”كوكيار رۋحىن“ اسقاقتاتىپ، ەكولوگيالىق وركەنيەت قۇرىلىسىن ىلگەرىلەتتى
2021.06.18 14:55 كەلۋ قاينارى : شينجياڭ گازەتى
پارتيا تاريحىن ۇيرەنۋ تاربيەسى ورىستەتىلگەننەن بەرى رايونىمىزدىڭ جەر - جەرى شي جينپيڭنىڭ ەكولوگيالىق وركەنيەت يدەياسىن ىشكەرىلەي امالياتتا ايگىلەپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، پارتيا تاريحىن ۇيرەنۋ تاربيەسىن ”كوكيار رۋحىن“ بارىنشا اسقاقتاتۋمەن ۇشتاستىرىپ، مەملەكەت جەرىن جاسىلداندىرۋدى ءۇرتىس ورىستەتىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن تياناقتاندىرىپ، ەكولوگيالىق وركەنيەت قۇرىلىسىن جالپى بەتتىك ىلگەرىلەتتى.
پارتيا تاريحىن ۇيرەنۋ تاربيەسى ورىستەتىلگەننەن بەرى اقسۋ كاسىپتىك - تەحنيكالىق شۋەيۋانى ”كوكيار رۋحىن“ اسقاقتاتۋدى تياناق ەتىپ، ”ساباق + قىزمەت كەڭسەسى + بازا + ادەبيەت - كوركەمونەر سارا تۋىندىلارى“ سىندى ءتورتتى ءبىر تۇلعالاندىرعان ”1132 مەكتەپ اۋلاسى قىزىل ەكولوگيالىق تاربيە شەڭبەرىن“ قالىپتاستىرىپ، بارلىق قىزمەتكەر ادام تاربيەلەۋدى، جان - جاقتى ادام تاربيەلەۋدى، جالپى بارىستا ادام تاربيەلەۋدى جۇزەگە اسىردى.
”بۇگىن ءبىزدىڭ ءبىرىنشى ءىسىمىز نازاريانى تەرەڭدەتىپ، كوكياردىڭ مادەنيەت نەگىزىن اناعۇرلىم بەكەمدەۋ“. 5 - ايدىڭ 27 - كۇنى اقسۋ كاسىپتىك - تەحنيكالىق شۋەيۋانىنىڭ ”كوكيار رۋحى ۋىنرۇن قىزمەت كەڭسەسىندە“ وقىتۋشىلار ”كوكيار رۋحىنىڭ“ داۋىرلىك قۇنىن زەرتتەۋ - تالقىلاۋ ماجىلىسىندە بۇكىل ەلدىڭ جەر - جەرىندەگى مامان، وقىمىستىلار العا قويعان پىكىرلەردى، ۇسىنىستاردى سالالاپ، «كوكيار رۋحىن جالعاستىرۋدىڭ يدەيا - ساياسي مىسالدار جيناعىن» قايتكەندە اناعۇرلىم كەمەلدەندىرۋگە بولادى دەگەندى تالقىلادى.
”’كوكيار رۋحى‘ تەك عانا ۇران ەمەس، ونى ۇرپاقتان - ۇرپاققا جالعاستىرۋ قاجەت، مەن ساباقحانا ارقىلى وقۋشىلارعا ’كوكيار رۋحىن‘جاقسى تۇسىندىرەمىن، بۇل ءبىز وقىتۋشىلاردىڭ قىزمەت جاۋاپكەرشىلىگى جانە بورىشى“، - دەدى اقسۋ كاسىپتىك - تەحنيكالىق شۋەيۋانى ماركسيزم شۋەيۋانىنىڭ وقىتۋشىسى ياڭ گو.
بيىل 4 - ايدىڭ ورتا شەنىندە اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ پارتيالى كادرلارى ءۇرىمجى اۋدانى شۇيشيگوۋ قالاشىعىنىڭ مىندەتتى اعاش ەگۋ بازاسىنا كەلىپ، ”پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، ورمان، جايلىم ىستەرىندە اۋەلگى ماقساتتى، بورىشتى امالياتتا ايگىلەيىك“ نەگىزگى تاقىرىپتىق امالياتتىق قيمىلىن ورىستەتتى. اعاش ەگۋ جۇمىس باسىندا پارتيالى كادرلار سايكەسە وتىرىپ ىستەپ، ءبىر - بىرلەپ كوشەت ەكتى.
”اعاش ەگىپ، ورمان وتىرعىزۋ قيمىلىنىڭ ماڭىزى زور، قازىر ەڭبەك ەتىپ، پايداسىن بولاشاقتا كورەتىن جۇمىس، ءبىز جاپاعا شىدامدى بولۋ رۋحىن تولىق ساۋلەلەندىرىپ، ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىن ناقتى تياناقتاندىرامىز“، - دەدى اۆتونوميالى رايوندىق ورمان شارۋاشىلىعى جانە جايلىم مەكەمەسى كادرلار باسقارماسىنىڭ باستىعى لياڭ يۇڭ.
قيمىلعا قاتىناسقان پارتيالى كادرلار مىنالاردى ءبىلدىردى: پارتيا تاريحىن ۇيرەنۋ تاربيەسىمەن ۇشتاستىرىپ، ”كوكيار رۋحىن“ بار كۇشپەن اسقاقتاتىپ، اعاش ەگۋ مىندەتىن باستاماشىلدىقپەن اتقارىپ، جاسىل، تومەن كومىرتەكتى تۇرمىس ءتاسىلىن امالياتتا ايگىلەيمىز، سونىمەن بىرگە بۇكىل شينجياڭداعى ءار ۇلت حالقىنىڭ مىندەتتى اعاش ەگۋگە ات سالىسۋ بەلسەندىلىگى مەن ىرىقتىلىعىن اناعۇرلىم جۇمىلدىرىپ، جالپى حالىق مىندەتتى اعاش ەگۋ قيمىلىنا ات سالىساتىن قويۋ راي قالىپتاستىرىپ، مەكەنىمىزدى بىرگە ويداعىداي قورعايمىز، وتانىمىزدىڭ تۇنىق سۋىن، جاسىل تاۋىن ويداعىداي قورعايمىز.
شينجياڭ تارىم وزەنى الابىن باسقارۋ مەكەمەسى پارتيا تاريحىن ۇيرەنۋ تاربيەسىن تارىم وزەنى الابىنىڭ سۋ يگىلىگى قىزمەتىمەن ۇشتاستىرىپ، كوكتەمگى سۋاراتىن سۋمەن قامداۋ جانە ەكولوگيالىق سۋ جىبەرۋدىڭ الدىڭعى مەرزىمدىك دايىندىق قىزمەتىن شىن مانىندە ويداعىداي ىستەدى.
سۋ بايلىعىن باسقارۋدىڭ ەڭ قاتاڭ ءتۇزىمىن اتقارۋ ءۇشىن شينجياڭ تارىم وزەنى الابىن باسقارۋ مەكەمەسى جالپى مولشەرى مەڭگەرىلگەن سۋمەن قامداۋ پرينسيبىن العى شارت ەتىپ، كوكتەمگى سۋارۋدى ماڭىزدى قىزمەت رەتىندە يگەرىپ، سۋ رايى تاراۋلارىمەن، اۋا رايى تاراۋلارىمەن تىلدەسۋدى، بايلانىس جاساۋدى ىرىقتىلىقپەن كۇشەيتىپ، تارىم وزەنى الابىنىڭ سۋ جاعدايىنىڭ، جاۋىن - شاشىن جاعدايىنىڭ جانە توپىراق ىلعالدىلىعىنىڭ وزگەرىس جاعدايىن ءجىتى قاداعالاپ، جىلدىق سۋمەن قامداۋدىڭ بەكىتىلگەن جوسپارىنا جانە تۇسىرگەن سۋ مولشەرىن رەتتەۋ بۇيرىعىنا قاتاڭ بويسۇنىپ، سۋمەن قامداۋ قىزمەت وتەۋىن ويداعىداي ىستەدى.
سونىمەن بىرگە شينجياڭ تارىم وزەنى الابىن باسقارۋ مەكەمەسى 2021 - جىلعى ەكولوگيالىق سۋ جىبەرۋدىڭ الدىڭعى مەرزىمدىك قىزمەتىنە بەلسەنە دايىندالىپ، بيىل 4 - ايدا كۇش ۇيىمداستىرىپ ”ءتورت قاينار، ءبىر ارنا“ توراڭعى ورمانىنا ەكولوگيالىق سۋ جىبەرۋ ءوڭىرى، سۋ باستاۋ وزەن ارناسى، ەكولوگيالق سۋ جىبەرۋ تيەگى، سۋ جىبەرۋ مولشەرى سياقتى جاعدايلارعا ۇستىندە تەكسەرىپ - زەرتتەۋ جۇرگىزىپ جانە كەڭەسىپ، سايكەستىرىپ، 2021 - جىلعى ەكولوگيالىق سۋ جىبەرۋ قىزمەتىنىڭ ءساتتى ورىستەتىلۋىنە نەگىز قالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
