ينتەرنەت ينفورماتسياسى كەڭسەسى جانكۇيەرلەرگە قاتىستى 5 ءتۇرلى بىلىققان جاعدايعا ءتۇيىندى تۇردە سوققى بەرەدى
2021.06.16 13:43 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى ياڭ جاۋكۇي 6 – ايدىڭ 15 – كۇنى بەيجيڭنەن حابارلايدى. ورتالىق كوميتەت ينتەرنەت ينفورماتسياسى كەڭسەسى بۇگىننەن باستاپ (6 – ايدىڭ 16 – كۇنى) بۇكىل ەلمىز كولەمىندە جانكۇيەرلەر توبىنىڭ ينتەرنەت ارقىلى ورشەلەنە داۋىس بەرۋى، وسەك – اياڭ تاراتىپ، باسقالارعا سوقتىعۋى قاتارلى پاك ينتەرنەت ورتاسىن بۇلدىرەتىن ارەكەتتەرىنە باعىتتاي وتىرىپ، ەكى اي ۋاقىتپەن «پاكتەندىرۋ . ‹جانكۇيەرلەر اراسىنداعى› بىلىققان جاعدايدى جونگە سالۋ» ارناۋلى ارەكەتىن ورىستەتۋدى ۇيعاردى. ازامات جاسىنا تولماعانداردى جۇلدىزدارعا كومەكتەسىپ، قارجى توپتاۋعا شىرعالاۋ قاتارلى جانكۇيەرلەرگە قاتىستى 5 ءتۇرلى بىلىققان ارەكەتكە قاتاڭ سوققى بەرەدى.
بۇل رەتكى ارناۋلى ارەكەت بارىسىندا ينتەرنەتتەگى جانكۇيەرلەرگە قاتىستى كورنەكتى ماسەلەلەرگە باعىتتاي وتىرىپ، جۇلدىزداردى قاتارعا تۇرعىزۋ، قولامتالى ماسەلەلەر، جانكۇيەرلەر توبى، ىقپالداستىق جانە لەبىز قالدىرۋ قاتارلى ماڭىزدى تۇيىندەردى توڭىرەكتەي وتىرىپ، جانكۇيەرلەر توبى اراسىنداعى ءوزارا بالاعاتتاۋ، كەمسىتۋ جانە ۇرىس – كەرىس تۋدىرۋ، قايشىلىق تۋدىرۋ، قورلاۋ جانە جالا جابۋ، وسەك – اياڭ شىعارۋ جانە سوقتىعۋ، ناشار تاسىلدەرمەن ءوزىن ۇگىتتەۋ قاتارلى ءتۇرلى زياندى ينفورماتسيالاردى جالپى بەتتىك اداقتاپ، جانكۇيەرلەرگە قاتىستى 5 ءتۇرلى بىلىققان ارەكەتكە ءتۇيىندى تۇردە سوققى بەرەدى: ءبىرىنشى، ازامات جاسىنا تولماعانداردى قارجى توپتاپ كومەكتەسۋگە، مول سومامەن تۇتىنۋعا، داۋىس بەرىپ كومەكتەسۋگە شىرعالاۋ قاتارلى ارەكەتتەر؛ ەكىنشى، جانكۇيەرلەردىڭ ءوزارا بالاعاتتاۋ، كەمسىتۋ جانە ۇرىس – كەرىس تۋدىرۋ، وسەك – اياڭ شىعارۋ جانە سوقتىعۋ، ىزدەۋ سالۋ، قۇپيالىققا قول سۇعۋ ارەكەتتەرى؛ ءۇشىنشى، جانكۇيەرلەردى ءبىر – بىرىمەن بايلىق سالىستىرۋعا، كول – كوسىرلىك پەن راقاتقۇمارلىققا سالىنۋعا ءناسيحاتتاۋ ارەكەتتەر؛ ءتورتىنشى، جانكۇيەرلەرىنە ۇندەۋ تاستاۋ، ينتەرنەتتە شاشباۋىن كوتەرۋشىلەردى جالداۋ، ارناۋلى اككاۋنت اشۋ قاتارلى فورمالارمەن وزىنە بەرىلگەن جاقسى باعانىڭ سانىن ارتتىرىپ، قارسى پىكىردى تەجەۋ قاتارلى ارەكەتتەر؛ بەسىنشى، قولامتالى تۇيىندەردەن پايدالانىپ، ءسوز سىڭايىن بۇرۋ قاتارلى فورمالارمەن بۇقارالىق اڭىسقا كەدەرگىلىك جاساۋ، اقپارات تاراتۋ تارتىبىنە ىقپال جاساۋ ارەكەتتەرى. وسى مەزگىلدە، قارجى توپتاۋ، وسەك – اياڭ شىعارۋ جانە سوقتىعۋ، قۇپيالىققا قول سۇعۋ قاتارلى ناشار ىقپال تۋدىرۋعا شىرعالاعان اككاۋنتتاردى، توپتاردى جابادى نەمەسە تاراتادى، جانكۇيەرلەر توبىنداعى باسقالاردى قارالاۋمەن ارنايى شۇعىلداناتىندار، ناشار تاسىلدەرمەن ءوزىن ۇگىتتەيتىندەر، ينتەرنەتتەگى وزگەلەردىڭ شاشباۋىن كوتەرۋشىلەر قاتارلى زاڭ – تۇزىمگە قايشى اككاۋنتتاردى قاتاڭ ءبىرجاقتى ەتىپ، بىلىققان جاعدايدى ىرقىنا جىبەرگەن، قايتالاي تاربيە بەرىلسە دە وزگەرتپەگەن ينتەرنەتتىك تەكشەلەردى قاتاڭ ءبىرجاقتى ەتەدى.
تانىستىرۋعا قاراعاندا، ارناۋلى ارەكەت بارىسىندا جان – جاقتىلى شارا قولدانۋ مەن تۇرگە ءبولىپ باسقارۋ كۇشەيتىلەدى، ينتەرنەت تەكشەلەرىن نەگىزگى تۇلعالىق جاۋاپكەرشىلىگىن شىنايى اتقارۋعا، الەۋمەتتىك اۋماق ەرەجەلەرى مەن قولدانۋشىلارعا قاتىستى شارتتاردى اناعۇرلىم كەمەلدەندىرىپ، جانكۇيەرلەرگە توبىنداعى ءارقايسى قاتىناسۋشى نەگىزگى تۇلعالاردىڭ ينتەرنەتتەگى ارەكەتتەرىن كۇش سالا ارناعا تۇسىرۋگە، جانكۇيەرلەر توبىن باسقارۋدىڭ ۇزاق مەرزىمدى قىزمەت مەحانيزمىن قالىپتاستىرۋ جانە ارناعا ءتۇسىرۋ جونىندە ىزدەنىس جاساۋعا، جانكۇيەرلەر مادەنيەتىنىڭ جاقسى دامۋىن ىلگەرىلەتىپ، وركەنيەتتى دە اقاۋسىز ينتەرنەتتىك رۋحاني مەكەندى بىرگە قۇرۋعا قۋزايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
