بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەلىمىز مەديتسينالىق قامتاماسىزداندىرۋ زاڭىن بەلگىلەمەكشى

ءارقايسى جاقتاردىڭ نەگىزگى تۇلعالىق جاۋاپكەرشىلىگىن ايقىندايدى

2021.06.16 13:46     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى پىڭ يۇنجيا 6 – ايدىڭ 15 – كۇنى بەيجيڭنەن حابارلايدى. مەديتسينالىق قامتاماسىزداندىرۋعا رەفورما جاساۋمەن ءوزارا ۇشتاستىرىلعان، ءتۇزىمنىڭ تيپىن تۇراقتاندىرۋعا جانە كەمەلدەندىرۋگە پايدالى زاڭ – ءتۇزىم جۇيەسىن قالىپتاستىرۋدى جەدەلدەتۋ ءۇشىن، مەملەكەتتىك مەديتسينالىق قامتاماسىزداندىرۋ مەكەمەسى 6 – ايدىڭ 15 – كۇنى «مەديتسينالىق قامتاماسىزداندىرۋ زاڭىن (پىكىر الىناتىن نۇسقا)» جاريالادى ءارى قوعامنان اشىق تۇردە پىكىر قابىلدايدى.

  «مەديتسينالىق قامتاماسىزداندىرۋ زاڭى (پىكىر الىناتىن نۇسقا)» جيىنى 8 تاراۋ 70 تارماقتان قۇرالعان، مۇندا جالپى ەرەجە، قارجى توپتاۋ جانە مامىلە، قوردى باسقارۋ، مەديتسينالىق قىزمەت وتەۋ، الەۋمەتتىك باسقارۋعا قىزمەت وتەۋ، باقىلاۋ – باسقارۋ، زاڭدىق جاۋاپكەرشىلىك قاتارلىلار قامتىلعان، مەديتسينالىق قامتاماسىزداندىرۋدى اكىمشىلىك جاقتان باسقارۋ تاراۋلارى، مەديتسينالىق قامتاماسىزداندىرۋ جۇمىستارىن ورىنداۋ قۇرىلىمدارى، بەلگىلەنگەن مەديتسينالىق قۇرىلىمدار، قامسىزداندىرۋعا قاتىناسۋشىلار قاتارلىلاردىڭ نەگىزگى تۇلعالىق جاۋاپكەرشىلىكتەرى ايقىندالعان.

  پىكىردە مىنالار اتاپ كورسەتىلگەن: مەديتسينالىق قامتاماسىزداندىرۋدى اكىمشىلىك جاقتان باسقارۋ تاراۋلارى ءدارى – دارمەكتەرگە، مەديتسينالىق ماتەريالدارعا قاتىستى مەردىگەر شاقىرۋ، ساتىپ الۋ جونىندەگى ساياساتتار مەن ونى باقىلاۋ جانە اتقارۋ شارالارىن بەلگىلەپ، ءدارى – دارمەكتەر مەن مەديتسينالىق ماتەريالداردى شوعىرلى ساتىپ الۋ تەكشەسىن قۇرۋعا جەتەكشىلىك ەتەدى ءارى ءدارى – دارمەكتەر مەن مەديتسينالىق ماتەريالداردىڭ وزىندىك قۇن باعاسىنا تەكسەرۋ جۇرگىزۋگە جاۋاپتى بولىپ، ءدارى – دارمەكتەردىڭ باعاسى مەن مەردىگەر شاقىرۋ، ساتىپ الۋ سەنىمدىلىگىنە باعا بەرۋ ءتۇزىمىن اتقارادى، باعا ارقىلى مونوپولداۋ، باعانى كوتەرمەلەۋ قاتارلى تاسىلدەر ارقىلى مەديتسينالىق قامتاماسىزداندىرۋ قورىنا زيان جەتكىزگەن زاڭعا قايشى ارەكەتتەرگە زاڭ بويىنشا باقىلاۋ جۇرگىزۋدى، تەكسەرۋدى كۇشەيتەدى.

  مەديتسينالىق قامتاماسىزداندىرۋ جۇمىستارىن ورىنداۋ قۇرىلىمدارى مەديتسينالىق قۇرىلىمداردىڭ قىزمەت وتەۋ كەلىسىمشارتىن اتقارۋ جاعدايىن باسقارۋ، باقىلاۋ جانە باعالاۋ قىزمەتتەرىن جۇرگىزەدى. مۇندا، بەلگىلەنگەن مەديتسينالىق قۇرىلىمدار قىزمەت وتەۋ كەلىسىمشارتىنا قايشى كەلسە، مەديتسينالىق قامتاماسىزداندىرۋ جۇمىستارىن ورىنداۋ قۇرىلىمدارى كەلىسىمشارتتا بەلگىلەنگەن شارتتار بويىنشا سايكەستى ءبىرجاقتى ەتۋ شارالارىن قولدانادى، قاتىستى جاۋاپتىلاردى شاقىرىپ اڭگىمەلەسۋ، قاراجات ءبولۋدى ۋاقىتشا توقتاتۋ نەمەسە قاراجات بولدىرمەۋ قاتارلىلاردى قامتيدى.

  پىكىردە مىنالار ايقىندالعان: مەديتسينالىق قامسىزداندىرۋ قاراجاتىن جيناتىن تاراۋلار مەديتسينالىق قامسىزداندىرۋ قاراجاتىن تاپسىرۋ ولشەمدى مولشەرى، قاراجات مولشەرى قاتارلىلاردى ءوز بىلگەنىنشە وزگەرتىپ، وسىنىڭ سالدارىنان مەديتسينالىق قامسىزداندىرۋ قاراجاتىن كەم جيناۋ نەمەسە ارتىق جيناۋ جاعدايى تۋىلسا، قاتىستى اكىمشىلىك تاراۋلار ولاردى تاپسىرۋعا ءتيىستى مەديتسينالىق قامسىزداندىرۋ قاراجاتىن تولەتۋگە نەمەسە تاپسىرماۋعا ءتيىستى مەديتسينالىق قامسىزداندىرۋ قاراجاتىن قايتارۋعا بۇيىرادى.

  نازار اۋدارۋعا تاتيتىن ءتۇيىن: پىكىر الىناتىن نۇسقادا شوعىرلى تۇردە ساتىپ الاتىن قۇرىلىمدار، ءدارى – دارمەك كاسىپورىندارى شوعىرلى ساتىپ الۋ بارىسىندا زاڭعا قايشى ارەكەت وتكىزسە قالاي جازالاۋ جونىندە ايقىن بەلگىلەمە شىعارىلعان: ءدارى – دارمەك كاسىپورىندارى وزىندىك قۇننان تومەن باعا قويۋ ارقىلى باسەكەلەسۋ قاتارلى ءتورت ءتۇرلى جاعداي تۋىلسا، مەديتسينالىق قامتاماسىزداندىرۋدى اكىمشىلىك جاقتان باسقارۋ تاراۋلارى وزگەرتۋگە بۇيىرادى، زاڭعا قايشى تابىستارىن ءمۇسادىرالايدى؛ مەردىگەرلىككە قول جەتكىزگەندەردىڭ مەردىگەرلىگى كۇشىن جويادى، مەردىگەرلىككە قول جەتكىزگەن نىساننىڭ جالپى سوماسىنىڭ 5‰ ىنەن جوعارى نەمەسە 10‰ ىنەن تومەن اقشالاي ايىپ سالىنادى؛ زاڭدى ۋاكىلى، باستى جاۋاپتىسى، تىكەلەي جاۋاپتىسى قاتارلى نەگىزگى باسقارۋشىلارى مەن باسقا جاۋاپتىلارىنا مەكەمەگە سالىنعان اقشالاي ايىپ سوماسىنىڭ 5% ىنەن جوعارى 10% ىنەن تومەن اقشالاي ايىپ سالىنادى.

  مەديتسينالىق قامسىزداندىرۋ قورىنان قاراجات الداپ الۋ قاتارلىلارعا باعىتتاي وتىرىپ، پىكىر الىناتىن نۇسقادا مەديتسينالىق قامتاماسىزداندىرۋ جۇمىستارىن ورىنداۋ قۇرىلىمدارىنىڭ قىزمەتكەرلەرى، بەلگىلەنگەن مەديتسينالىق قۇرىلىمدار مەن ولاردىڭ قىزمەتكەرلەرى، قامسىزداندىرۋعا قاتىناسۋشىلار قاتارلى نەگىزگى تۇلعالارعا قاتىستى بەلگىلەمەر دە ورتاعا قويىلعان. مۇندا، جەكەلەر مەديتسينالىق قامتاماسىزداندىرۋ قورىنان قاراجات الداپ السا، سايكەستى جازادان سىرت، مەديتسينالىق قامتاماسىزداندىرۋدى اكىمشىلىك جاقتان باسقارۋ تاراۋلارى الداپ العان قاراجاتتىڭ 2 ەسەسىنەن جوعارى، 5 ەسەسىنەن تومەن اقشالاي ايىپ سالادى.

  مەملەكەتتىك مەديتسينالىق قامسىزداندىرۋ مەكەمەسى مىنانى ءبىلدىردى: مەديتسينالىق قامتاماسىزداندىرۋ زاڭىن جەتەكشى ەتكەن، ءبىرقىدىرۋ سايكەستى اكىمشىلىك زاڭ – تۇزىمدەر مەن تاراۋلاردىڭ بەلگىلەمە – ەرەجەلەرى ورتاعا قويىلعان، دەربەس تە كەمەلدى مەديتسينالىق قامتاماسىزداندىرۋ زاڭ جۇيەسىن قۇرۋ — مەديتسينالىق قامتاماسىزداندىرۋ تۇزىمىنە رەفورما جاساۋدى تەرەڭدەتىپ، مەديتسينالىق قامتاماسىزداندىرۋدى جونگە سالۋ جۇيەسى مەن جونگە سالۋ قۋاتىن وسىزامانداندىرۋدىڭ قاجەتتى تالابى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار