتەپ بەرۋ - باسقارۋ مينيسترلىگى جەر - جەردى ءتۇيىندى سالالارداعى حاۋىپسىزدىكتى باقىلاۋ - باسقارۋ مەن كومەسكى قاتەرلەردى ءبىر - بىرلەپ تەكسەرۋدى شىن مانىندە كۇشەيتۋگە قۋزاپ، اۋىر، ەرەكشە ۇلكەن شىرعالاڭداردىڭ تۋىلۋىن باتىل تەجەۋى كەرەك.
شي جينپيڭنىڭ نۇسقاۋى مەن لي كىچياڭنىڭ تالابى بويىنشا توتەنشە جاعدايعا توتەپ بەرۋ - باسقارۋ مينيسترلىگى، تۇرعىن ءۇي جانە قالا، اۋىل قۇرىلىسى مينيسترلىگى شىرعالاڭدى ءبىر جاقتى ەتۋ قىزمەتىنە سول جەردە جەتەكشىلىك ەتۋگە قىزمەت گرۋپپاسىن جىبەردى. مەملەكەتتىك دەنساۋلىق ساقتاۋ، سالاماتتىق كوميتەتى سالماقتى اۋرۋلار مەديتسيناسى، كۇيىك جاراقاتى، پسيحيكالىق جاقتان ارالاسۋشى ماماندار سياقتىلاردان ۇيىمداسقان مەملەكەت دارەجەلى ەمدەۋ ماماندار گرۋپپاسىن سول جەرگە بارىپ شىرعالاڭداعى شۇعىل مەديتسينالىق قۇتقارۋ - كومەكتەسۋدى ويداعىداي ىستەۋگە جەتەكشىلىك ەتۋگە جىبەردى. حۋبەي ولكەلىك، شى - يان قالالىق پارتكومداعى، ۇكىمەتتەگى جاۋاپتى جولداستار سول جەردىڭ وزىنە بارىپ ءبىر جاقتى ەتۋگە قولباسشىلىق ىستەدى. قازىر سول جەردىڭ وزىندە قۇتقارۋ - كومەكتەسۋ، جارالانعانداردى قۇتقارۋ - ەمدەۋ سياقتى قىزمەتتەر جەدەل، ءتارتىپتى جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
