بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ جاراسىمدى، ورنىقتى، حالقى ىنتىماقتى، باقىتتى ەكەن

− بوسنيا - گەرتسەگوۆينانىڭ، سەربيانىڭ جۇڭگوداعى ەلشىلەرى شينجياڭدا ەكسكۋرسيادا، ساپاردا بولعان اسەرلەرىن اقتارىلا اڭگىمەلەدى

2021.06.18 15:00     كەلۋ قاينارى : شينجياڭ گازەتى

  ”مەن شينجياڭنىڭ ەكونوميكالىق، قوعامدىق دامۋىنىڭ كۇن سايىن تۇلەپ، اي سايىن جاڭارعاندىعىن، از ۇلتتاردىڭ مادەنيەتى مەن ءدىني سەنىمى جالعاستىرىلعاندىعىن جانە قورعالعاندىعىن، ادامداردىڭ جۇزدەرىنەن باقىت كۇلكىسى ەسكەندىگىن كوردىم. جۇڭگو شينجياڭىنىڭ دوسى رەتىندە، مەن شينجياڭ ءۇشىن ءسوز سويلەپ، ءار سالاعا شينجياڭنىڭ تابىستارىن ۇگىتتەۋدى - تانىستىرۋدى قالايمىن“، - دەدى شينجياڭنىڭ كوپ جەرىن ناقپا - ناق ارالاعاننان كەيىن، سەربيانىڭ جۇڭگودا تۇراتىن باس ەلشىلىگىنىڭ ۋاقىتتق ءىس باسقارۋشىسى، كىشى ەلشى شەنىندەگى اقىلشىسى يۆان كاندياش.

  6 - ايدىڭ 9 - كۇنىنەن 13 - كۇنىنە دەيىن، بوسنيا - گەرتسەگوۆينانىڭ، سەربيانىڭ جۇڭگوداعى ەلشىلەرىمەن ولاردىڭ ساپارلاستارى شينجياڭ ۇيعۇر اۆتونوميالى رايونىندا ەكسكۋرسيادا، ساپاردا بولدى. 5 كۇندە ەلشىلەر ءۇرىمجى قالاسى، حوتان ايماعى، قاشقار ايماعى جانە قىزىلسۋ قىرعىز اۆتونوميالى وبلىسى سىندى ءتورت جەرگە بارىپ ەكسكۋرسيادا، ساپاردا بولدى، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسى، شينجياڭ حالىقارالىق ۇلكەن بازارى، حوتان تۋانچىڭى، قاشقار بايىرعى قالاسى، ايتكار مەشىتى، اقتاۋ اۋدانى كۇنلۇن جيايۋان كەدەيلەردى قونىس جاڭالاپ سۇيەمەلدەۋ بويىنشا ورنالاستىرۋ شاعىن اۋماعى سياقتىلاردى ەكسكۋرسيالادى.

  ناقپا - ناق ەكسكۋرسيالاۋ، تەكسەرۋ ارقىلى ولار شينجياڭنىڭ قوعامى تىنىش، بەرەكەلى، ءدىن تاتۋ، ۇيلەسىمدى، ەكونوميكا ورنىقتى دامىعان، حالىق تۇرمىسى ءۇرتىس جاقسارعان اسا تاماشا جاعدايىن ءوز كوزدەرىمەن كوردى. ەلشىلەر تاعى ءبىر قىدىرۋ كاسىپورىندى ەكسكۋرسيالادى، جەرگىلىكتى ورىنداعى ۇيعۇر وتباسىلارىنا جانە دىنگە سەنەتىن بۇقارا وتباسىلارىنا بارىپ، شينجياڭنىڭ ۇزدىكسىز ورنىقتى بولۋ العى شارتىندا ەكونوميكالىق دامۋدى جۇزەگە اسىرعاندىعىن، حالىقتىڭ تۇرمىس دەڭگەيىنىڭ زور مولشەردە جوعارىلاعاندىعىن، سونداي - اق ادامدىق ۇقىقتى قامتاماسىز ەتۋ، ءدىني سەنىم ەركىندىگى سياقتى جاقتارداعى كورنەكتى تابىستارىن سەزىندى، اسىرەسە، شينجياڭنىڭ حالىق تۇرمىسىن جاقسارتۋ، كەدەيلىكتەن ارىلتۋدان قامال الۋ جاعىنداعى ۇلەسى ەلشىلەردى قاتتى ءسۇيىندىردى.

  حوتان تۋانچىڭى مەن قاشقار بايىرعى قالاسىندا سەيىلدەپ، رەتتى كوشەلەردى، كوزدىڭ جاۋىن الاتىن دۇكەندەردى جانە مادەنيەت لەبى قويۋ قۇرىلىستاردى كورگەندە ەلشىلەر كوز الدىلارىنداعى ءبار - ءبارىن كونە سۋرەتتەگى توزىعى شىققان مالىلەرمەن بايلانىستىرا المادى. كونە قالانى جاڭالاۋ بارىسىن تىڭداعاننان كەيىن، ەلشىلەر جۇڭگو ۇكىمەتىنىڭ بايىرعى، كونە قالا رايونىن جاڭالاۋدا قولدانعان بارلىق شاراسى مەن قاجىرلى قۇلشىنىسىنا تاڭداي قاقتى، ولار: كونە قالانى جاڭالاۋدا از ۇلتتاردىڭ ءداستۇرلى مادەنيەتىن ساقتاپ قانا قالماي، سونىمەن بىرگە، اۋەلگى تۇرعىنداردىڭ اۋەلگى جۇرتىندا ۇزدىكسىز قونىستانۋىنا مۇمكىندىك جاساپ، ”بۇرىنعىعا اينىتپاي ۇقساتىپ جوندەپتى“، شىنىندا دا وڭاي ەمەس، - دەستى.

  اقتاۋ اۋدانى كۇنلۇن جيايۋان كەدەيلەردى قونىس جاڭالاپ سۇيەمەلدەۋ بويىنشا ورنالاستىرۋ شاعىن اۋماعىندا ەلشىلەر قارتتاردىڭ اعاش تۇبىندە سايالاپ وتىرعاندىعىن، بالالاردىڭ ءبىرىن - ءبىرى قۋىپ اسىر سالىپ ويناپ جۇرگەندىگىن، ايەلدەردىڭ قورالانا وتىرىپ اڭگىمەلەسىپ وتىرعاندىعىن كوردى... ءبىر وتباسىنىڭ ەگىمشىلىك جىلىجايىن ەكسكۋرسيالاعان كەزدە، جىلىجايدى ۇكىمەتتىڭ تەگىن ۇلەستىرگەندىگىن، ءبىر جىلىجايدان جىلىنا 20 مىڭ دا 30 مىڭ يۋان كىرىس كىرگىزەتىندىگىن، ەگىنشى وتباسىلارىنىڭ الدەقاشان كەدەيلىكتەن ارىلعاندىعىن ەستىگەندە، ەلشىلەر جابال باس بارماقتارىن كوتەرىپ، جۇڭگو ۇكىمەتىنىڭ كەدەيلىكتى ازايتۋ قىزمەتىندە كورسەتكەن قۇلشىنىسىنا ءسۇيىنىش ءبىلدىرىستى.

  ەكسكۋرسيالاۋ، ساپارلاۋ بارىسىندا ءاربىر ورىنعا بارعاندا ەلشىلەردىڭ بارلىعى قول تەلەفوندارىن الىپ ساپاردا كورگەن - بىلگەندەرىن ەستەلىككە الدى ءارى بەينە ەكراندى وتباسىنداعىلار مەن دوستار شەڭبەرىنە جىبەرىپ جاتتى. بوسنيا - گەرتسەگوۆينانىڭ جۇڭگوداعى باس ەلشىسى تاليك بۋكۋيچ شينجياڭعا العاش رەت ساپارلاي كەلگەن، ۋاقىت تىعىز - تاياڭ بولعانىمەن، شينجياڭ وعان ەرەكشە تەرەڭ اسەر قالدىردى. ول بۇل ارانىڭ گۇلدەنگەندىگىن، العا باسقاندىعىن جانە حالىقتىڭ تىنىش ءومىر، شات - شادىمان تىرشىلىك كەشىرگەندىگىن كوردى ءارى جۇڭگو ۇكىمەتىنىڭ حالىق تۇرمىسىن جاقسارتۋ جانە كەدەيلەردى سۇيەمەلدەۋ جاقتارىندا قول جەتكىزگەن وراسان زور تابىستارىن كوردى. ”مەن بۇل اراداعى حالىقتىڭ ەرەكشە قۋانىشتى، باقىتتى ەكەندىگىن سەزىندىم“، - دەدى تاليك بۋكۋيچ، ول الداعى كۇندەردە شينجياڭعا تاعى دا ساپارلاي كەلۋدى ءۇمىت ەتتى.

  ەلشىلەر: وسى رەتكى ەكسكۋرسيا، ساپار ارقىلى ءبىز شىنايى شينجياڭدى كوردىك، حالقى تىنىش ءومىر، شات - شادىمان تىرشىلىك كەشىرگەن، قوعامى تىنىش، بەرەكەلى شينجياڭدى كوردىك، ءبىز ءوز ەلىمىزدىڭ جۇڭگونىڭ شينجياڭىمەن ءار جاقتاعى تەرەڭ سەلبەستىگىن ىلگەرىلەتىپ، دوستىقتى تەرەڭدەتۋدى قالايمىز، - دەستى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار