بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي جانشۋ ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەڭەس وتكىزدى

2021.06.18 16:11     كەلۋ قاينارى : حالىق تورابى

  شينحۋا اگەنتتىگى، 6 - ايدىڭ 17 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 - ايدىڭ 17 - كۇنى بەيجيڭدەگى حالىق سارايىندا بەينە ەكران ءتاسىلى ارقىلى ۆيەتنام پارلامەنتىنىڭ ءتوراعاسى ۋاڭ تيڭحۇيمەن كەڭەس وتكىزدى.

  لي جانشۋ بىلاي دەدى: جۇڭگو مەن ۆيەتنام − تاۋ - وزەندەرى جالعاسقان سوتسياليستىك كورشى ەلدەر. باس شۋجي، مەملەكەت ءتوراعاسى شي جينپيڭ: تاتۋ - ءتاتتى، كورشىلەس بولۋ − ەكى پارتيا، ەكى ەل قاتىناسى دامۋىنىڭ جالپى جاعدايى، − دەپ اتاپ كورسەتكەن بولاتىن. بيىل جىل باسىنان بەرى باس شۋجي، مەملەكەت ءتوراعاسى شي جينپيڭ باس شۋجي رۋان فۋجۇڭمەن، مەملەكەت ءتوراعاسى رۋان چۇنفۋمەن ىلگەرىندى - كەيىندى تەلەفوندا سويلەسىپ، تىڭ دا ماڭىزدى ورتاق تانىمعا كەلدى. جۇڭگو ۆيەتناممەن بىرگە جۇڭگو مەن ۆيەتنامنىڭ جان - جاقتى ستراتەگيالىق سەلبەستىگىنە ۇزدىكسىز جاڭا داۋىرلىك ءمان بەرىپ، جۇڭگو مەن ۆيەتنامنىڭ ستراتەگيالىق مانگە يە تاعدىرلاس ورتاق تۇلعاسىن بەلسەنە قۇرۋدى قالايدى.

  لي جانشۋ بىلاي دەپ اتاپ كورسەتتى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. جۇڭگو ۆيەتناممەن ەكى پارتيانىڭ دوستىق بارىس - كەلىسى مەن ىنتىماقتاستىعىنىڭ، سەلبەستىگىنىڭ شۇعىلالى تاريحىن قايتا ەسكە الىپ، ونان اقىل - پاراسات پەن كۇش - قۋات الىپ، وزدەرىنىڭ سوتسياليزم ىستەرى مەن جاڭا داۋىردەگى جۇڭگو - ۆيەتنام پارتيالارىنىڭ، ەلدەرىنىڭ قاتىناسىنىڭ دامۋىن ىلگەرىلەتۋگە تىڭ قوزعاۋشى كۇش قوسۋدى قالايدى. جۇڭگو مەن ۆيەتنام − كوممۋنيستىك پارتيا باسشىلىعىنداعى سوتسياليستىك ەلدەر، كوپتەگەن ورتاق مىندەتكە ءدوپ كەلىپ وتىر. ەكى جاق ساياسي جاقتا ءوزارا قولداۋدى ۇزدىكسىز كۇشەيتىپ، جۇڭگو - ۆيەتنام قاتىناسى جانە ورتاق كوڭىل ءبولىپ وتىرعان كەلەلى ماسەلەلەر جونىندە دەر كەزىندە ستراتەگيالىق پىكىرلەسۋدى جالعاستىرىپ، «ءبىر بەلدەۋ، ءبىر جولدىڭ» «ەكى ءدالىز، ءبىر شەڭبەرمەن» ۇشتاسۋىن ىلگەرىلەتىپ، ءتۇيىندى سالالارداعى سەلبەستىكتى جەدەل ىلگەرىلەتىپ، ىندەتتەن ساقتانۋ - تىزگىندەۋدى بىرگە ويداعىداي يگەرىپ، ەكى ەل دوستىعىنىڭ حالىق رايى نەگىزىن ۇزدىكسىز بەكەمدەپ، تەڭىزدەگى الاۋىزدىقتاردى ۇيلەسىمدى تىزگىندەۋى كەرەك.

  لي جانشۋ تاعى ءوز مەملەكەت جاعدايىن شىعار ءتۇيىن ەتىپ، كوممۋنيستىك پارتيانىڭ باسشىلىعىندا تاباندى بولىپ، سوتسياليزم جولىمەن جۇرۋدەن جازباي، « ءتۇس توڭكەرىسىنەن» ساقتانىپ، سوتسياليستىك مەملەكەتتىڭ دامۋىن تۇنشىقتىراتىن، تەجەيتىن باسا بيلەۋشىلىك ارەكەتتەرگە ءونىمدى توتەپ بەرىپ، ساياسي حاۋىپسىزدىكتى جانە اكىمياتتىڭ حاۋىپسىزدىگىن قورعاپ، قارسى جاقپەن ىشكەرىلەي اۋىس - كۇيىس جاساۋ سياقتى مازمۇنداردى توڭىرەكتەپ، جۇڭگو مەن ۆيەتنام ەكى پارتيا، ەكى ەل ورتاق تانىمدى نىعايتىپ، سەلبەستىكتى كۇشەيتىپ، قول ۇستاسا توتەپ بەرۋى كەرەكتىگىن دارىپتەدى.

  لي جانشۋ مىنانى ءبىلدىردى: جۇڭگو مەملەكەتتىك حالىق قۇرىلتايى ۆيەتنام پارلامەنتىمەن بىرگە ەكى پارتيا، ەكى مەملەكەت باسشىلارىنىڭ ماڭىزدى ورتاق تانىمىن تياناقتاندىرادى، ءار دارەجەلى بارىس - كەلىستى كۇشەيتىپ، ەكى جاقتىڭ سەلبەستىك كەلىسىمىنىڭ تياناقتانۋىن ىلگەرىلەتەدى، ەكى ەلدىڭ زاڭ شىعارۋ ورگاندارى اراسىنداعى كوپ ولشەمدى، سترەولدى دوستىق سەلبەستىك قاتىناسىن ۇزدىكسىز قالىپتاستىرادى؛ سوتسياليستىك دەموكراتيالى زاڭمەن باسقارۋ قۇرىلىسىن كەمەلدەندىرۋ جاعىنان بىرگە ىزدەنىس جاساپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ سالاسىنداعى اۋىس - كۇيىستى كۇشەيتەدى؛ ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتەدى جانە وعان وزگەرىس ەنگىزەدى؛ كيلىگۋگە، جازالاۋعا، تەجەۋگە قارسى تۇرۋ جاقتارىندا پىكىرلەسۋدى، سايكەسۋدى كۇشەيتىپ، حالىقارالىق ادىلدىك پەن ادىلەتتىلىكتى جانە دامۋ ۇستىندەگى ەلدەردىڭ ورتاق مۇددەسىن قورعايدى.

  ۋاڭ تيڭحۇي مىنانى ءبىلدىردى: ۆيەتنام ۆيەتنام - جۇڭگو قاتىناسىن دامىتۋعا ايرىقشا ءمان بەرەدى، ەكى جاقتى قاتىناستىڭ ىشكەرىلەي، ءونىمدى دامۋىن ىلگەرىلەتۋدى قالايدى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايمىن. ۆيەتنام پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى، سەلبەستىكتى كۇشەيتىپ، ۆيەتنام مەن جۇڭگونىڭ ەكى پارتيا، ەكى ەل قاتىناسىنىڭ دامۋىن جەبەۋگە جانە حالىقتاردىڭ دوستىعىن كۇشەيتۋگە بەلسەندى ۇلەس قوسۋدى قالايدى.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شىن يۋەيۋە كەڭەسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار