تيانۋىن 1 - ءنومىرلى مىندەت وتەۋ بارىسىندا ەلىمىزدىڭ عارىش ىستەرىنىڭ دامۋ تاريحىنداعى 6 رەتكى تۇڭعىشتى جۇزەگە اسىردى
2030 – جىلدىڭ الدى – ارتىندا مارستان ۇلگى الىپ قايتۋ مىندەتى اتقارىلادى
2021.06.15 16:29 كەلۋ قاينارى : حالىق تورابى
«حالىق گازەتى»، 6 - ايدىڭ 12 - كۇنى، بەيجيڭ (ءتىلشى فىڭ حۋا). تيانۋىن 1 – ءنومىرلى «اينالۋ، قونۋ، شارلاۋ» نىساناسىن ءبىرىنشى قادامدا ورىنداپ، ەلىمىزدىڭ مارستى تۇڭعىش رەتكى بارلاۋى تابىستى بولۋ قارساڭىندا، ياعني 6 – ايدىڭ 12 – كۇنى مەملەكەتتىك عارىش مەكەمەسى بەيجيڭدە اقپار جاريالاۋ ءماجىلىسىن وتكىزدى. مەملەكەتتىك عارىش مەكەمەسىنىڭ اقپارات مالىمدەمەشىسى شۇي حۇڭلياڭ مىنانى ءبىلدىردى: تيانۋىن 1 - ءنومىرلىنىڭ مىندەتىنىڭ ءساتتى بولۋى − ەلىمىزدىڭ عارىش ىستەرىنىڭ دەربەس جاڭالىق اشۋىنىڭ، قارىشتاپ دامۋىنىڭ نىشاندىق تابىسى، ول ەلىمىزدىڭ عارىش ىستەرىنىڭ دامۋ تاريحىنداعى 6 رەتكى تۇڭعىشتى جۇزەگە اسىردى.
بۇل 6 رەتكى تۇڭعىش مىنالار: ءبىرىنشى، جەر شارى مەن مارس ارا وربيتا جوتكەپ بارلاۋ اپپاراتىن ۇشىرۋ تۇڭعىش رەت ىسكە اسىرىلدى؛ ەكىنشى، جۇلدىز ارالىق ۇشۋدى تۇڭعىش رەت جۇزەگە اسىردى؛ ءۇشىنشى، جەر شارى سىرتىنداعى پلانەتالاردا باياۋ قونۋدى تۇڭعىش رەت جۇزەگە اسىردى؛ ءتورتىنشى، جەر شارى سىرتىنداعى پلانەتالاردىڭ بەتىن شارلاۋ، بارلاۋدى تۇڭعىش رەت جۇزەگە اسىردى؛ بەسىنشى، 400 ميلليون كيلومەترلىك ارالىقتى ولشەۋ - مەڭگەرۋ حابارلاسۋىن تۇڭعىش رەت جۇزەگە اسىردى؛ التىنشى، تۇڭعىش رەت مارستىڭ عىلمي ساندى مالىمەتىنە يە بولدى. «دۇنيە ءجۇزى عارىش تاريحىندا تيانۋىن 1 - ءنومىرلى عارىش كەمەسى مارستا تۇڭعىش رەت جۇڭگولىقتاردىڭ ءىزىن قالدىرىپ قانا قويماي، ونىڭ ۇستىنە مارستى اينالۋ، قونۋ جانە شارلاۋ سىندى 3 ۇلكەن نىسانانى تۇڭعىش رەت ءساتتى ورىنداپ، جۇڭگو عارىشكەرلەرىنىڭ اقىل - پاراساتىن تولىق ايگىلەدى، بۇل ەلىمىزدىڭ جۇلدىز ارالىق بارلاۋ سالاسىنىڭ دۇنيە ءجۇزىنىڭ الدىڭعى قاتارىنا وتكەنىن كورسەتەدى». شۇي حۇڭلياڭ بىلاي دەدى: ەلىمىزدىڭ تۇڭعىش رەتكى مارستى بارلاۋ مىندەتىنىڭ باستالۋ ءتۇيىنى جوعارى، قيىندىعى زور، سايىسى كوپ، دالەلدەۋ ساتىسىنان باستاپ، ورتاسى جاڭا، ارالىعى الىس، ۋاقىتى ۇزاق، بۋىنى كوپ بولۋ سياقتى كوپتەگەن قيىن ماسەلەگە ءدوپ كەلدى.
ەلىمىزدىڭ تۇڭعىش رەتكى مارستى بارلاۋ مىندەتىندەگى بارلاۋ اپپاراتى جۇيەسىنىڭ باس جوبالاۋشىسى سۇن زىجوۋ بىلاي دەپ تانىستىردى: مارستىڭ قونۋ، تومەندەۋ بارىسى − ءبىزدىڭ وسى رەتكى مىندەت حاۋىپ - قاتەرى ەڭ جوعارى بۋىنىمىز، وسى بۋىندا مارستىڭ قانىقپاعان ءارى قۇبىلمالى اتموسفەرا ورتاسىنا ءدوپ كەلدىك، سونداي - اق ون نەشە ءتۇرلى شەشۋشى ارەكەتتى دەربەس ورىنداۋىمىزعا تۋرا كەلدى.
اقپار جاريالاۋ ماجىلىسىندە تاعى جۇڭگو عارىش ىستەرىنىڭ «14 - بەسجىلدىق» جوباسى مەن الداعى ءبىر مەزگىلدەگى دامۋداعى ءتۇيىندى جوباسى دا تانىستىرىلدى. «14 – بەسجىلدىق» جوبا مەن الداعى ءبىر مەزگىلدە جۇڭگونىڭ عارىش ىستەرى مەملەكەتتىڭ عارىش ىستەرىندەگى قۇدىرەتتى ەل قۇرۋ جونىندەگى شەشىمدەرى مەن ورنالاستىرۋلارى بويىنشا، كەڭىستىك عىلىمىنىڭ، كەڭىستىك تەحنيكاسىنىڭ، كەڭىستىكتەن پايدالانۋدىڭ جاپپاي دامۋىن جەدەل ىلگەرىلەتىپ، عارىش عىلىم - تەحنيكاسىندا جاڭالىق اشۋدىڭ قوزعاۋشى كۇشىن، ەكونوميكالىق، قوعامدىق دامۋدىڭ تىرەكتىك قابىلەتىن ءتۇيىندى تۇردە جوعارىلاتىپ، اناعۇرلىم كەڭ حالىقارالىق اۋىس - كۇيىس پەن سەلبەستىكتى بەلسەنە ورىستەتەدى. ول جەرگە جاقىن ۇساق قىدىرمالاردان ۇلگى الىپ قايتا ورالۋ جانە نەگىزگى قۇيرىقتى جۇلدىزدى اينالا بارلاۋ مىندەتىن اتقارۋ، مارستان ۇلگى الىپ قايتا ورالۋ مىندەتىن اتقارۋ قاتارلىلاردى قامتيدى. تانىستىرۋعا قاراعاندا، ەلىمىز 2025 – جىلدىڭ الدى – ارتىندا جەرگە جاقىن ۇساق قىدىرمالاردان ۇلگى الىپ قايتا ورالۋ جانە نەگىزگى بەلدەۋلىك قۇيرىقتى جۇلدىزدى اينالا بارلاۋ مىندەتىن اتقارىپ، جەرگە جاقىن ۇساق قىدىرمالاردى اينالىپ بارلاۋ، قوسىمشا ۇلگى الىپ قايتۋدى جوسپارلاپ وتىر؛ 2030 – جىلدىڭ الدى – ارتىندا مارستان ۇلگى الىپ قايتا ورالۋ مىندەتى اتقارىلادى؛ تاعى يۋپيتەر جۇيەسىن اينالىپ بارلاۋ جانە قىدىرما جۇلدىزداردى كەسىپ ءوتىپ بارلاۋ مىندەتى اتقارىلادى.
ەلىمىزدىڭ تۇڭعىش رەتكى مارستى بارلاۋ مىندەتى ينجەنەرياسىنىڭ باس جوبالاۋشىسى جاڭ رۇڭچياۋ مىنانى ءبىلدىردى: جۇڭگونىڭ قىدىرما جۇلدىزداردى بارلاۋ ينجەنەرياسىندا جالپى تۇلعالىق جوبالاۋ، قادامعا ءبولىپ اتقارۋ جانە باياندى دامۋ نەگىزگى پرينسيبىندە تاباندى بولىنىپ، ينجەنەريالىق تەحنيكانى دامىتۋ مەن قولامتالى عىلمي ماسەلەلەردى زەرتتەۋدىڭ قاجەتى ءبىر تۇتاس ويلاستىرىلىپ، 2030 - جىلدان بۇرىن مارستى بارلاۋ ءتۇيىن جانە نەگىزگى جەلى ەتىلىپ، «اينالۋ، قونۋ، شارلاۋ نىساناسىن ءبىرىنشى قادامدا ورىنداۋ، ەكىنشى قادامدا ۇلگى الىپ قايتۋدى جۇزەگە اسىرۋ» باعىتى بويىنشا جۇرگىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
