«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
تاريحتى اينا ەتىپ، تاريح ارقىلى مۇراتتى ايگىلەۋ، تاريحتى ءبىلىپ پارتيانى ءسۇيۋ، تاريحتى ءبىلىپ وتاندى ءسۇيۋ كەرەك
2021.06.16 16:17 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 15 - كۇنى، بەيجيڭ. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «تاريحتى اينا ەتىپ، تاريح ارقىلى مۇراتتى ايگىلەۋ، تاريحتى ءبىلىپ پارتيانى ءسۇيۋ، تاريحتى ءبىلىپ وتاندى ءسۇيۋ كەرەك» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: تاريح − ەڭ جاقسى وقۋلىق. پارتيامىز بەن مەملەكەتىمىز ىستەرىنىڭ ءمان - جايىن ءتۇسىنىپ، پارتيامىز بەن مەملەكەتىمىزدىڭ تاريحي تاجىريبەلەرىن قابىلداپ، پارتيا مەن مەملەكەت تاريحىنداعى كەلەلى ىستەر مەن ماڭىزدى ادامداردى دۇرىس ءتۇسىنۋ كەرەك. بۇل پارتيانىڭ جاعدايىن، مەملەكەتتىڭ جاعدايىن دۇرىس تانۋ جونىنەن توتەنشە قاجەتتى، بولاشاق جاراتۋ جونىنەن دە توتەنشە قاجەتتى. جۇڭگو كوممۋنيستىك پارتياسىنىڭ نە ءۇشىن «يقۋاتتى ەكەنى»، ماركسيزمنىڭ نە ءۇشىن «جۇزەگە اساتىنى»، جۇڭگوشا سوتسياليزمنىڭ نە ءۇشىن «جاقسى» ەكەنى سياقتى كەلەلى ماسەلەلەردى ارقاۋ ەتىپ، ۇگىت - تاربيەنى كەڭ كولەمدە ورىستەتىپ، يدەيالىق قوعامدىق پىكىرگە جەتەكشىلىك ەتۋدى كۇشەيتىپ، قالىڭ كادرلار مەن بۇقارانىڭ جۇڭگوشا سوتسياليزم جونىندەگى جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، جالپى حالىقتىڭ پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ سىندى وراسان زور ىنتاسىن ونان ارى قاۋلاتۋ كەرەك.
ماقالادا بىلاي دەپ اتاپ كورسەتىلدى: جۇڭگودا جۇڭگو كوممۋنيستىك پارتياسىنىڭ بيلىك جۇرگىزۋى − جۇڭگونىڭ، جۇڭگو حالقىنىڭ، جۇڭحۋا ۇلتىنىڭ ۇلكەن باقىتى. جۇڭگونىڭ تاياۋ زامان تاريحىن، جۇڭگونىڭ قازىرگى زامان تاريحىن، جۇڭگو توڭكەرىسىنىڭ تاريحىن ىشكەرىلەي تۇسىنسەك بولعانى، ەگەر جۇڭگو كوممۋنيستىك پارتياسىنىڭ باسشىلىعى بولماسا، مەملەكەتىمىزدىڭ، ۇلتىمىزدىڭ بۇگىنگىدەي تابىستارعا قول جەتكىزە المايتىنىن، بۇگىنگىدەي حالىقارالىق ورىنعا يە بولا المايتىنىن بايقاۋىمىز قيىن ەمەس. پارتيا باسىپ وتكەن اۋمالى - توكپەلى تاريحتان، پارتيا اشقان جانە ۇزدىكسىز ىلگەرىلەتكەن ۇلى ىستەردەن، پارتيانىڭ بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنان جانە ۇزاق ۋاقىتتىق امالياتىنان پارتياعا ارقا سۇيەۋدى تەرەڭدەتىپ، پارتيانىڭ باسشىلىعىنا دەگەن سەنىمدى بەكەمدەۋ كەرەك. پارتيانىڭ باسشىلىعىندا تاباندى بولۋ سىندى كەلەلى پرينسيپتىك ماسەلەدە وي - سانامىز ەرەكشە سەرگەك بولۋى، كوزىمىز ەرەكشە كورەگەن بولۋى، تۇرعىمىز ەرەكشە بەرىك بولۋى كەرەك، ەشقانداي ءدۇدامالدىق جانە سولقىلداقتىق ىستەۋگە استە بولمايدى.
ماقالادا بىلاي دەپ اتاپ كورسەتىلدى: وتانشىلدىق تاربيەنى كەڭ كولەمدە ورىستەتىپ، ادامدارعا تاريح پەن حالىقتىڭ نە ءۇشىن جۇڭگو كوممۋنيستىك پارتياسىن تاڭداعانىن، نە ءۇشىن، ءسوز جوق، جۇڭگوشا سوتسياليزم جولىمەن جۇرۋدە تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرەكتىگىن ىشكەرىلەي ۇعىندىرۋ كەرەك. قالىڭ پارتيا مۇشەلەرى، كادرلار جانە حالىق بۇقاراسى پارتيا تاريحىن، جاڭا جۇڭگو تاريحىن ويداعىداي ۇيرەنىپ، ءتۇسىنىپ، پارتيانىڭ حالىققا باسشىلىق ەتىپ قۇرعان سوتسياليزم ۇلى ىستەرىن قورعاپ، ۇرپاقتان - ۇرپاققا جالعاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
