يۇننانداعى ازيا پىلدەرىنىڭ سولتۇستىككە قونىس جوتكەۋىندەگى ەڭ جاقىن ادامدار –
جول بويى ىزىنە ءتۇسىپ قورعادى
«حالىق گازەتىنىڭ» تىلشىلەرى جاڭ فان، ليۋ ي، ياڭ ۋىنميڭ
2021.06.16 16:52 كەلۋ قاينارى : حالىق تورابى
وزەكتى مازمۇن
تاياۋدان بەرى ءبىر شوعىر جابايى ازيا پىلدەرى شيشۋاڭباننا مەملەكەت دارەجەلى جاراتىلىستىق قورىق رايونىنان سولتۇستىككە قونىس جوتكەپ، جۇرت نازارىن اۋداردى. ءپىل شوعىرىنىڭ جاعدايىن ۋاعىندا يگەرىپ، ادام مەن ءپىلدىڭ حاۋىپسىزدىگىنە كەپىلدىك ەتۋ ءۇشىن، تۇزدە ءپىلدى باقىلاۋ - ساقتاندىرۋ ۇيىرمەسى، ماماندار توبى جانە جەلى بويىنداعى كادرلار مەن بۇقارا پىلدەردىڭ سولتۇستىككە قونىس جوتكەۋىن ارقاۋ ەتىپ، قورعاۋ قيمىلىن كۇش جالعاپ ورىستەتتى.
6 – ايدىڭ 14 - كۇنى ساعات 18 دەن 6 – ايدىڭ 15 - كۇنى ساعات 18 گە دەيىن ءپىل شوعىرى يۇننان ولكەسى يۇيشي قالاسى ي - مىن اۋدانى شىجيە اۋىلىندا ءۇرتىس ارەكەت جاساپ، باتىس سولتۇستىك باعىتتا 9 كيلومەتر اينالىپ ءجۇردى، ءتۇزۋ سىزىق ارالىعى 1.3 كيلومەتر بولدى. جالعىز ءپىل ۇيىردەن 10 كۇن اجىراپ، ءپىل شوعىرىنان شىعىسىنان سولتۇستىك باعىت بويىنشا ءتۇزۋ سىزىق ارالىعى 19.1 كيلومەتر كەلەتىن جەردە، كۇنميڭ قالاسى جيننيڭ رايونى شۋاڭحى يزۋ اۋىلىنىڭ ورماندى جەرىندە قيمىل جاسادى. 15 ءپىل تۇگەلدەي باقىلاۋ كولەمى ىشىندە بولدى، جالپى جاقتان ورنىقتى ارەكەتتەندى، قاتىستى قىزمەتكەرلەر دە، پىلدەر دە امان – ەسەن.
ي - مىن اۋدانى مەن جيننيڭ رايونىنىڭ ناق مايدان قولباسشىلىق شتابى سول كۇنى شۇعىل جاعدايعا توتەپ بەرۋ جۇمىسىنا قىزمەتكەرلەر مەن ساقشى كۇشىنەن 96 ادامدى جۇمىلدىردى، 196 قوقىس اۆتوموبيلىن، 12 قازۋ ماشيناسىن، 68 شۇعىل جاعدايعا توتەپ بەرۋ اۆتوموبيلىن، 12 ۇشقىشسىز ۇشاقتى ىسكە قوسىپ، بۇقارادان 1074 وتباسى، 3420 ادامدى بىتىراتىپ، پىلدەرگە 1.5 توننا ازىق بەرىپ، جول بويىنداعى بۇقارانىڭ حاۋىپسىزدىگىنە كەپىلدىك ەتتى.
باقىلاۋ - ولشەۋ، ساقتاندىرۋ توبى پىلدەرمەن بىرگە قيمىلدادى
جابايى ءپىل كۇندىز جاسىرىنىپ، تۇندە ارەكەتتەنەدى، يۇننان ولكەلىك ورمان ءورتىن ءوشىرۋ باس اترەتى ينفورماتسيا - حابارلاسۋ باسقارماسىنىڭ كومەكشىسى ياڭ شياڭيۇي دە تاڭ سارىدە ابدەن دىڭكەلەپ ۇيقىعا باس قويادى. بۇقارا الدىن الا بىتىراتىلعانىمەن، ياڭ شياڭيۇي مەن قىزمەتتەستەرىنىڭ پىلمەن بىرگە قيمىلداۋىنا تۋرا كەلەدى. سولتۇستىككە قونىس جوتكەگەن پىلدەرگە ەڭ جاقىن ادامدار سانالاتىن ولار ءپىل جۇرسە جۇرەدى، ءپىل دامىلداسا، توقتايدى.
6 – ايدىڭ 13 - كۇنى − ياڭ شياڭيۇيدىڭ جابايى ءپىلدى باقىلاعانىنىڭ 18 - كۇنى. 5 - ايدىڭ 27 - كۇنى تۇستەن كەيىن دالا پىلدەرى يۇيشي قالاسى ي - شان يزۋ اۆتونوميالى اۋدانىنىڭ اۋدان ورتالىعىنا جاقىندايدى، ساقتاندىرۋ قىزمەتىن جاقسى ىستەپ، ادامداردىڭ حاۋىپسىزدىگىنە كەپىلدىك ەتۋ ءۇشىن، ول ناق مايدانعا بارىپ باقىلاۋ - تەكسەرۋ قيمىلىن باستادى. «العاشىندا شۇعىل جاعدايعا توتەپ بەرۋ مىندەتى دەپ ەسەپتەگەن ەدىك، قازىر بايقاۋىمىزشا، بۇل قيمىل ءبىرشاما ۇزاق ۋاقىتقا سوزىلۋى مۇمكىن» دەدى ياڭ شياڭيۇي.
تاياۋدا توراپتا تارالىپ جۇرگەن جابايى پىلدەردىڭ ۇيىقتاۋى، اسىر سالۋى، بالشىقپەن ويناۋى سياقتى كەسكىندەردىڭ بارلىعىن باقىلاۋ - ولشەۋ، ساقتاندىرۋ قىزمەتكەرلەرى تۇسىرگەن. باسىم كوپ جاعدايدا ولار ۇشقىشسىز ۇشاقتى 100 مەتردەن استام بيىكتىكتە ۇشىرىپ، پىلدەردى مۇمكىندىكتىڭ بارىنشا مازالاماۋعا قۇلشىنادى، ءپىل شوعىرى دەمالعان نەمەسە جارىق شارت - جاعدايى ءبىرشاما جاقسى بولعان كەزدە ولار كەيدە دۇربىمەن باقىلايدى.
جابايى پىلدەر شارشاسا بىردەم ۇيىقتاپ دەمالادى، ويانعان سوڭ ازىعىن جەيدى، مۇنىمەن سالىستىرعاندا، جەلى بويىنداعى باقىلاۋ – ولشەۋ، ساقتاندىرۋ توبى حاۋىپ – قاتەرى جوعارى باقىلاۋ – ولشەۋ مىندەتىن، كۇشەمەلىلىگى جوعارى قىزمەتتى ارقالاعان. پىلدەردەن كوز جازىپ قالماۋ، ادام مەن ءپىلدىڭ قاقتىعىسىنان ساقتانۋ ءۇشىن، باقىلاۋ – ولشەۋ، ساقتاندىرۋ قىزمەتكەرلەرىنىڭ زەيىن - زەردەنى بارىنشا شوعىرلاندىرۋىنا تۋرا كەلەدى.
ەڭ قاتەرلى كەز قونىس جوتكەۋ مەزگىلى سانالادى. ۇشقىشسىز ۇشاقتاردىڭ ءونىمدى باقىلاۋ ارالىعى 2 كيلومەتر اينالاسىندا، ءبىر باتەريانىڭ ەڭ ۇلكەن جارامدىلىق ۋاقىتى 50 مينۋت بولادى، سوندىقتان يۇننان ولكەلىك ورمان ءورتىن ءوشىرۋ باس اترەتىنىڭ جابايى ازيا پىلدەرىن ىزدەۋ، باقىلاۋ مىندەتىن ارقالاعان بولىمشە اترەتى جابايى پىلدەردىڭ ارەكەت باعدارىنا نەگىزدەلىپ، باقىلاۋ تۇيىندەرىنىڭ ورنىن ۇزدىكسىز وزگەرتۋى كەرەك.
ۋاڭ شياڭيۇي بىلاي دەدى: «كۇندىز جاقسى، ولار ۇنەمى ورمان اراسىندا باياۋ اينالسوقتاپ جۇرەدى، ءبىز الىسقا سابىلمايمىز؛ ءبىراق كەشتەن باستاپ دالا پىلدەرى ورمان اراسىنان شىعىپ ازىق ىزدەيدى، اسىرەسە، الدىڭعى ءبىر مەزگىلدە دالا پىلدەرى باسىپ وتكەن جەرلەردە ازىق از بولدى، ولار ءبىر تۇندە كوپ بولعاندا 7 - 8 كيلومەتر جول باسادى، ءبىز دە بىرگە ىلەسىپ وتىرامىز، 4 – 5 رەت ورىن جوتكەيمىز».
جۋىقتاعى ءبىر جولى يۇننان ولكەلىك ورمان ءورتىن ءوشىرۋ باس اترەتىنىڭ جابايى ازيا پىلدەرىن ىزدەۋ، باقىلاۋ مىندەتىن ارقالاعان بولىمشە اترەتى جابايى پىلدەرگە 5 مەترگە دەيىن تاياپ بارعان. «ءساتى تۇسكەندە بوي تاسالاپ قالدىق، ويتپەگەندە زاردابىن بولجاۋ قيىن ەدى!» دەدى ياڭ شياڭيۇي.
ماماندار توبى باتىلدىقپەن مۇقيات ىستەدى، ەلەكتروندى يمپۋلس فورماسىنداعى قورشاۋدى وزدەرى سىناپ كوردى
سولتۇستىككە قونىس جوتكەگەن ءپىل شوعىرىنىڭ شيشۋاڭباننا مەملەكەت دارەجەلى جاراتىلىستىق قورىق رايونىنان كوشىپ شىعۋى 2020 - جىلى 3 – ايدا باستالدى. يۇننانداعى باسقا دالا پىلدەرى توبى سياقتى، ولار سول كەزدە مەملەكەتتىك ورمان جانە جايىلىم مەكەمەسى ازيا پىلدەرىن زەرتتەۋ ورتالىعىنىڭ مەڭگەرۋشىسى چىن فەيدىڭ نازارىن اۋدارماعان ەدى، تاياۋداعى 30 جىلدان بەرى يۇننان جابايى ءپىل توبىنىڭ 150 باستان 300 باس اينالاسىندا ارتۋىنا بايلانىستى، جابايى ءپىلدىڭ تارالۋى مەن كوشۋى ۇنەمى كەزىگەتىن.
ءبىراق، ادام مەن ءپىلدىڭ قاقتىعىسىن مۇمكىندىكتىڭ بارىنشا ازايتۋ ءۇشىن، يۇننان ولكەسىنەن كەلگەن ءبىرىنشى شەپتەگى جابايى ءپىلدى باقىلاۋ قىزمەتكەرلەرى قورىق رايونىنان شىققان جابايى ءپىل شوعىرىن «كۇندەلىكتى مالىمدەپ»، بارلىق ماتەريالداردى مەملەكەتتىك ورمان جانە جايىلىم مەكەمەسىنىڭ ازيا پىلدەرىن زەرتتەۋ ورتالىعىنا جولداپ بەرگەننەن كەيىن يۇننان ولكەسىندەگى ءار دارەجەلى ورمان، جايىلىم تاراۋلارىنىڭ باقىلاپ، ساقتاندىرۋدا جانە عىلمي زەرتتەۋدە پايدالانۋىنا بەرەدى.
«سولتۇستىككە قونىس جوتكەگەن ءپىل شوعىرىنىڭ نازارىمىزدى تۇڭعىش رەت اۋدارۋى ولاردىڭ پۋىر قالاسى موجياڭ حاني اۆتونوميالى اۋدانىنىڭ تۇڭگۋان قالاشىعىنا كىرىپ كەتە جازداعان كەزى بولدى». چىن فەي بىلاي دەدى: ەلەكتروندىق يمپۋلس فورمالى قورشاۋدىڭ دالا پىلدەرىن زاقىمداماۋىنا كەپىلدىك ەتۋ ءۇشىن، قۇراستىرىپ بولعان سوڭ، الدىمەن ءوزىم باتىلدىقپەن ءبىر رەت سىناپ كوردىم، جارالامايدى ەكەن، ءبىراق سەسكەندىرۋ رولى بار. ەڭ سوڭىندا ەلەكتروندىق يمپۋلس فورمالى قورشاۋ، فيزيكالىق توسۋ، ازىق - تۇلىكپەن شىرعالاۋ سياقتى تاسىلدەر ارقىلى سولتۇستىككە قونىس جوتكەگەن ءپىل شوعىرىنىڭ تۇڭگۋان قالاشىعىنا كىرۋىنەن ساقتاندىق.
جابايى پىلدەر كەتكەننەن كەيىن چىن فەي سىرمالى قالتا الىپ شىعىپ، ءپىل دايراعىن قولمەن الىپ سوعان سالادى. «ولشەمدى جۇمىس ءتارتىبى بويىنشا قولعاپ كيىپ سىناما تۇتىكپەن الۋ كەرەك، ءبىراق، جابايى ءپىلدىڭ بىزگە ۋاقىت بەرۋى ەكىتالاي، ءالى دە حاۋىپسىزدىكتى ءبىرىنشى ورىنعا قويىپ، ويلاماعان ىستەردىڭ تۋىلۋىنان ساقتانۋ كەرەك». چىن فەيدىڭ تانىستىرۋىنشا، قازىر دالا پىلدەرىنىڭ دايراعىنا گەن گرۋپپاسىنىڭ رەت - ءتارتىبى مەن ميكرو ورگانيزمدەردى باۋلۋ زەرتتەۋى ورىستەتىلىپ جاتىر ەكەن، مۇندا عالىمدار مولەكۋلالىق ءتاسىل ارقىلى جابايى ءپىلدىڭ دەنساۋلىق جاعدايىن زەرتتەپ، جابايى ءپىلدى قورعاۋعا، باسقارۋعا عىلمي دايەكتەمە ازىرلەمەك.
ءبىرىنشى قول ماتەريالدى يگەرۋ ءۇشىن، ماماندار توبى دا قىستاققا بارىپ تاۋعا شىعادى. يۇيشي قالاسى حۇڭتا رايوندىق ۇكىمەتتىڭ قىزمەتكەرلەرىمەن سايكەسىپ، بۇقارانى تۇرعان جەرلەرىنەن كەتىپ قالۋعا ءناسيحاتتاعاننان كەيىن، شەگىنىپ شىعۋعا ۇلگىرە الماعان چىن فەي مەن باسقا ون نەشە ادام دەرەۋ 2 - قاباتتاعى ءۇيدى تاۋىپ تاسالانادى. شەشۋشى ساتتە پىلدەردەن تاسالانعان حالىق ساقشىلارى وسى قابات ءۇيدىڭ باسپالداعىنا كەلەدى، كوپشىلىك ءبىر - بىردەن ءۇيدىڭ توبەسىنە شىعىپ، تۋىلۋى مۇمكىن حاۋىپ - قاتەردەن قۇتىلادى.
«ءار دارەجەلى پارتكومدار مەن ۇكىمەتتەر جانە جەلى بويىنداعى بۇقارا ازيا پىلدەرىن قورعاۋ ءۇشىن كوپ بوداۋ بەردى». چىن فەي اقتارىلا بىلاي دەدى: ەل ىشىندە ەرتەدە – اق جابايى ءپىلدى ەشكىم اۋلاماعان، قازىر ەڭ قورقىنىشتىسى، جابايى ءپىل ادامدى زاقىمداپ كەتۋى مۇمكىن، جابايى ءپىلدىڭ ادامدى زاقىمداۋىنان ساقتانعاندا عانا سولتۇستىككە قونىس جوتكەگەن ءپىل شوعىرىن اناعۇرلىم ويداعىداي قورعاۋعا بولادى.
جول بويىنداعى كادرلار مەن بۇقارا وزدەرىنىڭ باس اماندىعىن قورعادى، سونىمەن بىرگە ءپىل شوعىرىن دا قورعادى
جول بويى رەتتى تىزىلگەن قوقىس اۆتوموبيلدەرىن كورگەندە، يۇيشي قالاسى ي - مىن اۋدانى شىجيە اۋىلىنا كەلگەنىمىزدى بىلدىك.
ەگىس جۇمىسى ادامدى كۇتىپ تۇرمايدى. 6 - ايدىڭ 13 - كۇنى تۇستە شىجيە اۋىلى جاڭسو قىستاعى تۇرعىندار كوميتەتى جوموجيۋزو گرۋپپاسىنىڭ ءبىرتالايى تۇرعىنى شىجىعان ىستىقتا اتىزدا ەڭبەك ىستەپ جاتتى. 6 - ايدىڭ 5 - كۇنىنەن 10 - كۇنىنە دەيىن جابايى پىلدەر قىستاقتان وتەتىندىكتەن تۇتاس قىستاق، گرۋپپانىڭ ەگىس جۇمىسى ۋاقىتشا توقتاتىلدى. «6 – ايدىڭ 10 - كۇنى كەشتە ءپىلدىڭ قىستاققا كىرۋى مۇمكىن دەپ الدىن الا تۇسپال جاسادىق، ءبىز قىستاقتاعى ءارقايسى كوشەنى بىتەپ، بارلىق قىستاق تۇرعىندارىنان 2 - قاباتقا شىعىپ ۋاقىتشا تاسالانۋدى تالاپ ەتتىك». جوموجيۋزو گرۋپپاسى پارتيا ياچەيكاسىنىڭ شۋجيى لي يۇڭميڭ بىلاي دەدى: تۇتاس گرۋپپاداعى 156 وتباسىنىڭ حاۋىپسىزدىگى ءۇشىن، كادرلار وتباسىلارعا كوتەرمەگە الىپ جاۋاپتى بولىپ، جابايى پىلدەر قىستاققا كىرگەن كەزدە بۇقارانىڭ ۇيدە وتىرۋىنا كەپىلدىك ەتتى.
جابايى پىلدەردىڭ قىستاققا كىرگەلى تۇرعانىن ەستىگەندە جوموجيۋزو گرۋپپاسىنىڭ تۇرعىنى ياڭ يۇنفىن تەبىرەنىسىن جاسىرا الماي: «بۇرىن كورمەگەن ەدىم، شىنىندا عاجاپ!» دەدى. سول كۇنى كەشتە ءبىر ءۇيلى جان 2 - قاباتقا تاسالانى، جابايى پىلدەردىڭ قىستاقتان وتكەنىن ءوز كوزدەرىمەن كوردى. «ولاردىڭ سالماعى بىرنەشە توننا بولعانىمەن، ءجۇرىسى سونشاما سىلىق ەكەن، ويلاسام، الاڭدايمىن». جابايى پىلدەر كەتكەن كۇننىڭ ەرتەسىندە ياڭ يۇنفىن ءوزىنىڭ 2 مۋ جەردەگى قانت قۇراعىنىڭ نەداۋىر بۇلىنگەنىن بايقايدى. ۇكىمەتتىڭ زاڭ بويىنشا تولەم بەرەتىنىن ەستىپ، ونىڭ كوڭىلى جاي تابادى.
جابايى پىلدەر جوموجيۋزو گرۋپپاسىنان كەتكەننەن كەيىن، لي يۇڭميڭ: «ادامدارىمىز استە اراندالىپ قالماۋى كەرەك» دەپ كەڭ تىنىس الدى.
تاجىريبە جابايى ءپىلدى باقىلاۋ، ساقتاندىرۋ قىزمەتى جونىنەن توتەنشە ماڭىزدى. ءىس جۇزىندە، بۇل ءبىر رەتكى كۇش جالعاپ قورعاۋ بولىپ تابىلادى. قاراستى جەردەگى ۇكىمەت ءپىل شوعىرىنىڭ جىلجىمالى باعىتىنا نەگىزدەلىپ، الدىڭعى ءبىر تۇيىنگە ەرتە بارىپ ۇيرەنۋ، ءبىر جاقتى ەتۋ تاجىريبەسىنە جاتتىعۋ جاسايدى. ءپىل شوعىرى يۇيشي قالاسى حۇڭتا رايونىنا كىرگەن كەزدە، كۇنميڭ قالاسىنىڭ، جيننيڭ رايونىنىڭ ەكى دارەجەلى باقىلاۋ - تەكسەرۋ، ساقتاندىرۋ ۇيىرمەسى حۇڭتا رايونىنا بارىپ، توپتىق ۇيرەنۋدى باستادى. جالعىز ءپىلدىڭ ۇيىرىنەن شىعىپ كەتۋىنە بايلانىستى يۇيشي قالاسى ي - مىن اۋدانى، كۇنميڭ قالاسى اننيڭ قالاسى، جيننيڭ رايونى سياقتى كوپتەگەن جەر ءبىر ۋاقىتتا باقىلاۋ جۇرگىزدى.
5 – ايدىڭ 27 – كۇنى كەشتە بارلىق ءۇي ەسىك، تەرەزەلەرىن بەكىتىپ، شىراقتارىن ۋاقىتتىق سوندىرگەن كەزدە يۇيشي قالاسى ىشان اۋدانى شۋاڭجياڭ ءمالى باسقارماسى شىچۋان الەۋمەتتىك اۋماعى قىزمەت عيماراتىنىڭ شىراعى تۇنىمەن جانىپ تۇردى.
«ءپىل دەمالعاندا عانا، ءبىز ءبىراز تىنىستاي الامىز». شىچۋان الەۋمەتتىك اۋماعى پارتيا باس ياچەيكاسىنىڭ شۋجيى شۇي حۇڭلي بىلاي دەدى: «كەشكى ساعات 9 دان اسقاندا ۇقتىرۋدى تاپسىرىپ الدىق، وندا ايتىلۋىنشا، پىلدەر ىرگەلەس دىڭيۇن الەۋمەتتىك اۋماعىنا قاراي جۇرەدى ەكەن، ءبىز دەرەۋ شەكارالاسقان وڭىرگە بارىپ، قىستاقتاعى جۇرگىنشىلەردى، اۆتوكولىكتەردى شەگىنۋگە ءناسيحاتتادىق؛ كەشكى ساعات 10 جارىمدا پىلدەر دىڭيۇن الەۋمەتتىك اۋماعىنىڭ حۇيلۇڭ قىستاعىنا قاراي جۇرەدى ەكەن، ءبىز تاعى دا ەكى ورتاداعى تومەنگى جينيا قىستاعىنا باردىق».
«شىراقتى ءوشىرىپ، ەسىكتى جابۋ، سىرتقا شىقپاۋ، قورالانباۋ، يتكە جاقسى قاراۋ كەرەك»... ازيا پىلىنەن مۇلدە حابارسىز بولۋدان ازيا پىلدەرىنىڭ حاۋپىن اڭعارۋعا دەيىن، شىچۋان الەۋمەتتىك اۋماعىنداعى قىستاق تۇرعىندارى ساقتانۋ تاسىلدەرىن دەرەۋ ەستە ساقتاپ جانە ودان پايدالانىپ باس اماندىعىن قورعادى. ازيا پىلدەرى شىچۋان الەۋمەتتىك اۋماعىندا 3 كۇنگە جەتپەيتىن ۋاقىت ايالدادى، شۇي حۇڭلي 2 كۇن، 2 ءتۇن كوز ىلگەن جوق. ول بىلاي دەدى: «ءبىز جونىنەن العاندا، قىستاق تۇرعىندارىن ويداعىداي قورعاۋ، ءپىل مەن ادامنىڭ قاقتىعىسىن تۋدىرماۋ ءپىل شوعىرىن قورعاعاندىق بولىپ تابىلادى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
