لي كىچياڭ جيليندە قىزمەت تەكسەرگەندە مىنانى دارىپتەدى
رەفورما جاساپ، ەسىك اشۋدى كۇش سالا ىلگەرىلەتىپ، بازار تۇلعالارىن جەتىلدىرىپ، زورايتىپ، شىعىس سولتۇستىكتىڭ جاپپاي گۇلدەنۋىندە تىڭ تابىستارعا قول جەتكىزۋدى ىلگەرىلەتۋ كەرەك
2021.06.17 15:39 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 16 – كۇنى، چاڭچۇن (ءتىلشى ليۋ جىڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 6 - ايدىڭ 15 - كۇنىنەن 16 - كۇنىنە دەيىن جيلين ولكەلىك پارتكومنىڭ شۋجيى جيڭ جۇنحايدىڭ، ولكە باستىعى حان جۇننىڭ جولسەرىك بولۋىندا سۇڭيۋان مەن چاڭچۇندە قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، رەفورما جاساپ، ەسىك اشۋدى اناعۇرلىم زور تەبىنمەن ىلگەرىلەتىپ، اناعۇرلىم كوپ بازار تۇلعالارىن جەتىلدىرىپ، زورايتىپ، ەكونوميكالىق دامۋدىڭ قوزعاۋشى كۇشىن نىعايتۋ كەرەك.
لي كىچياڭ استىق وندىرىسىنە ەرەكشە كوڭىل ءبولدى. سۇڭيۋان قالاسىندا ول ەگىس اتىزىنا بارىپ، جۇگەرىنىڭ ءوسۋ جاعدايىن كوزدەن كەشىرىپ، ەگىنشىلەرمەن، اۋىل شارۋاشىلىق تەحنيكتەرىمەن اڭگىمەلەستى. كوپشىلىك زۇڭليگە بيىل دىمقىلدىق جاعدايى مەن اۋا رايىنىڭ جاقسى بولعانىن، استىقتان مول ءونىم الۋدان ءۇمىت بار ەكەنىن، الايدا ۋرەا، سالەركا سياقتى اۋىل شارۋاشىلىق ءوندىرىس قۇرال - جابدىقتارىنىڭ باعاسى كوپ جوعارىلاعانىن، تاياۋ مەزگىلدە جۇگەرى باعاسىنىڭ تومەندەۋى دە كوڭىلدەرىن كۇپتى ەتىپ وتىرعانىن ايتتى. لي كىچياڭ قاتىستى جاۋاپتى جولداستارعا مىنالاردى تاپسىردى: قازىر استىق ءوندىرىسىنىڭ شەشۋشى مەزگىلى، ۇتىمدى شارالار قولدانىپ، اۋىل شارۋاشىلىق ءوندىرىس قۇرال - جابدىقتارىنىڭ باعاسىن ورنىقتىرۋ كەرەك. ول بىلاي دەدى: جۇڭگونىڭ حالىق سانى كوپ، جەتكىلىكتى استىق جيناعاندا ەل – جۇرت تىنىش بولادى. ۇيلەسىمدى استىق باعاسى دەڭگەيىن ساقتاپ، اۋىل شارۋاشىلىق ءوندىرىس قۇرال - جابدىقتارى باعاسىنىڭ جوعارىلاۋىن تەجەپ، استىق ەگەتىن شارۋالاردىڭ بەلسەندىلىگىن ويداعىداي قورعاۋ كەرەك. ول بىلاي دەپ دارىپتەدى: قاستەرلى قارا توپىراقتى ويداعىداي قورعاپ، اناعۇرلىم كوپ تاڭداۋلى سورتتى تۇقىم جەتىلدىرىپ، شىعىس سولتۇستىك سىندى ۇلكەن استىق قامباسىن دانگە تولتىرۋ كەرەك.
لي كىچياڭ چاگان كولىنە كەلىپ، ەكولوگيالىق ورتانى قورعاۋ جاعدايىن تەكسەردى. ول بىلاي دەدى: بۇل ۇلكەن كول توڭىرەكتەگى ەكولوگيانى رەتتەۋ، جاقسارتۋ جونىنەن ماڭىزدى رول اتقارادى. سۋ ورتاسىن قورعاۋدى ۇزدىكسىز مىقتى يگەرىپ، ەكولوگيا ارقىلى بالىق شارۋاشىلىعى سياقتى كاسىپتەردىڭ دامۋىن جەبەپ، چاگان كولىنىڭ ات - اتاعىن ءتىپتى دە ايگىلەۋ كەرەك.
جيلين پانپان ازىق - تۇلىك سەرىكتەستىگىن شىعىس بولەكتەگى كاسىپورىننىڭ قارجى قوسىپ قۇرعان. لي كىچياڭ كاسىپورىننىڭ سالىقتى ازايتىپ، اقىنى تومەندەتۋدەن يگىلىكتەنۋ جاعدايىن ۇعىسىپ، جاڭا ونىمدەردى كوزدەن كەشىردى ءارى جۇمىسشىلارمەن پىكىر الماستىردى. ول بىلاي دەدى: ازىق - تۇلىك كاسىبى − ماڭگى تەبىندەپ وتىراتىن كاسىپ، بازاردىڭ ەگجەي - تەگجەيلى ءبولىنۋ كەڭىستىگى وتە كەڭ، سىزدەردىڭ كوپ نەگىزدى تۇتىنۋ قاجەتىنە ۇيلەسەتىن اقاۋسىز ازىق - تۇلىكتى كوپتەپ وندىرۋلەرىڭىزدى ءۇمىت ەتەمىن. كاسىپورىننىڭ وسى ارادا قارجى قوسۋدى كەڭەيتپەكشى بولعانىن ەستىگەن لي كىچياڭ بىلاي دەدى: شىعىس سولتۇستىك − كاسىپتى كوركەيتىپ، دامىتۋداعى جانە تۇرمىس كەشىرۋدەگى تاماشا جەر، ساۋدا ورتاسى وتكەلدەن وتكەن سوڭ قارجى قوسۋشىلار ءتىپتى دە كوپتەپ اعىلاتىن بولادى. رەفورمانى كۇش سالا تەرەڭدەتىپ، بازارلانعان، زاڭمەن جونگە سالىناتىن، حالىقارالانعان تيجارات - ساۋدا ورتاسىن قالىپتاستىرۋعا، بازار تۇلعالارىن جەتىلدىرۋگە كۇش سالىپ، ەل ءىشى - سىرتىنداعى كاسىپورىنداردىڭ شىعىس سولتۇستىككە نىق سەنىممەن قارجى قوسۋىنا مۇمكىندىك جاساپ، شىعىس سولتۇستىكتىڭ زور دامۋ بولاشاعىن اناعۇرلىم ويداعىداي ايگىلەۋ كەرەك.
لي كىچياڭ جيلين ولكەسىنىڭ گۇلدەنۋ، دامۋ جانە ەسىك اشۋ، سەلبەسۋ جاعدايى جونىندەگى مالىمەتتى تىڭدادى. ول جۇڭگو - كورەيا چاڭچۇن حالىقارالىق سەلبەستىك ۇلگى رايونىنا كەلىپ، ىرگە تەپكەن كاسىپورىنداردى تەكسەرىپ، ولاردان ساۋدا ورتاسى جونىندەگى اسەرلەرى مەن ۇسىنىستارىن سۇرادى. ول بىلاي دەدى: ءبىز ءىرى كاسىپورىنداردىڭ قارجى قوسىپ، شارۋاشىلىقتى گۇلدەندىرۋىن قارسى الىپ قانا قويماي، ورتا، شاعىن كاسىپورىنداردىڭ سەلبەسىپ دامۋىن دا قارسى الامىز. كوپتەگەن ورتا، شاعىن كاسىپورىنداردا ارنايىلانعان، كەمەلدەنگەن، ەرەكشەلىككە يە جاڭا تەحنيكالار بار، دارالاندىرىلعان، تۇرگە ايىرىلعان قىزمەت وتەۋمەن قامداپ، ورتا، شاعىن، ۇساق كاسىپورىنداردىڭ مولىعۋىنا مۇمكىندىك جاراتىپ، ءىرى كاسىپورىنداردىڭ ەڭسە كوتەرۋىنە تىرەك ازىرلەۋ كەرەك. شىعىس سولتۇستىكتىڭ شەكارا بويىنا، تەڭىز جاعالاۋىنا ورنالاسۋ ابزالدىعى بار، ەسىك اشۋدى كۇش سالا كەڭەيتىپ، اسىرەسە، شىعىس سولتۇستىك ازياعا ەسىك اشىپ، وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمى ورايىن مىقتى يگەرىپ، وڭىرلىك سەلبەستىكتى كۇشەيتىپ، ورتاق يگىلىكتەنەتىن كاسىپ تىزبەگىن قالىپتاستىرىپ، شىعىس سولتۇستىك جۇڭگونى دامىتۋداعى سەركە كاسىپورىنداردىڭ ومىرشەڭدىك كۇشىن تاسقىنداتۋ كەرەك.
حالىق باسقارۋىنداعى كاسىپورىندار قۇرعان بايدۋ جاڭالىق اشۋ جۇمىس الاڭىندا لي كىچياڭ وسى ارانىڭ جەتىلدىرۋ مەن قارجى قوسۋدى ۇشتاستىرۋ ارقىلى جاڭالىق اشۋدى جەبەگەنىن، ۇكىمەتتىڭ ناق مايداندا قولايلى قىزمەت وتەۋمەن قامداعانىن تۇراقتاندىردى. ول جاڭالىق اشۋ جەتىستىكتەرىن كورىپ، شاعىن ونىمدەردە زور تالپىنىس بولعانىن القادى. لي كىچياڭ شارۋاشىلىق قۇرۋشىلاردىڭ شارۋاشىلىق قۇرۋ كەشىرمەلەرى مەن قانداي قولداۋلاردى قاجەت ەتەتىنىن سۇرادى. ول بىلاي دەدى: ءبىز الەۋمەتتىڭ يگىلىك، جاڭالىق جاراتۋىن ۇزدىكسىز ىلگەرىلەتۋدە قوعامدىق جاسامپازدىقتىڭ ومىرشەڭدىك كۇشىن اناعۇرلىم تاسقىنداتۋىمىز كەرەك. كوپشىلىك ءبىر جاعىنان جۇمىلا ىستەپ، ءبىر جاعىنان ءوز ابزالدىقتارىن ساۋلەلەندىرىپ، تار جول، تايعاق كەشۋدەن بىرگە ءوتىپ، قيىندىقتى جەڭسە، جاڭالىق اشۋ ىستەرىن باياندى، تىڭعىلىقتى جۇرگىزۋگە بولادى.
لي كىچياڭ جيليننىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءورىس اشا جاڭالىق جاراتىپ، تىڭعىلىقتى ىستەپ، شىعىس سولتۇستىكتىڭ جاپپاي گۇلدەنۋىن، ساپالى دامۋىن ىلگەرىلەتۋ بارىسىندا تىڭ ۇلەس قوسۋىن ءۇمىت ەتتى.
شياۋ جيە، حى ليفىڭ تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
