قياق كۇرىشتىڭ حوش ءيىسى اڭقىپ، دۋان - ۋدى قارسى الدى، سۇيىسپەنشىلىك تەرەڭدەپ، ءبىر وتباسىنداي تاتۋ ءوتتى
2021.06.16 16:02 كەلۋ قاينارى : شينجياڭ گازەتى
قياق كۇرىش ءتۇيىپ، ويىن نومىرلەرىن كورىپ، مەيىر جەتكىزىپ، ىنتىماقتى اڭگىمەلەدى... دۋان - ۋ مەرەكەسى تاعى كەلىپ جەتتى، شينجياڭنىڭ جەر - جەرىندەگى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن كادرلار قىستاق تۇرعىندارىمەن، جەر - جەردەگى كادرلار جۇپ قۇراعان تۋىستارىمەن كوپ ءتۇرلى فورمادا مەرەكەنى بىرگە وتكىزدى.
الۋان قيمىلدارمەن مەرەكەنى تويلادى
6 - ايدىڭ 11 - كۇنى تۇستەن بۇرىن بۋىرشىن اۋداندىق ءادىليا مەكەمەسىنىڭ كادرى يان تيڭ مەن قىزمەتتەستەرى تاڭ اتا بۋىرشىن اۋدانى دۋلايتى اۋىلى اقتام قىستاعىنا باردى، ”تۋىستارىمىزبەن بىرگە قياق كۇرىش ءتۇيىپ، مەرەكەنى تويلادىق“، - دەدى يان تيڭ قۋانىشپەن.
اقتام قىستاعى قىستاق تۇرعىندار كوميتەتىنىڭ اۋلاسىندا كوپتەگەن قىستاق تۇرعىنى قياق كۇرىش تۇيگەندى ۇيرەندى، ”مىنە بىلاي، الدىمەن جابىسقاق كۇرىشتى سالاسىز، ونان سوڭ ءبىر تال شىلان قوسىپ، جىپپەن بايلايمىز“. يان تيڭنىڭ توسەلگەن ونەرى، قىستاق تۇرعىندارىنىڭ زەر سالعان بەينەسى جاراسىمدى كورىنىس قالىپتاستىردى.
”دۋان - ۋ ءداستۇرلى مادەنيەت بىلىمدەرىن ۇيرەنىپ، قياق كۇرىش ءتۇيۋ جارىسىن وتكىزدىك، بۇل مەرەكە اسا ماعىنالى ءوتتى“، - دەدى يان تيڭ.
6 - ايدىڭ 11 - كۇنى تاڭەرتەڭ ەرتە قوبىقسارى موڭعۇل اۆتونوميالى اۋداندىق ەمدەۋ قامتاماسىزداندىرۋ مەكەمەسىنىڭ، اۋداندىق حالىق شيپاحاناسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ەكى ۇتىبۇلاق قىستاعىندا تۇراتىن قىزمەت اترەتىنىڭ مۇشەسى جانات احىمەتبەك قياق، جابىسقاق كۇرىش الىپ قىستاق تۇرعىنى جۋاڭ ليانحۋانىڭ وتباسىنا باردى.
”جۋاڭ اپەكەنىڭ وتباسى جىل سايىن قياق كۇرىش تۇيەدى، بيىل بالالارى سىرتقا جۇمىس ىستەپ كەتتى، سوندىقتان جۋاڭ اپەكەممەن بىرگە قياق كۇرىش ءتۇيۋدى ءجون كوردىم“، - دەدى جانات.
ءتىپتى دە كوپ قىستاق تۇرعىنىنا مەرەكە شاتتىعىن سەزىندىرۋ ءۇشىن، قىزمەت اترەتى قىستاقتاعى بايۋ شەبەرلەرىن، ساقا پارتيا مۇشەلەرىن بىرگە ءدام تاتۋعا شاقىردى. ”بۇل مەرەكە اسا ءماندى ءوتتى، قىزمەت اترەتىنە كوپ العىس ايتامىز“، - دەدى جۋاڭ ليانحۋا.
قامقورلىقتى ۇمىتپاي، پارتيا تاريحىن ەسكە الدى
”ۇشقىننان جالىن قاۋلاعاننان جاڭا جۇڭگو قۇرىلعانعا دەيىن سانسىز توڭكەرىستىك قاھارمان قولدارىنداعى الاۋمەن، جۇرەگىندەگى نانىممەن، تاباندارىنداعى كۇش - قۋاتپەن داڭقتى جىلداردى جازدى...“. 6 - ايدىڭ 13 - كۇنى جىڭ اۋدانى اقشي ەگىس الاڭى ەگىنشىلىك 8 - اترەتى ”توڭكەرىستىك حيكايالاردى بايانداپ، دۋان - ۋ مەرەكەسىن قارسى الۋ“ قيمىلىن ورىستەتتى، 51 جىلدىق پارتيا ستاجى بار ساقا پارتيا مۇشەسى ساي گۋاڭرىن كوپشىلىككە تارتىمدى پارتيا ساباعىن ءوتتى.
”ۇيرەنۋ ارقىلى پارتيانىڭ تاريحى جونىندە تەرەڭ تانىمعا يە بولدىم. داڭقتى پارتيا مۇشەسى بولىپ، حالىق ءۇشىن كوبىرەك ءىس ىستەۋدى ارماندايمىن“، - دەدى قيمىل ۇستىندە قىزمەتكەر شان لي پارتيا ياچەيكا شۋجيى جاڭ حانمينگە پارتياعا كىرۋ ءوتىنىشىن بايىپتىلىقپەن تاپسىرىپ.
قيمىل اياقتاعاننان كەيىن، ءار ۇلت بۇقاراسى قورالانىپ وتىرىپ، قياقتى شيىرشىقتاپ، جابىسقاق كۇرىش سالىپ، ماقتا جىپپەن بايلادى... ءاپ - ساتتە ۇستەل قياق كۇرىشكە تولدى، ۇستەلدەگى ەڭبەك جەمىستەرىنە قاراپ كوپشىلىكتىڭ جۇزىنەن شاتتىق لەبى ەستى.
سول ۋاقىتتا مەملەكەتتىك سالىق باس مەكەمەسى ماناس اۋداندىق سالىق مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا لىتۋ - ي قالاشىعى جاۋجياجۋاڭ قىستاعىندا تۇراتىن قىزمەت اترەتى، جۇپ قۇراعان كادرلار مەن قىستاق تۇرعىندارى بىرگە ”پارتيا تاريحىن ۇيرەنۋ، دۋان - ۋدى قارسى الۋ، 100 جىلدى قۇتتىقتاۋ“ بىرلەسكەن دوستىق قيمىلىن ورىستەتتى.
«ىرىستى وڭىردەن ارمانعا قۇلاش سەرمەيىك»، «ەڭ ادەمى جەر تاعى ءبىزدىڭ شينجياڭ» سياقتى ويناقى بيلەر اۋىق - اۋىق قول شاپالاق ۇنىنە يە بولدى؛ قىزىقتى زەيىن سىناۋ جارىستارىنا پارتيا تاريحى بىلىمدەرى كىرىستىرىلىپ، كوپشىلىك جابال جاۋاپ قايتارىپ، شاتتىق ءۇنى ىشىندە پارتيا تاريحى تۋرالى كوپتەگەن بىلىمدەردى ۇيرەندى.
قىستاق تۇرعىنى نۇراش رازدان بىلاي دەدى: ”بۇگىنگى باقىتتى تۇرمىسىمىز وڭاي - وسپاق قولعا كەلگەن جوق، ۇلى پارتيامىزعا، ۇلى وتانىمىزعا شىن ىقىلاسپەن العىس ايتامىز“.
پارتيا مۇشەلەرى مەن بۇقارا جۇرەكتەس بولىپ، مەيىر جەتكىزدى
”جۇپ قۇراعان كادرلار مەنىمەن بىرگە تارتىمدى نومىرلەردى كوردى، تاعى ءبىزدىڭ دەنساۋلىعىمىزدى تەگىن تەكسەرىپ بەردى، وتە قۋانىشتامىن“، - دەدى يوپۇرعا اۋدانى جەكسەنبى بازار قالاشىعى گاڭحۋا قىستاعىنىڭ تۇرعىنى ارزىگۇل وسىمان.
6 - ايدىڭ 11 - كۇنى قاشقار ايماقتىق 1 - حالىق شيپاحاناسىنىڭ كادرلارى، جۇمىسشى - قىزمەتكەرلەرى گاڭحۋا قىستاعىنا بارىپ، تۋىستارىمەن بىرگە ”ىنتىماقتاسا ەكپىندەي ىلگەرىلەگەن 100 جىل . جۇڭحۋا ۇلتىنىڭ بەرەكەلى شاڭىراعى“ دۋان - ۋ مەرەكەسى بىرلەسكەن دوستىق قيمىلىنا قاتىناسىپ، وتانشىلدىق سۇيىسپەنشىلىكتى بىرگە بەينەلەپ، ۇلتتار ىنتىماعى سۇيىسپەنشىلىگىن بىرگە اڭگىمەلەدى.
قيمىلدا تاعى ”تۇتىنۋ ارقىلى كەدەيلەردى سۇيەمەلدەۋ“ قيمىلى ۇيىمداستىرىلدى. قىستاق تۇرعىندار كوميتەتى ۇيىمداستىرعان ”ۋاقىتشا بازاردا“ قىستاق تۇرعىندارى وزدەرى وندىرگەن جەمىس - جيدەك، كوكونىس، قۇس جۇمىرتقاسى، بال سياقتى اۋىل شارۋاشىلىعى قوسىمشا ونىمدەرىن رەتتى ءتىزىپ، جۇپ قۇراعان تۋىستارىنىڭ تاڭداپ ساتىپ الۋىنا ۇسىندى.
”بۇگىن قىزمەت اترەتىنىڭ مۇشەلەرىنەن قياق كۇرىش ءتۇيۋدى ۇيرەندىم، كوبىرەك ءتۇيىپ، قىستاقتاعى ’ءتورت ءتۇرلى قارتقا‘ اپارىپ بەرمەكشىمىن“، - دەدى 6 - ايدىڭ 11 - كۇنى اقتاۋ اۋدانى ۇجمە اۋىلى جايتەرەك قىستاعىنىڭ تۇرعىنى نۇرامينا قازاننان جاڭا شىققان قياق كۇرىشكە قاراپ تۇرىپ.
نۇرامينا بىلاي دەدى: قىزمەت اترەتى قىستاق تۇرعىندارىمەن بىرگە قياق كۇرىش ءتۇيىپ، بىزگە ءبىر وتباسىنىڭ ادامدارىنداي مەيىرىمدى سەزىندىردى، بۇل مەيىرىمدى جالعاستىرا بەرەمىن.
(ءتىلشى ءپاريزات ابدۇل، قاتىناسقان تىلشىلەر گى يوۋجۇن، ءرايدا، جاڭ تيڭ، سۇڭ ۋيگو، سۇڭ ياۋىن، ەرىكتى ءتىلشى احمەتجان ءالي)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
