كوپشىلىكتىڭ كومەگىمەن ەرجەتىپ، بايىعاننان كەيىن ”كوپشىلىككە“ قارىمجى قايتاردى
2021.06.16 16:07 كەلۋ قاينارى : شينجياڭ گازەتى
5 - ايدىڭ 25 - كۇنى كەشقۇرىم، بەيتۇن قالاشىعىنان التاي قالا رايونىنا باراتىن جولدا تاۋ چي شوجە ءوسىرۋ سەلبەستىگى جونىندە كەڭەسۋ ءۇشىن اۆتوكولىكپەن كەتىپ بارادى، التاي قالاسى ءابيتان قالاشىعى اقتوبە قىستاعىنان وتكەن كەزدە قىستاق تۇرعىنى زاۋكەن ابەنبايدىڭ وتباسىنا بۇرىلىپ، اۋلانىڭ ورتاسىنداعى باعىمشىلىق اۋماعىنا توتە تارتتى، الدىنان كەزدەسە كەتكەن كىشكەنتاي ۇل بالا ارتىنان ەرە جۇگىرىپ كەلە جاتىپ: ”اجە، شوجە اكەپ بەرەتىن قىزىڭ كەلدى...“، - دەپ ايعاي سالدى.
زاۋكەن بيىل اۋلا ىشىنەن ارناۋلى تاۋىق قورا سالعان بولاتىن، تاۋ چي قورانىڭ قاسىنا كەلىپ ءاربىر تاۋىقتىڭ ءوسۋ جاعدايىنا زەر سالا قاراپ، اۋىز جاپپاي: ”شەشەم مىنا تاۋىقتاردى شىنىمەن دە جاقسى باعىپتى...“، - دەپ جاتىر، داۋىستاردى ەستىپ جەتىپ كەلگەن زاۋكەن جادىراي سويلەپ: ”مەن قازىر باعىمشىلىق تەحنيكاسىن يگەرىپ الدىم، سەن ەندىگارى الاڭداماساڭ دا بولادى“، - دەدى.
تاۋ چي التاي قالاسى بەيتۇن تايكۇن قۇس باعىمشىلىق فەرماسىنىڭ باستىعى، بالا كەزىندە اكە - شەشەسى جىل بويى سىرت جەردە بولاتىندىقتان، اقتوبە قىستاعىنداعى ەل - جۇرتتىڭ كومەگىمەن ەرجەتكەن ەدى. ول بۇرىن وزىنە كومەكتەسكەن اۋىلداستارىن ۇمىتقان جوق، 2008 - جىلدان باستاپ قىستاق تۇرعىندارىنا تەگىن شوجە اكەپ بەرىپ، باعۋ تەحنيكاسىن ۇيرەتتى ءارى وسى ءبىر الەۋمەتتىك يگىلىك قيمىلىن ماڭايداعى ەگىن، مال شارۋاشىلىق قىستاقتارىنا، سونداي - اق تۋان - الاڭدارى مەن ليان - دۇيلەرگە دەيىن كەڭەيتتى.
1975 - جىلى 5 جاستاعى تاۋ چي شەشەسىنە ەرىپ سىچۋاننان شينجياڭعا كەلىپ، 1979 - جىلى اقتوبە قىستاعىنا ىرگە تەپتى.
تاۋ چيدىڭ اكە - شەشەسى تىرشىلىك ءۇشىن تاۋعا شىعىپ جۇمىس ىستەدى، بۇعاناسى قاتپاعان ول ەكى سىڭلىسىمەن بىرگە ۇيدە قالاتىن. اكە - شەشەسى جۇمىس ىستەيتىن جەر ۇيلەرىنەن نەداۋىر ۇزاق بولىپ، تەك اندا - ساندا ۇيلەرىنە قايتقاندا ازىراق ازىق - تۇلىك الا كەلەتىن. تاۋ چي قىستاقتاعى ۇيلەردىڭ بارىنەن دەرلىك تاماق ىشكەندىگىن ەسىنە الدى. سول جىلدارى كورشى قازاق شەشەي بەرگەن ءسۇت پەن نان، ىرگەدەگى اپاي اكەپ بەرگەن ۇن، تەڭ تۇس بالالار اكەپ بەرگەن ۇساق - تۇيەك ازىق - تۇلىكتەر... كۇنى بۇگىنگە دەيىن ءالى كوز الدىمدا تۇرادى دەيدى.
وسىنداي تۇرمىس جاعدايى 1983 - جىلعا دەيىن جالعاستى، تاۋ چيدىڭ وتباسى ءابيتان قالاشىعىنا كوشىپ بارىپ، اكە - شەشەسىنىڭ ورنىقتى قىزمەتى مەن كىرىسى بولعاننان كەيىن، تۇرمىستارى اقىرىن - اقىرىن جاقسارا باستادى.
”مەن موڭعۇلمىن، كىشكەنتايىمنان كوپ ۇلتتى قىستاقتا تۇرمىس كەشىرىپ، ءار ۇلت كىشكەنتاي دوستارمەن بىرگە ويناپ ءوستىم، ولار ماعان ءان ايتىپ، ءبي بيلەگەندى ۇيرەتىپ، ارامىزدا تەرەڭ سۇيىسپەنشىلىك ورنادى. ءوزىمنىڭ زاۋكەندى شەشە دەپ، ول كىسىنىڭ مەنى قىزىم دەپ قاشان اتاعانى ەسىمدە قالماپتى، مۇنىڭ ءبارى وتە تابيعي ءارى شىنايى ەدى“. تاۋ چي قالىڭ ەلدىڭ تاماعىن جەپ، قالىڭ ەلدىڭ سۇيىسپەنشىلىگىنە بولەنىپ وسكەندىگىن، بۇل ونىڭ ەرجەتكەننەن كەيىن ەڭ ءبىر قارىمجىسىن قايتارۋدى ويلاعان قامقورلىق ەكەندىگىن ايتتى.
2007 - جىلى تاۋ چي كۇيەۋىمەن بىرگە بەيتۇن قالاشىعىندا شوجە ءوسىرىپ باعىمشىلىقپەن اينالىسىپ، تايكۇن قۇس باعىمشىلىق زاۆودىن قۇردى. قاجىماي - تالماي قۇلشىنۋدىڭ ارقاسىندا تەز ارادا جەرگىلىكتى ورىننان بازار اشىپ، جىلدىق ساتىلىم سوماسىن ەڭ جوعارى بولعاندا 2 ميلليون يۋاننان اسىردى.
بايۋ جولىنا تۇسكەن تاۋ چيعا الەۋمەتتىك يگىلىكپەن شۇعىلدانسام دەگەن وي تۋدى. 2008 - جىلى كوكتەمدە ول اقتوبە قىستاعىنا قايتىپ كەلدى، قىستاقتاعى اۋىلداستارىنىڭ تۇرمىسى ءالى تىم باردام ەمەس ەكەندىگىن كورىپ، ولارعا قول ۇشىن بەرگىسى كەلدى. ”مەن ولارعا شوجە اپارىپ بەرىپ، تاۋىق باعۋ تەحنيكاسىن ۇيرەتىپ، وتباسىلىق باعىمشىلىق كاسىبىن دامىتۋدى ويلادىم“، - دەيدى تاۋ چي.
وتباسىندا شاي قايناتىپ، تاماق ىستەپ، نان پىسىرۋدى عانا بىلەتىن زاۋكەن جونىنەن العاندا، تاۋىق باعۋ، شىنىندا، وتە قيىن بولدى. تاۋ چي تاۋىق قورانىڭ ورنىن تاڭداۋدان، دەرت - دەربەزدەن ساقتانۋدان تارتىپ، جەم دايىنداۋ سياقتى بۋىندارعا دەيىن وعان تاۋىق باعىمشىلىق تەحنيكاسىن ءوز قولىمەن ۇيرەتتى.
2 جىلدىق ۇيرەنۋ مەن اماليات ارقىلى، زاۋكەن تاۋىق باعۋ تەحنيكاسىن يگەرىپ الدى. ”بيىل 5 - ايدا قىزىم قىستاق تۇرعىندارىنا شوجە اكەلىپ تاراتتى، ءبىر ادامعا 10 شوجەدەن بەردى، ماعان 20 شوجە بەردى، مەن تاعى باسقالارعا كومەكتەسىپ باعىپ بەرىپ جاتىرمىن“. زاۋكەن كۇلە سويلەپ، جۇمىرتقالاردى وزدەرى جەگەننەن سىرت، ءبىر ءبولىمىن ساتىپ كىرىستى ارتتىرعاندىعىن، بيىل تەك جۇمىرتقا ساتۋدىڭ وزىنەن 2000 يۋاننان استام اقشا تاپقاندىعىن ايتتى.
ءار جىلى 4 - ايدان 6 - ايعا دەيىن تاۋ چي ۇنەمى كۇيەۋىمەن بىرگە قاجەتى تۇسكەن قىستاق تۇرعىندارىنا تەگىن شوجە تاراتىپ بەرىپ، تەحنيكا ۇيرەتەدى. ون نەشە جىلدان بەرى، ولار جيىنى 2000نان استام ەگىنشى - مالشىعا 31 مىڭ شوجەنى تەگىن تاراتىپ بەردى.
2015 - جىلى بەيتۇن قالاشىعى شينچۋان قايىرىمدىلىق قوعامى قۇرىلىپ، تاۋ چي قوعام باستىعىنا سايلاندى، سودان باستاپ الەۋمەتتىك يگىلىك ىستەرىنە ءتىپتى دە پەيىلدەنە كىرىستى. ونىڭ ۇيىمداستىرۋىمەن، قايىرىمدىلىق قوعامى بەلسەنە جىلۋ جيناپ 2000نان استام كەدەي وتباسىنا كومەك كورسەتتى ءارى ءىشىنارا اۋداندارداعى (قالا) اۋىل - قىستاقتاردان مەيىر جەتكىزۋ ەرەن بازارىن اشىپ، يگىلىككە كەنەلگەن ەگىنشى - مالشىلار 3000 ادام - رەتتەن استى، الداعى جەردە مەيىر جەتكىزۋدى جالعاستىرا بەرمەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
