شوكىرات زاكىر بوسنيا - گەرتسەگوۆينانىڭ جانە سەربيانىڭ جۇڭگوداعى ەلشىلەرىمەن كەزدەستى
2021.06.18 14:57 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 6 - ايدىڭ 16 - كۇنى ۇرىمجىدەن حابارلايدى. 6 - ايدىڭ 10 - كۇنى تۇستە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ۇرىمجىدە شينجياڭعا ەكسكۋرسيالاي، ساپارلاي كەلگەن بوسنيا - گەرتسەگوۆينانىڭ جانە سەربيانىڭ جۇڭگوداعى ەلشىلەرىمەن كەزدەستى.
شوكىرات زاكىر اۆتونوميالى رايوندىق پارتكوم مەن ۇكىمەت اتىنان، 2 ەلشىنىڭ ساپارلاي كەلگەندىگىن قارسى الاتىنىن ءبىلدىردى. شوكىرات زاكىر جۇڭگو شينجياڭىنىڭ جالپى جاعدايى مەن ەكونوميكالىق، قوعامدىق دامۋ جاعدايىن، سونداي - اق شينجياڭنىڭ ادامدىق ۇقىقتى جەبەۋ جانە قورعاۋ، ءار ۇلت بۇقاراسىنىڭ ءتۇرلى ۇقىقتاردان يگىلىكتەنۋىن زاڭ بويىنشا قامتاماسىز ەتۋ، لاڭكەستىككە قارسى تۇرۋ جانە ۇشقارىلىقتى الاستاۋ، حالىق تۇرمىسىن جاقسارتۋ سياقتى جاقتارداعى شارالارى مەن تابىستارىن تانىستىردى. ول بىلاي دەدى: قازىر شينجياڭداعى ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى، شينجياڭنىڭ تىنىش تا بەرەكەلى جاعدايى وڭاي - وسپاق قولعا كەلمەگەن، كوپشىلىكتىڭ شينجياڭعا كەلىپ ارالاپ، كورىپ، شينجياڭنىڭ ناقتى جاعدايىن تۇتاس دۇنيە جۇزىنە تانىستىرۋىن شىن جۇرەكتەن ءۇمىت ەتەمىز. ەكى جاقتىڭ ەكونوميكا، ساۋدا سياقتى سالالارداعى سەلبەستىگىنىڭ كەڭەيۋىن، حالىق اراسىنداعى دوستىقتىڭ نىعايۋىن ءۇمىت ەتەمىز.
ەكى ەلشى مىنالاردى ءبىلدىردى: جۇڭگونىڭ شينجياڭىن ارالاۋعا، كورۋگە كەلگەندىگىمىزدى وتە داڭق سەزىنەمىز. شينجياڭعا ناقتى ساپارلاي كەلۋ جۇڭگوعا بولعان تۇسىنىگىمىزدى تەرەڭدەتۋدە ايرىقشا قاجەتتى. شينجياڭنىڭ ەكونوميكاسى گۇلدەنگەن، دامىعان، قوعامى جاراسىمدى، ورنىقتى، حالىق تۇرمىسى باقىتتى، ءدىني سەنىم ەركىندىگى قامتاماسىز ەتىلگەن، جاراتىلىستىق كورىنىسى كوركەم، بۇل بىزگە تەرەڭ اسەر قالدىردى. جۇڭگو حالقىنىڭ جاقسى دوسى رەتىندە، ءبىز شينجياڭ قولعا كەلتىرگەن دامۋ جەتىستىكتەرىنە شىن جۇرەكتەن قۋانامىز، بوسنيا - گەرتسەگوۆينانىڭ، سەربيانىڭ ”ءبىر بەلدەۋ، ءبىر جول“ جۇلگەسىندە شينجياڭدى قامتىعان جۇڭگونىڭ ءارقايسى جەرلەرىمەن ناقتى ىستەر سەلبەستىگىن جانە گۋمانيتارلىق اۋىس - كۇيىستى كۇشەيتۋدى ۇزدىكسىز ىلگەرىلەتۋدى قالايمىز. سەربيانىڭ جۇڭگودا تۇراتىن ەلشىلىگىنىڭ ۋاقىتتىق ءىس باسقارۋشىسى بىلاي دەپ باسا دارىپتەدى: سەربيا جاق جۇڭگو جاقتىڭ لاڭكەستىككە قارسى تۇرۋ جانە ۇشقارىلىقتى الاستاۋ جاعىنداعى قۇلشىنىسى مەن قول جەتكىزگەن وراسان زور تابىستارىن قولدايدى جانە القايدى، بۇل حالىقارالىق قوعامدى لاڭكەستىككە قارسى تۇرۋدا تابىستى تاجىريبەلەرمەن قامدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، ءزۇمىرات وبۇل كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
