ەڭ جوعارى حالىق سوتى ينتەرنەت ارقىلى ارىز – شاعىم بەرۋ ەرەجەسى جۇيەسىن تۇڭعىش رەت قۇردى
2021.06.18 15:18 كەلۋ قاينارى : حالىق تورابى
حالىق گازەتىنىڭ ءتىلشىسى لۋ يۋە 6 – ايدىڭ 17 – كۇنى بەيجيڭنەن حابارلايدى. ەڭ جوعارى حالىق سوتى بۇگىن اقپار جاريالاۋ ءماجىلىسىن اشىپ، «حالىق سوتىنىڭ ينتەرنەت ارقىلى ارىز – شاعىم بەرۋ ەرەجەسىن» جاريالاپ، ينتەرنەت ارقىلى ارىز – شاعىم بەرۋ ەرەجەسى جۇيەسىن تۇڭعىش رەت قۇرىپ، ەلەكتروندى ماتەريالداردىڭ «اسىلگى قۇجاتپەن بىردەي قارالاتىن» كۇشكە يە بولۋىنا ساياتىن ەرەجەلەر مەن ونى تەكسەرۋگە قاتىستى ەرەجەلەردى ايقىندادى، بۇل ەرەجە 8 – ايدىڭ 1 – كۇنىنەن باستاپ اتقارىلادى.
تانىستىرۋعا قاراعاندا، «ەرەجەدە» ينتەرنەت ارقىلى ارىز – شاعىم بەرۋدىڭ ءمانى تۇڭعىش رەت بەلگىلەنىپ، بۇكىل بارىس بويىنشا ينتەرنەت ارقىلى بىتىرۋگە دە، ارىز – شاعىم بەرۋدىڭ بەلگىلى ءتۇيىنىن ينتەرنەتتە بىتىرۋگە دە بولاتىنىن ايقىندادى. سونىمەن بىرگە، ينتەرنەت ارقىلى ارىز – شاعىم بەرۋدىڭ «ءادىل ءارى ونىمدىلىگى جوعارى»، «زاڭدى ءارى ەرىكتى»، «ۇقىقتى قامتاماسىزداندىراتىن»، «حالىققا قولايلى»، «حاۋىپسىز دە سەنىمدى» بولۋ سىندى 5 ءتۇرلى پرينسيپىن تۇراقتاندىرىپ، ونى ينتەرنەت ارقىلى ارىز – شاعىم بەرۋدى جولعا قويۋدىڭ جالپى تۇلعالىق تالابى ەتتى.
«ينتەرنەت ارقىلى ارىز – شاعىم بەرۋدىڭ قولدانىلاتىن كولەمى باسىم كوپ سانداعى ازاماتتىق ىستەر، اكىمشىلىك ىستەر، ەرەكشە تارتىپكە ساياتىن جانە اتقارىلاتىن دەلولاردى قامتيدى، قىلمىستىق ىستەر دەلولارىنا ينتەرنەت ارقىلى ارىز – شاعىم قابىلداۋدا، ءبىز بايىپتى دا ورنىقتى ىلگەرىلەتۋگە تاباندى بولدىق، باستىسى قىلمىستىق ىستەرگە تورەلىك ايتۋ، جازاسىن جەڭىلدەتۋ، شارتتى بوساتۋ قاتارلى دەلو جاعدايى قاراپايىم، بارىسى قولايلى دەلولارعا قولداندىق»، — دەيدى ەڭ جوعارى حالىق سوتى مەكەمەسىنىڭ ورىنباسار باستىعى لي شاۋپيڭ، ينتەرنەت ارقىلى ارىز – شاعىم بەرۋدى قولدانۋدا، ىسكە قاتىستى ادامداردىڭ ىرىقتىلىقپەن تاڭداۋى نەمەسە ماقۇل بولۋى العى شارت ەتىلدى. حالىق سوتى دەلونى تەرگەۋ ءتاسىلىن بەلگىلەۋگە ۇقىقتى، دەلونىڭ قيىندىق دارەجەسى، تەحنيكالىق شارت – جاعدايلار، ءىس جۇزىندىك تەرگەۋ قاجەتى قاتارلى فاكتورلارعا نەگىزدەلە وتىرىپ، ۇيلەسىمدى تەرگەۋ فورماسى جان – جاقتىلى ويلاستىرىلادى.
«ەرەجەدە» حاۋىپسىز دە سەنىمدى بولۋ شارتىندا، ەلەكتروندى ماتەريالداردى «اسىلگى قۇجاتتارمەن تەڭ قاراۋدى» كۇشىنە يە ەتۋ جونىندەگى بەلگىلەمەلەر مەن ونى تەكسەرۋ جونىندەگى بەلگىلەمەر ىسكە قاتىستى ادامداردىڭ ارىز – شاعىم ماتەريالدارىن تاپسىرۋ جولدارى مەن ادىستەرىن بايىتتى ءارى كەڭەيتتى، ەلەكتروندى ماتەريالدار مەن اسىلگى قۇجاتتاردىڭ بىردەيلىگىن تەكسەرۋدى دە قاتاڭ جۇيەگە سالدى، ەلەكتروندى ماتەريالداردىڭ فورماسىنىڭ شىنايىلىعىنا كەپىلدىك ەتىپ، جالعان ارىز – شاعىم بەرۋ، جات نيەتپەن ارىز – شاعىم بەرۋ حاۋىپ – قاتەرىنەن ءونىمدى ساقتانىپ، ينتەرنەت ارقىلى ارىز – شاعىم قابىلداۋدىڭ حاۋىپسىز دە ءتارتىپتى بولۋىنا كەپىلدىك ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
